ᐄᑉᕈᐃᓄᑦ 10:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᐄᑉᕈᐃᓄᑦ 10:29 Iomraidhean Croise

ᐊᑕᓃᑦ ᐂᑉᐸᖏᑦ 9:33

ᔨᕼᐆᑉ ᕾᒐᓛᕐᕕᒋᕔᑦ, “ᐃᒐᓛᒃᑯᑦ ᐃᒋᓪᓗᒍ ᑲᑕᒃᑎᓚᐅᕐᓯᐅᒃ!” ᑕᕝᕙ ᔨᓴᐱᐅᓪ ᐱᖑᕚᑦ, ᒪᓂᖅᑲᒧᑦ ᑐᓐᓇᒥ ᐊᐅᖓᑕ ᓯᕐᐹᕿᓂᑯᖓᓄᑦ ᐃᒡᓘᑉ ᐊᑭᓐᓇᖓ ᐊᐅᒥᑦᑕᕐᐳᖅ ᕿᒥᕐᔪᐊᓄᓪᓗ ᑐᓪᓕᕋᕐᑕᐅᑦᓴᐅᑎᒋᓪᓗᓂ.

ᐃᓐᖏᕈᑎᑦ 143:10

ᐊᔪᕆᕐᑐᓚᐅᓐᖓ ᐱᔪᒪᔭᕐᓂᒃ ᐊᑐᕈᓐᓇᖁᓪᓗᖓ, ᒎᑎᒋᒐᒃᑭᑦ! ᐊᓂᕐᓂᕐᓄᑦ ᐱᐅᔪᒧᑦ ᑕᓯᐅᓚᐅᓐᖓ ᐊᖅᑯᑎᒧᑦ ᓇᖏᐊᕐᓇᖏᑦᑐᒧᑦ.

ᐃᓐᖏᕈᑎᑦ 91:13

ᓛᔭᓂᒃ ᖁᒡᓗᒋᐊᓂᒡᓗ ᐱᓱᒡᕕᖃᕐᓂᐊᕐᐳᑎᑦ, ᓛᔭᓪᓗ ᐃᓅᓱᒃᑐᑦ ᖁᒡᓗᒋᐊᓪᓗ ᑐᖁᓐᓇᕐᑐᓖᑦ ᑐᓪᓕᕋᕐᓂᐊᕐᐸᑎᑦ.

ᒨᓯᓯ ᐂᑉᐸᖏᑦ 24:8

ᒨᓯᓯᐅᓪᓗ ᐊᐅᒃ ᐴᒍᑕᕐᒦᑦᑐᖅ ᐱᓪᓗᓂᐅᒃ ᐃᓄᐃᑦ ᓯᕐᐸᕐᓴᕐᕕᒋᕔᑦ, ᐅᖃᕐᓗᓂᓗ, “ᑕᑯᒋᑦ ᑕᒪᓐᓇ ᐊᐅᒃ ᓇᓗᓁᒃᑯᑕᐅᕗᖅ ᐊᖏᖃᑎᖃᕐᓯᒪᓂᑦᑕ ᑍᒤᓕᖓᓂᐊᓕᕐᓂᖓᓂᒃ. ᐊᑕᓂᐅᑉ ᐊᖏᖃᑎᒋᓚᐅᕐᒪᓯ ᐱᖁᔭᒥᓂᒃ ᑐᓂᓯᕕᒋᒐᒥᓯ.”

ᐂᓮᐊᓯᐅᑉ ᐊᒡᓚᖏᑦ 14:19

ᐃᕝᕕᓪᓕ ᐊᓂᑕᐅᑐᐃᓐᓇᕐᓯᒪᕗᑎᑦ, ᐃᓗᕕᕐᓯᒪᓇᒡᓘᓐᓃᑦ, ᑎᒥᕕᓃᑦ ᑕᒫᓂᑐᐃᓐᓈᕐᑐᖅ ᓇᖁᔭᕐᓇᕐᐳᖅ, ᐅᓇᑕᕐᑐᓂ ᑐᖁᑕᐅᔪᕕᓃᑦ ᐊᓐᓄᕌᕕᓂᖏᑎᑐᑦ, ᓴᕕᒡᔪᐊᒧᑦ ᑲᐱᔭᐅᓯᒪᔪᑎᑐᑦ, ᐃᑎᕐᓵᓘᑉ ᐅᔭᕋᖏᓐᓄᑦ ᐃᒋᑕᐅᑐᐃᓐᓇᖃᑕᐅᓯᒪᒐᒥ, ᑎᒥᕕᓂᕐᑐᑦ ᑐᓪᓕᕋᕐᑕᐅᑐᐃᓐᓇᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 28:3

ᐃᕗᕅᑎᒥᐅᑦ ᐋᖓᔮᕐᑐᑦ ᓂᐊᖂᑎᖓᑦ ᐊᖓᔪᖅᑳᕐᔪᐊᕐᓯᐅᑦ ᐱᐅᔪᕆᑦᔪᑎᖓᑦ, ᑐᓪᓕᕋᕐᑕᐅᔪᑎᑐᑦ ᑍᒤᑕᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 1:5

“ᓄᑕᕋᒃᓴᓐᖑᓚᐅᕐᑎᓐᓇᒃ ᓱᓕ ᓂᕈᐊᓚᐅᕐᐸᒋᑦ; ᐃᓅᓕᖅᑳᕐᑎᓐᓇᒡᓗ ᐃᑦᔪᕐᓁᑎᓚᐅᕐᐸᒋᑦ; ᑎᓕᓚᐅᕐᐸᒋᑦ ᐱᔪᖃᓛᕐᑐᒥᒃ ᐅᖃᕐᑎᒋᔪᒪᓪᓗᑎᑦ ᐃᓅᖃᑎᒌᒡᔪᐊᓄᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15

ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 16:6

“ᐊᖅᑯᓵᕋᒃᑭᑦ, ᑕᑯᓚᐅᕐᐸᒋᑦ, ᐊᓈᓇᖕᓂᑦ ᐊᐅᖕᒥ ᐊᓂᖃᑎᖕᓂ ᓂᒪᒃᑎᓪᓗᑎᑦ, ᐊᐅᖏᓐᓇᕐᒦᑎᓪᓗᑎᑦ ᐅᖃᐅᑎᓚᐅᕐᐸᒋᑦ, ‘ᐃᓅᒋᑦ,

ᑖᓂᐊᓕᐅᑉ ᐊᒡᓚᖏᑦ 8:13

ᑐᓴᕐᐳᖓᓗ ᐃᑦᔪᕐᓁᑦᑐᒥᒃ ᐃᑦᔪᕐᓁᑦᑑᖃᑎᒥᓄᑦ ᐅᖃᕐᑐᒥᒃ, “ᖃᓄᖅ ᐊᑯᓂᐅᑎᒋᔪᖅ ᑕᑯᑎᑕᐅᑦᔪᑎ ᓇᓪᓕᐅᑎᓇᓱᐊᕐᓂᐊᕐᐹ? ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᖅ, ᐅᓇᑕᕐᓂᕐᓗ ᓱᓇᖃᕈᓐᓁᕐᑎᑦᓯᔪᖅ, ᐃᑦᔪᕐᓁᑦᑐᕕᐅᓪᓗ ᑐᓂᔭᐅᓯᒪᓂᖓ, ᐃᑦᔪᕐᓁᑦᑐᓪᓗ ᑐᓪᓕᕋᕐᑕᐅᓂᖏᑦ?”

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᓴᑲᕅᐊᐅᑉ ᐊᒡᓚᖏᑦ 12:10

“ᑕᒪᓐᓇ ᓇᓪᓕᐅᑎᒃᐸᑦ ᑍᕕᑎᐅᑉ ᑭᖑᕚᖏᑦ ᔨᕉᓴᓕᒥᓗ ᓄᓇᖃᕐᑐᑦ ᑯᕝᕕᕆᔪᒫᕐᐸᒃᑲ ᐊᓂᕐᓂᕐᒥᒃ ᓂᑲᒍᓱᖕᓂᕐᒥᒃ ᑐᒃᓯᐊᕈᒪᓂᕐᒥᒡᓗ, ᐅᕙᓐᓄᓪᓗ ᑕᑯᓴᕈᒫᕐᐳᑦ ᑲᐱᓚᐅᕐᑕᒥᖕᓂᒃ ᑕᑯᓗᑎᒃ, ᕿᒃᓵᒡᓗᑎᒃ ᐃᓔᓕᕿᑦᔪᑎᒋᔪᒫᕐᐹᑦ ᑖᓐᓇ, ᐃᕐᓂᑐᐊᒥᓂᒃ ᑐᖁᔨᐊᖃᕐᑐᑎᑐᑦ, ᐊᖏᔪᒥᒃ ᕿᐊᑦᔪᑎᒋᔪᒫᕐᐹᑦ ᐊᖓᔪᒃᓯᕐᐹᖁᑎᒥᖕᓂᒃ ᐃᕐᓃᕐᑐᑎᑐᑦ.

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 7:6

“ᐃᑦᔪᕐᓁᑦᑐᒥᒃ ᑐᓂᓯᓂᐊᕋᓯ ᕿᒻᒥᓄᑦ; ᓴᐸᖓᖁᑎᓯᓗ ᐊᑭᑐᔪᑦ ᐃᒋᓐᓂᐊᕐᓇᒋᑦ ᑰᒃᑰᓰᑦ ᓯᕗᓂᖓᓐᓄᑦ, ᑖᒃᑯᓇᓐᖓᑦ ᑐᓪᓕᕋᕐᑕᐅᑐᐃᓐᓇᕋᔭᕐᒪᑕ ᐃᓕᖕᓄᓪᓗ ᓵᓪᓗᑎᒃ ᐹᔭᐅᑐᐃᓐᓇᕆᐊᖃᕋᕕᑦ.”

ᒫᑯᓯᐅᑉ ᐊᒡᓚᖏᑦ 7:2

ᑕᑯᒐᒥᒃ ᐃᓕᓐᓂᐊᕐᑎᖏᑕ ᐃᓚᖏᑦ ᓂᕆᖕᒪᑕ ᐊᒡᒐᖕᒥᖕᓂᒃ ᐅᐊᓴᕐᓯᒪᓇᑎᒃ.

ᓘᑲᓯᐅᑉ ᐊᒡᓚᖏᑦ 12:10

“ᓇᓪᓕᐊᑦ ᐃᓅᑉ ᐃᕐᓂᖓᓂᒃ ᐊᑭᕋᕐᑐᕐᓗᓂ ᓂᓪᓕᐊᑦᔪᑎᓕᒃ ᐃᓱᒪᒋᔪᓐᓁᕐᕕᐅᔪᒫᕐᐳᖅ; ᓇᓪᓕᐊᓪᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᐅᓐᖏᑐᒥᒃ ᐅᖃᕐᓂᕐᓘᑎᓕᒃ ᐃᓱᒪᒋᔪᓐᓁᕐᕕᐅᓂᐊᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 10:36

ᒎᑎᐅᑉ ᐃᑦᔪᕐᓁᑎᓚᐅᕐᑕᖓᓄᑦ ᑎᓕᓚᐅᕐᑕᖓᓄᓪᓗ ᓄᓇᕐᔪᐊᕐᒧᑦ ᐅᖃᕈᓐᓇᕐᐱᓰ ‘ᒎᑎᒥᒃ ᐅᖃᕐᓂᕐᓘᑎᖃᕐᐳᑎᑦ,’ ᐅᖃᓚᐅᕐᓂᕋ ᐱᓪᓗᒍ, ‘ᒎᑎᐅᑉ ᐃᕐᓂᕆᕚᖓ’?

ᔪᐊᓇᓯᐅᑉ ᐊᒡᓚᖏᑦ 17:19

ᑖᒃᑯᐊ ᐱᑦᔪᑎᒋᓪᓗᒋᑦ ᐃᓕᖕᓄᑦ ᑐᓂᕗᖓ, ᑖᒃᑯᐊᑦᑕᐅᖅ ᓱᓕᔪᒥᒃ ᑐᓂᖁᓪᓗᒋᑦ ᐃᓕᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:51

ᓯᑎᐹᓇᓯ ᓱᓕ ᐅᖃᕐᐳᖅ, “ᓯᑎᔪᐊᓘᔪᓯ, ᑐᓴᕈᓐᓇᖏᑦᑐᐊᓘᓪᓗᓯ ᓈᓚᒍᓐᓇᖏᑦᑐᐊᓘᕗᓯ ᒎᑎᖃᖏᑦᑐᑎᑐᑦ, ᑍᒪᓐᖓᑦ ᐊᑭᕋᕐᑐᕐᑐᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᓯᕗᓕᕕᓂᑦᓯᑐᑦ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:27

ᑍᒤᒻᒪᑦ ᓇᓪᓕᐊᑦ ᐊᑕᓂᐅᑉ ᓂᐊᖂᔭᖁᑎᖓᓂᑦ ᓂᕆᔪᖅ ᐃᒥᐅᑎᖓᓂᓪᓗ ᐃᒥᕐᑐᖅ ᐊᑕᓂᒥᒃ ᓂᕐᑐᕐᓇᕐᑎᑦᓯᖏᓪᓗᓂ ᑖᓐᓇ ᐸᓯᔭᒃᓴᐅᓕᕐᐳᖅ ᐊᑕᓂᐅᑉ ᑎᒥᖓᓄᑦ ᐊᐅᖓᓄᓪᓗ ᐊᔪᕐᑐᓕᖕᒪᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:29

ᓇᓪᓕᐊᑦ ᓂᕆᔪᖅ ᐃᒥᕐᑐᕐᓗ ᐊᑕᓂᐅᑉ ᑎᒥᖓᑕ ᐊᐅᖓᑕᓗ ᑐᑭᖓ ᐃᓱᒪᒋᓇᒍ, ᑖᓐᓇ ᐃᒻᒥᓂᒃ ᐸᓯᔭᒃᓴᓐᖑᕐᑎᑉᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:25

ᐊᐅᓚᑦᓯᔭᕆᐊᖃᕐᐳᕐᓕ ᐊᑭᕋᕐᑐᕐᑎᖏᑦ ᑕᒪᕐᒥᒃ ᐃᑎᒐᖏᑕ ᐊᑖᓄᑦ ᐱᑎᑕᐅᓚᐅᖏᓐᓂᖏᓐᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:27

“ᒎᑎᐅᑉ ᓱᓇᓕᒫᑦ ᐃᑎᒐᖏᑕ ᐊᑖᓄᑦ ᐱᑎᑉᐰᑦ.” ᓇᓗᓇᖏᑦᓯᐊᕐᐳᖅ ᐅᓇ ᐅᖃᐅᓯᐅᑎᓪᓗᒍ “ᓱᓇᓕᒫᑦ,” ᒎᑎ ᐱᖃᓯᐅᑦᔭᐅᖏᒻᒪᑦ, ᙭ᔅᑑᓯᐅᑉ ᐃᑎᒐᖏᑕ ᐊᑖᓄᑦ ᐱᑎᑦᓯᒐᒥ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᐄᑉᕈᐃᓄᑦ 10:10

ᑕᕝᕙ ᑖᑦᓱᒪ ᐱᓂᐊᕐᑕᐅᖁᔭᖓᓄᑦ ᓴᓗᒻᒪᕐᑕᐅᕗᒍᑦ ᔩᓱᓯᐅᑉ ᙭ᔅᑑᓯᐅᑉ ᑎᒥᖓᑕ ᑐᓂᕐᕈᑕᐅᓂᖓᓄᑦ ᐊᑕᐅᓯᐊᕐᓗᓂ ᐱᒃᑲᓐᓂᕆᐊᖃᖏᑦᑐᒥᒃ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 13:20

ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,

ᐄᑉᕈᐃᓄᑦ 2:11

ᐃᑦᔪᕐᓁᑦᑐᓐᖑᕐᑎᑦᓯᔪᖅ ᐃᑦᔪᕐᓁᑎᑕᐅᔪᓪᓗ ᑕᒪᕐᒥᒃ ᐊᑕᐅᓯᕐᒥᒃ ᐊᑖᑕᖃᕐᐳᑦ. ᑕᒪᓐᓇ ᐱᓪᓗᒍ ᔩᓱᓯ ᑲᓐᖑᓱᓚᐅᓐᖏᓚᖅ ᐅᒃᐱᖃᑎᒥᓂᒃ ᑍᓗᒋᑦ.

ᐄᑉᕈᐃᓄᑦ 2:3

ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

ᐄᑉᕈᐃᓄᑦ 4:14

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕐᔪᐊᖃᕋᑦᑕ ᒎᑎᐅᑉ ᓇᔪᒐᖓᓄᑦ ᐂᓯᒪᔪᒥᒃ ᔩᓱᓯᒥᒃ, ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕗᑦ ᑎᒍᒥᐊᑦᓯᐊᕐᓚᕗᑦ.

ᐄᑉᕈᐃᓄᑦ 6:4

ᓵᒋᐊᕐᑎᑕᐅᒃᑲᓐᓂᕈᓐᓇᓐᖏᓚᑦ ᖃᐅᒻᒪᒃᓴᕐᑕᐅᓯᒪᓚᐅᕐᑐᑦ, ᑐᓂᕐᕈᑎᓂᒡᓗ ᕿᓚᖕᒥᑦ ᐱᔪᓂᒃ ᐆᒃᓯᓯᒪᔪᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓚᖏᐅᑎᑎᑕᐅᓯᒪᔪᑦ,

ᐄᑉᕈᐃᓄᑦ 6:6

ᑍᒤᑦᑐᓂᒃ ᖃᐅᔨᓚᐅᕐᓗᑎᒃ ᑲᑕᒃᐸᑕ, ᓵᒋᐊᕐᑎᑕᐅᒃᑲᓐᓂᕆᐊᒃᓴᖅ ᐊᔪᕐᓇᕐᐳᑦ, ᒎᑎᐅᑉ ᐃᕐᓂᖓᓂᒃ ᑭᑭᐊᒃᑐᐃᒃᑲᓐᓂᕐᒪᑕ ᓴᓐᓂᖓᔪᓕᖕᒧᑦ ᐃᓄᖕᓄᓪᓗ ᑲᓐᖑᓇᕐᓯᑎᓪᓗᒍ.

ᐄᑉᕈᐃᓄᑦ 9:13

ᒎᑦᓯᐅᑉ ᐃᒻᒧᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᓐᓄᑦ ᓄᕋᐅᔮᕐᑑᓪᓗ ᐊᕐᔭᓕᐅᕐᓂᖏᓐᓄᑦ ᐃᓄᐃᑦ ᐅᒃᐱᕐᓂᒃᑯᑦ ᐃᑦᔪᕐᓇᕐᑐᑦ ᑲᓐᖔᑎᕆᕕᐅᕙᓚᐅᕐᐳᑦ ᐃᑦᔪᕐᓁᑎᑕᐅᓪᓗᑎᒃ ᑕᑯᒃᓴᐅᔪᒃᑯᑦ ᓴᓗᒻᒪᕐᓴᕐᑕᐅᓂᕐᒥᒍᑦ.

ᐄᑉᕈᐃᓄᑦ 9:20

ᐅᖃᕐᓗᓂ, “ᐅᓇ ᑕᕝᕙ ᐊᐅᒃ ᐊᖏᖃᑎᒌᖕᓂᕐᒥᒃ ᓇᓗᓁᕐᓯᔪᖅ ᒎᑎᐅᑉ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.