ᕼᐊᐸᑲᐅᑉ ᐊᒡᓚᖏᑦ 3:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓃᖅ, ᑐᓴᕐᓯᒪᕗᖓ ᐅᓂᒃᑲᐅᓯᐅᓯᒪᓂᕐᓂᒃ, ᐱᓇᓱᐊᕐᓂᕆᓯᒪᔭᑎᓪᓗ ᐊᑕᓃᖅ, ᓯᕘᕋᒋᕙᒃᑲ. ᐱᓂᐊᕐᓂᕆᕙᓚᐅᕐᑕᑎᑦ ᐅᓪᓗᒥ ᓄᑕᐅᓯᓕᕐᓗᒋᑦ; ᐱᓂᐊᕐᓂᕆᕙᓚᐅᕐᑕᑎᓪᓗ ᐅᓪᓗᒥ ᖃᐅᔨᔭᐅᑎᓪᓗᒋᑦ; ᓂᓐᖓᐅᒪᓗᑎᑦ ᐃᖅᑬᓚᐅᕆᑦ ᓂᑲᒍᓱᖕᓂᕐᒥᒃ.

ᕼᐊᐸᑲᐅᑉ ᐊᒡᓚᖏᑦ 3:2 Iomraidhean Croise

ᐄᓱᕋᐅᑉ ᐊᒡᓚᖏᑦ 9:8

ᒫᓐᓇ ᕿᓚᒥᐊᐱᒃ, ᐊᑕᓃᖅ ᒎᑎᕗᑦ, ᐱᔪᓐᓇᕐᑎᑦᓯᓂᕐᔪᐊᕐᓄᑦ ᐃᓛᑎᒍᑦ ᕿᒪᕉᑎᑎᓯᒪᕙᑦᑎᒍᑦ ᓯᐊᓛᖑᓂᕐᒥᑦ ᐃᓂᖃᓕᕐᑎᓪᓗᑕᓗ ᐃᑦᔪᕐᓁᑦᑐᒥ ᑲᑉᐱᐊᓇᖏᑦᑐᒥ, ᕿᒪᕉᑎᑎᓯᒪᕙᑦᑎᒍᑦ ᓯᐊᓛᖑᓂᕐᒥᑦ ᑐᓂᓯᒪᕙᑦᑎᒍᓪᓗ ᐃᓅᓯᕐᒥᒃ ᓄᑖᒥᒃ.

ᔫᐱᐅᑉ ᐊᒡᓚᖏᑦ 42:5

ᑕᕝᕙ ᑐᓵᓚᐅᕐᐸᒋᑦ ᓯᐅᑎᓐᓄᑦ ᑐᓵᑦᓯᐊᕐᓗᑎᑦ, ᒫᓐᓇᓕ ᐃᔨᓐᓄᑦ ᓇᖕᒥᓂᖅ ᑕᑯᕙᒋᑦ;

ᐃᓐᖏᕈᑎᑦ 119:120

ᑎᒥᒐ ᓴᔪᒃᐳᖅ ᐃᓕᖕᓂᒃ ᓯᕘᕋᓂᕐᒧᑦ; ᐃᖅᑲᕐᑐᐃᓃᓪᓗ ᑲᑉᐱᐊᒋᕙᕋ.

ᐃᓐᖏᕈᑎᑦ 25:6

ᓈᒃᑭᒍᓱᖕᓂᕐᔪᐊᑎᑦ ᐃᖅᑲᐅᒪᒃᑭᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑐᖅ, ᑖᒃᑯᐊ ᑍᒪᓐᖓᓂᑦ ᐱᓯᒪᔪᑐᖃᐅᖕᒪᑕ.

ᐃᓐᖏᕈᑎᑦ 38:1

ᐊᑕᓃᖅ ᓱᐊᖕᓂᐊᕐᓇᖓ ᓂᓐᖓᐅᒪᓗᑎᑦ ᐋᖅᑭᒋᐊᕐᓂᐊᕐᓇᖓᓗ ᓈᒻᒪᒃᓴᓐᖏᕕᒡᔪᐊᕐᓗᑎᑦ!

ᐃᓐᖏᕈᑎᑦ 44:1

ᒎᑏ, ᓯᐅᑎᑦᑎᓐᓄᑦ ᑐᓴᓚᐅᕐᐳᒍᑦ, ᐊᑖᑕᑦᑕ ᐅᓂᒃᑳᕐᕕᒋᓚᐅᕐᒪᑎᒍᑦ, ᐱᓂᐊᕐᓂᕕᓂᕐᓂᒃ ᑍᒃᑯᐊ ᐃᓅᑎᓪᓗᒋᑦ ᑍᑦᓱᒪᓂᐊᓗᒃ.

ᐃᓐᖏᕈᑎᑦ 71:20

ᖃᐅᔨᑎᓚᐅᕐᐸᕐᒪ ᐊᖏᔪᓂᒃ ᐱᔭᕆᐊᑐᔪᓂᒡᓗ ᐅᖁᒤᒃᓴᐅᑎᓂᒃ, ᒪᑭᑎᓐᓂᐊᕆᕙᕐᒪ; ᖃᑭᑎᓐᓂᐊᕐᓗᖓᓗ ᓄᓇᐅᑉ ᐃᑎᓂᕐᐹᖓᓂᑦ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᐃᓐᖏᕈᑎᑦ 85:6

ᓂᑯᕕᑎᒋᐊᓪᓚᒍᒪᔪᓐᓃᕐᐱᑎᒎᑦ? ᐃᓄᖁᑎᑎᑦ ᐃᓕᖕᓂᒃ ᓂᕐᑐᐃᔪᓐᓇᖁᓪᓗᒋᑦ?

ᐂᓮᐊᓯᐅᑉ ᐊᒡᓚᖏᑦ 53:1

ᑭᒃᑯᑦ ᐅᓂᒃᑲᐅᑎᒋᔭᑦᑎᓐᓂᒃ ᐅᒃᐱᕈᓱᓚᐅᕐᐸᑦ? ᑭᒃᑯᓐᓄᓪᓗ ᐊᑕᓂᐅᑉ ᐱᔪᓐᓇᕐᓂᖓ ᓴᖅᑭᓯᒪᕚ?

ᐂᓮᐊᓯᐅᑉ ᐊᒡᓚᖏᑦ 54:8

ᓂᓐᖓᓗᐊᕐᓂᑯᒧᑦ ᐊᑯᓂᐅᖏᑦᑐᖅ ᑮᓇᕋ ᐃᓕᑦᓯᓐᓂᑦ ᐊᓚᓚᐅᕋᒃᑯ; ᓇᒡᓕᖕᓂᓐᓄᓪᓕ ᓱᖁᓯᔪᐃᑦᑐᒧᑦ ᐱᑦᓯᐊᕐᕕᒋᓂᐊᕐᐸᑦᓯ, ᑍᒫᒃ ᐊᑕᓂᖅ ᐅᖃᕐᐳᖅ, ᑖᓐᓇ ᐃᒻᒥᓄᑦ ᐅᑎᕐᑎᑦᓯᔨᓯ.

ᐂᓮᐊᓯᐅᑉ ᐊᒡᓚᖏᑦ 63:15

ᐊᒻᒧᑦ ᑕᑯᓴᓚᐅᕆᑦ ᕿᓚᖕᒥᑦ ᑕᑯᓗᑎᓪᓗ, ᐃᑦᔪᕐᓁᑦᑐᒥᑦ ᓂᕐᑐᕐᓇᕐᑐᒥᓪᓗ ᐃᓂᒋᔭᕐᓂᑦ, ᓇᐅᒡᓕ ᐊᔪᐃᓐᓇᕈᓐᓇᕐᓃᑦ ᐱᔪᓐᓇᕐᓂᕐᔪᐊᓪᓗ? ᐆᒻᒪᑎᕕᓪᓗ ᐊᑯᓂᒍᓱᖕᓂᖓ ᓇᒡᓕᒍᓱᖕᓃᓪᓗ ᐅᕙᑦᑎᓐᓄᑦ ᑎᑭᑎᑦᓱᓐᓁᓪᓕᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᔨᕆᒤᐊᐅᑉ ᐊᒡᓚᖏᑦ 10:24

ᐋᖅᑭᒋᐊᓚᐅᓐᖓ ᐊᑕᓃᖅ, ᐊᑲᐅᒋᔭᕐᓄᑦ; ᓂᓐᖓᐅᑎᖏᓪᓗᖓ, ᓱᓇᐅᔪᓐᓃᖁᓇᖓ.

ᔨᕆᒤᐊᐅᑉ ᐊᒡᓚᖏᑦ 10:7

ᑭᓇᓕ ᓯᕘᕋᖏᑦᑑᔪᓐᓇᕐᐹ ᐃᓕᖕᓃᒃ? ᐊᖓᔪᖅᑳᕐᔪᐊᖑᔪᑎᑦ ᐃᓅᖃᑎᒌᒡᔪᐊᓄᑦ ᓂᕐᑐᕐᑕᐅᔪᒃᓴᐅᕗᑎᑦ; ᓯᓚᑐᔪᕐᔪᐊᓕᒫᑦ ᐃᓅᖃᑎᒌᒡᔪᐊᓂ ᐊᖓᔪᖅᑲᐅᕕᓕᒫᓪᓗ ᑲᑎᓪᓗᒋᑦ ᐃᓕᒃᑐᑦ ᑍᒤᑦᑐᕐᑕᖃᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 29:10

ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.

ᔨᕆᒤᐊᐅᑉ ᐊᒡᓚᖏᑦ 46:28

ᓯᕘᕋᓂᐊᕋᓯ ᔧᑯᒃᑯᑦ ᐃᓄᖁᑎᒃᑲ, ᐃᓚᒋᒐᑦᓯ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᓂᒃ ᐊᓯᕈᕐᑕᐅᑎᑦᓯᓯᒪᒐᓗᐊᕐᐳᖓ, ᓯᐊᒻᒪᕐᑎᓪᓗᓯᓗ ᓇᒧᑐᐃᓐᓇᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯᓕ ᐋᖅᑭᒋᐊᕐᓂᐊᕐᐸᑦᓯ ᐊᑲᐅᔪᒦᖁᔨᓂᓐᓄᑦ ᑭᓯᐊᓂ; ᐋᖅᑭᒋᐊᓚᐅᖏᓪᓗᑎᑦ ᓴᒃᑯᓐᓂᐊᓐᖏᓚᒋᑦ, ᐅᕙᖓ, ᐊᑕᓂᐅᔪᖓ ᑕᒪᑐᒥᖓ ᐅᖃᕐᐳᖓ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:32

ᕿᒃᓵᒃᑎᓚᐅᕋᓗᐊᕐᓗᓂᑎᒍᑦ, ᐃᓚᑦᓱᒍᓱᒍᒫᕐᐳᖅ ᓇᒡᓕᒍᓱᖕᓂᖓ ᐃᓱᖃᖏᑦᑑᖕᒪᑦ.

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 9:2

ᐊᕐᕌᒍᑦ ᓯᕗᓪᓕᕐᐹᖓᓂ ᐊᖓᔪᖅᑳᕐᔪᐊᖑᑎᓪᓗᒍ, ᐅᕙᖓ, ᑖᓂᐊᓕ, ᑐᑭᓯᓚᐅᕐᐳᖓ ᒎᑎᐅᑉ ᐅᖃᐅᓯᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᓯᒪᖕᒪᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᒍᑦ ᔨᕆᒤᐊᒃᑯᑦ, ᔨᕉᓴᓕᐅᑉ ᓯᖁᒥᑕᐅᓯᒪᓂᖓ ᓯᕕᑐᑎᒋᔪᒫᕐᒪᑦ ᐊᕐᕌᒍᓂᒃ 70ᓂᒃ.

ᕼᐊᐸᑲᐅᑉ ᐊᒡᓚᖏᑦ 3:1

ᐅᑯᐊ ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᕼᐊᐸᑲᐅᑉ ᑐᒃᓯᐊᕈᑎᒋᓚᐅᕐᑕᖏᑦ:

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᓴᑲᕅᐊᐅᑉ ᐊᒡᓚᖏᑦ 1:12

ᐊᑕᓂᐅᑉ ᐂᖏᓕᖓ ᐅᖃᕐᐳᖅ, “ᐊᔪᒐᖃᖏᑦᑐᑎᑦ ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ? ᓂᑲᒍᓱᖕᓂᐊᓐᖏᓚᑎ ᔨᕉᓴᓕᒻᒥᒃ, ᔫᑕᒥᓗ ᓄᓇᖃᕐᑐᓂᒃ, ᑖᒃᑯᐊ ᐊᕐᕌᒍᓂᒃ 70ᓂᒃ ᓂᓐᖓᒡᕕᒋᓯᒪᒐᕕᒋᑦ.”

ᔪᐊᓇᓯᐅᑉ ᐊᒡᓚᖏᑦ 10:10

ᑎᒡᓕᒃᑎ ᕾᕙᒃᐳᖅ ᑎᒡᓕᒐᕆᐊᕐᑐᕈᒪᓪᓗᓂ ᑐᖁᕅᔪᒪᓪᓗᓂᓗ; ᐅᕙᖓᓕ ᑎᑭᑉᐳᖓ, ᐃᓅᓯᕐᒥᒡᓗ ᐊᔪᕐᓴᕐᓇᖏᑦᑐᒥᒃ ᐱᖃᓕᖁᓪᓗᖏᑦ.

ᕉᒪᒥᐅᓄᑦ 10:16

ᑕᒪᕐᒥᒡᓕ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓈᓚᒃᑐᐃᓐᓇᐅᓐᖏᓚᑦ; ᐂᓮᐊᓯ ᐅᖃᕐᒪᑦ, “ᐊᑕᓃᖅ, ᑭᐊ ᐅᖅᑳᐅᓯᕆᔭᕗᑦ ᐅᒃᐱᕆᕔᑦ?”

ᐱᓕᐱᒥᐅᓄᑦ 1:6

ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐄᑉᕈᐃᓄᑦ 12:21

ᑕᑯᔭᖏᓪᓗ ᑲᑉᐱᐊᓇᕐᑐᐊᓘᖕᒪᑕ ᒨᓯᓯ ᐅᖃᓚᐅᕐᐳᖅ, “ᑲᑉᐱᐊᓱᖕᓂᕐᒧᑦ ᓴᔪᓕᕐᐳᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”