ᐄᑉᕈᐃᓄᑦ 10:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᖃᐅᔨᒪᒐᑦᑎᒍᑦ ᑖᓐᓇ ᐅᖃᓚᐅᕐᑐᖅ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ.” ᐊᒻᒪ ᐅᖃᕐᒥᔪᖅ, “ᐊᑕᓂᐅᑉ ᐃᓄᖁᑎᓂ ᐃᖅᑲᕐᑐᕈᒫᕐᐰᑦ.”

ᐄᑉᕈᐃᓄᑦ 10:30 Iomraidhean Croise

ᐃᓐᖏᕈᑎᑦ 135:14

ᐊᑕᓂᐅᑉ ᐃᓄᖁᑎᓂ ᓴᐳᑎᔪᒫᕐᒪᒋᑦ, ᐱᔨᓂᓗ ᓈᒃᑭᒋᓕᕈᒫᕐᐰᑦ.

ᐃᓐᖏᕈᑎᑦ 50:4

ᕿᓔᑦ ᑯᑦᓯᒃᑐᑦ ᕾᖁᔪᒫᕐᐰᑦ, ᓄᓇᕐᔪᐊᕐᓗᑦᑕᐅᖅ, ᐃᓄᖁᑎᓂ ᐃᖅᑲᕐᑐᕈᒪᓪᓗᒋᑦ:

ᐃᓐᖏᕈᑎᑦ 94:1

ᐊᑕᓃᖅ ᒎᑏ ᓱᒋᐊᕐᓯᓂᕐᒥᒃ ᐱᖃᕐᐳᑎᑦ, ᒎᑏ ᓱᒋᐊᕐᓯᓂᕐᒥᒃ ᐱᑕᖃᕋᕕᑦ, ᓴᖅᑭᓕᕆᑦ!

ᐃᓐᖏᕈᑎᑦ 96:13

ᐊᑕᓂᖅ ᕾᓕᕐᒪᑦ, ᓄᓇᕐᔪᐊᕐᒥᐅᑦ ᐊᐅᓚᑦᓱᒪᓪᓗᒋᑦ. ᑖᑦᓱᒪ ᓄᓇᕐᔪᐊᕐᒥᐅᑦ ᐊᐅᓚᑦᓱᒫᕐᐰᑦ ᓈᒻᒪᓈᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᓱᓕᑦᓯᐊᕐᓂᕐᒥᒍᑦ.

ᐃᓐᖏᕈᑎᑦ 98:9

ᓄᓇᕐᔪᐊᕐᒥᒃ ᐊᐅᓚᑦᓯᔭᕐᑐᕐᓗᓂ ᑎᑭᒻᒪᑦ. ᓄᓇᕐᔪᐊᕐᒥᐅᑦ ᐃᓄᖏᑦ ᐊᐅᓚᓐᓂᐊᕐᐰᑦ ᓈᒻᒪᑦᓯᐊᕐᑐᒃᑯᑦ, ᐃᓅᖃᑎᒌᒡᔪᐊᓪᓗ ᐊᑦᔨᒌᒃᑎᓐᓂᐊᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 59:17

ᓇᓛᒎᕐᓂᖅ ᓴᒡᕕᖕᒥᐅᑕᕐᑖᕆᕚ, ᐱᐅᓕᔭᐅᓂᕐᓗ ᓇᓴᕐᑖᕆᓪᓗᒍ, ᐊᓐᓄᕌᕐᓗᓂᓗ ᐊᑭᓂᐊᕐᓂᕐᒥᒃ, ᓂᓐᖓᐅᒪᓂᕐᔪᐊᕐᓗ ᐊᑎᕚ ᐅᓕᒡᔪᐊᓕᐅᑎᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 61:2

ᐅᖃᐅᑦᔨᖁᓪᓗᖓᓗ ᐊᕐᕌᒍᒥᒃ ᐊᑕᓂᐅᑉ ᐊᑲᐅᓈᕐᕕᒋᓕᕐᑕᖓᓂᒃ, ᒎᑎᑦᑕᓗ ᐊᑭᓂᐊᕐᕕᒃᓴᖓᑕ ᐅᓪᓗᖓᑕ ᓇᓪᓕᐅᑎᓯᒪᓕᕐᓂᖓᓂᒃ; ᕿᒃᓵᒃᑐᓕᒫᑦ ᓮᒻᒪᕐᑎᑕᐅᖁᓪᓗᒋᑦ;

ᐂᓮᐊᓯᐅᑉ ᐊᒡᓚᖏᑦ 63:4

ᐅᓪᓗᖅ ᐊᑭᓂᐊᕐᕕᒃᓴᕋ ᐆᒻᒪᒻᒥᐅᑕᕆᓕᕋᒃᑯ, ᐊᕐᕌᒍᓗ ᐱᐅᓕᒃᓯᕕᒃᓴᕋ ᑎᑭᓯᒪᓕᕐᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 18:30

“ᑍᒤᒻᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᐅᖃᐅᑎᕙᑦᓯ, ᐃᓕᑦᓯ ᐊᑐᓂᑦ ᐃᓕᖅᑯᓯᓯ ᒪᓕᒡᓗᒋᑦ ᐃᖅᑲᕐᑐᕐᓂᐊᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. ᓵᒋᐊᕆᑦᓯ ᐱᐅᖏᑦᑐᓕᓂᓯ ᕿᒪᒡᓗᒋᑦ, ᐊᔪᕐᑐᓕᓂᕐᒧᑦ ᑐᖁᔪᒃᓴᓐᖑᖁᓇᓯ.

ᐃᓯᑭᐊᓕᐅᑉ ᐊᒡᓚᖏᑦ 34:17

ᐃᓕᑦᓯᓕ ᓰᐱᖁᑎᒃᑲ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᖅᑲᕐᑐᕈᒫᕐᐸᒃᑲ ᓰᐲᑦ ᐊᑐᓂᑦ, ᓰᐲᓪᓗ ᐊᖑᓴᓪᓗᖏᑦ ᒎᑦᓰᓪᓗ ᐊᖑᓴᓪᓗᖏᑦ.

ᒨᓯᓯ ᐱᖓᔪᖏᑦ 19:18

ᐊᑭᓂᐊᕈᒪᔪᒃᓴᐅᓐᖏᓚᑎᑦ, ᓂᓐᖓᒃᓯᒪᕕᖃᕐᓂᐊᕐᓇᒡᓗ ᐃᓅᖃᑎᖕᓂᒃ, ᐃᓅᖃᑎᖕᓂᒡᓕ ᓇᒡᓕᒍᓱᒃᑐᒃᓴᐅᕗᑎᑦ ᐃᓕᒃᑐᑦ ᓇᒡᓕᒋᓗᒍ. ᐅᕙᖓ ᐊᑕᓂᐅᒐᒪ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᕉᒪᒥᐅᓄᑦ 13:4

ᐊᐅᓚᑦᓯᔨᐅᔪᑦ ᒎᑎᐅᑉ ᐱᔨᓯᕐᑎᒋᖕᒪᒋᑦ ᐱᕙᓪᓕᕈᑎᒃᓴᕐᓄᑦ. ᓈᒻᒪᖏᑦᑐᒥᒡᓕ ᐱᒍᕕᑦ, ᓯᕘᕋᒋᑦ, ᑕᒪᐅᖓᑐᐃᓐᓇᖅ ᓱᒋᐊᕐᓯᓂᕐᒥᒃ ᐱᔪᓐᓇᕐᓂᖃᕐᑎᑕᐅᖏᒻᒪᑕ; ᒎᑎᐅᓪᓕ ᐱᔨᑦᓯᕐᑎᒋᒪᒋᑦ ᖃᓄᐃᖏᑦᑎᐊᕐᓇᕐᑐᒥ ᐃᓅᖁᓪᓗᑎᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᓴᒧᐃᓕ ᓯᕗᓪᓖᑦ 25:26

ᒫᓐᓇᓕ ᐊᖓᔪᖅᑳᒃ, ᐊᑕᓂᖅ ᐆᒪᖕᒪ, ᑕᕐᓃᓪᓗ ᐆᒪᑎᓪᓗᒍ, ᐊᑕᓂᐅᑉ ᐃᓂᕐᑎᓚᐅᕐᐹᑎᑦ ᑐᖁᑦᓯᖁᓇᒃ ᐊᑭᒋᐊᖁᓇᒡᓗ ᐊᒡᒐᖕᓄᑦ, ᒫᓐᓇᓕ, ᐊᑭᕋᑎᑦ ᐃᓕᖕᓂᒃ ᓱᕅᓇᓱᐊᕐᑐᑦ ᓁᐳᓪᑎᑐᑦ ᑍᒤᓕᕐᓕᑦ.

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.