ᕼᐊᐸᑲᐅᑉ ᐊᒡᓚᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᕼᐊᐸᑲᐅᑉ ᐊᒡᓚᖏᑦ 2:3 Iomraidhean Croise

ᐊᑕᓃᑦ ᐂᑉᐸᖏᑦ 6:33

ᓱᓕ ᐃᓔᓴ ᐅᖃᓪᓚᒃᑎᓪᓗᒍ, ᐅᖃᕆᐊᕐᑐᕐᑐᖅ ᐃᒡᓗᖓᓄᑦ ᑎᑭᐅᑎᕗᖅ, ᐊᖓᔪᖅᑳᕐᔪᐊᑉ ᐅᖃᖁᓯᒪᔭᖓ ᐃᒫᒃ, “ᑕᒪᓐᓇ ᐃᓱᒪᔮᕐᓂᐊᓗᒃ! ᐊᑕᓂᕐᒥᑦ ᐱᖕᒪᑦ ᐊᑕᓂᕐᒥᒃ ᓱᓕ ᐅᑕᖅᑭᔪᒃᓴᐅᕕᑖ?”

ᐃᓐᖏᕈᑎᑦ 102:13

ᒪᑭᓪᓗᑎᑦ ᓮᐅᓂ ᓂᑲᒋᓕᕈᒫᕐᐸᑦ; ᖁᕕᐊᒋᔭᐅᓕᕐᓂᒃᓴᖓ ᐃᓕᖕᓄᑦ ᓈᒻᒪᒃᓯᕗᖅ, ᐄᓛᒃ, ᐱᕕᒃᓴᖓ ᑎᑭᓯᒪᓕᕐᐳᖅ.

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᒨᓯᓯ ᐂᑉᐸᖏᑦ 12:41

ᑖᒃᑯᐊ ᐊᕐᕌᒍᑦ 430 ᓈᑎᓪᓗᒋᑦ ᐃᓅᖃᑎᒌᑦ ᐊᑕᓂᐅᑉ ᐃᓄᖁᑎᒋᔭᖏᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᔪᐃᓐᓇᐅᓕᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᐂᓮᐊᓯᐅᑉ ᐊᒡᓚᖏᑦ 8:17

ᐅᕙᖓᓕ ᐊᑕᓂᕐᒥᒃ ᐅᑕᖅᑭᓂᐊᕐᐳᖓ, ᑖᑦᓱᒪ ᑮᓇᓂ ᐃᔨᕐᓯᒪᖕᒪᒍ ᔧᑰᑉ ᑭᖑᕚᖏᓐᓄᑦ; ᓂᕆᐅᒡᕕᒋᓂᐊᕐᐸᕋᓗ.

ᔨᕆᒤᐊᐅᑉ ᐊᒡᓚᖏᑦ 27:7

ᐃᓅᖃᑎᒌᒡᔪᐊᓪᓗ ᐱᔨᑦᓯᕈᒫᕐᐹᑦ, ᐃᕐᓂᖏᓪᓗ ᐃᕐᖑᑕᖏᓪᓗᑦᑕᐅᖅ ᓇᖕᒥᓂᖅ ᐅᕐᕈᕕᒃᓴᖓ ᑎᑭᓚᐅᖅᑳᕐᑎᓐᓇᒍ, ᑭᖑᓂᖓᒍᓪᓗᑦᑕᐅᖅ ᐊᓯᒥᓄᑦ ᐊᐅᓚᑕᐅᓕᕈᒫᕆᕗᖅ ᐱᔪᓐᓇᕐᓂᖃᕐᓂᕐᓴᐅᔪᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 12:25

ᐅᕙᖓᓕ ᐊᑕᓂᖅ ᐅᖃᐅᓯᕐᒥᒃ ᐅᖃᕐᓂᐊᓕᕐᐳᖓ, ᐅᖃᐅᓯᕆᔭᒃᑲᓗ ᐊᑑᑎᓂᐊᓕᕐᓗᑎᒃ. ᑭᖑᕙᕐᓂᐊᕈᓐᓃᕐᐳᖅ, ᐃᓅᑎᓪᓗᓯ ᓱᓕ, ᐊᑭᕋᕐᑐᕐᑎᐅᓪᓗᓯ ᑭᖑᕚᖑᔪᓯ, ᐅᖃᐅᓰᑦ ᐅᖃᐅᓯᕆᔭᒃᑲ ᐊᑑᑎᑎᓐᓂᐊᓕᕐᐸᒃᑲ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 30:9

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐃᑎᐅᐱᐊᒥᐅᑦ ᓂᕆᐅᖏᑦᑐᑦ ᓱᒃᑲᓂᕐᐹᒃᑯᑦ ᑐᓴᕐᑎᑕᐅᑎᑦᓱᒫᕐᐸᒃᑲ ᑲᑉᐱᐊᓱᓕᖁᓪᓗᒋᑦ; ᑐᓴᕈᑎᒃ ᐄᑦᔨᑉᑎᒥᐅᑦ ᐊᓯᕈᕐᑕᐅᕕᖓᓂ ᑲᑉᐱᐊᓱᕕᒡᔪᐊᓕᕈᒫᕐᐳᑦ, ᐅᓪᓗᖅ ᑕᒪᓐᓇ ᑎᑭᒻᒪᑦ!

ᑖᓂᐊᓕᐅᑉ ᐊᒡᓚᖏᑦ 10:14

ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”

ᑖᓂᐊᓕᐅᑉ ᐊᒡᓚᖏᑦ 11:27

ᑖᒃᑯᐊᒃ ᐊᖓᔪᖅᑳᕐᔪᐊᒃ ᒪᕐᕉᒃ, ᑕᒪᕐᒥᒃ ᐱᐅᖏᑦᑐᒥᒃ ᐆᒻᒪᑎᖃᕐᓗᑎᒃ, ᓂᕆᕕᖕᒥ ᐃᒃᓯᕙᖃᑎᒌᒍᒫᕐᐴᒃ ᓴᒡᓗᓂᕐᒥᒡᓗ ᐃᒻᒥᖕᓄᑦ ᓂᓪᓕᐊᖃᑎᒌᒡᓗᑎᒃ, ᓵᓚᒌᖃᑦᑕᐅᑎᔪᒫᓐᖏᓚᒃ ᐱᕕᒃᓴᖓᒃ ᓈᒻᒪᒃᓯᖏᒻᒪᑦ ᓱᓕ.

ᑖᓂᐊᓕᐅᑉ ᐊᒡᓚᖏᑦ 11:35

ᓯᓚᑐᔪᑦ ᐃᓚᖏᑦ ᑐᖁᑕᐅᔪᒫᕐᐳᑦ, ᑲᔪᓯᔪᑦ ᓴᓗᒻᒪᕐᓴᕐᑕᐅᑦᓯᐊᖁᓪᓗᒋᑦ, ᑕᕐᓴᖃᖏᑦᑐᑐᑦ ᐃᓱᐊᓄᑦ ᑎᑭᑦᓱᓐᓇᖁᓪᓗᒋᑦ, ᓂᕈᐊᕐᑕᐅᓯᒪᔪᖅ ᓇᓪᓕᐅᓐᓂᖅ ᑎᑭᑦᓱᒫᕐᒪᑦ.

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 8:19

ᐅᖃᐅᑎᕚᖓ, “ᐅᖃᐅᑎᓂᐊᕋᒃᑭᑦ ᓱᓇᒥᒃ ᐱᔪᖃᕈᒫᕐᒪᖔᑦ ᐅᓪᓗᐃᑦ ᑭᖑᓪᓕᖏᓐᓂ ᓂᓐᖓᐅᒪᓂᕐᔪᐊᖅ ᓇᓪᓕᐅᑎᒃᐸᑦ, ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᐃᓱᐊᓂ ᐱᔪᒫᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒤᑲᐅᑉ ᐊᒡᓚᖏᑦ 7:7

ᐅᕙᖓᓕ ᐊᑕᓂᕐᒥᒃ ᓂᕆᐅᒃᐳᖓ; ᐅᑕᖅᑭᓪᓗᖓᓗ ᒎᑎᓐᓂᒃ ᐱᐅᓕᕐᓯᔨᓐᓂᒃ, ᒎᑎᒪᓗ ᑐᓴᕐᓂᐊᕐᐹᖓ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᓘᑲᓯᐅᑉ ᐊᒡᓚᖏᑦ 2:25

ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 1:7

ᔩᓱᓯᐅᑉ ᑭᐅᕔᑦ, “ᐃᓕᑦᓯ ᑕᒪᑐᒥᖓ ᖃᐅᔨᒪᔭᕆᐊᖃᓐᖏᓚᓯ ᐱᕕᒃᓴᒥᒃ ᓇᓪᓕᐅᑎᕕᒃᓴᓂᒡᓗ ᐊᑖᑕᒪ ᑕᒪᒃᑯᐊ ᐱᔪᓐᓇᕐᓂᕐᒥᓄᑦ ᐋᖅᑭᒃᓯᒪᖕᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:26

ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ,

ᒐᓔᑎᐊᒥᐅᓄᑦ 4:2

ᑲᒪᔨᓄᑦ ᐊᐅᓚᑦᓯᔨᓄᓪᓗ ᐱᕈᕐᓴᑎᓪᓗᒍ ᑲᒪᒋᔭᐅᕗᖅ ᐱᒃᓴᖏᑦ ᐊᐅᓚᑕᐅᓪᓗᑎᒃ ᐊᑖᑕᖓᑕ ᐱᑖᕐᕕᐅᖁᔭᖓ ᑎᑭᓚᐅᓐᖏᓐᓂᖓᓂ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.

ᐲᑦᑐᕉᓯ ᐂᑉᐸᖏᑦ 3:9

ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.