ᐄᑉᕈᐃᓄᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᐄᑉᕈᐃᓄᑦ 1:3 Iomraidhean Croise

ᑯᕉᓂᑲ ᓯᕗᓪᓖᑦ 29:11

ᐊᑕᓃᖅ ᐱᒋᒐᕕᒋᑦ ᐊᖏᔪᕐᔪᐊᖑᓂᖅ, ᐱᔪᓐᓇᕐᓂᕐᓗ, ᓂᕐᑐᕐᓇᕐᓂᖅ, ᓵᓚᖃᕐᓂᕐᓗ, ᐊᖓᔪᖅᑲᐅᓂᕐᓗ; ᕿᓚᖕᒦᑦᑐᓕᒫᑦ ᓄᓇᒦᑦᑐᓕᒫᓪᓗ ᐱᒋᒐᕕᒋᑦ; ᐊᑕᓂᐅᓂᖅ ᐱᒋᒐᕕᐅᒃ, ᐊᑕᓃᖅ, ᐊᖏᒡᓕᑎᑕᐅᕗᑎᑦ ᐊᖓᔪᖅᑳᕐᔪᐊᖑᓪᓗᑎᓪᓗ ᑕᒤᓐᓄᓕᒫᖅ.

ᔫᐱᐅᑉ ᐊᒡᓚᖏᑦ 37:22

ᐅᓐᓄᐊᑉ ᓇᓛᓂᑦ ᒎᓗᑎᑐᑦ ᑕᑯᒥᓇᕐᓂᓕᒃ ᓴᖅᑭᑉᐳᖅ, ᒎᑎ ᐊᓐᓄᕌᕐᓯᒪᖕᒪᑦ ᓂᕐᑐᕐᓇᕐᓂᕐᔪᐊᕐᒥᒃ ᐊᖏᔪᒥᒃ.

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᐃᓐᖏᕈᑎᑦ 75:3

ᓄᓇᕐᔪᐊᖅ ᓴᔪᒃᐱᓗᒃᐸᑦ, ᑕᕝᕙᓂᓗ ᐃᓅᔪᓕᒫᑦ, ᑕᕝᕙ ᐅᕙᖓ ᓱᑲᖏᓐᓂᒃ ᐋᖅᑭᒃᓯᓯᒪᕗᖓ ᐊᐅᓚᖏᑦᑐᒥᒃ. ᓰᓚ

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:4

ᐊᖓᔪᖅᑳᕐᔪᐊᑉ ᐅᖃᐅᓯᖏᑦ ᐱᔪᓐᓇᕐᓂᖃᕐᒪᑕ; ᑭᐊ ᐅᖃᐅᑎᔪᓐᓇᕐᐸᐅᒃ, “ᖃᓄᐃᓕᐅᕐᐲᑦ?”

ᒨᓯᓯ ᐱᖓᔪᖏᑦ 15:15

ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᑐᓂᕐᕈᑎᒋᓂᐊᕐᐰᑦ, ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᑐᓂᕐᕈᑕᐅᓗᓂ ᐃᑯᐊᓪᓚᒃᑕᐅᓗᓂ, ᑍᒫᒃ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓄᒃ ᑖᓐᓇ ᐊᓂᐊᑦᓯᕙᒃᑐᖅ ᐅᓱᖕᒥᒍᑦ.

ᒤᑲᐅᑉ ᐊᒡᓚᖏᑦ 5:4

ᓂᑯᕕᓪᓗᓂ ᓰᐱᖁᑎᓂ ᓂᕆᑎᑦᓱᒫᕐᐰᑦ, ᐊᑕᓂᐅᑉ ᓴᓐᖏᓂᖓᒍᑦ, ᐊᖓᔪᖅᑲᐅᓂᕐᔪᐊᖑᓂᖓᑕᓗ ᐊᑎᖓᒍᑦ ᐊᑕᓂᐅᑉ ᒎᑎᖓᑕ. ᐃᓄᖁᑎᖏᓪᓗ ᐃᓅᔪᒫᕐᐳᑦ ᓯᕘᕋᖏᓪᓗᑎᒃ ᐊᔪᖏᑦᑐᐊᓘᓂᖓ ᑎᑭᐅᑎᔪᒫᕐᐳᖅ ᓄᓇᕐᔪᐊᓕᒫᒧᑦ.

ᒫᑎᐅᓯᐅᑉ ᐊᒡᓚᖏᑦ 22:24

ᐅᖃᕐᓗᑎᒃ, “ᐊᔪᕆᕐᑐᐃᔩ, ᒨᓯᓯ ᐅᖃᓚᐅᕐᐳᖅ, ‘ᐊᖑᑦ ᕿᑐᕐᖓᕐᑖᓚᐅᕋᓂ ᑐᖁᒃᐸᑦ, ᓄᑲᖓᑕ ᐊᕐᓇᖅ ᐅᐃᒡᒐᕐᓯᒪᔪᖅ ᓄᓕᐊᕐᑖᕆᔭᒃᓴᕆᕚ, ᕿᑐᕐᖓᕐᑖᕈᓐᓇᖁᓪᓗᒋᒃ ᐊᖓᔪᖓᓄᑦ ᕿᑐᕐᖓᕆᔭᐅᓂᕋᕐᑕᐅᖁᓪᓗᒋᑦ.’

ᒫᑯᓯᐅᑉ ᐊᒡᓚᖏᑦ 16:19

ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ.

ᔪᐊᓇᓯᐅᑉ ᐊᒡᓚᖏᑦ 1:14

ᐅᖃᐅᓯᖅ ᑎᒥᑖᓚᐅᕐᐳᖅ ᐃᓅᖃᑎᒋᓕᓚᐅᕐᐸᕗᓪᓗ, ᓂᕐᑐᕐᓇᕐᓂᕐᔪᐊᖓ ᑕᑯᓚᐅᕐᐸᕗᑦ, ᓂᕐᑐᕐᓇᕐᓂᕐᔪᐊᖅ ᐊᑖᑕᒥᑦ ᐱᓯᒪᔭᖓ ᐃᕐᓂᑐᐊᖑᓂᕐᒥᓄᑦ; ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓱᓕᑦᓯᐊᕐᓂᕐᒥᒡᓗ ᑕᑕᑦᑐᖅ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 1:4

ᐃᓅᓯᖅ ᑖᑦᓱᒪᓃᓚᐅᕐᐳᖅ, ᐃᓅᓯᕐᓗ ᐃᓄᖕᓄᑦ ᑕᒤᓐᓄᑦ ᖃᐅᒻᒪᖅᑯᑕᐅᓚᐅᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 7:56

ᐅᖃᕐᓗᓂ, “ᑕᑯᒋᑦ, ᕿᓚᒃ ᐊᖕᒪᕐᑐᖅ ᑕᑯᕙᕋ, ᐃᓅᓪᓗ ᐃᕐᓂᖓ ᓇᖏᕐᑐᖅ ᒎᑎᐅᑉ ᑕᓕᕐᐱᐊᓂ.”

ᕉᒪᒥᐅᓄᑦ 1:16

ᐅᖃᐅᓰᑦ ᑐᓴᕈᒥᓇᕐᑐᑦ ᑲᓐᖑᓲᑎᒋᖏᓐᓇᒃᑭᑦ: ᒎᑎᐅᑉ ᐱᔪᓐᓇᕐᓂᕆᖕᒪᒋᑦ ᐅᒃᐱᕐᑐᓕᒫᓄᑦ ᐱᐅᓕᔭᐅᑦᔪᑕᐅᖁᓪᓗᒋᑦ, ᔫᑎᑦ ᓯᕗᓪᓕᐅᓗᑎᒃ ᒍᕇᑭᓄᓪᓗᑦᑕᐅᖅ.

ᕉᒪᒥᐅᓄᑦ 8:34

ᑭᓇ ᐃᒋᑕᒃᓴᓐᖑᕐᑎᑦᓯᔪᓐᓇᕐᐹ ᑕᑯᒋᑦ ᙭ᔅᑑᓯ ᔩᓱᓯᐅᑉ, ᑐᖁᓚᐅᕐᑑᑉ, ᑐᖁᒥᓪᓗ ᒪᑭᓚᐅᕐᑑᑉ, ᒎᑎᐅᓪᓗ ᑕᓕᕐᐱᐊᓃᑦᑑᑉ, ᑖᑦᓱᒪ ᑕᕝᕙ ᑐᒃᓯᐅᑎᖃᑦᑕᕐᐹᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑯᓘᓯᐊᒥᐅᓄᑦ 3:1

ᑕᕝᕙ ᙭ᔅᑑᓯ ᒪᑭᖃᑎᒋᓯᒪᒍᑦᓯᐅᒃ, ᐹᓃᑦᑐᓂᒃ ᐃᓱᒪᖃᕆᑦᓯ, ᙭ᔅᑑᓯ ᑕᑉᐹᓃᒻᒪᑦ, ᒎᑎᐅᑉ ᑕᓕᕐᐱᐊᓂ ᐃᒃᓯᕙᓪᓗᓂ.

ᑍᑑᓯᒧᑦ 2:14

ᑖᓐᓇ ᐃᒻᒥᓂᒃ ᑐᓂᓚᐅᕐᒪᑦ ᐅᕙᑦᑎᓐᓄᑦ ᐱᐅᓕᔪᒪᓪᓗᑕ ᐱᐅᖏᑦᑐᓂᑦ ᑕᒤᓐᓂᑦ ᐃᑦᔪᕐᓁᑦᑐᓐᖑᕐᑎᑦᓱᒪᓪᓗᑕᓗ ᓇᖕᒥᓂᖅ ᐃᓄᖁᑎᑖᕆᓗᓂᑎᒍᑦ ᐱᐅᔪᒥᒃ ᐃᓅᓯᖃᕈᒪᑦᓯᐊᖁᓪᓗᑕ.

ᐄᑉᕈᐃᓄᑦ 1:13

ᐂᖏᓖᑦ ᓇᓪᓕᐊᓐᓄᑦ ᐅᖃᓚᐅᕐᓯᒪᓐᖏᓚᖅ ᐃᒫᒃ: “ᑕᓕᕐᐱᓐᓄᑦ ᐃᖏᓕᕆᑦ, ᐊᑭᕋᕐᑐᕐᑎᖕᓂᒃ ᐃᑎᒐᖕᓄᑦ ᐃᑯᕐᕋᓕᐅᑦᔨᖅᑳᕐᑎᓐᓇᖓ.”

ᐄᑉᕈᐃᓄᑦ 10:12

᙭ᔅᑑᓯᓕ ᐊᑕᐅᓯᐊᕐᓗᓂ ᑐᓂᕐᕈᓯᐅᑎᓚᐅᕐᐳᖅ ᑐᖁᑕᐅᖁᓪᓗᒍ ᐊᔪᕐᓃᑦ ᐱᓪᓗᒋᑦ, ᒫᓐᓇᓕ ᐃᒃᓯᕙᓕᕐᐳᖅ ᒎᑎᐅᑉ ᑕᓕᕐᐱᐊᓂ,

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᐄᑉᕈᐃᓄᑦ 4:14

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕐᔪᐊᖃᕋᑦᑕ ᒎᑎᐅᑉ ᓇᔪᒐᖓᓄᑦ ᐂᓯᒪᔪᒥᒃ ᔩᓱᓯᒥᒃ, ᒎᑎᐅᑉ ᐃᕐᓂᖓᓂᒃ, ᐅᒃᐱᕐᓂᕗᑦ ᑎᒍᒥᐊᑦᓯᐊᕐᓚᕗᑦ.

ᐄᑉᕈᐃᓄᑦ 7:27

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.

ᐄᑉᕈᐃᓄᑦ 8:1

ᐅᖃᐅᑎᒋᔭᕗᑦ ᐃᒫᒃ ᑐᑭᖃᕐᐳᑦ: ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᕋᑦᑕ, ᕿᓚᖕᒦᑦᑑᑉ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ ᐃᒃᓯᕙᔪᒥᒃ,

ᐄᑉᕈᐃᓄᑦ 9:16

ᑐᖁᔪᑉ ᐱᔭᐅᔪᒃᓴᓕᐊᕆᓯᒪᔭᖏᑦ ᐃᓚᒥᓄᑦ, ᐱᔭᐅᔪᓐᓇᖁᓪᓗᒋᑦ ᐋᖅᑭᒃᓯᔪᕕᓂᐅᑉ ᑐᖁᓪᓚᕆᖕᓂᖓ ᓴᖅᑭᑎᑕᐅᔭᕆᐊᖃᕐᐳᖅ,

ᐄᑉᕈᐃᓄᑦ 9:26

ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ.

ᐲᑦᑐᕉᓯ ᓯᕗᓪᓖᑦ 1:21

ᑖᑦᓱᒨᓇ ᒎᑎ ᐅᒃᐱᕐᕕᒋᕙᓯ, ᑖᓐᓇ ᑐᖁᒥᑦ ᒪᑭᑎᑦᓯᓚᐅᕐᑐᖅ ᑖᑦᓱᒥᖓ ᓂᕐᑐᕐᓇᕐᓯᑎᓪᓗᒍᓗ, ᑍᒤᒻᒪᑦ ᐅᒃᐱᕐᓂᑦᓯ ᓂᕆᐅᖕᓂᓯᓗ ᒎᑎᒦᑉᐳᑦ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᐲᑦᑐᕉᓯ ᐂᑉᐸᖏᑦ 1:16

ᐅᓂᒃᑲᐅᓯᑐᐃᓐᓇᕐᓂᒃ ᒪᓕᓚᐅᓐᖏᓚᒍᑦ ᐃᓕᑦᓯᓐᓄᑦ ᐅᖃᐅᓯᖃᕐᑎᓪᓗᑕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᔪᓐᓇᕐᓂᖃᕐᓗᓂ ᑎᑭᑦᓱᒫᕐᓂᖓᓂᒃ, ᓇᖕᒥᓂᖅ ᑕᑯᓯᒪᒐᑦᑎᒍ ᑕᑯᒥᓇᕐᓂᕐᔪᐊᖓ.

ᐲᑦᑐᕉᓯ ᐂᑉᐸᖏᑦ 1:17

ᓇᔫᑎᓚᐅᕋᑦᑕ ᐅᐱᒋᔭᐅᑎᓪᓗᒍ ᓂᕐᑐᕐᓇᕐᑎᑕᐅᑎᓪᓗᒍᓗ ᒎᑎ ᐊᑖᑕᒧᑦ ᓂᐱ ᑐᓴᓚᐅᕐᐸᕗᑦ ᐱᓐᓇᕐᓇᕐᑐᔪᐊᒥᑦ ᐱᔪᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᓪᓗᒍ ᖁᕕᐊᒋᑦᓯᐊᕐᑕᕋ,”

ᔪᐊᓇᓯ ᓯᕗᓪᓖᑦ 1:7

ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.

ᔪᐊᓇᓯ ᓯᕗᓪᓖᑦ 3:5

ᖃᐅᔨᒪᕗᓯ ᑖᓐᓇ ᓴᖅᑭᑎᑕᐅᓚᐅᕐᒪᑦ ᐊᔪᕐᓂᕗᑦ ᐲᔭᕆᐊᕐᑐᕐᓗᒋᑦ. ᑖᑦᓱᒪᓂᓗ ᐊᔪᕐᓂᕐᑕᖃᓐᖏᓚᖅ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:11

“ᓂᕐᑐᒐᒃᓴᑑᕗᑎᑦ, ᐊᑕᓂᕗᑦ ᒎᑎᕗᓪᓗ, ᐅᐱᒋᔭᒃᓴᑑᕗᑎᑦ, ᐱᔪᓐᓇᕐᓂᖃᕐᑐᑑᓪᓗᑎᓪᓗ. ᐱᓐᖑᕐᑎᑦᑎᓯᒪᒐᕕᑦ ᓱᓇᓕᒫᓂᒃ, ᐱᖁᔨᓂᒃᑯᓪᓗ ᓴᖅᑭᓯᒪᕗᑦ ᐱᓐᖑᕐᑎᑕᐅᓪᓗᑎᒡᓗ.”