ᕼᐊᒊᑉ ᐊᒡᓚᖏᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᕼᐊᒊ, ᐊᑕᓂᐅᑉ ᐅᖃᕐᑎᖓ, ᐊᑕᓂᐅᑉ ᐅᖃᐅᓯᖏᓐᓂᒃ ᐃᓄᖕᓄᑦ ᐅᖃᕐᐳᖅ: “ᐃᓚᒋᕙᑦᓯ, ᐊᑕᓂᖅ ᐅᖃᕐᐳᖅ.”

ᕼᐊᒊᑉ ᐊᒡᓚᖏᑦ 1:13 Iomraidhean Croise

ᑯᕉᓂᑲ ᓯᕗᓪᓖᑦ 28:20

ᑕᕝᕙ ᑍᕕᑎᐅᑉ ᐃᕐᓂᓂ ᓲᓗᒨᓂ ᐅᖃᐅᑎᕚ, “ᓲᖑᓕᕆᑦ ᑲᑦᓱᖎᑦᓯᐊᕐᓗᑎᓪᓗ, ᐱᓇᓱᐊᕈᒫᕐᐳᑎᑦ. ᓯᕘᕋᖏᓪᓗᑎᑦ, ᓴᐱᕐᑍᓕᓗᑎᑦ; ᐊᑕᓂᐅᑉ ᒎᑎᐅᑉ, ᐊᒡᓛᑦ ᒎᑎᒪ ᐃᓚᒋᖕᒪᑎᑦ. ᑖᑦᓱᒪ ᕿᒪᖕᓂᐊᓐᖏᓛᑎᑦ ᐊᓚᕐᓂᐊᓐᖏᓛᑎᓪᓗ, ᐱᔭᕇᓚᐅᖅᑳᕐᑎᓐᓇᑎᑦ ᐱᓇᓱᐊᕆᐊᓕᖕᓂᒃ ᐱᔨᑦᓯᕐᓂᓕᒫᕐᓂ ᐊᑕᓂᐅᑉ ᐃᒡᓗᖓᓂᒃ.

ᑯᕉᓂᑲ ᐂᑉᐸᖏᑦ 15:2

ᐂᓴᓗ ᐸᕐᕆᐊᓕᕐᐹ, ᑲᑎᒐᒥᐅᒡᓗ ᐅᖃᐅᑎᕚ, “ᐂᓵ ᓈᓚᓐᖓ, ᔫᑕᒥᐅᓕᒫᑦ ᐱᓐᔭᒥᓂᒃᑯᓕᒫᓪᓗ: ᐊᑕᓂᐅᑉ ᐃᓚᒋᕚᓯ, ᑖᑦᓱᒪᓃᓐᓂᑦᓯᓐᓂ. ᕿᓂᕈᑦᓯᐅᒃ ᓇᓂᓂᐊᕐᐸᓯ, ᕿᒪᒍᑦᓯᐅᒃ ᑖᑦᓱᒪᑦᑕᐅᖅ ᕿᒪᖕᓂᐊᕆᕚᓯ.

ᑯᕉᓂᑲ ᐂᑉᐸᖏᑦ 20:17

ᐅᓇᑕᕆᐊᖃᓛᓐᖏᓚᓯ ᐅᓇᑕᕐᓂᕐᒥ ᐊᑐᐃᓐᓇᕈᕐᓗᓯ ᓄᖅᑲᖓᑐᐃᓐᓇᓛᕐᐳᓯ, ᑕᑯᓗᓯᓗ ᐊᑕᓂᐅᑉ ᓵᓚᖃᕐᓂᖓᓂᒃ ᐱᑦᔪᑎᒋᓗᓯ, ᔫᑖ ᔨᕉᓴᓕᒻᓗ.’ ᑲᑉᐱᐊᓱᖏᓪᓗᓯ, ᓴᐱᕐᑍᓕᒋᓯᓗ; ᖃᐅᒃᐸᑦ ᐅᐸᓛᕐᐸᑦᓯ ᐅᓇᑕᕆᐊᕐᓗᒋᑦ, ᐊᑕᓂᐅᓪᓗ ᐃᓚᒋᓂᐊᕐᐹᓯ.”

ᑯᕉᓂᑲ ᐂᑉᐸᖏᑦ 32:8

ᐱᔪᓐᓇᐅᑎᖃᕐᒪᑦ ᑎᒥᒃᑯᑦ ᐅᓇᑕᕐᑎᓂᒃ; ᐅᕙᒍᓪᓕ ᐱᔪᓐᓇᐅᑎᖃᕐᐳᒍᑦ ᐊᑕᓂᕐᒥᒃ ᒎᑎᑦᑎᓐᓂᒃ, ᐃᑲᔪᕐᓂᐊᕐᑐᖅ ᐅᓇᑕᐅᑦᔨᓗᓂᓗ ᐅᕙᑦᑎᓐᓂᒃ.” ᐃᓄᐃᓪᓗ ᓴᐱᕈᓐᓃᕐᑎᑕᐅᕗᑦ ᕼᐃᓯᑬᐊᐅᑉ ᔫᑕᒥ ᐊᖓᔪᖅᑳᕐᔪᐊᑉ ᐅᖃᐅᓯᖏᓐᓄᑦ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 42:19

ᓇᓪᓕᐊᑦ ᑕᐅᑐᖏᑦᑑᕚ ᐱᔨᑦᑐᑦ, ᑐᓵᖏᓐᓂᕐᓴᕐᑕᖃᕐᐹ ᑎᓕᓯᒪᓪᓗᒍ ᐅᖃᕐᑎᖁᑎᓐᓂᑦ? ᑕᐅᑐᖏᓐᓂᕐᓴᕐᑕᖃᕐᐹ ᐅᕙᓐᓄᑦ ᑐᓂᓯᒪᔪᒥᑦ? ᑕᐅᑐᖏᓐᓂᕐᓴᐅᔪᖃᕆᕙᓘ ᐊᑕᓂᐅᑉ ᐱᔨᖓᓂᑦ?

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 44:26

ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᔨᕆᒤᐊᐅᑉ ᐊᒡᓚᖏᑦ 15:20

ᐃᒡᓗᒐᓮᑦ ᐊᕙᓗᕐᔪᐊᖏᑎᑐᑦ ᑍᒤᑦᑑᑎᓐᓂᐊᕐᐸᒋᑦ ᐃᓄᖕᓄᑦ, ᐊᕙᓗᕐᔪᐊᑎᑐᑦ ᐱᔭᐅᓐᓇᖏᑦᑐᑎᑐᑦ ᑲᓐᓄᔭᒥᑦ ᓴᓇᔭᐅᓯᒪᔪᑎᑐᑦ, ᐃᓕᖕᓂᒃ ᐱᓇᓱᐊᕋᓗᐊᕈᑎᒃ ᓵᓚᖃᕐᓂᐊᓐᖏᓚᑦ, ᐅᕙᖓ ᓇᔪᕐᓂᐊᕋᒃᑭᑦ ᓴᐳᑎᓂᐊᕐᐸᒋᑦ ᐱᐅᓕᓗᑎᓪᓗ.” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 20:11

ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 3:17

“ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑉ ᑭᖑᕚᖏᓐᓄᑦ; ᑍᒤᒻᒪᑦ ᐅᖃᐅᓯᒃᑲ ᑐᓴᕈᕕᒋᑦ ᖃᓂᓐᓂᑦ ᐊᓂᔪᑦ, ᐃᓂᕐᑎᒃᑭᑦ ᐅᕙᓐᓂᑦ ᐱᔪᓂᒃ.

ᕼᐊᒊᑉ ᐊᒡᓚᖏᑦ 2:4

ᐊᑕᓂᖅ ᐅᖃᕐᐳᖅ, ᒫᓐᓇ ᓴᐱᕐᑍᓕᒋᑦ ᔨᕈᐸᐱᐅᓪ, ᓴᐱᕐᑍᓕᒋᓪᓗ ᔮᓱᐊ ᔨᕼᐅᔭᑕᐅᑉ ᐃᕐᓂᖓ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦ; ᓴᐱᕐᑍᓕᒋᑦᓯ ᐃᓅᖃᑎᒌᓕᒫᖑᔪᓯ ᑕᒫᓂ ᓄᓇᖃᕐᑐᓯ, ᐱᓇᓱᐊᑦᓯᐊᕆᑦᓯ ᐃᓚᒋᕙᑦᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒪᓚᑬᑉ ᐊᒡᓚᖏᑦ 3:1

“ᑕᑯᒋᑦ, ᐅᖃᕆᐊᕐᑐᕐᑎᑕᕋ ᑎᓕᕙᕋ ᑖᑦᓱᒪ ᐊᖅᑯᑎᒃᓴᕋ ᓯᕗᓂᓐᓂ ᐅᐸᓗᖎᔭᕐᓂᐊᕐᐹ, ᐊᑕᓂᖅ ᕿᓂᕐᑕᓯ ᑕᕝᕔᓐᓇᖅ ᓴᖅᑭᓐᓂᐊᕐᐳᖅ ᑐᒃᓯᐊᕐᕕᒡᔪᐊᒥᓂ; ᐊᖏᖃᑎᒌᖕᓂᐅᑉ ᐅᖃᕐᑎᖓ ᑖᓐᓇ ᖁᕕᐊᒋᔭᓯ, ᑕᑯᒋᑦ, ᑎᑭᓕᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᒫᑎᐅᓯᐅᑉ ᐊᒡᓚᖏᑦ 18:20

ᒪᕐᕉᒃ ᐱᖓᓱᓪᓘᓐᓃᑦ ᑲᑎᓐᖓᓕᕐᐸᑕ ᐊᑎᓐᓂ, ᑕᕝᕙᓃᓐᓂᐊᕐᐳᖓ ᐃᓚᒋᓗᒋᑦ.”

ᒫᑎᐅᓯᐅᑉ ᐊᒡᓚᖏᑦ 28:20

ᐊᔪᕆᕐᑐᕐᓗᒋᓪᓗ ᒪᓕᖁᓪᓗᒋᑦ ᐃᓕᑦᓯᓐᓄᑦ ᐱᖁᔨᓂᕆᓚᐅᕐᑕᓐᓂᒃ ᑕᒤᓐᓂᒃ; ᑕᑯᒋᑦ ᑍᒪᓐᖓᓕᒫᖅ ᐃᓚᒋᓂᐊᕐᐸᑦᓯ, ᓯᓚᕐᔪᐊᑉ ᓇᒡᒐᑖ ᑎᑭᓪᓗᒍ.”

ᕉᒪᒥᐅᓄᑦ 8:31

ᑕᒪᑐᒧᖓ ᑕᕝᕙ ᖃᓄᖅ ᐅᖃᕐᑐᒃᓴᐅᓕᕐᐱᑖ? ᒎᑎᐅᑉ ᐃᓚᒋᒃᐸᑎᒍᑦ, ᑭᐊ ᐊᑭᕋᕐᑐᕈᓐᓇᕐᐹᑎᒎᑦ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᑎᒧᑎᒧᑦ ᐂᑉᐸᖏᑦ 4:17

ᐊᑕᓂᐅᓪᓕ ᓇᔪᕐᒪᖓ ᑖᑦᓱᒪ ᐱᔪᓐᓇᕐᓂᖃᕐᑎᓚᐅᕐᐹᖓ ᐅᖃᓪᓚᒍᓐᓇᓚᐅᕐᐳᖓ ᑕᒤᓐᓂᒃ ᐅᖃᕆᐊᖃᕐᑕᓐᓂᒃ, ᔫᑎᐅᖏᑦᑐᓕᒫᑦ ᑐᓴᕈᓐᓇᖁᓪᓗᒋᑦ. ᑕᕝᕙ ᓔᔭᓐᐅᑉ ᖃᓂᖏᓐᓂᑦ ᓴᐳᑎᔭᐅᓚᐅᕐᐳᖓ.

ᑎᒧᑎᒧᑦ ᐂᑉᐸᖏᑦ 4:22

ᐊᑕᓂᐅᑉ ᐊᓂᕐᓃᑦ ᐃᓚᒋᓕᐅᒃ. ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦ.

ᐃᓗᐊᕐᓮᔩᑦ ᐊᒡᓚᖏᑦ 2:1

ᐊᑕᓂᐅᑉ ᐂᖏᓕᖓ ᒋᐅᓪᒐᐅᓪᒥ ᐱᓪᓗᓂ ᐴᑭᒻᒨᓚᐅᕐᐳᖅ ᐃᓴᕆᐊᓕᒥᐅᓪᓗ ᐅᖃᐅᑎᓪᓗᒋᑦ, “ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ, ᐂᑎᓪᓗᓯᓗ ᓄᓇᒧᑦ ᓯᕗᓕᑦᓯᓐᓄᑦ ᐊᖏᕈᑎᒋᓚᐅᕐᑕᓐᓄᑦ, ᐅᖃᓚᐅᕋᒪ, ‘ᐊᖏᕈᑎᒋᓚᐅᕐᑕᕋ ᐃᓕᑦᓯᓐᓄᑦ ᓯᖁᒥᓐᓂᐊᓐᖏᓚᕋ.