ᐄᑉᕈᐃᓄᑦ 10:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 10:22 Iomraidhean Croise

ᐊᑕᓃᑦ ᓯᕗᓪᓖᑦ 15:3

ᐊᐰᔭ ᐊᑖᑕᖓᑕ ᐊᔪᕐᑐᓕᓂᕆᓚᐅᕐᑕᖓᓂᒃ ᒪᓕᓚᐅᕆᕗᖅ, ᐊᑕᓂᕐᒧᑦ ᒎᑎᒥᓄᑦ ᒪᓕᑦᓯᐊᕋᓂ, ᓯᕗᓪᓕᕐᒥᒃ ᐊᑖᑕᑦᓯᐊᓕᖅᑭᐅᑎᖓᑕ ᑍᕕᑎᐅᑉ ᒪᓕᑦᓯᐊᓚᐅᕐᓂᖓᑐᑦ.

ᑯᕉᓂᑲ ᓯᕗᓪᓖᑦ 12:33

ᓯᐳᓗᓂᐅᑉ ᑭᖑᕚᖏᓐᓂᑦ 50,000ᐅᕗᑦ ᐅᓇᑕᕐᑏᑦ, ᐅᓇᑕᕐᓂᕐᒧᑦ ᐊᑐᐃᓐᓇᐅᑦᓯᐊᕐᑐᑦ ᓱᓇᓕᒫᓂᒡᓗ ᐅᓇᑕᐅᑎᖃᑦᓯᐊᕐᓗᑎᒃ, ᑍᕕᑎᒥᒃ ᐃᑲᔪᕆᐊᓚᐅᕐᐳᑦ ᐊᑕᐅᓯᐅᓕᖅᑲᖓᑦᓯᐊᕐᑐᒥᒃ ᓯᕗᓂᖃᕐᓗᑎᒃ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᐃᓐᖏᕈᑎᑦ 111:1

ᐊᑕᓂᖅ ᓂᕐᑐᕐᑕᐅᓕ! ᐊᑕᓂᖅ ᖁᔭᒋᓂᐊᕐᐸᕋ ᐱᔪᓐᓇᕐᓂᓕᒫᓐᓄᑦ, ᐃᓅᑦᓯᐊᕐᑐᑦ ᑲᑎᒪᓂᖏᓐᓂ, ᐃᓚᒌᒃᑐᓂᓗ.

ᐃᓐᖏᕈᑎᑦ 119:10

ᐆᒻᒪᒻᒧᑦ ᐃᓗᖏᕐᓱᕐᓗᖓ ᕿᓂᓚᐅᕐᐸᒋᑦ; ᑍᒤᒻᒪᑦ ᐱᖁᔭᕐᓂᒃ ᕿᒤᑎᑦᑍᓕᓐᖓ.

ᐃᓐᖏᕈᑎᑦ 119:145

ᐆᒻᒪᑎᒃᑯᑦ ᐃᓗᖏᕐᓱᑦᓯᐊᕐᓗᖓ ᓂᓪᓕᐊᕕᒋᕙᒋᑦ; ᐊᑕᓃᖅ, ᑭᐅᓚᐅᓐᖓ! ᐊᑐᕐᑕᐅᖁᔭᑎᑦ ᓈᓚᖕᓂᐊᕐᐸᒃᑲ.

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:34

ᑐᑭᓯᔪᓐᓇᕐᑎᓚᐅᓐᖓ, ᐱᖁᔭᕐᓂᒃ ᒪᓕᒍᓐᓇᕐᓯᖁᓪᓗᖓ; ᑕᕝᕙ ᐊᑐᓕᕐᓂᐊᕐᐸᒃᑲ ᐆᒻᒪᒻᒧᑦ ᐊᑕᖏᕐᑐᒧᑦ.

ᐃᓐᖏᕈᑎᑦ 119:58

ᐱᕕᓕᒫᓐᓄᑦ ᐃᓕᖕᓄᑦ ᐃᓱᐊᕆᔭᐅᔪᒪᓪᓗᖓ ᕿᓄᕗᖓ, ᓂᑲᒋᓚᐅᓐᖓ ᐊᖏᕈᑎᒋᓯᒪᔧᑦ ᒪᓕᒡᓗᒍ.

ᐃᓐᖏᕈᑎᑦ 119:69

ᐱᐅᔪᕆᔪᑦ ᓱᓕᓇᑎᒃ ᐅᕙᓐᓂᒃ ᐅᖃᐅᓯᖃᕐᐳᑦ, ᐆᒻᒪᒻᒧᓪᓕ ᓱᓕᔪᒧᑦ ᐱᓂᐊᕐᑕᐅᖁᔭᑎᑦ ᓈᓚᖕᓂᐊᕐᐸᒃᑲ.

ᐃᓐᖏᕈᑎᑦ 119:7

ᓂᕐᑐᕐᓂᐊᕐᐸᒋᑦ ᐆᒻᒪᒻᒧᑦ ᓇᓛᒎᕐᑐᒧᑦ, ᖃᐅᔨᒍᒪ ᓇᓛᒎᕐᑐᒥᒃ ᒪᓕᒃᑕᐅᖁᔭᕐᓂᒃ.

ᐃᓐᖏᕈᑎᑦ 119:80

ᐆᒻᒪᑎᒐ ᐸᓯᔭᒃᓴᐅᓂᖃᕐᑍᓕᓕ ᐊᑐᕐᑕᐅᖁᔭᕐᓄᑦ, ᑲᓐᖑᓱᒃᑎᑕᐅᖁᓇᖓ.

ᐃᓐᖏᕈᑎᑦ 32:11

ᐊᓕᐊᓁᒍᓱᒋᑦᓯ ᐊᑕᓂᕐᒥ ᖁᕕᐊᓱᒡᓗᓯᓗ, ᐃᓕᑦᓯ ᐃᓱᐊᕐᑑᔪᓯ; ᕾᒐᓛᕐᓗᓯᓗ ᖁᕕᐊᓱᖕᓂᕐᒧᑦ, ᐃᓕᑦᓯ ᐆᒻᒪᑎᑦᓯᓐᓂ ᓱᓕᑦᓯᐊᕐᑐᓯ!

ᐃᓐᖏᕈᑎᑦ 51:10

ᐆᒻᒪᑎᒥᒃ ᓴᓗᒪᔪᒥᒃ ᓴᓇᓚᐅᕆᑦ ᐃᓗᓐᓂ, ᒎᑏ, ᓄᑖᓐᖑᕐᑎᓪᓗᒍᓗ ᐊᓂᕐᓂᕋ ᓈᓚᒎᕐᑐᖅ ᐃᓗᓐᓂ.

ᐃᓐᖏᕈᑎᑦ 73:28

ᐅᕙᓐᓄᓪᓕ ᐱᐅᕗᖅ ᒎᑎᒧᑦ ᖃᓂᑦᑑᓗᖓ; ᐊᑕᓂᖅ ᒎᑎ ᕿᒫᕕᒃᓴᓕᐊᕆᓯᒪᒐᒃᑯ, ᐅᖃᐅᓯᖃᕈᓐᓇᖁᓪᓗᖓ ᐱᓇᓱᐊᕐᓂᕆᓯᒪᔭᓕᒫᕐᓂᒃ.

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 9:1

ᐊᑕᓃᖅ ᓂᕐᑐᕈᒪᕙᒋᑦ ᐆᒻᒪᑎᓐᓄᑦ ᑕᒤᓐᓄᑦ; ᐱᓂᐊᕐᓂᑎᓪᓗ ᑲᒪᓇᕐᑐᑦ ᐅᖃᐅᓯᕆᔪᒪᕙᒃᑲ.

ᐃᓐᖏᕈᑎᑦ 94:15

ᓈᒻᒪᓈᕐᑐᒥᒃ ᐱᓇᓱᐊᕐᕕᐅᓂᖅ ᐅᑎᕐᓂᐊᕐᐳᖅ ᐃᓱᐊᕐᑐᓕᔪᓄᑦ, ᐆᒻᒪᑎᒥᒍᓪᓗ ᐃᓱᐊᕐᑐᓕᔪᓕᒫᑦ ᑕᒪᑐᒥᖓ ᒪᓕᖕᓂᐊᕐᐳᑦ.

ᒨᓯᓯ ᐂᑉᐸᖏᑦ 29:4

“ᐂᕉᓂᒃᑯᓪᓗ ᐃᕐᓂᕇᑦ ᕾᖁᔭᒃᓴᕆᕙᑎᑦ ᑐᐱᐅᑉ ᓇᔪᒐᕆᔭᒪ ᐃᑎᕐᑕᕐᕕᖓᑕ ᐹᖓᓄᑦ, ᑕᕝᕙᓂᓗ ᐃᒥᕐᒧᑦ ᐅᐊᓴᖁᔭᒃᓴᕆᕙᑎᑦ ᑎᒥᓕᒫᒥᖕᓂᒃ ᐅᒃᐱᕐᓂᒃᑯᑦ ᓴᓗᒻᒪᕐᑕᐅᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:26

ᐃᕐᓃᒃ, ᐆᒻᒪᑏᑦ ᐅᕙᓐᓄᑦ ᑐᓂᒍᒃ, ᐃᔨᖕᓄᓪᓗ ᐱᓂᐊᕐᓂᒃᑲ ᐅᑦᔨᕆᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 29:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᐃᓄᐃᑦ ᐅᑯᐊ ᖃᓂᕐᒥᖕᓄᑦ ᖃᓂᑦᑑᓇᓱᐊᕐᐳᑦ ᐅᐱᒋᓪᓗᖓᓗ ᑲᓂᕐᒥᖕᓄᑦ, ᐆᒻᒪᑎᖏᑕᓕ ᐅᖓᓯᒋᕚᖓ, ᐅᕙᓐᓂᒡᓗ ᐃᓕᕋᓱᖕᓂᖏᑦ ᐃᓄᐃᑦ ᐱᖁᔨᓂᖏᓐᓂᒃ ᒪᓕᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 24:7

ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᐃᓯᑭᐊᓕᐅᑉ ᐊᒡᓚᖏᑦ 16:9

“ᑕᕝᕙ ᐃᒪᕐᒧᑦ ᐅᐊᓴᓚᐅᕐᐸᒋᑦ ᐊᐅᖏᔭᑦᑎᐊᕐᓗᑎᓪᓗ; ᐸᐅᕐᖎᓪᓗ ᐅᕐᓱᖓᓄᑦ ᐅᕐᓱᕐᑎᕐᓗᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᒨᓯᓯ ᐱᖓᔪᖏᑦ 14:7

ᓯᕐᐸᕐᓴᕐᕕᒋᔭᒃᓴᕆᕚ 7ᐃᕐᓱᕐᓗᒍ ᓴᓗᒻᒪᕐᓂᕋᕐᑕᐅᔪᖅ ᑍᒤᓕᐅᕇᕈᓂᐅᒡᓗ ᓴᓗᒻᒪᓂᕋᓕᕐᓗᒍ ᐅᖃᕐᑐᒃᓴᐅᕗᖅ. ᑕᕝᕙ ᑎᖕᒥᐊᑯᓘᑉ ᐂᑉᐸᖓ ᑎᖏᑎᑕᒃᓴᕆᕚ ᓯᓚᒥ.

ᒨᓯᓯ ᐱᖓᔪᖏᑦ 16:4

ᐊᑐᕆᐊᖃᕐᐳᖅ ᖃᓪᓗᓈᕐᑕᒥᒃ ᐅᕕᓂᕈᕐᒥᒃ ᑕᑭᔪᒥᒃ, ᐃᓗᓪᓖᓪᓗ ᓵᑦᑐᑦ ᐊᑐᕐᓗᒋᑦ; ᑕᑦᓯᕈᓯᕐᓯᒪᓗᓂᓗ ᖃᓪᓗᓈᕐᑕᒥᒡᓗ ᓇᓴᕐᓯᒪᓗᓂ, ᑖᒃᑯᐊ ᐊᓐᓄᕌᑦ ᐃᑦᔪᕐᓁᑦᑑᖕᒪᑕ; ᐊᓐᓄᕌᖏᓐᓂᕐᒥᓂ ᐃᒥᕐᒧᑦ ᐅᐊᓴᕆᐊᖃᕐᐳᖅ ᑎᒥᓕᒫᒥᓂᒃ.

ᒨᓯᓯ ᐱᖓᔪᖏᑦ 8:6

ᒨᓯᓯᐅᑉ ᐂᕉᓂ ᐃᕐᓂᖏᓪᓗ ᐃᓄᐃᑦ ᓵᖏᓐᓄᑦ ᐱᑎᑉᐰᑦ, ᐃᒥᕐᒧᓪᓗ ᓴᓗᒻᒪᕐᓴᕐᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 13:1

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.

ᒨᓯᓯ ᓯᑕᒪᖏᑦ 8:7

ᐃᒫᒃ ᐱᓂᐊᕐᐳᑎᑦ ᑖᒃᑯᓂᖓ ᓴᓗᒻᒪᕐᓮᓗᑎᑦ, ᐃᒥᕐᒧᑦ ᓯᕐᐸᕐᓴᕐᓗᒋᑦ ᓴᓗᒻᒪᕐᓮᑦᔪᑎᒋᓗᒍ, ᑎᒥᓕᒫᑎᒃ ᒥᖅᑯᐃᔭᕆᐊᖃᕐᐰᑦ, ᐊᓐᓄᕌᑎᒡᓗ ᐅᐊᓴᕐᓗᒋᑦ, ᐃᒻᒥᖕᓂᒃ ᓴᓗᒪᑦᓯᐊᓕᖁᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᓘᑲᓯᐅᑉ ᐊᒡᓚᖏᑦ 1:1

ᐊᒥᓱᑦ ᑎᑎᖅᑲᑎᒍᑦ ᐋᖅᑭᒃᓱᑦᓯᐊᕐᓯᒪᓗᑎᒃ ᐅᓂᒃᑳᕋᓱᐊᕐᓯᒪᖕᒪᑕ ᐱᓂᐊᕐᓂᐅᓯᒪᔪᓂᒃ ᐊᑯᓐᓇᑦᑎᓐᓂ.

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 8:9

ᑕᒪᑐᒥᖓᓕ ᑐᓴᕋᒥᒃ, ᕿᒪᕉᑎᓕᕐᐳᑦ, ᐊᑕᐅᓯᐅᓈᕐᑎᕐᓗᑎᒃ, ᐃᓄᑐᖃᐅᓛᓂᑦ ᐱᒋᐊᖅᑳᕐᓗᑎᒃ. ᔩᓱᓯᓗ ᕿᒪᒃᑕᐅᕗᖅ ᐃᓄᑑᓕᕐᓗᓂ, ᐊᕐᓇᕐᓗ ᓇᖏᕐᑐᖅ ᐱᖃᑎᑐᐊᕆᓕᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 22:16

ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”

ᐋᐴᓯᑕᓖᑦ ᐱᓂᐊᕐᓂᖏᑦ 8:21

ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:11

ᐃᓚᓯ ᐃᓚᖏᑦ ᑍᒤᑦᑑᓚᐅᕆᕗᑦ. ᐊᔪᕐᓂᕐᒥᓪᓕ ᓴᓗᒻᒪᕐᑕᐅᓯᒪᓕᕐᐳᓯ, ᐃᑦᔪᕐᓁᑎᑕᐅᓪᓗᓯ, ᐸᓯᔭᒃᓴᐅᔪᓐᓃᕐᑎᑕᐅᕗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ ᒎᑎᑦᑕᓗ ᐊᓂᕐᓂᖓᓄᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᐃᐱᓯᒥᐅᓄᑦ 3:12

ᑖᑦᓱᒨᓇ ᐅᒃᐱᕐᓂᑯᑦ ᓯᕘᕋᖏᓪᓗᑕ ᐃᓕᕋᓱᓐᖏᓪᓗᑕᓗ ᐊᖅᑯᑎᒃᓴᖃᕐᐳᒍᑦ ᒎᑎᐅᑉ ᓇᔪᕐᑕᖓᓄᐊᕈᓐᓇᓕᕐᐳᒍᑦ ᖁᓚᕈᑎᖃᖏᓪᓗᑕ.

ᐃᐱᓯᒥᐅᓄᑦ 5:26

ᑍᒤᓚᐅᕐᐳᕐᓕ ᐅᒃᐱᕐᑑᖃᑎᒌᑦ ᐃᑦᔪᕐᓁᑎᑦᓱᒪᓪᓗᒋᑦ, ᐅᐊᓴᓚᐅᕐᐰᑦ ᓴᓗᒻᒪᕐᑎᓪᓗᒋᓪᓗ ᐃᒪᕐᒧᑦ ᐅᖃᐅᓯᕐᒧᓪᓗ,

ᐃᐱᓯᒥᐅᓄᑦ 6:5

ᐃᓕᑦᓯ ᓂᐅᕕᐊᖑᓯᒪᓪᓗᓯ ᐱᔨᐅᔪᓯ ᐊᖓᔪᖅᑳᓯ ᓄᓇᒦᑦᑐᑦ ᓈᓚᒃᓯᒋᒃ, ᓯᕘᕋᓗᓯ ᓴᔪᒡᓗᓯᓗ, ᓱᓕᑦᓯᐊᕐᓗᓯ ᐆᒻᒪᑎᑦᓯᒍᑦ, ᙭ᔅᑑᓯᒥᒃ ᐱᔨᑦᓯᕐᓂᕆᔭᑦᓯᑐᑦ.

ᑎᒧᑎᒧᑦ ᓯᕗᓪᓖᑦ 4:2

ᑍᒤᑦᑐᑦ ᐊᔪᕆᕐᑐᐃᓃᑦ ᓯᐊᒻᒪᒃᑎᑕᐅᓯᒪᕗᑦ ᓱᓕᓐᖏᑦᑐᑎᒍᑦ ᐅᐃᕕᕆᒃᓯᓪᓗᑎᒃ ᐃᓱᒪᖏᑦ ᐃᒃᐱᖕᓂᐊᓂᖃᕈᓐᓃᕐᐳᑦ ᓴᕕᕋᔭᖕᒧᑦ ᐆᓇᕐᓯᑎᑕᐅᓯᒪᔪᒧᑦ ᐆᑕᕐᑕᐅᓯᒪᔪᑎᑐᑦ.

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᐄᑉᕈᐃᓄᑦ 10:1

ᐱᖁᔭᓪᓕ ᑕᕐᕋᑐᐃᓐᓇᐅᕗᑦ ᐱᖁᑎᓄᑦ ᐱᐅᔪᓄᑦ ᐱᔪᒫᕐᑐᓄᑦ, ᑕᒪᒃᑯᐊᓪᓚᕆᐅᓇᑎᒃ, ᐊᕐᕌᒍᑕᒫᑦ ᑖᒃᑯᐊᑦᓮᓐᓁᑦ ᑐᓂᕐᕈᑕᐅᕙᓚᐅᕐᐳᑦ, ᓈᒻᒪᑦᓯᐊᕐᑐᒥᒡᓕ ᐃᓅᓯᖃᓕᕐᑎᑦᓯᔪᓐᓇᕋᑎᒃ ᒎᑎᒧᑦ ᖃᒡᓕᒋᐊᕐᑐᓂᒃ.

ᐄᑉᕈᐃᓄᑦ 10:19

ᑍᒤᒻᒪᑦ ᐅᒃᐱᖃᑎᒃᑲ, ᓯᕘᕋᖏᓪᓗᑕ ᐃᑎᕈᓐᓇᓕᕐᐳᒍᑦ ᐃᑦᔪᕐᓁᑦᑐᕕᖕᒧᑦ ᔩᓱᓯᐅᑉ ᐊᐅᖓ ᐊᖅᑯᑎᒋᓗᒍ.

ᐄᑉᕈᐃᓄᑦ 11:28

ᐅᒃᐱᕐᓂᑯᑦ ᖄᖏᕐᑕᐅᕕᖕᒥᒃ ᐱᒋᐊᕐᑎᑦᓯᓚᐅᕐᐳᖅ; ᐃᒡᓘᓪᓗ ᐅᒃᑯᐊᖏᑦ ᐊᐅᒃᑎᕐᑕᐅᖁᓪᓗᓂᒋᑦ, ᐃᕐᓂᐊᖑᖅᑳᕐᓯᒪᔪᑦ ᐊᖑᑎᑦ ᑐᖁᑕᐅᖁᓇᒋᑦ ᐃᓴᕆᐊᓕᒥᐅᓂ, ᑐᖁᕅᔭᕐᑐᕐᑐᒧᑦ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.

ᐄᑉᕈᐃᓄᑦ 6:11

ᐃᓇᑦᓯᓪᓚᕆᒃᐳᒍᑦ ᐃᓕᑦᓯ ᐊᑐᓂᑦ ᑲᑦᓱᖕᒊᕐᓯᒪᓂᕆᔭᓯ ᑲᔪᓯᑦᓯᐊᖁᓪᓗᒍ ᐃᓱᐊᓄᑦ, ᓂᕆᐅᖕᓂᕆᔭᓯ ᑲᔪᓯᑦᓯᐊᕈᓐᓇᖁᓪᓗᒍ.

ᐄᑉᕈᐃᓄᑦ 7:19

(ᐱᖁᔭᑦ ᓈᒻᒪᒃᓯᑎᑦᓯᔪᓐᓇᖏᒻᒪᑕ), ᓂᕆᐅᒃᕕᒃᓴᖃᑦᓯᐊᕐᓇᕐᓂᕐᓴᒥᒡᓕ ᐱᕕᒃᓴᕐᑖᕐᑎᑕᐅᓯᒪᕗᒍᑦ, ᑕᒪᑐᒨᓇᓗ ᒎᑎᒧᑦ ᖃᓂᒡᓕᑎᑕᐅᓪᓗᑕ.

ᐄᑉᕈᐃᓄᑦ 9:10

ᓂᕿᓄᑦ ᑍᒤᓕᐅᕆᐊᖃᓚᐅᕐᐳᑦ ᐃᒥᒃᓴᒧᓪᓗ ᓱᓇᑐᐃᓐᓇᕐᓂᒡᓗ ᐊᑦᔨᒌᖏᑦᑐᓂᒃ ᓴᓗᒻᒪᕐᑕᐅᑦᔪᑎᒃᓴᒧᑦ ᐱᐅᓯᕆᔭᐅᔪᑦ ᒪᓕᒃᑕᐅᓚᐅᕐᐳᑦ ᓄᑖᖅ ᐋᖅᑭᒋᐊᕐᑕᐅᔪᒫᕐᑐᖅ ᐊᑐᓕᓚᐅᖏᓐᓂᖓᓂ.

ᐄᑉᕈᐃᓄᑦ 9:19

ᒨᓯᓯᐅᑉ ᐱᖁᔭᑦ ᑕᒪᕐᒥᒃ ᐃᓄᖕᓄᑦ ᐊᑐᐊᕇᕋᒥᒋᑦ ᓄᕐᕋᐅᔭᐅᑉ ᒎᑦᓯᐅᓪᓗ ᐊᐅᖏᓐᓂᒃ ᐱᓪᓗᓂ, ᐃᒪᕐᒥᒃ ᐃᓚᓪᓗᒋᑦ ᑖᒃᑯᐊ ᐱᖁᔧᑦ ᑎᑎᕋᕐᓯᒪᔪᑦ ᓯᕐᐸᕐᓴᓚᐅᕐᐰᑦ ᐃᓄᐃᓪᓗ ᑕᒪᕐᒥᒃ, ᕼᐃᓴᑉᓂᒃ ᓰᐱᑦ ᒥᖅᑯᖏᓐᓂᒃ ᐊᐅᖕᒥᒃ ᐃᑦᓴᒃᑎᕐᓯᒪᔪᑦ ᐊᑐᕐᓗᒋᑦ.

ᔧᒥᓯᐅᑉ ᐊᒡᓚᖏᑦ 1:6

ᐅᒃᐱᑦᓯᐊᕐᓗᓂ ᑐᒃᓯᐊᕐᓕ, ᖁᓚᖏᑦᓯᐊᕐᓗᓂ, ᓇᓪᓕᐊᑦ ᖁᓚᕐᑐᖅ ᐃᒪᕕᐅᑉ ᒪᓕᖏᑎᑐᑦ ᐊᓄᕆᒧᑦ ᐊᐅᓚᑕᐅᔪᑎᑐᑦ ᑍᒤᒻᒪᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:5

ᔩᓱᓯ ᙭ᔅᑑᓯᒥᓪᓗ ᓱᖁᓯᔪᐃᑦᑑᓪᓗᓂ ᖃᐅᔨᑎᑦᓯᔪᒥᑦ, ᐃᕐᓂᕐᑖᕆᔭᐅᖄᕐᓯᒪᔪᒥᑦ ᑐᖁᖓᔪᓂᑦ ᒪᑭᑎᑕᐅᓯᒪᔪᓂᑦ, ᐊᖓᔪᖅᑳᕐᔪᐊᖑᔪᒥᓪᓗ ᐊᖓᔪᖅᑳᕐᔪᐊᓕᒫᓄᑦ ᓄᓇᕐᔪᐊᕐᒥ. ᑖᑦᓱᒪ ᓇᒡᓕᒋᖕᒪᑎᒍᑦ ᕿᓚᕈᑦᔮᓚᐅᕐᐹᑎᒍᓪᓗ ᐊᔪᕐᓂᑦᑎᓐᓂᑦ ᐊᐅᖕᒥᓄᑦ.