ᕼᐊᒊᑉ ᐊᒡᓚᖏᑦ 1:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᓄᓇ ᐸᓂᕐᑎᓚᐅᕐᐸᕋ ᐱᕈᕐᓰᕖᑦ ᖃᖅᑬᓪᓗ, ᓂᐊᖂᔭᒃᓮᓪᓗ, ᕔᓂᒃᓮᓪᓗ, ᐱᕈᕐᑐᐃᓪᓗ ᐅᕐᓱᖏᑦ ᓱᓇᑐᐃᓐᓁᓪᓗ ᓄᓇᐅᑉ ᐱᕈᕐᑎᑕᖏᑦ, ᐃᓄᖕᓄᑦ ᐆᒪᔪᖁᑎᑦᓯᓐᓄᓪᓗ, ᐊᒡᒐᑦᓯᓗ ᓴᓇᔭᓕᒫᖏᑦ.’”

ᕼᐊᒊᑉ ᐊᒡᓚᖏᑦ 1:11 Iomraidhean Croise

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᐂᑉᐸᖏᑦ 8:1

ᐃᓔᓴ ᐅᖃᐅᑦᔨᓚᐅᕐᐳᖅ, ᐊᕐᓇᒥᒃ ᐃᕐᓂᖓᓂᒃ ᐆᒻᒪᕐᑎᑦᓯᕕᒋᓚᐅᕐᑕᒥᓂᒃ, “ᐃᓚᑎᑦ ᐃᓚᒋᓗᒋᑦ ᐊᐅᓪᓚᓕᕆᑦᓯ ᑕᐅᕙᓃᑬᓐᓇᕐᓗᓯᓗ ᓄᓇᒋᔪᓐᓇᕐᑕᑦᓯᓐᓂ, ᐊᑕᓂᖅ ᑳᖕᓇᕐᑐᕐᔪᐊᖃᕐᑎᑦᓯᓂᐊᕐᓂᕋᕐᓗᓂ ᐅᖃᕐᓯᒪᖕᒪᑦ ᐊᕐᕌᒍᓂᒃ 7ᓂᒃ ᓄᓇᒥ ᑕᒫᓂ.”

ᔫᐱᐅᑉ ᐊᒡᓚᖏᑦ 34:29

ᒎᑎ ᓂᐱᖃᕈᓐᓁᕐᐸᑦ, ᑭᐊ ᐸᒡᕕᓴᕈᓐᓇᕐᐸᐅᒃ? ᑖᑦᓱᒪᓗ ᑮᓇᓂ ᑕᓕᑎᑉᐸᒍ, ᑭᐊ ᑕᑯᔪᓐᓇᕐᐸᐅᒃ? ᐃᓅᖃᑎᒌᒡᔪᐊᓄᑦ ᐅᕝᕙᓗ ᐃᓄᑐᐊᒧᑦ?

ᔨᕆᒤᐊᐅᑉ ᐊᒡᓚᖏᑦ 14:2

“ᔫᑕᒥᐅᑦ ᕿᒃᓵᓕᕐᐳᑦ, ᓄᓇᖓᑦ ᐸᓂᓕᕐᒪᑦ, ᓄᓇ ᐱᓪᓗᒍ ᐅᒡᒍᐊᕐᐳᑦ, ᔨᕉᓴᓕᒥᐅᓪᓗ ᕿᓄᓂᖏᑦ ᑐᓴᕐᓴᐅᓕᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21

ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᐂᒨᓯᐅᑉ ᐊᒡᓚᖏᑦ 5:8

ᑖᓐᓇ ᐅᓪᓗᕆᐊᑦ ᐃᓂᒋᔭᖏᑕ ᖃᓄᐃᓕᖓᓂᖏᓐᓂᒃ ᓴᓇᓚᐅᕐᑐᖅ, ᑖᕐᑐᕐᔪᐊᕐᒥᒡᓗ ᒧᒥᒃᑎᑦᓯᕙᒃᑐᖅ ᐅᓪᓛᓐᖑᕐᑎᓪᓗᒍ, ᐅᓪᓗᕐᒥᒡᓗ ᑖᕐᓯᑎᑦᓯᕙᒃᑐᖅ ᐅᓐᓄᐊᖑᓕᕐᓗᓂ, ᑕᕆᐅᕐᔪᐊᒥᒃ ᕾᖁᔨᕙᒃᑐᖅ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ, ᐊᑎᖃᕐᐳᖅ ᐊᑕᓂᕐᒥᒃ.

ᐂᒨᓯᐅᑉ ᐊᒡᓚᖏᑦ 7:4

ᐃᒫᒃ ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᒎᑎ ᐱᖁᔨᓚᐅᕐᐳᖅ ᐃᖅᑲᕐᑐᐃᓂᕐᒥᒃ ᐃᑯᒪᒧᑦ, ᑕᕆᐅᖅ ᐃᑎᔪᕐᔪᐊᖅ ᐃᑯᐊᓪᓚᓚᐅᕐᐹ ᓄᓇᓗ ᐃᑯᐊᓪᓚᖃᓯᐅᑎᓕᕐᓗᓂ.

ᐂᒨᓯᐅᑉ ᐊᒡᓚᖏᑦ 9:6

ᑖᓐᓇ ᖁᑦᓯᖕᓂᕐᓴᒥ ᐃᓂᒃᓴᒥᓂᒃ ᐃᒡᓗᕈᓯᓕᐅᕐᑐᖅ ᕿᓚᖕᒥ, ᓄᓇᕐᔪᐊᕐᒥᒃ ᑐᓐᖓᕕᓕᐅᕐᐹ; ᕾᖁᔨᕗᖅ ᐃᒪᕐᒥᒃ ᐃᒪᕕᖕᒥᑦ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ. ᑖᓐᓇ ᐊᑕᓂᕐᒥᒃ ᐊᑎᖃᕐᐳᖅ!

ᕼᐊᒊᑉ ᐊᒡᓚᖏᑦ 2:17

ᓱᒋᐊᓚᐅᕐᐸᑦᓯ ᐱᕈᕐᓯᐊᓯᓗ ᑕᒪᕐᒥᒃ ᑐᖁᓕᓇᕐᑐᓄᑦ ᐅᖁᖕᒧᓪᓗ ᓇᑕᖅᑯᕐᓇᓄᓪᓗ, ᐅᕙᓐᓄᓪᓕ ᓱᓕ ᐅᑎᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᕼᐊᒊᑉ ᐊᒡᓚᖏᑦ 2:19

ᐱᕈᕐᓯᐊᒃᓴᓯ ᓱᓕ ᓯᕐᓗᐊᑦᓯᓐᓃᑉᐹᑦ? ᕔᓂᒃᓮᑦ ᓇᐹᕐᑐᐃᓪᓗ ᐸᐅᕐᖓᓖᑦ ᓴᐅᓂᓕᖕᓂᒃ, ᐹᒪᒍᕌᓃᓪᓗ ᐱᕈᕐᑐᐃᑦ, ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕈᓐᓇᓚᐅᓐᖏᓛᑦ? ᐅᓪᓗᒥᒥᓪᓕ ᐱᒋᐊᕐᓗᒍ ᓮᒻᒪᕐᑎᓐᓂᐊᓕᕐᐸᑦᓯ.”

ᒪᓚᑬᑉ ᐊᒡᓚᖏᑦ 3:11

ᐃᓂᕐᑎᕐᓂᐊᕐᐸᕋᓗ ᐱᒃᓴᑦᓯᓐᓂᒃ ᓂᕆᕙᒃᑐᖅ, ᐊᓯᕈᐃᖁᓇᒍ ᓄᓇᒥᑦ ᐱᕈᕐᑎᑕᑦᓯᓐᓂᒃ; ᕔᓂᒃᓮᓪᓗ ᐱᕈᑦᓯᐊᕐᓂᐊᕐᐳᑦ ᐱᕈᕐᓰᕕᑦᓯᓐᓂ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒪᓚᑬᑉ ᐊᒡᓚᖏᑦ 3:9

ᓱᒋᐊᕐᑕᐅᕗᓯ ᓱᒋᐊᕐᑕᐅᑦᔪᑎᒧᑦ, ᐅᕙᓐᓂᒃ ᑎᒡᓕᒐᕋᑦᓯ; ᐊᒡᓛᑦ ᐃᓅᖃᑎᒌᒡᔪᐊᓕᒫᖑᔪᓯ.

ᒨᓯᓯ ᑕᓪᓕᒪᖏᑦ 28:22

ᐊᑕᓂᐅᓪᓗ ᓱᒋᐊᕈᒫᕐᐹᓯ ᖃᓂᒪᓇᕐᑐᓄᑦ ᓯᐊᒻᒪᕐᐸᓪᓕᐊᔭᑦᑐᓄᑦ, ᐳᓪᓕᓕᕐᓇᕐᑐᓄᑦ ᐆᑎᕐᓇᕐᑐᓄᓪᓗ, ᓄᓇᒧᑦ ᐸᓂᕐᓇᕐᑐᒧᑦ ᐅᖅᑰᔪᐊᓗᖕᒧᓪᓗ ᓂᐊᖂᔭᒃᓴᖁᑎᓯ ᑎᑭᑕᐅᔪᒫᕐᐳᑦ ᐊᓯᕈᕐᑕᐅᖁᓪᓗᒋᑦ. ᑕᒪᒃᑯᐊᓗ ᐱᓂᕐᓗᖕᓇᕐᑐᐃᑦ ᐃᓕᑦᓯᓐᓃᖏᓐᓇᕈᒫᕐᐳᑦ ᑐᖁᓚᐅᖅᑳᕐᑎᓐᓇᓯ.