ᐄᑉᕈᐃᓄᑦ 11:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑍᒃᑯᐊᓕᒫᑦ ᐅᒃᐱᕐᓂᒃᑰᕐᓗᑎᒃ ᑐᖁᓚᐅᕐᐳᑦ, ᐊᖏᕈᑕᐅᓯᒪᔪᒥᒃ ᐱᓚᐅᕋᑎᒃ, ᐅᖓᓯᒋᔮᓂᓪᓕ ᑭᓯᐊᓂ ᑕᑯᓐᓇᓚᐅᕐᐹᑦ ᖁᕕᐊᓲᑎᒋᓪᓗᒍᓗ, ᓇᓗᓁᕐᓯᓚᐅᕐᐳᓪᓗ ᑕᒫᓂᒥᐅᑕᐅᖏᓐᓂᕐᒥᖕᓂᒃ ᓄᓇᒋᓐᖏᑕᒥᓃᓐᓂᕐᒥᓂᒡᓗ ᑕᕝᕙᓂ ᓄᓇᕐᔪᐊᕐᒥ.

ᐄᑉᕈᐃᓄᑦ 11:13 Iomraidhean Croise

ᒨᓯᓯ ᓯᕗᓪᓖᑦ 21:34

ᐂᑉᕋᕼᐋᒻᓗ ᑕᕝᕙᓃᓚᐅᕐᐳᖅ ᐱᓕᔅᑍᓂᒥ ᐅᓪᓗᓂᒃ ᐅᓄᕐᑐᓂᒃ.

ᒨᓯᓯ ᓯᕗᓪᓖᑦ 23:4

“ᑕᒫᓂ ᓂᐅᕐᕈᐊᖑᒐᒪ ᓄᓇᖃᕐᑐᑐᖃᐅᓇᖓᓗ ᓄᓇᑦᓯᓐᓂ; ᓂᐅᕕᕈᓐᓇᕐᑎᑕᐅᔪᒪᕗᖓ ᓄᓇᒥᒃ ᐃᓗᕕᕐᕕᒃᓴᒥᒃ, ᐃᓗᕕᕐᓯᔪᓐᓇᖁᓪᓗᖓ ᑐᖁᔨᐊᕆᓯᒪᔭᓐᓂᒃ.”

ᒨᓯᓯ ᓯᕗᓪᓖᑦ 25:8

ᐂᑉᕋᕼᐋᒻ ᐊᓂᕐᓇᖏᓚᐅᕐᐳᖅ ᐃᑦᑐᐊᓘᓕᕐᓗᓂ, ᐃᓄᑐᖃᐅᓪᓗᓂ ᐊᕐᕌᒍᖏᑦ ᐅᓄᕐᑐᐊᓘᓕᕐᓗᑎᒃ, ᐃᓚᒋᓚᐅᕐᑕᒥᓄᓪᓗ ᐃᓚᓕᐅᑎᓪᓗᓂ.

ᒨᓯᓯ ᓯᕗᓪᓖᑦ 47:9

ᔧᑯᓗ ᐅᖃᕐᐳᖅ ᐰᕉᒧᑦ, “130ᓂᒃ ᐊᕐᕌᒍᖃᓕᕐᐳᖓ; ᐃᓅᓯᓐᓂ ᐱᐅᖏᑦᑐᓂᒃ ᐊᑐᕐᓯᒪᕗᖓ, ᓯᕗᓕᕐᒪᓗ ᐃᓅᓯᕆᓚᐅᕐᑕᖏᑕ ᓴᓂᐊᓂ ᐊᕐᕌᒍᒃᑲ ᖃᑦᓰᓐᓇᐅᓂᕐᓴᒻᒪᕆᐅᕗᑦ.”

ᒨᓯᓯ ᓯᕗᓪᓖᑦ 48:21

ᑕᕝᕙ ᐃᓴᕆᐊᓕ ᐅᖃᕐᐳᖅ ᔫᓯᐱᒧᑦ, “ᑕᑯᒋᑦ ᑐᖁᔭᕆᐊᒃᓯᕗᖓ, ᒎᑎᐅᓪᓕ ᐃᓚᒋᓂᐊᕐᐹᑎᑦ, ᐅᑎᕐᑎᑦᓱᒫᕐᐹᑎᓪᓗ ᓯᕗᓕᕕᓂᕐᐱᑦ ᓄᓇᖓᓄᑦ.

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᒨᓯᓯ ᓯᕗᓪᓖᑦ 49:18

ᐊᑕᓃᖅ, ᐱᐅᓕᒃᓯᓃᑦ ᐅᑕᖅᑭᕙᕋ.

ᒨᓯᓯ ᓯᕗᓪᓖᑦ 49:28

ᑖᒃᑯᐊ ᑕᕝᕙ ᐃᓴᕆᐊᓕᐅᑉ ᑭᖑᕚᖏᑦ 12, ᐊᑖᑕᖓᑕᓗ ᑍᒫᒃ ᐅᖃᓪᓚᒡᕕᒋᓚᐅᕐᐰᑦ ᓮᒻᒪᕐᑎᓐᓇᒥᒋᑦ; ᑕᒪᕐᒥᒡᓗ ᓮᒻᒪᕐᑎᓚᐅᕐᐰᑦ ᐊᑐᓂᑦ ᐃᒻᒥᒃᑯᑦ ᐊᑐᒐᒃᓴᖏᓐᓂᒃ.

ᒨᓯᓯ ᓯᕗᓪᓖᑦ 49:33

ᔧᑰᓪᓗ ᐃᕐᓂᓂ ᐱᖁᔨᓂᕆᔭᒥᓂᒃ ᐅᖃᐅᑎᔭᕇᕋᒥᒋᑦ, ᐃᑎᒐᓂ ᐃᒡᓕᕐᒧᐊᕐᑎᑉᐰᑦ, ᐊᓂᕐᓇᒋᕐᓗᓂᓗ, ᐃᓚᓕᐅᑎᓪᓗᓂᓗ ᐃᓅᖃᑎᕕᓂᕐᒥᓄᑦ.

ᒨᓯᓯ ᓯᕗᓪᓖᑦ 50:24

ᔫᓯᐱᓗ ᖃᑕᓐᖑᑎᒥᓄᑦ ᐅᖃᕐᐳᖅ, “ᑐᖁᔭᕆᐊᒃᓯᒐᒪ; ᒎᑎᐅᓪᓕ ᑎᑭᕝᕕᒋᔪᒫᕐᐹᓯ, ᑕᕝᕙᓐᖓᓪᓗ ᓄᓇᒥᑦ ᐊᐅᓪᓚᕐᑎᑦᓱᒫᕐᐹᓯ ᓄᓇᒧᑦ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐊᖏᕈᑎᒋᓚᐅᕐᑕᖓᓂ ᓄᓇᑖᖁᓪᓗᓯ.”

ᔫᐱᐅᑉ ᐊᒡᓚᖏᑦ 19:25

ᖃᐅᔨᒪᕗᖓ ᓴᐳᑦᔨᔨᒐ ᐃᓅᖕᒪᑦ, ᑭᖑᓪᓕᕐᐹᒥᒡᓗ ᓄᓇᕐᔪᐊᕐᒥ ᓇᖏᓕᕈᒫᕐᒪᑦ ᓴᓂᓐᓂ.

ᐃᓐᖏᕈᑎᑦ 119:19

ᓄᓇᒥ ᓂᐅᕐᕈᐊᖑᑐᐃᓐᓇᕋᒪ; ᐱᖁᔭᑎᑦ ᐃᔨᕐᓯᒪᓂᐊᕐᓇᒋᑦ ᐅᕙᓐᓄᑦ.

ᐃᓐᖏᕈᑎᑦ 39:12

ᐊᑕᓃᖅ ᑐᒃᓯᐊᕐᓂᕋ ᑐᓴᓚᐅᕈᒃ, ᓂᓪᓕᐊᓂᕋᓗ ᓯᐅᑎᖕᓄᑦ ᐱᓕ; ᓂᐰᑦᑑᓂᐊᕐᓇᒃ ᖁᕝᕕᐅᕐᓂᒃᑲ ᐱᓪᓗᒋᑦ. ᐃᓕᖕᓂ ᐃᓂᖃᕋᒪ ᓄᓇᖃᕐᑐᑐᖃᐅᓇᖓ, ᑕᒫᓂᕐᒥᐅᑕᑐᖃᐅᖏᓐᓇᒪ, ᓯᕗᓕᕕᓂᑦᑐᑦ.

ᒨᓯᓯ ᐂᑉᐸᖏᑦ 2:22

ᑖᒃᑯᐊᒡᓗ ᐃᕐᓂᕐᑖᕐᐴᒃ, ᒨᓯᓯᓗ ᐅᖃᕐᐳᖅ, “ᑕᒫᓂᒥᐅᑕᐅᖏᓐᓇᒪ ᓄᓇᒥ ᐊᑎᕐᑖᕐᑎᑉᐸᕋ ᒌᕐᓲᒥᒃ.”

ᒨᓯᓯ ᐱᖓᔪᖏᑦ 25:23

“ᓄᓇ ᐱᑖᕆᔭᐅᓪᓚᕆᒡᓗᓂ ᓂᐅᕐᕈᑎᒋᔭᐅᔭᕆᐊᖃᓐᖏᓚᖅ, ᓄᓇᒥᒃ ᓇᖕᒥᓂᖃᖏᓐᓇᑦᓯ, ᒎᑎᐅᑉ ᐱᒋᖕᒪᒍ, ᐃᓕᑦᓯᓗ ᑕᒫᓂ ᓂᐅᕐᕈᐊᑎᑐᑦ ᐃᓱᒪᓇᕋᑦᓯ ᒎᑎᐅᑉ ᐱᖓᓂᒃ ᐊᑐᕐᑐᐊᕐᓗᓯ.

ᒨᓯᓯ ᓯᑕᒪᖏᑦ 10:30

ᑖᓐᓇ ᑭᐅᕗᖅ, “ᐃᓚᐅᓂᐊᖏᓐᓇᒪ, ᐊᐅᓪᓚᕐᓂᐊᕐᐳᖓᓕ ᓇᖕᒥᓂᖅ ᓄᓇᓐᓄᑦ, ᐃᓚᓐᓄᑦ ᐃᓅᖃᑎᓐᓄᑦ.”

ᒨᓯᓯ ᓯᑕᒪᖏᑦ 24:17

ᒫᓐᓇ ᑕᑯᕙᕋ, ᑭᓯᐊᓂ ᑕᕝᕙᑲᐅᑎᒋᐅᖏᑦᑐᖅ, ᑕᑯᓐᓇᕐᐸᕋ, ᖃᓂᑦᑑᓇᓂ ᑭᓯᐊᓂ; ᐅᓪᓗᕆᐊᖅ ᐊᓂᔪᒫᕐᐳᖅ ᔧᑯᒥᑦ; ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓ ᒪᑭᑦᓱᒫᕐᐳᖅ ᐃᓴᕆᐊᓕᒥᑦ, ᒧᐊᐱᒥᐅᓪᓗ ᖃᐅᖏᑦ ᓯᖁᒥᑦᓱᒫᕐᐰᑦ, ᐊᓯᕈᕐᓗᒋᓪᓗ ᓰᑎᐅᑉ ᐃᕐᓂᖏᑦ.

ᒫᑎᐅᓯᐅᑉ ᐊᒡᓚᖏᑦ 13:17

ᓱᓕᔪᒥᒃ ᐅᖃᐅᑎᕙᑦᓯ, ᓇᓚᐅᑦᑍᔪᑦ ᐊᒥᓱᑦ, ᒎᑎᐅᓪᓗ ᐃᓄᖁᑎᖏᑦ ᐊᒥᓱᑦ, ᑕᑯᔪᒪᓚᐅᕐᐳᑦ ᑕᑯᔭᑦᓯᓐᓂᒃ, ᑕᑯᓚᐅᓐᖏᓚᓪᓗ, ᑐᓴᕈᒪᒻᒪᕆᓚᐅᕐᐳᑦ ᑐᓵᔭᑦᓯᓐᓂᒃ, ᑐᓴᓚᐅᕋᑎᒡᓗ.”

ᔪᐊᓇᓯᐅᑉ ᐊᒡᓚᖏᑦ 12:41

ᐂᓮᐊᓯ ᑍᒫᒃ ᐅᖃᓚᐅᕐᐳᖅ ᔩᓱᓯᐅᑉ ᓂᕐᑐᕐᓇᕐᓂᖓ ᑕᑯᓚᐅᕋᒥᐅᒃ ᐅᖃᐅᑎᒋᒐᒥᐅᒡᓗ.

ᔪᐊᓇᓯᐅᑉ ᐊᒡᓚᖏᑦ 8:56

ᐂᑉᕋᕼᐋᒻ ᐊᑖᑕᓯ ᖁᕕᐊᓱᓚᐅᕐᐳᖅ ᑕᑯᔪᒫᓕᕋᒥ ᐅᓪᓗᕆᔪᒫᕐᑕᓐᓂᒃ; ᑕᑯᒐᒥᐅᒃᓗ ᖁᕕᐊᓱᓚᐅᕐᐳᖅ.”

ᕉᒪᒥᐅᓄᑦ 4:21

ᓱᓕᔪᕐᓴᑦᓯᐊᓚᐅᕐᐳᖅ ᒎᑎ ᐊᖏᕈᑎᒋᓯᒪᔭᒥᓂᒃ ᑲᔪᓯᑦᓯᐊᕈᓐᓇᕐᓂᖓᓂᒃ.

ᕉᒪᒥᐅᓄᑦ 8:24

ᓂᕆᐅᖕᓂᕐᒧᑦ ᑕᒪᑐᒧᖓ ᐱᐅᓕᔭᐅᓚᐅᕋᑦᑕ, ᓂᕆᐅᒋᔭᕗᓪᓕ ᑕᑯᒍᑦᑎᒍ ᓂᕆᐅᖕᓂᐅᔪᓐᓃᕐᒪᑦ. ᑭᓇᓕ ᑕᑯᓐᓇᕐᑕᒥᓂᒃ ᓂᕆᐅᒍᓐᓇᕐᐹ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:18

ᐃᓱᒪᒋᔭᖃᕋᑦᑕ ᑕᑯᒃᓴᐅᖏᑦᑐᓂᒃ, ᑕᑯᒃᓴᐅᔪᑦ ᐱᓇᒋᑦ; ᑕᑯᒃᓴᐅᔪᑦ ᐃᓱᖃᕐᒪᑕ; ᑕᑯᒃᓴᐅᖏᑐᓪᓕ ᐃᓱᖃᓐᖏᓚᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:6

ᑕᕝᕙ ᑍᒪᓐᖓᑦ ᓴᐱᓕᓐᖏᓚᒍᑦ; ᖃᐅᔨᒪᒐᑦᑕ ᑎᒥᑦᑎᓐᓃᑎᓪᓗᑕ ᐊᑕᓂᐅᑉ ᐊᖏᕐᕋᖓᓂᑦ ᐊᕝᕗᑎᓯᒪᒐᑦᑕ.

ᐃᐱᓯᒥᐅᓄᑦ 2:19

ᑍᒤᒻᒪᑦ ᓄᓇᖃᑎᒋᔭᐅᖏᑦᑐᑎᑐᑦ ᑕᑯᓕᒪᓇᖏᑦᑐᑎᑐᓪᓗ ᑍᒤᑦᑑᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᓄᓪᓕ ᐃᓚᒋᔭᐅᓕᕐᐳᓯ ᒎᑎᐅᑉ ᐃᒡᓗᒥᐅᖃᑎᖏᓐᓄᑦ.

ᐄᑉᕈᐃᓄᑦ 11:14

ᑖᒃᑯᐊ ᑍᒤᑦᑐᒥᒃ ᐅᖃᕐᑐᑦ ᓇᓗᓁᕐᓯᑦᓯᐊᕐᐳᑦ ᓇᖕᒥᓂᖅ ᓄᓇᒋᓪᓚᕆᖕᓂᐊᕐᑕᒥᓂᒃ ᕿᓂᓚᐅᕐᒪᑕ.

ᐄᑉᕈᐃᓄᑦ 11:17

ᐅᒃᐱᕐᓂᑯᑦ ᐂᑉᕋᕼᐋᒻ, ᐃᕐᓂᕐᒥᓂᒃ ᐂᓴᑭᒥᒃ ᑐᓂᕐᕈᓯᕋᓱᐊᓚᐅᕐᐳᖅ, ᒎᑎᒧᑦ ᖃᐅᔨᓴᕐᑕᐅᓪᓗᓂ, ᐊᖏᕐᕕᐅᓯᒪᒐᓗᐊᕐᓗᓂ ᐃᕐᓂᑐᐊᓂ ᑐᓂᕐᕈᓯᐅᑎᑐᐃᓐᓇᕆᐊᖃᓕᓚᐅᕐᐹ.

ᐄᑉᕈᐃᓄᑦ 11:27

ᐅᒃᐱᕐᓂᑯᑦ ᐄᑦᔨᑉᑎ ᕿᒪᓚᐅᕐᐹ, ᐊᖓᔪᖅᑳᕐᔪᐊᑉ ᓂᓐᖓᐅᒪᓂᖓ ᓯᕘᕋᒋᓇᓂᐅᒃ; ᑕᑯᒃᓴᐅᖏᑦᑐᖅ ᒎᑎ ᑕᑯᓐᓇᕐᑕᒥᑐᑦ ᑍᒤᓪᓗᓂᐅᒃ ᐅᑎᕈᒪᔪᓐᓃᓚᐅᕐᐳᖅ.

ᐄᑉᕈᐃᓄᑦ 11:39

ᑖᒃᑯᐊᓗ ᑕᒪᕐᒥᒃ, ᐅᒃᐱᕐᓂᑯᑦ ᓵᓚᖃᓚᐅᕐᑐᑦ ᐅᓂᒃᑲᐅᓯᐅᕗᑦ, ᒎᑎᐅᓪᓕ ᐊᖏᕈᑎᒋᓯᒪᔭᖓᓂᒃ ᐱᔪᖃᓚᐅᓐᖏᓚᑦ,

ᐲᑦᑐᕉᓯ ᓯᕗᓪᓖᑦ 1:1

ᐲᑦᑐᕉᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖁᑎᖓᓂᑦ, ᐃᓄᖕᓄᑦ ᒎᑎᒧᑦ ᓂᕈᐊᕐᑕᐅᓯᒪᔪᓄᑦ ᕿᒫᓯᒪᓪᓗᑎᒃ ᓯᐊᒻᒪᕐᓯᒪᔪᓄᑦ ᓄᓇᓄᑦ ᐹᓐᑕᓯᒥ, ᒐᓔᑎᐊᒥ, ᑲᐸᑑᓯᐊᒥ, ᐂᓯᐊᒥ, ᐱᑎᓂᐊᒦᑦᑐᓄᓪᓗ.

ᐲᑦᑐᕉᓯ ᓯᕗᓪᓖᑦ 1:17

ᒎᑎ ᐊᑖᑕᒋᓂᕋᕐᓗᒍ ᐅᖃᕐᕕᒋᕙᒃᑯᑦᓯᐅᒃ ᐊᑦᔨᒌᒥᒃ ᐃᓄᖕᓂᒃ ᐃᖅᑲᕐᑐᐃᓲᖅ ᐊᑐᓂᑦ ᐱᓂᐊᕐᓂᕆᔭᖏᑦ ᒪᓕᒡᓗᒋᑦ; ᑍᒤᒻᒪᑦ ᑕᒫᓂ ᐃᓅᓂᑦᓯᓐᓂ ᑖᓐᓇ ᐅᐱᒋᑦᓯᐊᕐᓗᒍ ᐃᓅᒋᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ.

ᐲᑦᑐᕉᓯ ᓯᕗᓪᓖᑦ 2:11

ᓇᒡᓕᒋᔭᒃᑲ, ᕿᓄᕕᒋᕙᑦᓯ ᑕᒫᓂ ᓯᓚᕐᔪᐊᕐᒥ ᐊᖏᕐᕋᖃᖏᓐᓇᑦᓯ ᓄᓇᒋᓐᖏᑕᑦᓯᓐᓃᓐᓇᑦᓯ ᑎᒥᐅᑉ ᐱᔪᒪᓂᐊᓗᓐᖏᑦ ᐊᑐᕐᑍᓕᓯᐅᒃ ᑕᒪᒃᑯᐊ ᑕᕐᓂᑦᓯᓐᓂᒃ ᓵᓚᖃᕈᒪᖕᒪᑕ.

ᔪᐊᓇᓯ ᓯᕗᓪᓖᑦ 3:19

ᑍᒫᒃ ᖃᐅᔨᒪᑦᔪᑎᖃᕈᓐᓇᕐᐳᒍᑦ ᓱᓕᔪᒥᐅᑕᐅᓂᑦᑎᓐᓂᒃ, ᐆᒻᒪᑎᑦᑎᓐᓂ ᓇᓗᖏᑦᓯᐊᕐᓗᑕ ᓵᖓᓂ.