ᐄᑉᕈᐃᓄᑦ 10:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᐅᕙᑦᑎᓐᓄᓪᓗ ᑲᒪᒋᑦᓯᐊᖃᑦᑕᐅᑎᓚᐅᕐᑕ ᐃᑲᔪᖃᑦᑕᐅᑎᓗᑕᓗ ᓇᒡᓕᖕᓂᑦᑎᓐᓂᒃ ᓴᖅᑭᑎᑦᓯᖃᑦᑕᐅᑎᓗᑕ ᐱᐅᔪᒥᒡᓗ ᐱᓇᓱᐊᑦᓯᐊᕐᓗᑕ.

ᐄᑉᕈᐃᓄᑦ 10:24 Iomraidhean Croise

ᐃᓐᖏᕈᑎᑦ 41:1

ᖁᕕᐊᓱᑦᓯᐊᕐᐳᖅ ᐊᔪᕐᓴᕐᑐᓂᒃ ᐃᓱᒪᒋᔭᖃᕐᑐᖅ; ᐊᑕᓂᐅᑉ ᓴᐳᑎᔪᒫᕐᒪᒍ ᐊᔪᕐᓇᕐᑐᖃᓕᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:7

ᐃᓱᐊᕐᑑᑉ ᐊᔪᕐᓴᕐᑐᑦ ᖃᓄᐃᓕᐅᕐᑕᐅᔭᕆᐊᖃᕐᓂᖏᑦ ᖃᐅᔨᒪᑦᓯᐊᕐᐰᑦ, ᐱᐅᖏᑦᑐᕐᓕ ᑕᒪᑐᒥᖓ ᖃᐅᔨᒪᓂᕐᒥᒃ ᑐᑭᓯᐅᒪᓐᖏᓚᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 11:29

ᐅᒃᐱᕐᑐᑦ ᐋᖅᑭᒃᓯᓚᐅᕐᐳᑦ ᐊᑐᓂᑦ ᑐᔪᐃᔪᒪᓪᓗᑎᒃ ᐊᔪᓐᖏᑕᒥᖕᓂᒃ, ᐃᑲᔫᑎᒋᓂᐊᕐᑕᒥᖕᓂᒃ ᐅᒃᐱᕐᑑᖃᑎᒌᓄᑦ ᔫᑎᐊᒥ ᓄᓇᖃᕐᑐᓄᑦ;

ᕉᒪᒥᐅᓄᑦ 11:4

ᖃᓄᕐᓕ ᒎᑎᐅᑉ ᑭᐅᓚᐅᕐᐸᐅᒃ? “ᓴᐳᑦᔨᓯᒪᕗᖓ ᐃᓄᖕᓂᒃ 7,000ᓂᒃ ᑐᒃᓯᐊᕐᕕᖃᓚᐅᖏᑦᑐᓂᒃ ᒎᑎᓐᖑᐊᒧᑦ ᐰᓕᒧᑦ.”

ᕉᒪᒥᐅᓄᑦ 12:15

ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:33

ᐅᕙᖓᑦᑕᐅᖅ ᖁᕕᐊᒋᔭᐅᓇᓱᐊᕋᒪ ᐱᓂᐊᕐᓂᒃᑯᑦ ᑕᒤᑎᒍᑦ, ᐅᕙᖓ ᐱᕙᓪᓕᕈᑎᒃᓴᓐᓄᑑᖏᑦᑐᑦ ᐊᓯᒪᓕ ᐱᕙᓪᓕᕈᑎᒃᓴᖏᓐᓄᑦ, ᐊᒥᓱᑦ ᐱᐅᓕᔭᐅᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:22

ᓴᓐᖐᑦᑐᓂ ᓴᓐᖐᑦᑐᑎᑐᑦ ᑍᒤᑉᐳᖓ, ᓴᓐᖐᑦᑐᑦ ᐱᐅᓕᔭᐅᖁᓪᓗᒋᑦ. ᐃᓄᐃᑦ ᐃᓕᖅᑯᓯᖏᓐᓄᑦ ᑕᒤᓐᓄᑦ ᐃᓅᖃᑕᐅᔪᓐᓇᕋᓱᐊᕐᐳᖓ, ᐊᔪᕐᓇᖏᑉᐸᑦ ᐃᓚᖏᑦ ᐱᐅᓕᔭᐅᔪᓐᓇᕐᓯᖁᓪᓗᒋᑦ ᐱᓇᓱᐊᕐᓂᒃᑯᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:8

ᑕᒪᑐᒥᖓ ᐃᓕᑦᓯᓐᓄᑦ ᐱᖁᔭᓕᐅᕋᓱᐊᓐᖏᓚᖓ, ᐊᓯᓯᓕ ᑲᔪᖏᑦᓯᐊᕐᓗᑎᒃ ᐱᓇᓱᐊᑦᓯᐊᕐᒪᑕ ᓇᒡᓕᖕᓂᓯ ᓱᓕᑦᓯᐊᕐᒪᖔᑦ ᐆᒃᑐᑐᐃᓐᓇᕐᐸᕋ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:2

ᖃᐅᔨᒪᒐᒪ ᐅᐸᓗᖕᒊᕐᓯᒪᓂᑦᓯᓐᓂᒃ, ᐅᐱᒍᓱᖕᓂᕋᓚᐅᕋᒪ ᐃᓕᑦᓯᓐᓂᒃ ᒫᓯᑑᓂᐊᒥᐅᓄᑦ ᐅᓐᓂᕐᓯᐅᑎᒋᓪᓗᓯ, ᐅᖃᐅᑎᓚᐅᕐᐸᒃᑲ ᐊᕐᕌᓂᓂᑦ ᐊᑬᐊᒥᐅᖑᔪᓯ ᑐᓂᓯᔪᒪᓂᕋᕐᓗᓯ; ᑕᒪᓐᓇ ᒫᓯᑑᓂᐊᒥᐅᓂᒃ ᐊᐅᓚᑦᔧᓯᒪᕗᖅ ᑲᔪᖏᕐᓴᕐᑕᐅᓪᓗᑎᒃ.

ᒐᓔᑎᐊᒥᐅᓄᑦ 5:13

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᕿᓚᕈᑦᔮᕐᑕᐅᖁᓪᓗᓯ ᕾᖁᔭᐅᓯᒪᕗᓯ; ᕿᓚᕈᑦᔮᕐᑕᐅᓯᒪᓂᓯᓕ ᑎᒥᐅᑉ ᐱᔪᒪᔭᖓᓄᑦ ᐊᐅᓚᑕᐅᑦᔪᑎᒋᓕᕐᑍᓕᓯᐅᒃ, ᓇᒡᓕᖕᓂᒃᑯᓪᓕ ᐊᑐᓂᑦ ᐱᔨᑦᓯᖃᑦᑕᐅᑎᓕᕆᑦᓯ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᒐᓔᑎᐊᒥᐅᓄᑦ 5:6

᙭ᔅᑑᓯ ᔩᓱᓯᒥ ᑭᐱᓯᒪᓂᖅ ᑭᐱᓯᒪᖏᓐᓂᕐᓗ ᐊᑐᖏᒻᒪᑎᒃ, ᐅᒃᐱᕐᓂᒃᑯᓪᓕ ᐱᓇᓱᐊᕐᓂᖅ ᓇᒡᓕᖕᓂᒃᑯᑦ ᐊᑐᕐᑐᑑᕗᖅ.

ᒐᓔᑎᐊᒥᐅᓄᑦ 6:1

ᐅᒃᐱᕐᑑᖃᑎᒃᑲ, ᑕᒻᒪᕐᓂᕐᒧᑦ ᓵᓚᐅᔪᖃᕐᐸᑦ, ᐅᒃᐱᕐᓂᖃᑦᓯᐊᕐᑐᓯᒍᑦ ᐋᖅᑭᓱᒐᒃᓴᕆᕙᓯ ᐊᓂᕐᓂᒃᑯᑦ ᓂᖃᒋᓗᒍ ᓱᐊᖓᑐᐃᓐᓇᖏᓪᓗᒍ. ᓇᖕᒥᓂᕐᓗ ᖃᐅᔨᓴᑦᓯᐊᕐᓗᑎᑦ, ᐱᐅᓐᖏᑐᒧᑦ ᐱᔪᒥᓵᕐᑕᐅᓕᖁᓇᑎᑦᑕᐅᖅ ᑍᒤᑦᑐᒧᑦ.

ᑯᓘᓯᐊᒥᐅᓄᑦ 3:16

᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᕐᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᓄᓪᓗ ᐊᓂᕐᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:3

ᐃᖅᑲᐅᒪᒐᑦᑕ ᒎᑎᑦᑕ ᐊᑖᑕᑦᑕᓗ ᓵᖓᓂ ᐅᒃᐱᕐᓂᖃᕐᓗᓯ ᐱᓂᐊᕐᓂᑦᓯᒍᑦ ᓴᖅᑭᑎᑕᐅᖕᒪᑦ ᓇᒡᓕᖕᓂᕐᒧᓪᓗ ᐊᒃᓱᕈᕐᓗᓯ ᐱᓇᓱᐊᕐᓂᑦᓯᓐᓂᒃ, ᓂᕆᐅᖕᓂᓯᓗ ᓱᕐᕋᔪᐃᑦᑑᓂᖓ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:11

ᑍᒤᒻᒪᑦ ᒪᓂᒍᕐᑎᒌᒋᑦᓯ ᐃᓕᑦᓯᓐᓄᑦ ᐊᑐᓂᑦ ᐃᑲᔪᕐᑎᒌᒡᓗᓯᓗ ᐊᑐᓂᑦ ᐃᓕᑦᓯᓐᓄᑦ, ᓲᕐᓗ ᑍᒫᒃ ᐱᓇᓱᐊᕋᑦᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:9

ᑍᒤᓕᐅᓚᐅᕐᐳᒍᑦ ᐃᑲᔪᕐᑕᐅᔭᕆᐊᖃᖏᓐᓂᕐᒨᖏᑦᑐᖅ, ᐃᓕᑦᓯᓐᓄᓪᓕ ᒪᓕᒐᒃᓴᐅᔪᓐᓇᕐᑐᒥᒃ ᐃᓅᓯᖃᓚᐅᕐᐳᒍᑦ.

ᑎᒧᑎᒧᑦ ᓯᕗᓪᓖᑦ 6:18

ᐱᐅᔪᒥᒃ ᐱᓇᓱᐊᖁᒃᑭᑦ, ᐱᓇᓱᐊᑦᓯᐊᕐᓂᒃᑯᑦ ᐊᔪᕐᓴᓐᖏᑦᑑᖁᓪᓗᒋᑦ, ᐊᓐᓂᕈᓱᖁᓇᒋᑦ ᐱᒋᔭᒥᖕᓂᒃ ᐃᑲᔪᖁᓪᓗᒋᓪᓗ ᐃᓅᖃᑎᒥᖕᓄᑦ.

ᑍᑑᓯᒧᑦ 2:4

ᐊᕐᓇᓂᒡᓗ ᐃᓅᓱᖕᓂᕐᓴᐅᔪᓂᒃ ᐊᔪᕆᕐᑐᐃᖁᓪᓗᒋᑦ ᐅᐃᒥᖕᓂᒃ ᓇᒡᓕᒍᓱᑦᓯᐊᖁᓪᓗᒋᑦ ᕿᑐᕐᖓᒥᖕᓂᒡᓗ.

ᑍᑑᓯᒧᑦ 3:8

ᑕᒪᑦᔭ ᐅᖃᐅᓯᖅ ᓱᓕᔪᖅ. ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᕐᑐᐃᖁᕙᒋᑦ, ᒎᑎᒧᑦ ᐅᒃᐱᕐᑐᑦ ᐱᓇᓱᐊᑦᓯᐊᕈᒪᓂᕐᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᓂᓕᒫᒥᒍᑦ; ᑍᒤᓕᐅᕐᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᓇᕐᑑᓪᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 13:1

ᐅᒃᐱᖃᑎᒌᒃᑐᑎᑐᑦ ᓇᒡᓕᒃᑎᒋᑦᓮᓐᓇᕆᑦᓯ.

ᐄᑉᕈᐃᓄᑦ 13:3

ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.

ᐄᑉᕈᐃᓄᑦ 3:13

ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.

ᔪᐊᓇᓯ ᓯᕗᓪᓖᑦ 3:18

ᕿᑐᕐᖓᑯᓗᒃᑲ, ᓇᒡᓕᖕᓂᖅ ᐅᖃᐅᓯᑐᐃᓐᓇᒃᑯᑦ ᓂᓪᓕᐊᓂᑐᐃᓐᓇᑯᓪᓘᓪᓃ ᓇᓪᓕᒍᓱᖕᓂᕋᓐᖏᓚᐅᕐᑕ ᐱᓂᐊᕐᓂᒃᑯᓪᓕ ᓱᓕᔪᒃᑯᓪᓗ.