ᐄᑉᕈᐃᓄᑦ 11:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.

ᐄᑉᕈᐃᓄᑦ 11:26 Iomraidhean Croise

ᐃᓐᖏᕈᑎᑦ 37:16

ᐃᓱᐊᕐᑑᑉ ᐱᒋᔭᖏᑦ ᐅᓄᖏᑦᑐᑦ, ᐱᐅᓂᕐᓴᐅᕗᑦ ᐱᐅᖏᑦᑐᓕᔪᑦ ᐅᓄᕐᑐᑦ ᐊᒃᓗᐃᑦᔪᑎᒋᔭᖏᓐᓂᑦ ᐅᓄᕐᑐᓂᑦ.

ᐃᓐᖏᕈᑎᑦ 69:20

ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ. ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ; ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.

ᐃᓐᖏᕈᑎᑦ 69:7

ᐱᑦᔪᑎᒋᓪᓗᑎᑦ ᓱᐊᒃᑕᐅᓂᕐᒥᒃ ᐊᑐᕋᒪ, ᑲᓐᖑᓱᖕᓂᕐᒥᒃ ᑮᓇᕋ ᐅᓕᒃᓯᒪᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:18

ᐊᖑᑦ ᐱᐅᖏᑦᑐᖅ ᓯᓔᕐᕆᒃᓯᓇᓱᐊᕐᓂᕐᒥᒃ ᐱᓂᐊᕐᓂᖃᕋᔪᒃᐳᖅ, ᐃᓱᐊᕐᓂᒥᒡᓕ ᐱᓂᐊᕈᑎᓕᒃ ᐱᑖᕐᑎᑕᐅᓗᓂ ᑭᓯᐊᓂᐅᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:18

ᓇᓗᓇᖏᑦᑐᒥᒃ, ᓯᕗᓂᒃᓴᕐᑕᖃᕐᒪᑦ, ᓂᕆᐅᒋᔧᑦ ᑭᐱᔭᐅᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 51:7

ᓈᓚᒃᓯᓐᖓ ᓇᓛᒎᕐᓂᕐᒥᒃ ᖃᐅᔨᒪᔪᓯ, ᐱᖁᔭᓐᓂᒡᓗ ᐆᒻᒪᒻᒥᐅᑕᖃᕐᑐᓯ; ᓯᕗᕋᑦᑍᓕᒋᑦᓯ ᐸᓯᒃᓯᕐᑐᓂᒃ, ᕿᒃᓵᒍᑎᖃᕐᓂᐊᕋᓯᓗ ᒥᑕᐅᑎᖃᕐᑐᓂᒃ.

ᒫᑎᐅᓯᐅᑉ ᐊᒡᓚᖏᑦ 10:41

ᓇᓚᐅᑦᑍᔪᒥᒃ ᐃᓚᓕᐅᕐᓯᔪᖅ, ᓇᓚᐅᑦᑍᔪᑐᑦ ᐊᑭᓕᕐᑕᐅᔪᒫᕐᐳᖅ; ᓇᓪᓕᐊᓪᓗ ᐃᓚᓕᐅᕐᓯᔪᖅ ᒎᑎᒥᒃ ᐃᓚᖃᑦᓯᐊᕐᑐᒥᒃ, ᒎᑎᒥᒃ ᐃᓚᖃᑦᓯᐊᕐᑐᑎᑐᑦ ᐊᑭᓕᕐᑕᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 5:12

ᖁᕕᐊᓱᒋᑦᓯ ᓯᕆᓗᓯᓗ, ᐊᖏᔪᒥᒃ ᐊᑭᓕᕐᑕᐅᔪᒫᕋᑦᓯ ᕿᓚᖕᒥ, ᓇᓚᐅᑦᑍᔪᑦᑕᐅᖅ ᑍᒤᓕᐅᕐᑕᐅᓚᐅᕐᒪᑕ ᓯᕗᓂᑦᓯᓐᓂ.”

ᒫᑎᐅᓯᐅᑉ ᐊᒡᓚᖏᑦ 6:1

“ᑲᒪᑦᓯᐊᕆᑦᓯ ᐅᒃᐱᕐᓂᕐᒥᒃ ᐱᓇᓱᐊᕐᓂᓯ ᐊᓯᑦᓯᓐᓄᑦ, ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕐᓗᓯ ᐱᖁᓇᓯ; ᐃᓄᖕᓄᑦ ᑕᑯᒃᓴᐅᓇᓱᑐᐃᓐᓇᕈᑦᓯ, ᐊᑭᓕᕐᑕᐅᓂᒃᓴᖃᖏᓐᓇᑦᓯ ᐊᑖᑕᑦᓯᓐᓂᑦ ᕿᓚᖕᒦᑦᑐᒥᑦ.

ᓘᑲᓯᐅᑉ ᐊᒡᓚᖏᑦ 14:14

ᑕᕝᕙ ᓮᒻᒪᕐᑎᑕᐅᓂᐊᕐᐳᑎᑦ, ᑖᒃᑯᐊ ᓂᕆᔭᕐᑐᕐᑎᑎᔪᒃᑎᒃᓴᖃᖏᒻᒪᑕ ᐃᓕᖕᓂᒃ. ᐊᑭᓕᕐᑕᐅᔪᒫᕐᐳᑎᓪᓕ ᐃᓗᐊᕐᑐᑦ ᑐᖁᖓᔪᓂᑦ ᒪᑭᕝᕕᐊᓂ.”

ᓘᑲᓯᐅᑉ ᐊᒡᓚᖏᑦ 14:33

ᑍᒫᒃᑕᐅᖅ ᑕᕝᕙ, ᓇᓕᕐᓯ ᐱᒋᔭᓕᒫᒥᓂᒃ ᖁᔭᓈᕐᓯᓂᐊᖏᑦᑐᖅ ᐃᓕᓐᓂᐊᕐᑎᒋᔪᓐᓇᓐᖏᓚᕋ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:41

ᐋᐴᓯᑕᓖᑦ ᑲᑎᒪᔨᕐᔪᐊᓂᑦ ᐊᓂᒐᒥᒃ ᖁᕕᐊᓱᒻᒪᕆᒃᐳᑦ ᖃᐅᔨᒐᒥᒃ ᐋᓐᓂᐊᑎᑕᐅᔪᓐᓇᕐᓂᑎᒃ ᓈᒻᒪᒋᔭᐅᖕᒪᑦ ᒎᑎᒧᑦ, ᔩᓱᓯ ᐱᑦᔪᑎᒋᓪᓗᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:10

ᕿᒃᓵᒃᑎᑕᐅᕙᒃᐳᒍᑦ, ᖁᕕᐊᓱᑦᓮᓐᓇᕐᐳᒍᓪᓕ; ᐊᔪᕐᓴᕋᓗᐊᕐᐳᒍᑦ, ᐊᓯᕗᓪᓕ ᐊᒥᓱᑦ ᐊᔪᕐᓴᕈᓐᓃᑎᑉᐸᕗᑦ; ᐱᖃᖏᑦᑑᔮᕐᐳᒍᑦ, ᑕᒤᓐᓂᒡᓕ ᐱᖃᕋᓗᐊᕐᐳᒍᑦ.

ᐃᐱᓯᒥᐅᓄᑦ 1:18

ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

ᐃᐱᓯᒥᐅᓄᑦ 3:8

ᐅᕙᖓ ᒎᑎᐅᑉ ᐃᓄᖁᑎᓕᒫᖏᓐᓂᑦ ᒥᑭᓐᓂᕐᐸᐅᒐᓗᐊᕐᑐᖓ, ᒎᑎᐅᑉ ᑐᓂᓯᕕᒋᓚᐅᕐᐹᖓ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᕐᒥᒍᑦ; ᔫᑎᐅᖏᑦᑐᓄᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᙭ᔅᑑᓯᐅᑉ ᐊᒥᒐᕐᓯᖏᓐᓂᖓᓂᒃ ᑭᒡᓕᖃᖏᑦᑐᒥᒃ,

ᐱᓕᐱᒥᐅᓄᑦ 3:7

ᑕᒪᒃᑯᐊᓕᒫᓪᓕ ᐊᔪᖏᑦᔪᑎᒋᓇᓱᓚᐅᕐᑕᒃᑲ ᒫᓐᓇ ᐊᑑᑎᒃᓴᖃᕈᓐᓃᕐᐳᑦ ᙭ᔅᑑᓯ ᐱᓪᓗᒍ.

ᐄᑉᕈᐃᓄᑦ 10:33

ᐃᓚᖓᒍᑦ ᑲᑎᒪᔪᓂ ᒥᑕᐅᑎᒋᔭᐅᖃᑦᑕᓚᐅᕋᑦᓯ ᐱᑦᓯᐊᕐᑕᐅᓇᓯᓗ, ᐃᓛᓯᒍᓪᓗ ᐃᓚᐅᓚᐅᕋᑦᓯ ᑍᒤᑦᑐᑎᒍᑦ ᐊᒃᓱᕈᕐᑎᑕᐅᔪᓄᑦ.

ᐄᑉᕈᐃᓄᑦ 10:35

ᑍᒤᒻᒪᑦ ᓴᐱᓕᕐᑍᓕᒋᑦᓯ ᑕᑎᖃᕐᓂᑦᓯᓐᓂᒃ, ᑕᒪᓐᓇ ᐊᖏᔪᒥᒃ ᐊᑭᓕᕐᑕᐅᓂᒃᓴᖃᕐᒪᑦ.

ᐄᑉᕈᐃᓄᑦ 11:6

ᐅᒃᐱᕐᓂᖃᖏᓪᓗᓂ ᒎᑎᒧᑦ ᖁᕕᐊᒋᔭᐅᓂᖅ ᐊᔪᕐᓇᕕᒃᐳᖅ. ᒎᑎᒧᐊᕈᒪᔪᖅ ᒎᑎᖃᕐᑐᒥᒃ ᐅᒃᐱᕐᑐᒃᓴᐅᕗᖅ ᑖᓐᓇ ᕿᓂᕐᑎᒥᓄᑦ ᐊᑭᓖᔪᓐᓇᕐᒪᑦ.

ᐄᑉᕈᐃᓄᑦ 13:13

ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ.

ᐄᑉᕈᐃᓄᑦ 2:2

ᐂᖏᓕᓂᑦ ᐅᖃᐅᓯᐅᓚᐅᕐᑐᑦ ᓱᓕᓚᐅᕐᒪᑕ ᓇᓪᓕᐊᑦ ᒪᓕᖏᑦᑐᖅ ᐊᔪᕐᑐᓕᔪᓪᓗ ᓱᒋᐊᕐᑕᐅᖃᑦᑕᓚᐅᕐᐳᖅ ᐱᓂᐊᕐᓂᖏᓐᓄᑦ.

ᐲᑦᑐᕉᓯ ᓯᕗᓪᓖᑦ 1:11

ᖃᐅᔨᓇᓱᐊᓚᐅᕐᐳᑦ ᖃᖓᐅᓂᐊᕐᒪᖔᑦ ᖃᓄᕐᓗ ᓴᖅᑭᓐᓂᐊᕐᒪᖔᑦ ᙭ᔅᑑᓯᐅᑉ ᐊᓂᕐᓂᖓ ᑖᒃᑯᓇᓃᑦᑐᖅ ᑕᒪᑐᒥᖓ ᓇᓗᓁᕐᓯᓚᐅᕐᐳᖅ; ᙭ᔅᑑᓯᐅᑉ ᐋᓐᓂᐊᑎᑕᐅᓂᕐᒥᒃ ᐊᑐᕈᒫᕐᓂᖓᓂᒃ ᖁᕕᐊᓇᕐᑐᕐᔪᐊᒥᒡᓗ ᑭᖑᓂᖃᕈᒫᕐᓂᖓᓂᒃ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:9

ᐊᒃᓱᕈᕐᓇᕐᑐᒦᓐᓂᕆᔭᓯ ᖃᐅᔨᒪᕙᒃᑲ ᐊᔪᕐᓴᕐᓂᕆᔭᓯᓗ ᑭᓯᐊᓂᓕ ᐊᔪᕐᓴᓐᖏᑲᓗᐊᕐᐳᓯ ᐅᖃᐅᓯᐅᓂᕐᓗᖃᑦᑕᕐᓂᓯᓗ ᖃᐅᔨᒪᕙᒃᑲ ᔫᑎᐅᓂᕋᕐᑐᓄᑦ ᔫᑎᐅᓇᑎᒡᓗ, ᓵᑖᓇᓯᒥᒡᓕ ᐱᔨᑦᓯᕐᑎᐅᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.

ᕉᑎᐅᑉ ᐅᓂᒃᑲᐅᓯᓂᖓ 2:12

ᐊᑕᓂᐅᑉ ᐊᑭᓕᕐᓕᑎᑦ ᐱᓇᓱᐊᕐᓂᕆᓯᒪᔭᕐᓄᑦ, ᐱᑦᓯᐊᕐᓂᕆᓯᒪᔧᓪᓗ ᐊᑕᖏᕐᓗᒍ ᐃᓗᐃᑦᑐᒥᒃ ᐊᑭᓕᕐᑕᐅᖁᓪᓗᒍ ᐃᓴᕆᐊᓕᒥᐅᑦ ᐊᑕᓂᖓᓄᑦ ᒎᑎᖓᓄᓪᓗ, ᑖᑦᓱᒧᖓ ᓴᐳᑦᔨᔨᒋᔪᒪᓯᒪᓕᕐᑕᕐᓄᑦ.”