ᕼᐊᒊᑉ ᐊᒡᓚᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑕᓂᖅ ᐅᖃᕐᐳᖅ, ᒫᓐᓇ ᓴᐱᕐᑍᓕᒋᑦ ᔨᕈᐸᐱᐅᓪ, ᓴᐱᕐᑍᓕᒋᓪᓗ ᔮᓱᐊ ᔨᕼᐅᔭᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ; ᓴᐱᕐᑍᓕᒋᑦᓯ ᐃᓅᖃᑎᒌᓕᒫᖑᔪᓯ ᑕᒫᓂ ᓄᓇᖃᕐᑐᓯ, ᐱᓇᓱᐊᑦᓯᐊᕆᑦᓯ ᐃᓚᒋᕙᑦᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᕼᐊᒊᑉ ᐊᒡᓚᖏᑦ 2:4 Iomraidhean Croise

ᓴᒧᐃᓕ ᐂᑉᐸᖏᑦ 5:10

ᑍᕕᑎᓗ ᓲᖑᓯᕙᓪᓕᐊᑐᐃᓐᓇᓕᓚᐅᕐᐳᖅ, ᐊᑕᓂᐅᑉ ᒎᑎᐅᑉ ᖁᑦᓯᖕᓂᕐᐹᖑᔫᑉ, ᐃᓚᒋᓚᐅᕐᒪᒍ.

ᑯᕉᓂᑲ ᓯᕗᓪᓖᑦ 22:13

ᑕᕝᕙ ᐱᕙᓪᓕᐊᓕᕈᒫᕐᐳᑎᑦ ᒪᓕᑦᓯᐊᕈᕕᑦ ᐊᑕᓂᐅᑉ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᒨᓯᓯᒧᑦ ᑐᓂᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ. ᓲᖑᑦᓯᐊᕆᑦ, ᓯᕘᕋᖏᓪᓗᑎᓪᓗ. ᑲᑉᐱᐊᓱᖏᓪᓗᑎᑦ; ᓴᐱᕐᑍᓕᒋᑦ.

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᐄᓱᕋᐅᑉ ᐊᒡᓚᖏᑦ 10:18

ᐅᑯᐊ ᑕᕝᕙ ᐊᖑᑏᑦ ᓄᓕᐊᖃᓚᐅᕐᑐᑦ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᑐᓂᕐᕈᓯᕐᑎᑦᓯᔩᑦ, ᑎᑎᕋᕐᑕᐅᓯᒪᔪᑦ ᐃᓚᒌᖕᓂᖏᑎᒍᑦ: ᔩᓱᐊᑉ ᐃᓚᖏᑦ ᖃᑕᓐᖑᑎᖏᓪᓗ, ᔫᔭᑕᐅᑉ ᐃᕐᓂᖏᑦ ᖃᑕᓐᖑᑎᖏᓪᓗ, ᒫᓯᐊᒃᑯᑦ, ᐃᓔᓯᕆᒃᑯᑦ, ᔭᕆᑉᑯᑦ, ᒋᑕᓔᐊᒃᑯᓪᓗ.

ᐄᓱᕋᐅᑉ ᐊᒡᓚᖏᑦ 5:2

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ ᔩᓱᐊᓗ ᔫᔭᑕᐅᑉ ᐃᕐᓂᖓ ᐅᖃᐅᓯᕐᓂᒃ ᑐᓴᕋᒥᒃ, ᑐᒃᓯᐊᕐᕕᖕᒥᒃ ᓴᓇᒋᐊᓪᓚᓯᓚᐅᕐᐳᑦ ᔨᕉᓴᓕᒦᑦᑐᒥᒃ, ᑖᒃᑯᐊᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᐃᑲᔪᓚᐅᕐᐴᒃ.

ᒨᓯᓯ ᐂᑉᐸᖏᑦ 3:12

ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

ᕼᐊᒊᑉ ᐊᒡᓚᖏᑦ 1:13

ᑕᕝᕙ ᕼᐊᒊ, ᐊᑕᓂᐅᑉ ᐅᖃᕐᑎᖓ, ᐊᑕᓂᐅᑉ ᐅᖃᐅᓯᖏᓐᓂᒃ ᐃᓄᖕᓄᑦ ᐅᖃᕐᐳᖅ: “ᐃᓚᒋᕙᑦᓯ, ᐊᑕᓂᖅ ᐅᖃᕐᐳᖅ.”

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 8:9

ᐃᒫᒡᓗ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕆᕗᖅ: “ᐃᓕᑦᓯ ᒫᓐᓇ ᐅᖃᐅᓯᕐᓂᒃ ᑐᓴᕐᑐᓯ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᑦ ᐅᖃᐅᓯᐅᕙᓚᐅᕐᑐᑦ ᐊᑦᔨᖏᓐᓂᒃ ᐊᑕᓂᐅᑉ ᐃᒡᓗᖓᑕ ᑐᓐᖓᕕᖏᑦ ᓴᓇᔭᐅᕙᓪᓕᐊᑦᔪᑎᒃᓴᖏᓐᓄᑦ, ᐊᒡᒐᓯ ᓴᓐᖏᔫᑦᓯᐊᕐᓕᑦ ᑐᒃᓯᐊᕐᕕᒡᔪᐊᖅ ᓴᓇᔭᐅᔪᓐᓇᖁᓪᓗᒍ.

ᒫᑯᓯᐅᑉ ᐊᒡᓚᖏᑦ 16:20

ᐃᓕᓐᓂᐊᕐᑎᑦ ᐊᔪᕆᕐᑐᐃᔭᕐᑐᕐᐳᑦ ᓇᒧᑐᐃᓐᓇᓕᒫᖅ, ᐊᑕᓂᐅᑉ ᐱᓇᓱᐊᖃᑎᒋᕔᑦ ᐊᔪᕆᕐᑐᐃᓂᖏᑕ ᓱᓕᓂᖏᑦ ᓇᓗᓁᒃᑯᑕᖃᓚᐅᕐᐳᑦ ᑲᒪᓇᕐᑐᓕᓂᒃᑯᑦ ᐱᓇᓱᐊᕐᑕᖏᑎᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:9

“ᔧᑰᑉ ᐃᕐᓂᖏᑕ ᖃᑕᓐᖑᑎᑎᒃ ᔫᓯᐱ ᓇᓪᓕᒋᔭᑑᓗᐊᕆᓪᓗᒍ ᓂᐅᕐᕈᑎᒋᕚᑦ ᐄᑦᔨᑉᑎᒧᑦ; ᒎᑎᐅᓪᓕ ᐃᓚᒋᓚᐅᕐᐹ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:13

ᖃᐅᔨᓴᑦᓯᐊᕆᑦᓯ, ᐅᒃᐱᕐᓂᕐᒥ ᓂᑯᕕᖓᑦᓯᐊᕐᓗᓯ, ᓯᕘᕋᖏᓪᓗᓯ, ᓴᓐᖏᔫᓗᓯᓗ.

ᐃᐱᓯᒥᐅᓄᑦ 6:10

ᑭᖑᓪᓕᕐᐹᒥᒡᓕ, ᓴᓐᖏᔫᒋᑦᓯ ᐊᑕᓂᕐᒥ ᐊᔪᒐᖃᖏᓐᓂᖓᑕ ᐱᔪᓐᓇᕐᑎᑦᓯᓂᖓᓄᑦ.

ᒨᓯᓯ ᑕᓪᓕᒪᖏᑦ 31:23

ᑕᕝᕙ ᐊᑕᓂᖅ ᔮᓱᐊᒧᑦ ᐅᖃᓕᕐᐳᖅ ᓈᓂᐅᑉ ᐃᕐᓂᖓᓄᑦ ᐅᖃᐅᑎᓪᓗᒍᓗ, “ᓴᓐᖏᔫᓕᕆᑦ ᓯᕘᕋᔪᐃᓪᓗᑎᓪᓗ; ᐃᓴᕆᐊᓕᒥᐅᑦ ᑕᓯᐅᕐᓂᐊᕋᕕᒋᑦ ᓄᓇᒧᑦ ᑖᒃᑯᓄᖓ ᐅᖃᕕᒡᓗᖓ ᐊᖏᕈᑎᒋᓯᒪᔭᓐᓄᑦ; ᐅᕙᖓ ᐱᖃᑎᒋᓂᐊᕐᐸᒋᑦ.”

ᑎᒧᑎᒧᑦ ᐂᑉᐸᖏᑦ 2:1

ᐃᑉᕕᓪᓕ ᐃᕐᓃᒃ ᓴᓐᖏᔫᓕᕆᑦ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᙭ᔅᑑᓯ ᔩᓱᓯᒦᑦᑐᒃᑯᑦ,

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᔮᓱᐊᑉ ᐊᒡᓚᖏᑦ 1:6

ᓲᖑᓂᖃᓕᕆᑦ ᖁᓚᖏᓪᓗᑎᓪᓗ; ᓯᕗᓕᕐᑎᐅᓛᕋᕕᑦ ᐃᓄᖕᓄᑦ ᓄᓇᑖᓕᕐᑎᓪᓗᒋᑦ ᑕᒪᓐᓇ ᑍᒫᒃ ᓯᕗᓕᖏᓐᓄᑦ ᐊᖏᕈᑎᒋᓚᐅᕋᒃᑯ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᐃᓗᐊᕐᓮᔩᑦ ᐊᒡᓚᖏᑦ 2:18

ᐊᑕᓂᐅᑉ ᐃᓴᕆᐊᓕᒥᐅᑉ ᐃᓱᐊᕐᓮᔨᓂᒃ ᑐᓂᑐᐊᕐᒪᒋᑦ ᐊᑕᓂᐅᑉ ᐃᓚᒋᖃᑦᑕᓚᐅᕐᐰᑦ ᐃᓗᐊᕐᓮᔩᑦ, ᐃᓄᖕᓂᒡᓗ ᐱᐅᓕᒃᓯᓚᐅᕐᐳᖅ ᐊᑭᕋᖏᓐᓂᑦ, ᐃᓗᐊᕐᓮᔩᑦ ᐃᓅᓂᖏᓐᓂ ᐊᑕᓂᐅᑉ ᓈᒃᑭᒋᓚᐅᕐᐰᑦ ᐊᓂᕐᓴᐅᒥᓂᖃᓚᐅᕐᒪᑕ ᐅᑯᒤᒃᓴᕐᓂᕐᒥᖕᓂᒃ ᐊᒃᓱᕈᕐᑎᑕᐅᓂᕐᒥᖕᓂᒡᓗ.

ᓴᒧᐃᓕ ᓯᕗᓪᓖᑦ 16:18

ᐱᔨᖓᑕ ᐃᓚᖓ ᐃᓅᓱᒃᑐᖅ ᑭᐅᕗᖅ, “ᑕᑯᒋᑦ, ᑕᑯᓯᒪᕗᖓ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᖓᓂᒃ, ᓂᑦᔭᐅᓯᔭᑦᓯᐊᕈᓐᓇᕐᑐᒥᒃ, ᓯᕘᕋᖏᑦᑐᖅ ᐅᓇᑕᕈᓐᓇᕐᓗᓂᓗ, ᓯᓚᑐᔪᒥᒃ ᐅᖃᐅᓯᖃᕈᓐᓇᕐᑐᖅ, ᑕᑯᒥᓇᕐᑐᖅ; ᐊᑕᓂᐅᓪᓗ ᑖᓐᓇ ᓇᔪᕐᐹ.”