ᕼᐊᒊᑉ ᐊᒡᓚᖏᑦ 2:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐊᖓᔪᖅᑲᐅᕖᑦ ᐃᒃᓯᕙᐅᑕᕐᔪᐊᖏᑦ ᐅᕐᕈᑎᓐᓂᐊᕐᐸᒃᑲ; ᐃᓅᖃᑎᒌᒡᔪᐊᓪᓗ ᐊᖓᔪᖅᑲᐅᕕᖏᑕ ᐱᔪᓐᓇᕐᓂᖏᑦ ᐊᓯᕈᕐᓂᐊᓕᕐᐸᒃᑲ, ᐅᓇᑕᐅᑏᓪᓗ ᐊᒃᓴᓗᐊᓖᑦ ᐅᕐᕈᑎᓐᓂᐊᕆᕙᒃᑲ ᐃᑭᒪᔪᓪᓗ ᐱᖃᓯᐅᑎᓗᒋᑦ; ᕿᒻᒥᕐᔪᐊᓪᓗ ᐃᑭᒪᔪᓪᓗ ᑲᑕᒃᑎᓐᓂᐊᕐᐸᒃᑲ, ᖃᑕᓐᖑᑎᒌᓕᒫᑦ ᓴᕕᒡᔪᐊᒧᑦ ᑐᖁᖃᑦᑕᐅᑎᓂᐊᕐᐳᑦ.

ᕼᐊᒊᑉ ᐊᒡᓚᖏᑦ 2:22 Iomraidhean Croise

ᑯᕉᓂᑲ ᐂᑉᐸᖏᑦ 15:6

ᐃᓅᖃᑎᒌᒡᔪᐊᑦ ᐃᒻᒥᖕᓄᑦ ᐊᓯᕈᖃᑦᑕᐅᑎᖃᑦᑕᓚᐅᕐᐳᑦ, ᐃᒡᓗᒐᓮᓪᓗ ᐃᒡᓗᒐᓴᐅᖃᑎᒥᖕᓄᑦ, ᒎᑎᐅᑉ ᐊᒃᓱᕈᕐᓇᕐᑐᒃᑰᕐᑎᓚᐅᕐᒪᒋᑦ ᐅᖁᒤᑦᑐᒃᑯᑦ.

ᑯᕉᓂᑲ ᐂᑉᐸᖏᑦ 20:22

ᐃᓐᖏᓕᕐᒪᑕ ᓂᕐᑐᐃᓪᓗᑎᒃ, ᑕᕝᕙ ᐊᑕᓂᖅ ᐅᐃᒻᒪᖕᓇᕐᑐᒥᒃ ᑎᑭᑎᑦᓯᕗᖅ ᐊᒧᓁᑎᓄᑦ, ᒧᐊᐱᒥᐅᓄᓪᓗ, ᖃᖅᑲᒧᑦ ᓰᐊᕆᒥᐅᓄᓪᓗ, ᔫᑕᒥᐅᓄᑦ ᐅᓇᑕᕆᐊᓚᐅᕐᑐᓄᑦ, ᑖᒃᑯᐊᓗ ᑐᑮᕈᑎᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 20:23

ᐊᒧᓁᒥᐅᑦ ᒧᐊᐱᒥᐅᓪᓗ ᐅᓇᑕᓕᓚᐅᕐᐳᑦ ᖃᖅᑲᒥ ᓰᐊᕆᒥᐅᓂᒃ, ᑐᖁᕋᕐᐰᓪᓗ ᓄᖑᑦᓯᐊᕐᓗᒋᑦ, ᓯᐊᕆᒥᐅᑦ ᓄᖑᓐᓇᒥᒋᑦ, ᑕᕝᕙ ᐃᒻᒥᖕᓄᑦ ᓵᓪᓗᑎᒃ ᑐᖁᕋᖃᑦᑕᐅᑎᓕᓚᐅᕆᕗᑦ.

ᐃᓐᖏᕈᑎᑦ 46:9

ᐅᓇᑕᕐᓃᑦ ᓄᖅᑲᕐᑎᑉᐰᑦ ᓄᓇᕐᔪᐊᓕᒫᒥ; ᐱᑎᒃᓰᑦ ᓇᐱᕔᑦ ᓇᐅᒃᑯᑏᓪᓗ ᑭᐱᓪᓗᒋᑦ ᒪᕐᕉᓕᕔᑦ. ᓴᐴᓗᑍᓪᓗ ᐃᑯᐊᓪᓚᒃᑎᓪᓗᒋᑦ.

ᐃᓐᖏᕈᑎᑦ 76:6

ᔧᑰᑉ ᒎᑎᖓ, ᓱᐊᒃᑲᕕᑦ, ᕿᒻᒥᕐᔪᐊᑦ ᐃᑭᒪᔪᓪᓗ ᐅᕐᕈᕗᑦ ᑐᖁᓪᓗᑎᒃ.

ᒨᓯᓯ ᐂᑉᐸᖏᑦ 14:17

ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᓯᑎᔫᑎᓐᓂᐊᕐᐸᒃᑲ ᒪᓕᒃᓴᕐᓂᐊᕐᐳᓪᓗ ᑖᒃᑯᓂᖓ. ᐅᐱᒋᔭᐅᑦᔪᑎᑖᕐᓂᐊᕐᐳᖓᓗ ᓵᓚᖃᕐᓂᓐᓂᒃ ᐊᖓᔪᖅᑳᕐᔪᐊᒥᒃ, ᐅᓇᑕᕐᑐᒃᓴᖁᑎᖏᓐᓂᒡᓗ, ᕿᒧᒃᓯᐅᑎᖁᑎᖏᓐᓃᑦᑐᓕᒫᓂᒃ.

ᒨᓯᓯ ᐂᑉᐸᖏᑦ 14:28

ᐃᒫᓗᒃ ᐅᑎᕆᐊᕐᒪᑦ ᐄᑦᔨᑉᑎᒥᐅᑦ ᐅᓇᑕᕐᑐᒃᓴᖁᑎᖏᑦ ᕿᒧᒃᓯᐅᑎᓕᒫᑦᓯᐊᖏᓪᓗ ᐃᓴᕆᐊᓕᒥᐅᓂᒃ ᒪᓕᒃᑐᕕᓃᑦ ᐃᒫᓄᑦ ᐅᓕᒃᑕᐅᕗᑦ ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᓇᑎᒃ.

ᒨᓯᓯ ᐂᑉᐸᖏᑦ 15:19

ᐰᕉᑉ ᕿᒻᒥᕐᔪᐊᖁᑎᖏᑦ ᖃᒧᑎᓖᓪᓗ ᐃᑭᒪᔪᓪᓗ ᐃᒪᒃᑯᑦ ᐊᕕᒃᓯᒪᔪᒃᑯᑦ ᐃᖏᕐᕋᓚᐅᕐᐳᑦ, ᐊᑕᓂᐅᓪᓕ ᐃᒪᖅ ᐅᑎᕐᑎᒻᒪᒍ ᐃᓂᖓᓄᑦ ᑕᒪᑐᒧᖓ ᐅᓕᒃᑕᐅᕗᑦ; ᐃᓴᕆᐊᓕᒥᐅᓪᓕ ᐃᓄᖏᑦ ᐱᓱᓚᐅᕐᐳᑦ ᓄᓇᒃᑯᑦ ᐸᓂᕐᑐᒃᑯᑦ ᐃᒪᐅᑉ ᕿᑎᖓᒍᑦ.

ᒨᓯᓯ ᐂᑉᐸᖏᑦ 15:4

ᐰᕉᑉ ᕿᒧᒃᓯᐅᑎᖁᑎᖏᑦ ᖃᒧᑎᓖᑦ ᐃᓄᖏᓪᓗ ᐃᒫᕐᑎᓚᐅᕐᐰᑦ ᐃᒪᕐᕕᖕᒧᑦ; ᐊᖓᔪᖅᑳᖁᑎᖏᓪᓗ ᓂᕈᐊᕐᑕᐅᓯᒪᔪᑦ ᑭᕕᓚᐅᕐᐳᑦ ᐃᒪᕐᒧᑦ ᐊᐅᐸᓗᒃᑕᒧᑦ.

ᐂᓮᐊᓯᐅᑉ ᐊᒡᓚᖏᑦ 19:2

ᐄᑦᔨᑉᑎᒥᐅᑦ ᓵᓐᖓᑎᑦᓱᒫᕐᐸᒃᑲ ᐃᓅᖃᑎᒥᖕᓂᒃ, ᐅᓇᑕᓕᕈᒫᕐᐳᑦ, ᐊᖑᑏᑦ ᓄᑲᕇᑦ ᐃᒻᒥᖕᓄᑦ ᐅᓇᑕᓕᕐᓗᑎᒃ, ᓯᓚᖅᑲᑎᒌᑦ ᓯᓚᖅᑲᑎᒥᖕᓄᑦ ᐅᓇᑕᓕᕐᓗᑎᒃ, ᐃᒡᓗᒐᓴᒡᔪᐊᒥᐅᑦ ᐃᒡᓗᒐᓴᒡᔪᐊᒥᐅᓂᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ, ᐊᖓᔪᖅᑳᕐᔪᐊᖃᕐᕖᓪᓗ ᐊᖓᔪᖅᑳᕐᔪᐊᖃᕐᕕᖕᒥᒃ ᐊᓯᒥᖕᓂᒃ ᐅᓇᑕᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 60:12

ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕖᓪᓗ ᐃᓕᑦᓯᓐᓂᒃ ᐱᔨᑦᓯᕈᒪᖏᑦᑐᑦ ᐊᓯᕈᕈᒫᕐᐳᑦ; ᓄᓇᒥᓗ ᐃᓅᖃᑎᒌᒡᔪᐊᑦ ᑐᖁᖓᐅᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 9:19

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓂᓐᖓᐅᓯᖓᓄᑦ ᓄᓇ ᐃᑯᐊᓪᓚᒃᑕᐅᕗᖅ, ᐃᓄᐃᓪᓗ ᐃᑯᒪᒧᑦ ᐃᑯᐊᓪᓚᖅᑯᑎᒃᓴᑎᑐᑦ ᑍᒤᓪᓗᑎᒃ; ᓇᓪᓕᐊᓪᓘᓐᓃᑦ ᖃᑕᓐᖑᑎᒥᓂᒃ ᓴᐳᑦᔨᔪᓐᓇᕐᓂᐊᓐᖏᓚᖅ.

ᐃᓯᑭᐊᓕᐅᑉ ᐊᒡᓚᖏᑦ 21:27

ᐊᓯᕈᕐᐳᑦ, ᐊᓯᕈᕐᐳᑦ, ᐊᓯᕈᕐᑕᐅᑎᓐᓂᐊᕐᐸᒃᑲ; ᑕᒪᓐᓇ ᓇᓪᓕᐅᑎᓂᐊᓐᖏᓚᖅ ᑍᒤᓕᐅᕈᓐᓇᕐᑐᖅ ᑎᑭᓚᐅᖏᓐᓂᖓᓂ; ᑖᑦᓱᒧᖓ ᑕᒪᓐᓇ ᑐᓂᔪᒫᕐᐸᕋ.”

ᐃᓯᑭᐊᓕᐅᑉ ᐊᒡᓚᖏᑦ 26:16

ᑕᕝᕙ ᓯᒡᔭᒥᐅᑦ ᐊᖓᔪᖅᑳᕐᔪᐊᖏᑦ ᐃᒃᓯᕙᐅᑕᕐᔪᐊᕐᒥᖕᓂᒃ ᕿᒤᔪᒫᕐᐳᑦ, ᐊᓐᓄᕌᒥᖕᓂᒡᓗ ᐊᖓᔪᖅᑳᕐᔪᐊᕐᓯᐅᑎᓂᒃ ᐲᔧᔪᒫᕐᐳᑦ, ᑕᑯᒥᓇᕐᓴᐅᑎᓖᓪᓗ ᐊᓐᓄᕌᑦ ᐲᔭᕐᓗᒋᑦ; ᓴᔪᖕᓂᕐᒥᒡᓗ ᐊᓐᓄᕌᖔᕈᒫᕐᐳᑦ; ᒪᓂᖅᑲᒥᓗ ᐃᒃᓯᕚᕈᒫᕐᐳᑦ ᓴᔪᑐᐃᓐᓇᓕᕐᓗᑎᒃ, ᐃᓕᑦᓯᓐᓂᒃ ᑲᒪᓂᐊᕐᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 38:21

ᒑᒡᒥᐅᓪᓗ ᑲᑉᐱᐊᓱᒃᑎᑦᓱᒫᕐᐸᒃᑲ ᑲᑉᐱᐊᓇᕐᑐᓄᑦ ᐊᑦᔨᒌᖏᑦᑐᓄᑦ, ᐊᑕᓂᖅ ᒎᑎ ᐅᖃᕐᐳᖅ; ᐅᓇᑕᕐᑎᖁᑎᓕᒫᖏᑦ ᐃᒻᒥᖕᓄᑦ ᑐᖁᕋᖃᑦᑕᐅᑎᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 39:20

ᓂᕆᕕᖁᑎᓐᓂ ᓂᕆᔪᒃᓴᐅᕗᓯ ᕿᒻᒥᕐᔪᐊᕕᓂᕐᓂᒃ ᐃᑭᒪᔨᐊᕕᓂᖏᓐᓂᒡᓗ, ᐅᓇᑕᕐᑎᓂᒡᓗ ᐊᔪᖏᑦᑐᕐᔪᐊᕕᓂᕐᓂᒃ ᖃᓄᐃᑦᑐᑐᐃᓐᓇᓂᒡᓗ ᐅᓇᑕᕐᑎᕕᓂᕐᓂᒃ,’ ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 8:25

ᑖᓐᓇ ᐅᐃᕕᕐᕆᒃᓯᓂᕐᒥᒍᑦ ᐊᔪᕈᓐᓁᕈᒫᕐᐳᖅ, ᐃᒻᒥᓂᒡᓗ ᐊᔪᖏᑦᑐᕐᔪᐊᖑᓂᕋᓕᕐᓗᓂ. ᓵᓚᐅᓂᐊᕋᓱᒋᖏᑦᑐᑦ, ᐅᓄᕐᑐᑦ ᓯᖁᒥᑦᓱᒫᕐᐰᑦ, ᐊᑭᕋᕐᑐᕐᓗᓂᓗ ᐊᖓᔪᖅᑲᐅᔪᓄᑦ ᐊᖓᔪᖅᑳᕐᔪᐊᓄᓪᓗ. ᑭᓯᐊᓂᓕ ᓵᓚᐅᔪᒫᕆᕗᖅ, ᐃᓅᑉ ᐱᔪᓐᓇᕐᓂᖓᓅᖏᑦᑐᖅ.

ᐂᒨᓯᐅᑉ ᐊᒡᓚᖏᑦ 2:15

ᐱᓯᒃᓯᓕᔭᕐᑐᓪᓗ ᓴᐳᑦᔨᓯᒪᔪᓐᓇᕐᓂᐊᓐᖏᓚᑦ, ᐅᕿᓚᔪᓪᓗ ᐊᓐᓇᒍᓐᓇᕐᓂᐊᓐᖏᓚᑦ, ᕿᒻᒥᕐᔪᐊᒦᑦᑐᓪᓗ ᕿᒫᔪᓐᓇᕐᓂᐊᕋᑎᒃ.

ᒤᑲᐅᑉ ᐊᒡᓚᖏᑦ 5:10

ᐊᑕᓂᖅ ᐅᖃᕐᐳᖅ, “ᑍᑲᓂ ᐅᓪᓗᒥ, ᕿᒻᒥᕐᔪᐊᓯ ᑐᖁᕋᕈᒫᕐᐸᒃᑲ ᐊᑯᓐᓇᑦᓯᓐᓃᑦᑐᑦ, ᐅᓇᑕᐅᑎᓯᓗ ᐊᒃᓴᓗᐊᓖᑦ ᐊᓯᕈᕈᒫᕐᐸᒃᑲ ᓯᖁᑦᑎᕐᓗᒋᑦ.

ᒤᑲᐅᑉ ᐊᒡᓚᖏᑦ 5:15

ᐊᑭᓂᐊᕈᒫᕐᐳᖓ ᓂᓐᖓᐅᒪᓂᕐᒧᑦ ᑲᑉᐱᐊᓇᕐᑐᒧᑦ; ᐃᓅᖃᑎᒌᒡᔪᐊᓄᑦ ᐅᕙᓐᓂᒃ ᓈᓚᓚᐅᖏᑦᑐᓄᑦ.”

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᒤᑲᐅᑉ ᐊᒡᓚᖏᑦ 5:9

ᖁᒻᒧᑦ ᐃᓵᒍᒫᕐᐳᓯ ᓵᓚᖃᕐᓂᕐᒧᑦ ᓵᓚᒋᔨᒋᓚᐅᕐᑕᑦᓯᓐᓂᒃ, ᐊᑭᕋᓕᒫᓯᓗ ᐊᓯᕈᕐᑕᐅᔪᒫᕐᐳᑦ.

ᒤᑲᐅᑉ ᐊᒡᓚᖏᑦ 7:16

ᐃᓅᖃᑎᒌᒡᔪᐊᑦ ᑕᑯᔪᒫᕐᐳᑦ ᑲᓐᖑᓲᑎᖃᓕᕐᓗᑎᒡᓗ ᐱᔪᓐᓇᕐᓂᕆᔭᕋᓗᐊᒥᖕᓂᒃ. ᖃᓂᑎᒃ ᐊᒡᒐᖕᒥᖕᓄᑦ ᒪᑐᔪᒫᕐᐰᑦ, ᑐᓵᔪᓐᓁᕐᓗᑎᒡᓗ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᓴᑲᕅᐊᐅᑉ ᐊᒡᓚᖏᑦ 10:11

ᐅᖁᒤᑦᑐᑎᒍᑦ ᐅᓄᕐᑐᑎᒍᑦ ᐊᖅᑯᓵᕈᒫᕐᐳᑦ ᐃᒪᕐᔪᐊᑉ ᒪᓕᒡᔪᐊᖏᑎᑐᑦ ᑍᒤᑦᑐᓂᒃ, ᒪᓕᒃᔪᐊᓪᓗ ᓵᓚᒋᔪᒫᕐᐰᑦ, ᑰᒡᔪᐊᖅ ᐃᑎᔪᖅ ᓁᓕᒥᒃ ᐊᑎᖃᕐᑐᖅ ᓴᓗᐊᕈᒫᕐᐳᖅ: ᐊᓯᕆᐊᒥᐅᑦ ᐅᐱᒋᔭᖓᑦ ᓱᓇᐅᔪᓐᓁᕐᑎᑕᐅᔪᒫᕐᐳᖅ, ᐄᑦᔨᑉᑎᒥᐅᑦ ᐱᔪᓐᓇᐅᑎᖓᑦ ᓄᖑᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 10:5

ᑖᒃᑯᐊ ᑲᑐᑦᔨᓪᓗᑎᒃ ᐊᔪᖏᑦᑐᕐᔪᐊᖑᔪᒫᕐᐳᑦ, ᒪᓂᖅᑲᒧᑦ ᐊᑭᕋᒥᖕᓂᒃ ᑐᓪᓕᕋᕐᑐᑎᑐᑦ ᐊᖅᑯᑎᒥ ᒪᕋᕐᒥᒃ ᒪᓂᖅᑲᒃᓮᔪᑎᑐᑦ ᐅᓇᑕᕐᕕᖕᒥ: ᐊᑕᓂᐅᑉ ᐃᓚᒋᖕᒪᒋᑦ, ᐅᓇᑕᕈᒫᕐᐳᑦ ᕿᒻᒥᕐᔪᐊᓂᓗ ᐃᑭᒪᔪᑦ ᐅᕐᕈᑎᑕᐅᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 12:9

ᐅᓪᓗᕐᓗ ᑕᒪᓐᓇ ᓇᓪᓕᐅᑎᒃᐸᑦ ᓄᖑᕅᔭᕐᑐᕐᓗᖓ ᐃᖏᕐᕋᔪᒫᕐᐳᖓ, ᐃᓅᖃᑎᒋᒡᔪᐊᓂᒃ ᔨᕉᓴᓕᒥᒃ ᐅᓇᑕᕆᐊᕈᒪᔪᓂᒃ.

ᓴᑲᕅᐊᐅᑉ ᐊᒡᓚᖏᑦ 14:3

ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᐅᓇᑕᕆᐊᕐᑐᕐᓯᒪᔪᑦ ᐅᓇᑕᕐᕕᒋᓕᕈᒫᕐᐰᑦ, ᐅᓇᑕᕐᓂᕐᒥ ᐅᓇᑕᐅᑦᔨᖃᑦᑕᕐᓯᒪᒐᒥ.

ᓴᑲᕅᐊᐅᑉ ᐊᒡᓚᖏᑦ 4:6

ᐂᖏᓕᐅᓪᓗ ᐅᖃᐅᑎᕚᖓ ᔨᕈᐸᐱᐅᓪ ᑐᓴᕐᑎᑕᐅᖁᓪᓗᒍ ᑐᓴᕆᐊᖃᕐᑕᖓᓂᒃ ᐊᑕᓂᕐᒥᑦ ᐱᔪᒥᒃ ᐃᒫᒃ, “ᐱᔪᓐᓇᕐᓂᕐᓅᖏᑦᑐᖅ, ᑎᒥᕕᓪᓗ ᓄᑭᖓᓅᖏᑐᖅ, ᐅᕙᖓᓕ ᐊᓂᕐᓂᓐᓄᑦ, ᑍᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 9:10

ᐅᓇᑕᐅᑏᑦ ᐊᒃᓴᓗᐊᓖᑦ ᐱᑕᖃᕈᓐᓁᕐᑎᑦᓱᒪᕙᒃᑲ ᐃᕗᕅᒥᑦ, ᕿᒻᒥᕐᔪᐊᓪᓗ ᔨᕉᓴᓕᒥᑦ, ᐱᑎᒃᓰᑦ ᐅᓇᑕᐅᑏᑦ ᓇᑲᑎᕈᒫᕐᐳᑦ: ᓮᓕᓂᕐᒥᒡᓗ ᐅᖃᐅᓯᖃᕈᒫᕐᐳᖅ ᐃᓅᖃᑎᒌᒡᔪᐊᓄᑦ; ᐊᖓᔪᖅᑲᐅᕕᖓ ᑭᒡᓕᖃᕈᒫᕐᐳᖅ ᐃᒪᐅᑉ ᓯᓈᓂᑦ ᐃᒡᓗᐊ ᐃᒤᑉ ᓯᓈ ᑎᑭᓪᓗᒍ, ᑰᖕᒥᑦ ᓄᓇᕐᔪᐊᑉ ᐃᓱᐊ ᑎᑭᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 24:7

ᐃᓅᖃᑎᒌᒡᔪᐊᑦ ᐅᓇᑕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ, ᐊᖓᔪᖅᑲᐅᕖᓪᓗ ᐊᖓᔪᖅᑲᐅᕕᖕᓄᑦ ᐊᓯᒥᖕᓄᑦ ᐅᓇᑕᖃᑦᑕᐅᑎᔪᒫᕆᕗᑦ, ᑳᖕᓇᕐᑐᕐᔪᐊᖃᕈᒫᕐᐳᖅ ᓇᓂᑐᐃᓐᓇᖅ ᓄᓇ ᓇᐅᒃᑯᑐᐃᓐᓇᖅ ᓴᔪᒃᐱᓗᖃᑦᑕᕈᒫᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᐃᓗᐊᕐᓮᔩᑦ ᐊᒡᓚᖏᑦ 7:22

ᑎᑦᑐᓚᐅᑎᑦ 300ᐃᑦ ᓂᓪᓕᐊᑎᑕᐅᓕᕐᒪᑕ, ᐊᑕᓂᐅᑉ ᐊᖑᑎᑦ ᐃᓚᒥᖕᓄᑦ ᓴᕕᒡᔪᐊᒥᖕᓄᑦ ᐅᓇᑕᕐᑎᓕᕐᐰᑦ ᐅᓇᑕᕐᑐᒃᓴᐅᖃᑎᓕᒫᒥᖕᓄᑦ. ᕿᒫᓪᓗᑎᒡᓗ ᐱᑦ-ᓰᑕ ᑎᑭᓪᓗᒍ ᔨᕆᕋᐅᑉ ᓇᓛᓄᑦ, ᓄᓇᓖᑦ ᐊᐱᐅᓪ-ᒥᕼᐅᓚ ᑭᒡᓕᖓᓄᑦ ᑕᐹᑎᐅᑉ ᖃᓂᒋᔮᓄᑦ.

ᓴᒧᐃᓕ ᓯᕗᓪᓖᑦ 14:16

ᓴᐅᓕᐅᑉ ᖃᐅᔨᓴᕐᑎᖁᑎᖏᑦ ᒋᐱᐊᒥ ᐱᓐᔭᒥᓂᐅᑉ ᓄᓇᖓᓂ ᑕᑯᓚᐅᕐᐳᑦ; ᐱᓕᔅᑍᓂᒥᐅᓂᒃ ᕿᒫᔪᓂᒃ ᓇᒧᑐᐃᓐᓇᖅ.