ᕼᐊᐸᑲᐅᑉ ᐊᒡᓚᖏᑦ 3:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᑕᓃᖅ, ᑰᖕᒧᑦ ᓂᓐᖓᒃᑎᑕᐅᕖᑦ? ᐃᒪᕕᖕᒧᑦ ᓂᓐᖓᕕᒡᔪᐊᕐᑎᑕᐅᕖᑦ? ᓄᕗᔧᑦ ᖄᖏᑎᒍᑦ ᐃᑭᒪᒐᕕᑦ; ᓯᓚᕐᓂᕐᓗᐃᓪᓗ ᓄᕗᔭᑦ ᕿᒧᒃᓯᐅᑎᒋᕙᑎᑦ ᐊᒃᓴᓗᐊᓕᒃᑎᑐᑦ, ᑕᒪᒃᑯᑎᒎᓇᕐᓗ ᓵᓚᖃᕐᑎᑦᓯᓪᓗᑎᑦ ᐃᓄᖁᑎᖕᓂᒃ.

ᕼᐊᐸᑲᐅᑉ ᐊᒡᓚᖏᑦ 3:8 Iomraidhean Croise

ᐃᓐᖏᕈᑎᑦ 104:3

ᐃᒪᐅᑉ ᖄᖓᓂ ᐃᑳᖓᔪᓂᒃ ᑐᓐᖓᕕᓕᐅᕐᓯᒪᕗᖅ ᐃᓂᒃᓴᕆᔭᒥᓂᒃ, ᓄᕗᔧᑦ ᓴᓇᓚᐅᕐᐰᑦ ᐊᒃᓴᓗᐊᖃᕐᑎᓪᓗᒋᑦ ᕿᒧᒃᓯᐅᑎᒋᔪᒪᓪᓗᒋᑦ, ᐃᑭᒪᖃᑦᑕᕐᐳᖅ ᐊᓄᕆᐅᑉ ᐃᓴᕈᖏᓐᓂ,

ᐃᓐᖏᕈᑎᑦ 114:3

ᐃᒪᕐᐱᒃ ᑕᒪᑐᒥᖓ ᑕᑯᒐᒥ ᕿᒪᒃᓯᕗᖅ, ᑰᒃ ᔪᐊᕐᑕᓂ ᑰᒍᓐᓃᓚᐅᕐᐳᖅ.

ᐃᓐᖏᕈᑎᑦ 114:5

ᓱᖕᒪᑦ, ᐃᒪᕐᐱᐅᔪᑎᑦ ᕿᒪᒃᓯᓚᐅᕐᐲᑦ? ᔪᐊᕐᑕᓂᐅᓪᓗ ᑰᖓ, ᓱᖕᒪᑦ ᑰᒍᓐᓃᓚᐅᕐᐱᑦ?

ᐃᓐᖏᕈᑎᑦ 18:10

ᐱᓐᖑᕐᑎᓯᒪᔪᒥᓗ ᐃᓴᕈᓕᖕᒥ ᐃᑭᒪᕗᖅ, ᑎᖏᓪᓗᓂᓗ; ᐊᓄᕆᐅᑉ ᐃᓴᕈᖏᖕᓂᒃ ᖃᖓᑕᒍᑎᖃᕐᐳᖅ.

ᐃᓐᖏᕈᑎᑦ 45:4

ᐃᑭᒪᓗᑎᑦ ᐃᖏᕐᕋᓕᕆᑦ ᐊᖓᔪᖅᑳᕐᔪᐊᖑᓂᕐᐱᑦ ᐅᐱᓐᓇᕐᓂᖓᓄᑦ ᓵᓚᖃᕐᓂᕐᓄᑦ ᓱᓕᓂᕐᒧᓪᓗ, ᒥᑭᒡᓕᑎᕐᓯᒪᓂᕐᓗ, ᐃᓱᐊᕐᑐᓕᓂᕐᓗ ᐱᑦᔪᑎᒋᓗᒋᑦ; ᐊᒡᒐᑎᓪᓗ ᑕᓕᕐᐲᑦ ᑲᒪᓇᕐᑐᕐᔪᐊᓂᒃ ᐱᓇᓱᐊᓕᕐᓕᑦ.

ᐃᓐᖏᕈᑎᑦ 68:17

ᐊᒃᓴᓗᐊᓖᑦ ᐱᐅᔪᕐᔪᐊᑦ ᒎᑎᐅᑉ ᐱᖏᑦ ᐊᕙᑎᑦ ᑕᐅᓮᕐᑐᕐᓗᒋᑦ ᐊᒡᓛᑦ, ᑕᐅᓮᑦ ᑕᐅᓮᕐᑐᕐᓗᒋᑦ, ᐊᑕᓂᐅᑉ ᓮᓁᒥᑦ ᐃᓚᒋᓪᓗᒋᑦ ᐃᑦᔪᕐᓁᑦᑐᕕᖕᒧᐊᓚᐅᕐᐳᖅ.

ᐃᓐᖏᕈᑎᑦ 68:4

ᒎᑎᒧᑦ ᐃᓐᖏᕆᑦᓯ, ᐃᓐᖏᕆᑦᓯ ᐊᑎᖓ ᓂᕐᑐᕐᓗᒍ; ᐊᖏᔪᕈᕐᑎᓯᐅᒃ ᓄᕗᔭᓂ ᐃᑭᒪᔪᖅ, ᐊᑎᖓ ᐊᑕᓂᖅ ᑍᓗᒍ, ᓵᖓᓂ ᖁᕕᐊᓱᒃᑐᐊᓘᒋᑦᓯ.

ᐃᓐᖏᕈᑎᑦ 77:16

ᐃᒪᕐᔪᐊᑦ ᒎᑏ, ᑕᑯᒐᒥᑎᑦ; ᐃᒪᕐᔪᐊᑦ ᑕᑯᒐᒥᑎᑦ, ᓯᕘᕋᓕᓚᐅᕐᐳᑦ; ᐃᑎᓂᕐᔪᐃᓪᓗ ᐊᒡᓛᑦ ᓴᔪᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 14:16

ᐊᔭᐅᑉᐱᐊᑦ ᐃᓴᐅᑎᒍᒃ ᐃᒪᐅᑉ ᖁᓛᓄᑦ ᓄᖅᑲᖓᑎᓪᓗᒍᓗ. ᐃᒪᖅ ᑕᕝᕙ ᐊᕕᖕᓂᐊᕐᐳᖅ, ᐃᓴᕆᐊᓕᒥᐅᓪᓗ ᐃᒪᐅᖅᑲᐅᔪᒃᑰᕈᓐᓇᕐᓂᐊᕐᐳᑦ ᐸᓂᑦᓯᐊᕐᑐᒃᑯᑦ.

ᒨᓯᓯ ᐂᑉᐸᖏᑦ 7:19

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᑎᒍᓗᒍ ᐃᓵᓚᐅᕆᑦ ᐄᑦᔨᑉᑎᐅᑉ ᐃᒪᖏᓐᓄᑦ, ᑰᖏᓐᓄᑦ, ᑰᓕᐊᕆᓯᒪᔪᓄᓪᓗ, ᑕᓯᖏᓐᓄᓪᓗ, ᐃᒥᕐᑕᕐᕕᖁᑎᖏᓐᓄᓪᓗ ᑕᒤᓐᓄᑦ, ᑕᒪᕐᒥᒃ ᐊᐅᖑᓕᖁᓪᓗᒋᑦ; ᐄᑦᔨᑉᑎᐅᑉ ᓄᓇᖓ ᑕᒪᕐᒥᑦᓯᐊᖅ ᑕᕝᕙ ᐊᐅᓐᖑᕐᓂᐊᕐᐳᖅ, ᐊᒡᓛᑦ ᕿᔪᐃᑦ ᐃᒪᖃᐅᑏᑦ ᐅᔭᕅᓪᓗ ᐃᒪᖃᐅᑏᑦ ᑕᒪᕐᒥᒃ ᐊᐅᓐᖑᕐᓂᐊᕐᐳᑦ.’”

ᒨᓯᓯ ᐂᑉᐸᖏᑦ 7:20

ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᑕᒪᑐᒥᖓ ᐱᓇᓱᐊᓚᐅᕐᐳᒃ ᐊᑕᓂᐅᑉ ᐱᖁᓚᐅᕐᑕᖓᓂᒃ; ᐰᕉᑉ ᓵᖓᓂ ᐱᔨᒋᔭᖏᑕᓗ ᓵᖓᓂ, ᐊᔭᐅᑉᐱᐊᖁᑎᓂ ᐃᓴᐅᑎᓚᐅᕐᓗᒍ ᑰᑉ ᐃᒪᖓ ᐊᓇᐅᕚ, ᑕᕝᕙᓗ ᐃᒪᓕᒫᖅ ᑕᒪᓐᓇ ᐊᐅᓐᖑᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 19:1

ᐅᖃᐅᓰᑦ ᐄᑦᔨᑉᑎᒥᐅᑦ ᐱᓪᓗᒋᑦ, ᑕᑯᓕᕐᓯᐅᒃ ᐊᑕᓂᖅ ᓄᕗᔭᒥ ᓱᒃᑲᓕᔪᒥ ᐃᑭᒪᓗᓂ ᐄᑦᔨᑉᑎᒧᑦ ᑎᑭᓕᕐᑐᖅ; ᐄᑦᔨᑉᑎᒥᐅᑦ ᒎᑎᓐᖑᐊᖏᑦ ᓴᔪᒍᒫᕐᐳᑦ ᑖᑦᓱᒪ ᓇᔪᕐᑕᖓᓂ, ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᐊᐅᒃᑐᑎᑐᑦ ᑍᒤᑦᓱᒫᕐᐳᑦ ᐃᓗᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 50:2

ᓱᖕᒪᑦ, ᐃᓄᖁᑎᒃᑲ ᑎᑭᓐᓇᒃᑭᑦ ᐊᖑᑎᑕᖃᓚᐅᓐᖏᓚᑦ? ᓱᖕᒪᓪᓗ ᓂᓪᓕᐊᑎᓪᓗᖓ ᑭᐅᔪᖃᓚᐅᓐᖏᓚᖅ? ᑕᓕᕋ ᓁᓗᐊᓕᕐᐹ ᐱᐅᓕᓯᔭᕆᐊᒥᒃ ᑎᑭᐅᑎᔪᓐᓁᓪᓕᕚ? ᓴᐳᑦᔨᓇᓱᒋᐊᒥᒃ ᐱᔪᓐᓇᕐᓂᖃᕈᓐᓃᕐᐳᖔ? ᑕᑯᒋᑦ, ᐃᓂᕐᑎᕆᒐᒪ ᐃᒪᕐᔪᐊᖅ ᐃᒤᕐᑎᑉᐸᕋ, ᑰᓪᓗ ᓴᓗᐊᕐᐳᑦ, ᐃᒪᖃᓐᖏᓗᐊᒧᑦ ᐃᖃᓗᐃᑦ ᒪᒤᓕᕗᑦ, ᓴᓗᐊᕋᒥᒡᓗ ᑐᖁᕋᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 66:15

“ᑕᑯᒋᑦᓯ, ᐊᑕᓂᖅ ᑎᑭᑦᓱᒫᕐᐳᖅ ᐃᑯᐊᓚᔪᒦᓪᓗᓂ, ᕿᒧᒃᓯᐅᑎᖁᑎᖏᓪᓗ ᐊᒃᓴᓗᐊᓕᖕᓂᒃ ᐅᓂᐊᕐᑐᑦ ᐅᓚᓗᔨᕋᕐᑐᑎᑐᑦ ᑍᒤᑦᓱᒫᕐᐳᑦ, ᐊᑭᓖᔭᕐᑐᕐᓗᓂ ᓂᓐᖓᕕᒡᔪᐊᕐᓯᒪᓂᕐᒧᑦ, ᑖᑦᓱᒪᓗ ᓱᐊᖕᓂᖓ ᐃᑯᒪᐅᓗᓂ ᐃᑯᐊᓚᔪᖅ.

ᓇᕼᐅᒥᐅᑉ ᐊᒡᓚᖏᑦ 1:4

ᐃᒪᕐᕕᒃ ᓱᐊᒃᐹ ᐸᓂᕐᑎᓪᓗᒍᓗ, ᑰᓕᒫᓪᓗ ᓴᓗᐊᕐᑎᑉᐰᑦ; ᐹᓴᓂ ᑳᕐᒥᐅᓕᓗ ᑐᖁᓕᕘᒃ, ᐱᕈᕐᓯᐊᓪᓗ ᓕᐸᓇᓂᒥ ᑐᖁᓕᒋᕗᑦ.

ᕼᐊᐸᑲᐅᑉ ᐊᒡᓚᖏᑦ 3:15

ᐃᒪᕐᔪᐊᖅ ᑐᓪᓕᕋᓚᐅᕐᐸᑦ ᕿᒻᒥᕐᔪᐊᖁᑎᖕᓄᑦ, ᑕᕝᕙ ᐃᒪᕐᔪᐊᑉ ᐱᔪᓐᓇᕐᓂᖓ ᑍᒫᒃ ᓴᖅᑭᑎᓚᐅᕐᐸᑦ.

ᒫᑯᓯᐅᑉ ᐊᒡᓚᖏᑦ 4:39

ᑐᐸᒐᒥ ᐊᓄᕆ ᐃᓂᕐᑎᕐᐹ, ᐃᒪᕐᒧᑦ ᐅᖃᕐᐳᖅ, “ᐃᑯᓪᓚᕐᓗᑎᑦ ᓄᖅᑲᕆᑦ!” ᐊᓄᕆ ᐃᑯᓪᓚᕐᐳᖅ, ᐃᒪᖅ ᐃᑯᓪᓕᐊᒻᒪᕆᓕᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:12

ᐂᖏᓖᓪᓗ ᐱᖓᓲᔪᕐᑐᖓᑦᑕ ᖃᓪᓗᑎᓂ ᑯᕕᒋᕚ ᑰᒑᓗᖕᒧᑦ ᐃᕗᕅᑎᒧᑦ, ᑰᒐᓗᒡᓗ ᐃᒤᕐᑎᑉᐳᖅ, ᐊᖅᑯᑕᐅᔪᓐᓇᕐᓯᓪᓗᓂᓗ ᐊᖓᔪᖅᑳᕐᔪᐊᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:14

ᕿᓚᖕᒥᐅᓪᓗ ᐅᓇᑕᕐᑐᒃᓴᖁᑎᖏᑕ ᒪᓕᒃᐹᑦ, ᕿᒻᒥᕐᔪᐊᖃᕐᓗᑎᒃ ᖃᑯᕐᑕᓂᒃ, ᐊᓐᓄᕌᕐᓯᒪᓪᓗᑎᒡᓗ ᓵᑦᑐᓂᒃ ᓴᓗᒪᔪᓂᒃ ᖃᑯᕐᑕᓂᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:2

ᑕᑯᕗᖓᓗ, ᑕᑯᒋᑦ ᕿᒻᒥᕐᔪᐊᒥᒃ ᖃᑯᕐᑕᒥᒃ, ᑕᕝᕙᓂᓗ ᐃᑭᒪᔪᖅ ᐱᑎᒃᓯᒥᒃ ᑎᒍᒥᐊᕐᐳᖅ; ᓂᐊᖂᑎᒥᒡᓗ ᑐᓂᓯᕕᐅᕗᖅ, ᑕᕝᕙᓐᖓᓪᓗ ᐊᐅᓪᓚᕋᒥ ᓵᓚᖃᕐᐳᖅ ᓵᓚᖃᕆᐊᕐᑐᒃᑲᓐᓂᕐᓗᓂᓗ.