ᕼᐊᐸᑲᐅᑉ ᐊᒡᓚᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐱᖁᑎᖏᓐᓂᒃ ᐊᕐᓵᓚᐅᕋᑦᓯᐅᒃ, ᒫᓐᓇᓕ ᐃᓄᐃᑦ ᐊᒥᐊᒃᑯᖏᓐᓂᑦ ᐱᖁᑎᑦᓯᓐᓂᑦ ᐱᐅᕋᕐᕕᐅᓂᐊᓕᕐᐳᓯ, ᑐᖁᕅᖃᑦᑕᓚᐅᕐᓂᑦᓯᓐᓄᑦ ᓄᓇᒥᓗ ᐃᒡᓗᒐᓴᒡᔪᐊᖏᓐᓂᒡᓗ ᑲᑉᐱᐊᓱᒃᑎᑦᓯᔨᐅᓚᐅᕐᓂᑦᓯᓐᓄᑦ, ᓄᓇᖃᕐᑐᓄᑦ ᑖᒃᑯᓇᓂ.

ᕼᐊᐸᑲᐅᑉ ᐊᒡᓚᖏᑦ 2:8 Iomraidhean Croise

ᐃᓐᖏᕈᑎᑦ 137:8

ᐃᓕᑦᓯ ᐹᐱᓘᓂᐅᑉ ᐸᓂᖏᑦ, ᐃᕝᕕᑦ ᓄᖑᑕᐅᔪᒃᓴᐅᔪᑎᑦ; ᖁᕕᐊᓱᒍᒫᕐᐳᖅ, ᐃᓕᖕᓂᒃ ᐊᑭᓂᐊᓕᕐᑐᖅ ᐱᓂᐊᕐᓂᕆᓚᐅᕐᑕᑦᓯᓐᓂᒃ ᐅᕙᑦᑎᓐᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:23

ᐊᑕᓂᐅᑉ ᓯᕐᓈᓕᑐᐃᓐᓇᕆᐊᖃᕐᒪᒋᑦ ᑍᒤᑦᑑᓂᖏᑦ ᐱᓪᓗᒋᑦ, ᑎᒡᓕᒐᕐᕕᒋᑐᐃᓐᓇᕆᐊᖃᕐᒪᒋᑦ ᐃᓅᓯᖏᓐᓂᒃ ᑖᒃᑯᓂᖓ ᑎᒡᓕᒐᕐᕕᖃᕐᑐᑦ.

ᐂᓮᐊᓯᐅᑉ ᐊᒡᓚᖏᑦ 33:1

ᑲᑉᐱᐊᓐᓇᒦᒃ ᐊᓯᕈᐃᔨᐅᔪᑎᑦ, ᐃᕝᕕᑦ ᓇᖕᒥᓂᖅ ᐊᓯᕈᕐᑕᐅᓯᒪᖏᒃᑲᓗᐊᕐᑐᑎᑦ; ᐃᕝᕕᑦ ᐃᕐᓯᓇᕈᒪᔪᑎᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓚᐅᕐᓯᒪᓇᑎᑦ! ᐊᓯᕈᐃᖃᑦᑕᕈᓐᓃᕈᕕᑦ ᐊᓯᕈᕐᑕᐅᔪᒫᕐᐳᑎᑦ; ᐃᕐᓯᓵᕆᖃᑦᑕᕈᓐᓃᕋᓗᐊᕈᕕᑦ; ᐃᕐᓯᓵᕐᑕᐅᓕᕈᒫᕐᐳᑎᑦ.

ᐂᓮᐊᓯᐅᑉ ᐊᒡᓚᖏᑦ 33:4

ᐱᖁᑎᖏᓪᓗ ᐸᕐᓚᔭᐅᓪᓗᑎᒃ ᑎᒎᖅᑲᕐᑕᐅᕙᒃᐳᑦ ᖁᐱᕐᕈᑎᑐᑦ ᑲᑎᕐᓱᐃᔪᑎᑐᑦ; ᐱᒡᓕᕐᑕᐅᔭᑎᑐᓪᓗ ᐊᕙᒻᒧᑭᑕᒃᑐᑎᑐᑦ, ᑍᒫᒃ ᐊᕙᒻᒧᒃᑎᑦᓱᒫᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 27:7

ᐃᓅᖃᑎᒌᒡᔪᐊᓪᓗ ᐱᔨᑦᓯᕈᒫᕐᐹᑦ, ᐃᕐᓂᖏᓪᓗ ᐃᕐᖑᑕᖏᓪᓗᑦᑕᐅᖅ ᓇᖕᒥᓂᖅ ᐅᕐᕈᕕᒃᓴᖓ ᑎᑭᓚᐅᖅᑳᕐᑎᓐᓇᒍ, ᑭᖑᓂᖓᒍᓪᓗᑦᑕᐅᖅ ᐊᓯᒥᓄᑦ ᐊᐅᓚᑕᐅᓕᕈᒫᕆᕗᖅ ᐱᔪᓐᓇᕐᓂᖃᕐᓂᕐᓴᐅᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 30:16

ᐃᓕᑦᓯᓐᓂᒃ ᓄᖑᑎᑦᓯᔪᓕᒫᑦ ᓄᖑᑕᔪᒫᕐᐳᑦ; ᐊᑭᕋᕐᑐᕐᑎᓕᒫᓯ ᐊᐅᓪᓚᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒃ ᐱᖁᑍᕈᑦᔨᔪᑦ ᐱᖁᑍᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒡᓗ ᓱᓇᐅᔪᓐᓃᕐᑎᑦᓯᔪᑦ ᓱᓇᐅᔪᓐᓃᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 50:14

“ᐹᐱᓘᓂᒥᐅᑦ ᐊᕙᑕᖏᕐᓗᒋᑦ ᐱᑎᒃᓵᓕᕐᓯᒋᒃ ᖃᕐᔪᓯ ᐊᒥᐊᒃᑯᑦᑍᓕᓗᒋᑦ ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 50:28

“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 50:37

ᕿᒻᒥᕐᔪᐊᑦ ᕿᒧᒃᓯᐅᑎᓪᓗ ᑐᖁᑕᐅᔪᒫᕐᐳᑦ, ᐅᓇᑕᕐᑎᑖᖑᓂᑯᐃᑦ ᓄᓇᖃᕐᑐᑐᖃᐅᖏᑦᑐᑦ ᑐᖁᑕᐅᖃᑕᐅᔪᒫᕐᐳᑦ, ᐊᕐᓇᕐᑎᑑᓕᕈᒫᕐᐳᑦ! ᐊᔪᕐᓴᖏᑦᔪᑎᖏᑦ ᓇᒡᕚᕐᑕᒐᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 51:13

ᐃᒪᖁᑎᖃᕐᑐᓯ ᐅᓄᕐᑐᓂᒃ, ᓄᓇᖃᕐᑐᓯᓗ ᐊᔪᕐᓴᖏᑦᔪᑎᒃᓴᖃᕐᑐᓂᒃ, ᐊᔪᓕᕐᕕᒃᓴᓯ ᑎᑭᑉᐳᖅ, ᐃᓅᑦᔪᑎᒃᓴᖃᕈᓐᓃᕐᕕᒃᓴᓯ ᓈᕗᖅ.

ᔨᕆᒤᐊᐅᑉ ᐊᒡᓚᖏᑦ 51:24

ᐊᑕᓂᖅ ᐅᖃᕐᐳᖅ, “ᑕᐅᑐᒃᑎᓪᓗᓯ ᐹᐱᓘᓂ ᐊᑭᓂᐊᓛᕐᐸᕋ ᑕᕝᕙᓂᓗ ᓄᓇᖃᕐᑐᑦ ᑲᐅᓪᑎᐊᒥᐅᑦ, ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓮᐅᓂᒥ.

ᔨᕆᒤᐊᐅᑉ ᐊᒡᓚᖏᑦ 51:44

ᐹᐱᓘᓂᒥᐅᑦ ᒎᑎᒋᔭᖓᑦ ᐱᐊᓪ ᓱᒋᐊᕈᒫᕐᐸᕋ, ᒥᕆᐊᕐᑎᓪᓗᒍᓗ ᐄᔭᕕᓂᖏᓐᓂᒃ, ᐃᓅᖃᑎᒌᒡᔪᐊᓄᑦ ᐅᐸᒃᑕᐅᕙᒍᓐᓃᕈᒫᕐᐳᖅ. “ᐹᐱᓘᓂᒥᐅᑦ ᐊᕙᓗᕐᔪᐊᖓ ᐅᕐᕈᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 51:48

ᕿᓚᖕᒥᓗ ᓄᓇᒥᓗ ᓯᕆᑦᔪᑕᐅᔪᒫᕐᐳᖅ ᐹᐱᓘᓂ, ᐅᓐᓄᐊᓪᓗᐊᑉ ᓇᓛᓂᑦ ᐊᓯᕈᐃᔪᒃᓴᑦ ᑎᑭᑦᓱᒫᕐᒪᑕ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:8

ᐹᐱᓘᓂᒥᐅᑦ ᐊᔪᓕᑳᓪᓚᒍᒫᕐᐳᑦ ᐊᓯᕈᕐᑕᐅᓗᑎᒡᓗ, ᕿᐊᑦᔪᑎᒋᓕᕐᓯᐅᒃ! ᐃᑭᖏᓐᓄᑦ ᒥᖑᐊᕈᑎᒃᓴᕐᓯᒋᑦᓯ, ᐋᖅᑭᒐᔭᕐᒪᖔᑦ ᐆᒃᑐᕐᑕᐅᖁᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 28:16

ᑕᐅᕐᓰᖃᑎᖃᖃᑦᑕᕐᓂᕐᒧᓪᓗ ᑲᔪᓯᒻᒪᕆᓕᕐᑎᓪᓗᑎᑦ, ᐱᓂᕐᓗᖕᓂᕐᒧᑦ ᑎᑭᐅᑎᓚᐅᕐᐳᑎᑦ, ᐊᔪᕐᑐᓕᓕᕐᓗᑎᓪᓗ; ᐊᓂᑎᑦᓴᕆᐊᖃᓕᓚᐅᕐᐸᒋᑦ ᓇᕐᕈᓇᕐᓯᑎᑦᓯᒐᕕᑦ ᒎᑎᐅᑉ ᖃᖅᑲᖁᑎᖓᓂᒃ, ᐂᓐᖏᓕᐅᓪᓗ ᓯᕋᐱᐅᑉ ᓴᐳᑦᔨᔨᒋᓚᐅᕐᑕᕕᑦ ᐊᓂᑎᑦᓴᕆᐊᖃᓕᓚᐅᕐᐹᑎᑦ ᑕᕝᕙᓐᖓᑦ ᐅᔭᕋᖕᓂᑦ ᐱᐅᔪᓂᑦ ᕿᓪᓛᒡᒋᕐᑕᕐᑐᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 39:10

ᕿᔪᒃᓴᒥᖕᓂᒃ ᐱᕈᕐᓰᕕᖕᓂᑦ ᑲᑎᑦᓯᔭᕆᐊᖃᕈᒫᓐᖏᓚᑦ ᓇᐹᕐᑐᓂᒡᓘᓐᓃᑦ ᓇᑲᑎᕆᔭᕆᐊᖃᕈᒫᓐᖏᓚᑦ ᕿᑦᔨᐅᕋᓱᐊᕐᓗᑎᒃ, ᓱᒋᐅᑎᕕᓂᕐᓂᒃ ᕿᔪᖃᖃᑦᑕᕈᒫᕐᒪᑕ, ᐱᖁᑎᒥᖕᓂᒃ ᐱᑖᕐᑐᕐᑎᒋᓚᐅᕐᑕᑎᒃ ᐱᑖᕐᕕᒋᓕᕈᒫᕆᕔᑦ, ᓄᖑᕈᑦᔨᔨᒋᓚᐅᕐᑕᑎᒡᓗ ᓄᖑᕈᑎᓕᕐᒥᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐂᒨᓯᐅᑉ ᐊᒡᓚᖏᑦ 3:10

“ᐱᓂᐊᕐᓂᕐᒥᒃ ᐃᓱᐊᕐᑐᒥᒃ ᖃᐅᔨᒪᖏᒻᒪᑕ.” ᐊᑕᓂᖅ ᐅᖃᕐᐳᖅ, “ᑖᒃᑯᐊ ᑲᑉᐱᐊᓱᒃᑎᑦᓯᓂᒃᑯᑦ ᑎᒡᓕᒐᕐᓂᒃᑯᓪᓗ ᐱᓯᒪᔭᒥᖕᓂᒃ ᑐᖅᑯᕐᑎᕆᓯᒪᕗᑦ ᕿᒫᕕᖕᒥᖕᓂ.”

ᐅᐸᑍᐊᑉ ᐊᒡᓚᖏᑦ 1:15

“ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᐃᓅᖃᑎᒌᒡᔪᐊᓕᒫᓄᑦ; ᐃᕝᕕᑦ ᐱᓂᐊᓚᐅᕋᕕᑦ, ᑍᒫᒃ ᐱᓂᐊᕐᕕᐅᔪᒫᕐᐳᑎᑦ; ᐱᓂᐊᕐᓂᑎᑦ ᐅᑎᕈᒫᕐᐳᑦ ᓂᐊᖁᕐᓄᑦ.

ᕼᐊᐸᑲᐅᑉ ᐊᒡᓚᖏᑦ 2:10

ᐱᓇᓱᐊᕈᑎᒋᓚᐅᕐᑕᓯᓕ ᓇᖕᒥᓂᖅ ᐃᓚᒋᔭᑦᓯᓐᓄᑦ ᑲᓐᖑᓲᑎᒃᓴᓐᖑᕐᓯᒪᕗᖅ; ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᓄᖒᑦᓯᖃᑦᑕᓚᐅᕐᓂᑦᓯᓐᓄᑦ; ᓇᖕᒥᓂᖅ ᐃᓅᓯᑦᓯᓐᓂᒃ ᑐᓂᓯᑦᔪᑎᒋᕙᓯ.

ᕼᐊᐸᑲᐅᑉ ᐊᒡᓚᖏᑦ 2:17

ᓕᐸᓇᓂᐅᑉ ᓇᐹᕐᑐᖁᑎᖏᑦ ᓇᑲᑎᓚᐅᕋᕕᒋᑦ; ᒫᓐᓇ ᓇᑲᑕᐅᓂᐊᓕᕐᐳᑎᑦ, ᐆᒪᔪᖁᑎᖏᑦ ᑐᖁᕋᓚᐅᕋᕕᒋᑦ ᑍᒤᓚᐅᕐᓂᕐᓄᑦ ᑲᑉᐱᐊᓱᒃᑎᑕᐅᓂᐊᓕᕐᐳᑎᑦ. ᑕᒪᓐᓇ ᑍᒤᑕᐅᑦᔪᑎᒋᓂᐊᕐᐸᑦ ᑐᖁᕅᖃᑦᑕᕐᓂᕆᓚᐅᕐᑍᑦ ᐱᑦᔪᑎᒋᓪᓗᒍ, ᐱᑦᓯᐊᖃᑦᑕᓚᐅᖏᓐᓇᕕᑦ ᓄᓇᒥᒃ ᐃᒡᓗᒐᓴᒡᔪᐊᓂᒡᓗ ᑕᕝᕙᓂᓗ ᓄᓇᖃᕐᑐᓂᒃ.

ᓴᑲᕅᐊᐅᑉ ᐊᒡᓚᖏᑦ 1:15

ᐊᒃᓱᒻᒪᕆᐊᓗᒃ ᓂᓐᖓᐅᒪᕕᖃᕐᐳᖓ ᐃᓅᖃᑎᒌᒡᔪᐊᓂᒃ ᓄᓇᓂ ᓮᓕᓇᕐᑐᒦᑦᑐᓂᒃ. ᓂᓐᖓᐅᒪᓗᐊᓚᐅᓐᖏᒃᑲᓗᐊᕐᐳᖓ ᐃᓄᖁᑎᓐᓄᑦ, ᔫᑎᐅᖏᑦᑐᓪᓕ ᐅᖁᒤᒃᓴᕐᑎᑦᓯᕙᓪᓕᐊᓚᐅᕐᐳᑦ ᑖᒃᑯᓂᖓ.

ᓴᑲᕅᐊᐅᑉ ᐊᒡᓚᖏᑦ 14:12

ᑕᕝᕙ ᔨᕉᓴᓕᒥᒃ ᐊᑭᕋᕐᑐᕋᓱᒃᑐᑦ ᓄᓇᐅᑉ ᐊᓯᖏᓐᓂᑦ ᐱᓯᒪᔪᑦ ᐊᑕᓂᐅᑉ ᐃᒫᒃ ᐋᓐᓂᐊᓇᕐᑐᖃᕐᑎᑦᓱᒫᕐᐰᑦ; ᐅᕕᓂᖏᑦ ᓄᖑᔪᒫᕐᐳᑦ ᓂᑯᕕᖓᑎᓪᓗᒋᑦ ᓱᓕ, ᐃᔨᖏᓪᓗ ᓄᖑᔪᒫᕐᐳᑦ ᐃᔨᓕᕐᕕᖏᓐᓂᑦ, ᐅᖃᖏᓪᓗ ᓄᖑᓪᓗᑎᒃ ᖃᓂᖏᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:10

ᓂᐱᖅᑯᕐᑐᓪᓗᑎᒡᓗ ᓂᓪᓕᐊᕗᑦ, “ᐊᔪᒐᖃᖏᑦᑐᑎᑦ ᐊᑕᓃᖅ, ᐃᑦᔪᕐᓁᑦᑐᑎᑦ ᓱᓕᔪᑎᓪᓗ, ᖃᓄᖅ ᓱᓕ ᓯᕕᑐᑎᒋᕚ? ᓄᓇᕐᔪᐊᕐᒥᐅᓂᒃ ᐃᖅᑲᕐᑐᐃᓂᒃᓮᑦ ᐅᕙᑦᑎᓐᓂᒃ ᑐᖁᑦᓯᓚᐅᕐᑐᑦ ᐊᑭᓂᐊᕐᓗᒋᑦ?”