ᐄᑉᕈᐃᓄᑦ 11:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐄᑉᕈᐃᓄᑦ 11:7 Iomraidhean Croise

ᒨᓯᓯ ᓯᕗᓪᓖᑦ 19:14

ᑕᕝᕙ ᓘᑎ ᐊᓂᕗᖅ ᓂᖓᐅᒃᓴᓂ ᐅᖃᐅᑎᔭᕐᑐᕐᓗᒋᑦ, ᐸᓂᖏᑕ ᐅᐃᒃᓴᖏᑦ, ᐅᖃᐅᑎᓪᓗᒋᒡᓗ, “ᑐᐊᕕᕐᓗᓯᒃ ᑕᕝᕙᓐᖓᑦ ᐊᐅᓪᓚᓕᕆᑦᓯᒃ; ᐊᑕᓂᐅᑉ ᑖᒃᑯᐊ ᐃᒡᓗᒐᓮᑦ ᐊᓯᕈᕐᓂᐊᓕᕐᒪᒋᑦ.” ᓂᖓᐅᒃᓴᖏᓐᓄᓪᓕ ᓘᑎ ᐅᖃᖑᐊᑐᐃᓐᓇᕐᑑᔮᕐᐳᖅ.

ᒨᓯᓯ ᓯᕗᓪᓖᑦ 6:13

ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ.

ᒨᓯᓯ ᓯᕗᓪᓖᑦ 6:22

ᓄᐊᓗ ᑕᒪᒃᑯᓂᖓ ᐱᓇᓱᐊᓚᐅᕐᐳᖅ; ᒎᑎᐅᑉ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.

ᒨᓯᓯ ᓯᕗᓪᓖᑦ 6:9

ᐅᑯᐊ ᑕᕝᕙ ᓄᐊᑉ ᑭᖑᕚᖏᑦ, ᓄᐊ ᐃᓱᐊᕐᑐᒥᒃ ᐃᓅᓯᖃᓚᐅᕐᐳᖅ, ᐃᓅᖃᑎᒋᔭᒥᓂ ᐸᓯᔭᒃᓴᐅᓂᖃᕋᓂ; ᒎᑎᒥᒡᓗ ᐃᓅᖃᑎᖃᑦᓯᐊᕐᓗᓂ.

ᒨᓯᓯ ᓯᕗᓪᓖᑦ 7:23

ᐊᑕᓂᐅᑉ ᐆᒪᔪᓐᓇᕐᑐᓕᒫᑦ ᓄᓇᕐᔪᐊᕐᒥ, ᐃᓄᐃᑦ, ᐆᒪᔪᑦ, ᐹᕐᖑᕐᑐᓪᓗ, ᑎᖕᒥᐊᓗ ᖃᖓᑕᕙᒃᑐᑦ; ᓄᖑᓚᐅᕐᐰᑦ ᓄᓇᒥ. ᓄᐊ ᐊᒥᐊᒃᑯᑑᓚᐅᕐᐳᖅ, ᐅᒥᐊᕐᔪᐊᕐᒦᖃᑎᖏᓪᓗ.

ᒨᓯᓯ ᓯᕗᓪᓖᑦ 7:5

ᓄᐊᓗ ᐱᓇᓱᐊᓚᐅᕐᐳᖅ ᑕᒤᓐᓂᒃ ᐊᑕᓂᐅᑉ ᑎᓕᓯᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᒨᓯᓯ ᓯᕗᓪᓖᑦ 8:16

“ᓄᓕᐊᓪᓗ ᐅᒥᐊᕐᔪᐊᕐᒥᑦ ᐊᓂᓕᕆᑦᑎᒃ, ᐃᕐᓂᑎᓪᓗ ᐃᕐᓂᕕᓪᓗ ᓄᓕᐊᖏᑦ ᐃᓚᒋᓗᒋᑦ.

ᐊᑕᓃᑦ ᐂᑉᐸᖏᑦ 4:5

ᑕᕝᕙ ᐊᕐᓇᖅ ᐊᖏᕐᕋᕐᐳᖅ ᐃᕐᓃᖕᓂ ᐱᖃᑎᒋᓪᓗᒋᒃ, ᐅᒃᑯᐊᑎᒃ ᐅᒃᑯᐊᕐᓗᒍ ᐅᕐᓱᖁᑎᑯᓗᓂ ᒪᕐᕋᐅᔭᒦᑦᑐᖅ ᑯᕕᐅᖅᑲᓕᕐᐹ ᒪᕐᕋᐅᔭᓄᑦ ᐃᕐᓂᖏᒃᑕ ᕾᑉᐸᓪᓕᐊᔭᖏᓐᓄᑦ.

ᔫᐱᐅᑉ ᐊᒡᓚᖏᑦ 35:8

ᐊᔪᕐᑐᓕᓂᕐᓄᑦ ᐃᓕᖕᓂᒃ ᐃᓱᒫᓗᓇᕐᑐᒦᑎᑉᐳᑎᑦ, ᓇᓛᒎᕐᓂᕐᓄᓪᓗ ᐃᓅᖃᑏᑦ ᐃᑲᔪᕐᑕᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:3

ᐅᑦᔨᕐᓱᑦᓯᐊᕐᑐᖅ ᖃᐅᔨᒪᔭᕇᓲᖑᕗᖅ ᐱᐅᖏᑦᑐᖅ ᑎᑭᓚᐅᕐᑎᓐᓇᒍ ᓴᐳᑎᓯᒪᓇᓱᐊᕈᑎᒃᓴᒥᓂᒃ ᐱᓇᓱᐊᕐᓯᒪᔪᓐᓇᕐᐳᖅ, ᐅᑦᔨᕐᓱᑦᓯᐊᖏᑦᑐᕐᓕ ᖃᐅᔨᓚᐅᕋᓂ ᐱᐅᖏᑦᑐᒧᑦ ᑎᑭᐅᑎᑐᐃᓐᓇᓲᖑᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:12

ᐅᑦᔨᑦᑎᐊᕐᑐᖅ ᐱᐅᖏᑦᑐᒥᒃ ᐊᒡᒋᕐᑐᒥᒃ ᑕᑯᕙᒃᐳᖅ ᐃᔨᕐᐸᒡᓗᓂᓗ; ᓯᓔᑦᑐᕐᓕ ᑲᔪᓯᕗᑦ ᓱᒋᐊᕐᑕᐅᓪᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 14:14

ᐊᒡᓛᑦ ᐊᖑᑎᑦ ᑍᒃᑯᐊ ᐱᖓᓱᑦ, ᓄᐊ, ᑖᓂᐊᓕᓗ, ᔫᐱᓗ, ᓄᓇᖃᖃᑕᐅᒐᔭᕐᐸᑕ, ᐊᑲᐅᔪᒥᒃ ᐃᓅᓯᖃᕐᓂᕐᒥᖕᓄᑦ ᓇᖕᒥᖕᓂᑐᐊᖅ ᐱᐅᓕᒐᔭᕐᐳᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 14:20

ᓄᐊ, ᑖᓂᐊᓕᓗ, ᔫᐱᓗ ᑕᕝᕙᓂ ᐊᒡᓛᑦ ᓄᓇᖃᖃᑕᐅᒐᔭᕐᐸᑕ, ᐅᕙᖓ ᐃᓅᑎᓪᓗᖓ, ᐊᑕᓂᖅ ᒎᑎ ᐅᖃᕐᐳᖅ, ᕿᑐᕐᖓᒥᖕᓂᒃ ᐊᒡᓛᑦ ᓴᐳᑦᔨᔪᓐᓇᕋᔭᓐᖏᓚᑦ; ᑖᒃᑯᑐᐊᕐᓕ ᐱᐅᓕᔭᐅᒐᔭᕐᐳᑦ ᐃᓱᐊᕐᑐᒥᒃ ᐃᓅᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 33:5

ᑎᑦᑐᓚᐅᒻᒥᒃ ᑐᓴᓚᐅᕐᑑᒐᓗᐊᖅ, ᖃᐅᔨᑎᑦᓯᒋᐊᕈᑎᒥᒃ ᑲᒪᓚᐅᖏᓐᓇᒥ; ᑐᖁᑕᐅᓂᕐᒥᓄᑦ ᐊᓯᒥᓂᒃ ᓵᑕᒃᓴᖃᓐᖏᓚᖅ. ᖃᐅᔨᑎᑦᓯᒋᐊᕈᑎᒥᒡᓕ ᓈᓚᓚᐅᕈᓂ, ᐊᓐᓇᒍᓐᓇᕋᔭᓚᐅᕋᓗᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 2:12

ᑭᖑᓂᖓᒍᑦ ᓄᓇᒥᖕᓄᑦ ᐅᑎᕐᐳᑦ ᐊᖅᑯᑎᒋᓚᐅᕐᑕᒥ ᐊᓯᐊᒍᑦ, ᒎᑎᐅᑉ ᓯᓐᓇᒃᑑᒪᒃᑯᑦ ᐃᓂᕐᑎᓚᐅᕐᒪᒋᑦ ᐃᕉᑕᓯᒧᑦ ᐅᑎᖁᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 24:15

“ᑕᑯᒍᑦᓯ ᑐᒃᓯᐊᕐᕕᒡᔪᐊᕐᒥ ᑕᑯᒥᓁᑦᑐᕐᔪᐊᒥᒃ ᐃᓕᓯᕕᐅᓂᖓᓂᒃ ᓇᓚᐅᑦᑍᔫᑉ ᑖᓂᐊᓕᐅᑉ ᐅᖃᐅᓯᕆᓯᒪᔭᖓᓂᒃ, ᐃᑦᔪᕐᓁᑦᑐᕕᖕᒦᑦᑐᒥᒃ (ᐊᑐᐊᕐᓯᔫᑉ ᑐᑭᓯᔭᕆᐊᖃᕐᑕᖓ),

ᒫᑎᐅᓯᐅᑉ ᐊᒡᓚᖏᑦ 24:25

ᑕᑯᒋᑦ, ᑕᒪᒃᑯᓂᖓ ᐅᖃᐅᑎᕙᑦᓯ ᓯᕗᓂᖓᒍᑦ, ᓱᓕ ᐊᑐᓚᐅᕐᑎᓐᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 24:38

ᐅᓕᕕᒡᔪᐊᑉ ᓯᕗᓂᖓᒍᑦ ᐃᓄᐃᑦ ᓂᕆᓚᐅᕐᐳᑦ ᐃᒥᕐᓗᑎᒡᓗ, ᓄᓕᐊᓂᒃᐳᑦ ᐅᐃᓂᒡᓗᑎᒡᓗ, ᐅᓪᓗᖅ ᓄᐊᑉ ᐃᑎᕐᕕᐊ ᐅᒥᐊᕐᔪᐊᒧᑦ ᑎᑭᓪᓗᒍ;

ᒫᑎᐅᓯᐅᑉ ᐊᒡᓚᖏᑦ 3:7

ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

ᓘᑲᓯᐅᑉ ᐊᒡᓚᖏᑦ 17:26

ᓲᕐᓗ ᓄᐊᖅ ᐃᓅᑎᓪᓗᒍ ᑍᒤᓚᐅᕐᒪᑦ, ᑍᒤᑦᓱᒫᕆᕗᕐᑕᐅᖅ ᐃᓅᑉ ᐃᕐᓂᖓᑕ ᐅᓪᓗᖓᑕ ᓇᓪᓕᐅᓐᓂᖓᓂ.

ᕉᒪᒥᐅᓄᑦ 1:17

ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”

ᕉᒪᒥᐅᓄᑦ 10:6

ᐃᓗᐊᕐᓂᕋᕐᑕᐅᓗᓂᓕ ᐅᒃᐱᕐᓂᕐᒥᒃ ᑐᓐᖓᕕᓕᒃ ᐅᖃᕐᐳᖅ, ᐃᓗᒃᑯᑦ ᐃᓱᒪᓂᐊᕐᓇᒃ, “ᑭᓇ ᕿᓚᖕᒧᑦ ᖁᒻᒧᐊᖕᓂᐊᕐᐹ?” (ᐃᒫᒃ, ᙭ᔅᑑᓯ ᐊᖅᑲᕐᑎᑦᓴᕐᑐᕐᓗᒍ.)

ᕉᒪᒥᐅᓄᑦ 3:22

ᒎᑎᒧᑦ ᓈᒻᒪᒋᔭᐅᓕᕐᓂᖅ ᐱᔭᒃᓴᐅᕗᖅ ᐅᒃᐱᕐᑐᓕᒫᓄᑦ, ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ.

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᕉᒪᒥᐅᓄᑦ 4:13

ᐂᑉᕋᕼᐋᒻ ᑭᖑᕚᖏᓪᓗ ᒎᑎᐅᑉ ᐊᖏᕐᕕᒋᓚᐅᕐᐰᑦ, ᓯᓚᕐᔪᐊᕐᒥᒃ ᐱᒃᓴᖃᕐᑎᓐᓂᐊᕐᓂᕋᕐᓗᒋᑦ ᐱᖁᔭᓂᒃ ᓈᓚᑦᓯᐊᕐᓂᕐᒥᖕᓄᑦ ᐱᑦᔪᑎᖃᕋᑎᒃ ᐃᓗᐊᕐᑑᓂᕋᕐᑕᐅᓂᕐᒥᒍᓪᓕ ᐅᒃᐱᕐᓂᕐᒥᖕᓄᑦ.

ᕉᒪᒥᐅᓄᑦ 9:30

ᖃᓄᕐᓕ ᑕᕝᕙ ᐅᖃᕐᑐᒃᓴᐅᓕᕐᐱᑖ? ᔫᑎᐅᖏᑦᑐᑦ ᐃᓗᐊᕐᓯᑎᑕᐅᓂᕐᒥᒃ ᕿᓂᓚᐅᖏᑦᑐᑦ ᐃᓗᐊᕐᓯᑎᑕᐅᓯᒪᓕᕐᐸᑕ, ᑕᕝᕙ ᐃᓗᐊᕐᑑᓂᕋᕐᑕᐅᓂᕐᒥᑦ ᐅᒃᐱᕐᓂᑯᑦ ᐱᔪᒥᒃ.

ᒐᓔᑎᐊᒥᐅᓄᑦ 5:5

ᐊᓂᕐᓂᒃᑯᑦ ᐅᑕᖅᑭᕗᒍᑦ ᐅᒃᐱᕐᓂᑦᑎᒍᑦ, ᓂᕆᐅᒃᓗᑕ ᐃᓗᐊᕐᓯᑎᑕᐅᓂᒃᓴᑦᑎᓐᓂᒃ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᐄᑉᕈᐃᓄᑦ 11:1

ᐅᒃᐱᕐᓂᖅ ᖁᓚᖏᓐᓂᐅᕗᖅ ᓂᕆᐅᒋᔭᒃᓴᓂᒃ, ᓱᓕᔪᕐᓴᕐᓂᐅᓪᓗᓂᓗ ᑕᑯᒃᓴᐅᖏᑦᑐᓂᒃ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 5:7

ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

ᐄᑉᕈᐃᓄᑦ 8:5

ᑖᒃᑯᐊᓕ ᐱᓇᓱᐊᕐᑕᖓᑦ ᐃᑦᔪᕐᓁᑦᑐᕕᖕᒥ ᐊᑦᔨᑐᐃᓐᓇᐅᕗᑦ ᑕᕐᕋᑐᐃᓐᓇᐅᓪᓗᑎᒡᓗ ᕿᓚᖕᒦᑦᑐᒧᑦ. ᑍᒤᒻᒪᑦ ᒨᓯᓯ ᑐᐱᓕᐅᕐᓂᐊᓕᕐᒪᑦ ᐊᖏᖃᑎᒌᒍᑕᐅᓯᒪᔪᕐᑕᓕᖕᒥᒃ, ᐅᖃᐅᑦᔭᐅᓚᐅᕐᐳᖅ: “ᑲᒪᑦᓯᐊᕆᑦ ᑕᒤᓐᓂᒃ ᑕᑯᑎᑕᐅᑦᔪᑎᒋᓚᐅᕐᑕᕐᓂᒃ ᖃᖅᑲᒦᑎᓪᓗᑎᑦ ᓴᓇᖁᓪᓗᑎᑦ ᑍᒫᓪᓗᐊᖅ ᐊᑦᔨᒋᔭᐅᑎᓪᓗᒍ.”

ᐲᑦᑐᕉᓯ ᓯᕗᓪᓖᑦ 3:20

ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᐲᑦᑐᕉᓯ ᐂᑉᐸᖏᑦ 2:5

ᓯᓚᕐᔪᐊᑐᖃᕐᒥᓗ ᓂᑲᒍᓱᓚᐅᓐᖏᓚᖅ, ᐱᐅᓕᓯᓚᐅᕐᐳᕐᓕ ᓄᐊᒥᒃ, ᐊᔪᕆᕐᑑᓯᖃᓚᐅᕐᒪᑦ ᓇᓛᒎᕐᑐᒥᒃ, ᐃᓚᖃᕐᑎᓪᓗᒍ 7ᓂᒃ, ᐅᓕᕕᒡᔪᐊᖃᕐᑎᑦᓯᓚᐅᕐᐳᖅ ᒎᑎᖃᖏᑦᑐᓄᑦ ᓯᓚᕐᔪᐊᕐᒥ.

ᐲᑦᑐᕉᓯ ᐂᑉᐸᖏᑦ 3:6

ᐃᒪᕐᒧᑦᑕᐅᖅ ᓯᓚᕐᔪᐊᖅ ᐅᓕᕕᒡᔪᐊᕐᑎᓪᓗᒍ ᐊᓯᐅᑎᑕᐅᓚᐅᕐᐳᖅ.