ᐄᑉᕈᐃᓄᑦ 11:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐃᓚᖏᓪᓕ ᒥᑕᐅᑎᒋᔭᐅᓚᐅᕐᐳᑦ ᑏᒐᕐᑐᕐᑕᐅᓪᓗᑎᒡᓗ, ᐃᓚᖏᓪᓗ ᐊᕐᓵᕐᑑᔭᓄᑦ ᐊᑦᓱᖏᐅᓯᕐᑕᐅᓚᐅᕐᐳᑦ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒡᓗ.

ᐄᑉᕈᐃᓄᑦ 11:36 Iomraidhean Croise

ᒨᓯᓯ ᓯᕗᓪᓖᑦ 39:20

ᐊᖓᔪᖅᑳᖓᑕᓗ ᔫᓯᐱ ᑎᒍᓪᓗᓂᐅᒃ ᑎᒍᔭᐅᓯᒪᕕᖕᒧᐊᕐᑎᑉᐹ, ᐊᖓᔪᖅᑳᕐᔪᐊᑉ ᑎᒍᔭᐅᓯᒪᔪᖁᑎᖏᑕ ᐃᓂᖓᓐᓄᑦ, ᑕᕝᕙᓃᓕᕐᓗᓂᓗ.

ᐊᑕᓃᑦ ᓯᕗᓪᓖᑦ 22:24

ᔨᑎᑬᐊᓕ ᓯᓈᓇᐅᑉ ᐃᕐᓂᖓ ᒤᑬᐊᒧᑦ ᐂᕗᖅ ᐸᑎᒃᓗᓂᐅᒡᓗ ᐅᓗᐊᖓᒍᑦ, ᐅᖃᕐᐳᖅ, “ᖃᓄᖅ ᐊᑕᓂᐅᑉ ᐊᓂᕐᓂᖓ ᐅᕙᓐᓂᑦ ᐊᓂᓪᓗᓂ ᐃᓕᖕᓂᒃ ᐅᖃᕐᑎᑦᓯᖔᓕᕐᐹ?”

ᐊᑕᓃᑦ ᓯᕗᓪᓖᑦ 22:27

ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ: “ᐅᓇ ᐊᖑᑦ ᑎᒍᔭᐅᒪᕕᖕᒧᐊᕐᑕᐅᓕ, ᓂᕆᔪᒪᑎᖃᑦᑕᕐᓗᒍᓗ ᓁᒪᓗᓂ ᓂᐊᖂᔭᒥᒃ ᐃᒥᕐᒥᒡᓗ, ᐅᑎᓚᐅᖅᑳᕐᑎᓐᓇᖓ, ᖃᓄᐃᖏᑦᓯᐊᕐᓗᖓ.”’”

ᐊᑕᓃᑦ ᐂᑉᐸᖏᑦ 2:23

ᑕᕝᕙᓐᖓᑦ ᐱᓪᓗᓂ ᐃᓔᓴ ᐱᑎᓕᒧᐊᕐᐳᖅ ᐊᖅᑯᑎᒃᑯᑦ ᐃᓄᑑᓪᓗᓂ ᐱᓱᒃᑎᓪᓗᒍ, ᓄᓇᓕᖕᓂ ᐃᓅᓱᒃᑐᓄᑦ ᐅᐸᒃᑕᐅᓪᓗᓂ ᒥᑕᐅᑎᒋᔭᐅᓕᕐᐳᖅ ᐅᖃᐅᑦᔪᕈᓘᔭᕐᑕᐅᓪᓗᓂᓗ, ᐅᖃᕐᓗᑎᒃ, “ᒥᖅᑯᐃᕐᓯᓂᓖᒃ ᐊᕗᓐᖓᓕᕆᑦ, ᐊᕗᓐᖓᓚᐅᕆᑦ ᒥᖅᑯᐃᕐᓯᓐᓂᓖᒃ!”

ᑯᕉᓂᑲ ᐂᑉᐸᖏᑦ 16:10

ᐂᓴᓕ ᓂᓐᖓᒃᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ, ᑎᒍᕚᓗ ᐊᑦᓱᖏᐅᑎᒧᐊᕐᓗᒍ, ᑎᒍᔭᐅᓯᒪᕕᖕᒧᐊᕐᐹ, ᓂᓐᖓᐅᑎᒻᒪᕆᒃᐹ ᑕᒪᓐᓇ ᐱᓪᓗᒍ. ᐃᓚᖏᓪᓗ ᐃᓄᐃᑦ ᓂᑲᒋᓇᒋᑦ ᐅᖁᒤᒃᓴᕐᑎᓕᕐᐰᑦ ᑍᑦᓱᒪᓂᐅᑎᓪᓗᒍ.

ᑯᕉᓂᑲ ᐂᑉᐸᖏᑦ 18:26

ᐅᖃᐅᑎᓗᒍᓗ, ‘ᐊᖓᔪᖅᑳᕐᔪᐊᖅ ᐃᒫᒃ ᐅᖃᕐᐳᖅ, ᐅᓇ ᑎᒍᔭᐅᒪᕕᖕᒧᐊᕐᑕᐅᓕ, ᓂᕿᖃᕐᑎᓪᓗᒍᓗ ᓂᐅᖂᔭᒥ ᐃᒥᕐᒥᒡᓗ ᐊᓯᖃᖏᑦᑐᓂᒃ, ᐅᑎᖅᑳᕐᑎᓐᓇᖓ ᖃᓄᐃᖏᑦᓯᐊᕐᓗᖓ.’”

ᑯᕉᓂᑲ ᐂᑉᐸᖏᑦ 30:10

ᑕᕝᕙ ᐅᖃᕆᐊᕐᑐᕐᑏᑦ ᐊᐅᓪᓚᓚᐅᕐᐳᑦ ᐃᒡᓗᒐᓴᖕᓂᑦ ᐃᒡᓗᒐᓴᖕᓄᑦ ᓄᓇᓕᖕᓄᓪᓗ ᐃᕗᕅᑎᒥᐅᓄᑦ ᒫᓇᓯᒃᑯᓐᓄᓪᓗ, ᐊᒡᓛᑦ ᓯᐳᓗᓂ ᑎᑭᓪᓗᒍ; ᑖᒃᑯᐊᓕ ᐃᔪᕆᔭᐅᓚᐅᕐᐳᑦ ᓱᐊᒃᑕᐅᓪᓗᑎᒃ, ᒥᑕᐅᑎᒋᔭᐅᓪᓗᑎᒡᓗ.

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 20:2

ᑕᕝᕙ ᐸᓱᕼᐅᕆᐅᑉ ᔨᕆᒤᐊ ᐋᓐᓂᕐᓯᕐᑕᐅᑎᑉᐹ, ᐊᑦᓱᖏᕐᑕᐅᑎᓪᓗᒍᓗ ᐊᕐᓵᕐᑑᔭᓄᑦ, ᐃᑎᕐᑕᕐᕕᐅᑉ ᐱᓐᔭᒥᓂᒥᒃ ᑍᔭᐅᔫᑉ ᓴᓂᐊᓄᐊᕐᑕᐅᑎᑉᐹ ᖁᕝᕙᓯᖕᓂᕐᓴᒧᑦ ᐊᑕᓂᐅᑉ ᐃᒡᓗᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 20:7

ᐊᑕᓃᖅ ᐅᐃᕕᕐᕆᒐᕕᖓ ᐅᐃᕕᕐᕆᔭᐅᓯᒪᕗᖓ; ᐱᔪᓐᓇᕐᓂᕐᓴᐅᒐᕕᑦ ᓵᓚᒋᕙᕐᒪ, ᐅᓪᓗᓕᒫᖅ ᐱᓐᖑᐊᕆᔭᐅᕗᖓ, ᒥᑕᐅᑎᒋᔭᐅᓪᓗᖓᓗ.

ᔨᕆᒤᐊᐅᑉ ᐊᒡᓚᖏᑦ 29:26

ᐊᑕᓂᐅᑉ ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᑦ ᔨᕼᐅᐃᐊᑕᐅᑉ ᐃᓂᖓᓂ ᑲᒪᔨᒻᒪᕆᐅᓕᖁᓪᓗᑎᑦ ᑐᒃᓯᐊᕐᕕᒡᔪᐊᒥ, ᑍᒤᒻᒪᑦ ᐱᔭᒃᓴᖃᕐᐳᑎᑦ ᐃᓱᒪᖃᑦᓯᐊᖏᑦᑐᑦ ᐅᕝᕙᓘᓐᓃᑦ ᒎᑎᒧᑦ ᐅᖃᕐᑎᒋᔭᐅᓐᖑᐊᕐᑐᑦ ᐊᑦᑐᖏᐅᓯᕐᑕᐅᕙᖁᓪᓗᒋᑦ ᐊᕐᓵᕐᑑᔭᓄᑦ ᖁᖓᓯᕈᓯᕐᑕᐅᓯᒪᓗᑎᒃ ᓴᕕᕋᔭᖕᒥᒃ.

ᔨᕆᒤᐊᐅᑉ ᐊᒡᓚᖏᑦ 32:8

ᐊᑕᓂᐅᓪᓗ ᐅᖃᐅᓯᕆᔭᖓᑐᑦ ᐅᕙᓐᓄᑦ ᑍᒤᓚᐅᕐᐳᖅ, ᑕᕝᕙ ᕼᐊᓇᒥᐅᓪ ᐃᓪᓗᕋ ᐅᕙᓐᓄᐊᓚᐅᕐᐳᖅ ᐊᖓᔪᖅᑳᕐᔪᐊᑉ ᐃᒡᓗᖁᑎᖓᓄᑦ ᐅᖃᐅᑎᓪᓗᖓᓗ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓃᑦᑐᒥᒃ, ᐱᕈᕐᓰᕕᖁᑎᒥᓂᒃ ᓂᐅᕕᖁᓪᓗᓂᖓ. ᑕᕝᕙ ᖃᐅᔨᕗᖓ ᐊᑕᓂᐅᑉ ᑕᒪᓐᓇ ᐅᖃᐅᓯᕆᖕᒪᒍ.

ᔨᕆᒤᐊᐅᑉ ᐊᒡᓚᖏᑦ 36:6

ᑐᒃᓯᐊᕐᕕᒃᔪᐊᕐᒧᐊᕐᓗᑎᑦ ᓂᕆᑦᑍᓕᕕᒃ ᓇᓪᓕᐅᓯᒪᓕᕐᐸᑦ ᐃᓄᐃᑦ ᐅᖃᓕᒫᕐᕕᒋᓛᕐᐸᑎᑦ ᐅᖃᓪᓚᒃᐸᓪᓕᐊᑎᓪᓗᖓ ᑎᑎᕋᖅᑲᐅᔭᕐᓂᒃ ᐃᒧᑦᑕᕐᑐᒃᑯᑦ. ᐅᖃᓕᒫᕐᕕᒋᓛᕐᐸᑎᑦ ᔫᑕᒥᐅᓕᒫᑦ ᑎᑭᓯᒪᔪᑦ ᓄᓇᓕᖁᑎᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 38:28

ᔨᕆᒤᐊᓗ ᖃᐅᔨᓴᕐᑏᑦ ᓇᔪᒐᖓᓂ ᐃᓂᕾᓐᓇᓚᐅᕐᐳᖅ ᔨᕉᓴᓕᐅᑉ ᐅᓇᑕᕐᑐᒃᓴᓄᑦ ᐱᔭᐅᕕᖓ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 39:15

ᔨᕆᒤᐊᓕ ᑎᒍᔭᐅᓯᒪᕕᖕᒥᓃᑎᓪᓗᒍ ᓱᓕ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 11:33

ᑐᑭᓯᒪᑦᓯᐊᕐᑐᑦ ᐃᓕᓐᓂᐊᕐᑎᑦᓯᔪᒫᕐᐳᑦ ᑖᑦᓱᒪ ᐱᐅᓯᖓᓂᒃ, ᐅᓪᓗᓂᒃ ᐅᓄᕐᑐᓂᒃ ᓴᕕᒡᔪᐊᒧᑦ ᐃᓚᖏᑦ ᑐᖁᑕᐅᒐᓗᐊᕐᑎᓪᓗᒋᑦ, ᐃᑭᑕᐅᓗᑎᒡᓘᓐᓃᑦ, ᑎᒍᔭᐅᓗᑎᒡᓘᓐᓃᑦ, ᐱᖁᑍᕈᑦᔭᐅᓗᑎᒡᓘᓐᓃᑦ.

ᒫᑎᐅᓯᐅᑉ ᐊᒡᓚᖏᑦ 20:19

ᑐᓂᕐᕈᑎᒋᓛᕐᐹᓪᓗ ᔫᑎᐅᖏᑦᑐᓄᑦ, ᒥᑕᐅᑎᒋᔭᐅᖁᓪᓗᒍ, ᑏᒐᕐᑐᕐᑕᐅᓗᓂᓗ ᑭᑭᐊᕐᑐᕐᑕᐅᓛᕐᐳᖅ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᓛᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 21:35

ᐱᕈᕐᓰᕕᖕᒥᒡᓕ ᑲᒪᔩᑦ ᐱᖁᑎᓕᐅᑉ ᐱᔨᖏᑦ ᑎᒍᕔᑦ, ᐃᓚᖓᑦ ᐋᓐᓂᕐᓯᕐᐹᑦ, ᐃᓚᖓᑦ ᑐᖁᓪᖢᒍ, ᐃᓚᖓᓪᓗ ᐅᔭᖅᑲᓄᑦ ᒥᓪᓗᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 23:34

ᑍᒤᒻᒪᑦ ᓇᓚᐅᑦᑍᔪᓂᒃ ᑎᓕᓯᕕᒋᓂᐊᕐᐸᑦᓯ, ᓯᓚᑐᔪᓂᒡᓗ, ᐊᔪᕆᕐᑐᐃᔨᓂᒡᓗ; ᐃᓚᖏᑦ ᑐᖁᓐᓂᐊᕐᐸᓯ, ᐃᓚᖏᓪᓗ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᓗᓯᐅᒃ, ᐃᓚᖏᑦ ᑏᒐᕐᑐᕐᓗᒋᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ, ᒪᓕᑲᑕᖕᓂᐊᕐᐸᓯᓗ ᐊᑭᕋᕐᑐᕐᓗᒋᑦ ᓄᓇᓕᖕᓂᑦ ᓄᓇᓕᖕᓄᑦ.

ᒫᑎᐅᓯᐅᑉ ᐊᒡᓚᖏᑦ 27:26

ᑕᕝᕙ ᐰᓛᑑᓯᐅᑉ ᐸᕋᐹᓯ ᐊᓂᑎᑉᐹ ᑖᒃᑯᓄᖓ; ᔩᓱᓯ ᑏᒐᕐᑐᕐᑕᐅᑎᑦᑕᕇᕋᒥᐅᒃ, ᐂᑦᑑᑎᒋᕚ ᑭᑭᐊᒃᑐᕐᑕᐅᖁᓪᓗᒍ.

ᒫᑯᓯᐅᑉ ᐊᒡᓚᖏᑦ 10:34

ᑖᒃᑯᐊ ᒥᑕᐅᑎᒋᔪᒫᕐᐹᑦ, ᑎᕝᕗᓗᒡᓗᒍ, ᑏᒐᕐᑐᕐᓗᒍ, ᑐᖁᓪᓗᒍᓗ; ᐅᓪᓗᐃᓪᓕ ᐱᖓᔪᐊᓐᓂ ᒪᑭᓛᕐᐳᖅ.”

ᓘᑲᓯᐅᑉ ᐊᒡᓚᖏᑦ 18:32

ᔫᑎᐅᖏᑦᑐᓄᑦ ᑐᓂᔭᐅᔪᒫᕐᐳᖅ, ᑖᒃᑯᐊ ᒥᑕᐅᑎᒋᔪᒫᕐᐹᑦ, ᑲᓐᖑᓲᑎᓐᓇᕐᑐᒥᒃ ᐱᓇᓱᐊᕐᕕᐅᔪᒫᕐᐳᖅ, ᑎᕝᕗᓗᒃᑕᐅᓗᓂᓗ;

ᓘᑲᓯᐅᑉ ᐊᒡᓚᖏᑦ 23:11

ᐃᕉᑕᓯᐅᑉ ᐅᓇᑕᕐᑐᒃᓴᖁᑎᖏᑕ ᔩᓱᓯ ᒥᑕᐅᑎᒋᕚᑦ ᓇᕐᕈᒋᓪᓗᒍᓗ; ᐊᒻᒪ ᐅᓕᒡᔪᐊᒥᒃ ᐱᐅᔪᐊᓗᖕᒥᒃ ᐊᑎᑎᑉᐹᑦ, ᐅᑎᕐᑎᓪᓗᒍ ᐰᓛᑑᓯᒧᑦ.

ᓘᑲᓯᐅᑉ ᐊᒡᓚᖏᑦ 23:36

ᐅᓇᑕᕐᑐᒃᓮᑦᑕᐅᖅ ᒥᑕᐅᑎᒋᕚᑦ; ᒪᔪᕋᕐᕕᒋᓪᓗᒍ ᐅᐂᓂᒥᒃ ᖃᒃᑭᓐᓇᕐᑐᒥᒃ ᐱᑎᓐᓇᓱᐊᕐᐹᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 21:33

ᑕᕝᕙ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᐸᒃᑲᒥᐅᒃ ᐸᐅᓗᓯ ᑎᒍᕚ ᐊᕐᓵᕐᑑᔭᓄᑦ ᒪᕐᕈᐃᓄᑦ ᕿᓚᒃᓱᕐᑕᐅᖁᕚ. ᐊᐱᕐᓱᓕᕐᓗᓂ ᑭᓇᐅᖕᒪᖔᑦ ᖃᓄᐃᓕᐅᓚᐅᕐᒪᖔᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 24:27

ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᕖᓕᒃᓯ ᑭᖑᕝᕕᕐᑕᐅᕗᖅ ᐴᑭᐅᓯ ᕕᓯᑕᓯᒧᑦ; ᕖᓕᒃᓯ ᔫᑎᓄᑦ ᐊᑲᐅᒋᔭᐅᔪᒪᒐᒥ, ᐸᐅᓗᓯ ᑎᒍᔭᐅᓯᒪᕕᖕᒦᑏᓐᓇᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 4:3

ᑖᒃᑯᐊᒃ ᑎᒍᔭᐅᕘᒃ ᑎᒍᔭᐅᓯᒪᕕᖕᒧᐊᕐᑕᐅᓪᓗᑎᒃ ᖃᐅᒃᐸᓐᖑᕐᓯᐊᕆᓪᓗᒍ, ᑍᑦᓱᒪᓂ ᐅᓐᓄᓕᕇᕐᒪᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 5:18

ᐋᐴᓯᑕᓕᖕᓂᒃ ᑎᒍᔭᐅᑎᑦᓯᕗᑦ ᑎᒍᔭᐅᓯᒪᕕᖕᒧᐊᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:40

ᑲᑎᒪᔨᕐᔪᐊᑦ ᒐᒤᓕᐊᓕᐅᑉ ᐅᖃᐅᓯᖏᓐᓂᒃ ᓈᓚᓚᐅᕐᐳᑦ, ᐋᐴᓯᑕᓖᑦ ᐃᑎᖁᒐᒥᑦᔪᒃ, ᑏᒐᕐᑐᕐᑕᐅᑎᑉᐰᑦ ᐃᓂᕐᑎᒻᒪᕆᒡᓗᒋᑦ ᐊᔪᕆᕐᑐᐃᑦᔪᑎᖃᖃᑦᑕᖁᓇᒋᑦ ᔩᓱᓯᒥᒃ, ᑕᕝᕙᓐᖓᑦ ᐊᓂᖁᕔᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 8:3

ᓴᐅᓗᓯᐅᑉ ᐅᒃᐱᕐᑑᖃᑎᒌᑦ ᓄᖑᓐᓇᓱᐊᓕᕐᐰᑦ, ᐃᒡᓗᓄᑦ ᐃᑎᖃᑦᑕᕐᓗᓂ ᐅᒃᐱᕐᑐᑦ ᐊᖑᑎᑦ ᐊᕐᓁᓪᓗ ᑎᒍᓪᓗᒋᑦ ᑎᒍᔭᐅᓯᒪᕕᖕᒧᐊᕐᑎᑉᐰᑦ.

ᐃᐱᓯᒥᐅᓄᑦ 3:1

ᑕᒪᓐᓇ ᐱᓪᓗᒍ, ᐅᕙᖓ ᐸᐅᓗᓯ, ᙭ᔅᑑᓯ ᔩᓱᓯᐅᑉ ᑎᒍᔭᐅᓯᒪᕕᖕᒦᑎᑕᖓ ᐃᓕᑦᓯ ᔫᑎᐅᖏᑦᑐᓯ ᐱᑦᔪᑎᒋᓪᓗᓯ,

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᑎᒧᑎᒧᑦ ᐂᑉᐸᖏᑦ 1:16

ᐊᑕᓂᐅᑉ ᓈᒃᑭᒋᓕᒋᑦ ᐅᓂᓯᐳᕋᓯᒃᑯᑦ ᐃᓚᒌᑦ, ᑖᑦᓱᒪ ᐅᓄᕐᑐᐃᕐᓱᕐᓗᖓ ᐱᕙᓪᓕᕐᑎᖃᑦᑕᕐᓯᒪᖕᒪᖓ; ᑎᒍᔭᐅᓯᒪᕕᖕᒦᓐᓂᓐᓂᒃ ᑲᓐᖑᓲᑎᖃᓚᐅᖏᒻᒪᑦ.

ᑎᒧᑎᒧᑦ ᐂᑉᐸᖏᑦ 2:9

ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐊᔪᕆᕐᑐᐃᕙᖕᓂᓐᓄᑦ ᐊᒃᓱᕈᕐᓇᕐᑐᒦᑉᐳᖓ ᐊᕐᓵᕐᑑᔭᓄᓪᓗ ᕿᓚᒃᓱᕐᑕᐅᓯᒪᓪᓗᖓ ᐱᕋᔭᒃᑎᑐᑦ. ᒎᑎᐅᓪᓕ ᐅᖃᐅᓯᖓ ᕿᓚᒃᓱᕐᑕᐅᓯᒪᓐᖏᓚᖅ.

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᐃᓗᐊᕐᓮᔩᑦ ᐊᒡᓚᖏᑦ 16:25

ᑍᒤᓚᐅᕐᐳᖅ ᐃᒥᕐᓂᕐᒧᑦ ᖁᕕᐊᓱᓕᕋᒥᒃ ᐅᖃᕐᐳᑦ, “ᓵᒻᓲᓂ ᕾᖁᔭᐅᓚᐅᕐᓕ, ᑕᑯᕋᓐᓈᕐᑎᓐᓂᐊᕐᒪᑎᒍᑦ.” ᑕᕝᕙ ᓵᒻᓲᓂ ᐂᔭᐅᕗᖅ ᑎᒍᔭᐅᒪᕕᖕᒥᑦ, ᑕᑯᕋᓐᓈᕐᑎᑉᐰᓪᓗ. ᓇᖏᕐᑎᑕᐅᓪᓗᓂᓗ ᓱᑬᑦ ᓇᐸᔪᑦ ᐊᑯᕐᖓᓐᓂ;