ᕼᐊᒊᑉ ᐊᒡᓚᖏᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ, ᔮᓱᐊᓗ ᔨᕼᐅᔭᑕᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᐃᑦ ᓈᓚᓚᐅᕐᐳᑦ ᐊᑕᓂᐅᑉ ᒎᑎᖓᑦᑕ ᓂᐱᖓᓂᒃ, ᕼᐊᒊᓪᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓂᒃ, ᐊᑕᓂᐅᑉ ᑖᓐᓇ ᑎᓕᓚᐅᕐᒪᒍ, ᐃᓄᐃᓪᓗ ᓯᕘᕋᓕᕐᐳᑦ ᐊᑕᓂᐅᑉ ᓇᔫᑎᓂᖓᓂᒃ.

ᕼᐊᒊᑉ ᐊᒡᓚᖏᑦ 1:12 Iomraidhean Croise

ᒨᓯᓯ ᓯᕗᓪᓖᑦ 22:12

ᐅᖃᐅᑎᕚᓗ, “ᓄᑲᑉᐱᐊᖅ ᐋᓐᓂᕐᑍᓕᒍᒃ ᖃᓄᐃᓕᑦᑍᓕᓗᒍᓗ; ᒫᓐᓇ ᖃᐅᔨᕗᖓ ᒎᑎ ᓯᕘᕋᒋᒐᕕᐅᒃ, ᐃᕐᓃᓪᓗ ᐊᓐᓂᕆᖏᓐᓇᕕᐅᒃ, ᐃᕐᓂᑐᐊᑦ.”

ᐄᓱᕋᐅᑉ ᐊᒡᓚᖏᑦ 10:18

ᐅᑯᐊ ᑕᕝᕙ ᐊᖑᑏᑦ ᓄᓕᐊᖃᓚᐅᕐᑐᑦ ᐃᓅᖃᑎᒃᓴᔭᕆᓐᖏᑕᒥᖕᓂᒃ ᑐᓂᕐᕈᓯᕐᑎᑦᓯᔩᑦ, ᑎᑎᕋᕐᑕᐅᓯᒪᔪᑦ ᐃᓚᒌᖕᓂᖏᑎᒍᑦ: ᔩᓱᐊᑉ ᐃᓚᖏᑦ ᖃᑕᓐᖑᑎᖏᓪᓗ, ᔫᔭᑕᐅᑉ ᐃᕐᓂᖏᑦ ᖃᑕᓐᖑᑎᖏᓪᓗ, ᒫᓯᐊᒃᑯᑦ, ᐃᓔᓯᕆᒃᑯᑦ, ᔭᕆᑉᑯᑦ, ᒋᑕᓔᐊᒃᑯᓪᓗ.

ᐄᓱᕋᐅᑉ ᐊᒡᓚᖏᑦ 5:2

ᑕᕝᕙ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓ ᔩᓱᐊᓗ ᔫᔭᑕᐅᑉ ᐃᕐᓂᖓ ᐅᖃᐅᓯᕐᓂᒃ ᑐᓴᕋᒥᒃ, ᑐᒃᓯᐊᕐᕕᖕᒥᒃ ᓴᓇᒋᐊᓪᓚᓯᓚᐅᕐᐳᑦ ᔨᕉᓴᓕᒦᑦᑐᒥᒃ, ᑖᒃᑯᐊᒡᓗ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᒃ ᐃᑲᔪᓚᐅᕐᐴᒃ.

ᐃᓐᖏᕈᑎᑦ 112:1

ᐊᑕᓂᖅ ᓂᕐᑐᕐᑕᐅᓕ! ᑐᓱᓐᓇᕐᐳᖅ ᐃᓄᒃ ᐊᑕᓂᕐᒥᒃ ᓯᕘᕋᔪᖅ, ᑖᑦᓱᒪᓗ ᐱᖁᔭᖏᓐᓂᒃ ᖁᕕᐊᒋᔭᖃᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:7

ᐊᑕᓂᕐᒥᒃ ᐃᓕᕋᓱᖕᓂᖅ ᑐᑭᓯᐅᒪᓂᕐᒥᒃ ᐱᒋᐊᕐᓂᐅᕗᖅ, ᓯᓔᑦᑐᓪᓕ ᓯᓚᑐᓂᕐᒥᒃ ᓇᕐᕈᕗᑦ ᐃᓕᓐᓂᐊᕐᓂᕐᒥᒡᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:13

ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 1:19

ᐱᔪᒪᓂᖃᑦᓯᐊᕐᓗᓯ ᓈᓚᑦᓯᐊᕈᑦᓯ, ᓂᕿᒃᓴᖃᕈᒫᕐᐳᓯ ᐱᐅᔪᓂᒃ ᓄᓇᐅᑉ ᐱᕈᕐᑎᑕᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 50:10

ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.

ᕼᐊᒊᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᖅ ᑍᕉᓯ ᐴᕐᓯᐊᒥᐅᑕᖅ ᐊᐅᓚᑦᓯᓕᕐᑎᓪᓗᒍ, ᐊᕐᕌᒎᑉ ᐂᑉᐸᖓᓂ ᑕᖅᑮᑦ ᐱᖓᓲᔪᕐᑐᖓᓐᓂ, ᑕᖅᑭᐅᑉ ᐱᒋᐊᕐᓂᖓᑕ ᐅᓪᓗᖏᑕ ᓯᕗᓪᓕᕐᐹᖓᓂ, ᐊᑕᓂᐅᑉ ᐅᖃᐅᓯᖓ ᐅᖃᕐᑎᖓᒍᑦ ᕼᐊᒊᒃᑰᕐᐳᖅ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ, ᑐᓂᕐᕈᓯᕐᑎᑦᔨᓰᑦ ᐊᖓᔪᖅᑳᖓᓐᓄᑦ.

ᕼᐊᒊᑉ ᐊᒡᓚᖏᑦ 1:14

ᐊᑕᓂᐅᑉ ᔨᕈᐸᐱᐅᓪ ᓯᐅᓪᑎᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ, ᑖᓐᓇ ᐊᐅᓚᑦᓯᔨᐅᔪᖅ ᔫᑕᒥᐅᓄᑦ, ᔮᓱᐊᓪᓗ ᔨᕼᐅᔭᑕᐅᑉ ᐃᕐᓂᖓᑕ ᐊᓂᕐᓂᖓ ᐊᐅᓚᑦᔭᒃᑎᓚᐅᕐᐹ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖅ, ᐃᓄᐃᓪᓗ ᐊᒥᐊᒃᑯᓕᒫᑦ ᐊᓂᕐᓂᖏᑦ, ᑕᕝᕙ ᑲᑎᕗᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᒥᒃᑕ ᐃᒡᓗᖓᓂᒃ ᓴᓇᔭᕐᑐᓕᕐᓗᑎᒃ,

ᕼᐊᒊᑉ ᐊᒡᓚᖏᑦ 2:2

“ᐅᑯᐊ ᐅᖃᐅᓰᑦ ᐅᖃᐅᓯᕆᒃᑭᑦ ᔨᕈᐸᐱᐅᓪᒧᑦ ᓯᐅᓪᑎᐅᑉ ᐃᕐᓂᖓᓄᑦ, ᐊᐅᓚᑦᓯᔨᒧᑦ ᔫᑕᒥ, ᔮᓱᐊᒧᓪᓗ ᔨᕼᐅᔭᑕᐅᑉ ᐃᕐᓂᖓᓄᑦ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓄᑦ, ᐃᓄᖕᓄᓪᓗ ᐊᒥᐊᒃᑰᔪᓄᑦ ᐅᖃᐅᑎᓗᒋᓪᓗ:

ᐋᐴᓯᑕᓖᑦ ᐱᓂᐊᕐᓂᖏᑦ 9:31

ᑍᑦᓱᒪᓂ ᐅᒃᐱᕐᑑᖃᑎᒌᑦ ᔫᑎᐊᒥ ᒐᓕᓕᐊᒥᓗ ᓴᒥᐊᕆᐊᒥᓗ ᐊᑭᕋᕐᑐᕐᑕᐅᔪᓐᓃᕐᐳᑦ ᐊᔪᕈᓐᓃᕐᐸᓪᓕᐊᓪᓗᑎᒃ; ᐊᑕᓂᕐᒥᒃ ᓯᕘᕋᒋᔭᖃᒻᒪᕆᒃᓗᑎᒃ ᐃᓅᓕᕐᐳᑦ ᐱᕙᓪᓕᕐᑎᑕᐅᓪᓗᑎᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᓄᕐᓯᕙᓪᓕᐊᕗᑦ.

ᒨᓯᓯ ᑕᓪᓕᒪᖏᑦ 31:12

ᐃᓄᐃᑦ ᕾᖁᔭᒃᓴᕆᕙᓯ ᐊᖑᑎᑦ, ᐊᕐᓁᓪᓗ, ᓄᑕᕅᓪᓗ, ᓄᓇᖃᕐᑐᑐᖃᐅᖏᑦᑐᓪᓗ ᓄᓇᑦᓯᓐᓃᑦᑐᑦ, ᐃᓄᓕᒫᑦ ᑐᓴᖁᓪᓗᒋᑦ ᑐᑭᓯᖁᓪᓗᒋᓪᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᕋᓱᒍᓐᓇᖁᓪᓗᒋᑦ, ᑲᒪᑦᓯᐊᕐᓗᑎᒡᓗ ᒪᓕᒍᓐᓇᖁᓪᓗᒋᑦ ᐱᖁᔧᑦ ᐅᖃᐅᓯᓕᒫᖏᓐᓂᒃ.

ᒨᓯᓯ ᑕᓪᓕᒪᖏᑦ 31:13

ᕿᑐᕐᖓᖏᓪᓗ ᑖᒃᑯᓂᖓ ᖃᐅᔨᓚᐅᕐᓯᒪᖏᑦᑐᑦ, ᑐᓴᕐᓂᐊᕐᒪᑕ ᐃᓕᓐᓂᐊᕐᓗᑎᒡᓗ ᐃᓕᕋᓱᖕᓂᕐᒥᒃ ᐊᑕᓂᕐᒥᒃ ᒎᑎᑦᓯᓐᓂᒃ, ᑍᒪᓐᖓᑦ ᓄᓇᒥ ᓄᓇᖃᕐᓂᓕᒫᒥᖕᓂ ᑕᒫᓂ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᐊᑭᐊᓃᑦᑐᒥ.”

ᑯᓘᓯᐊᒥᐅᓄᑦ 1:6

ᐅᖃᐅᓰᑦ ᑐᓴᕈᒥᓇᕐᑐᑦ ᑎᑭᐅᑎᓯᒪᖕᒪᑕ ᐃᓕᑦᓯᓐᓄᑦ, ᓯᓚᕐᔪᐊᕐᒥᐅᓕᒫᓄᓪᓗ ᓯᐊᒻᒪᓕᕐᒪᑕ ᐱᕈᕐᑎᑦᓯᓪᓗᑎᒃ ᐊᖏᓕᕙᓪᓕᐊᑎᑦᓯᓪᓗᑎᒡᓗ, ᑍᒫᒃᑕᐅᖅ ᐃᓕᑦᓯᓐᓂ ᐱᒋᐊᕐᓯᒪᒋᕗᑦ, ᑍᒪᓐᖓᓂᑦ ᑐᓴᕋᑦᓯᐅᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓱᓕᓂᖓᓗ ᑐᑭᓯᓪᓗᒍ.

ᐄᑉᕈᐃᓄᑦ 12:28

ᑍᒤᒻᒪᑦ ᖁᔭᓕᓚᐅᕐᑕ ᐊᑕᓂᐅᕕᖕᒥᒃ ᐊᐅᓚᑎᑕᐅᔪᓐᓇᖏᑦᑐᒥᒃ ᐱᑎᑕᐅᓯᒪᓕᕋᑦᑕ, ᖁᔭᓕᓗᑕ ᒎᑎ ᑐᒃᓯᐊᕐᕕᒋᓚᐅᕐᓚᕗᑦ ᑖᑦᓱᒪ ᖁᕕᐊᒋᔭᖓᒍᑦ, ᐃᒃᐱᒋᑦᓯᐊᕐᓗᒍ ᐃᓕᕋᒋᓗᒍᓗ;