ᕼᐊᐸᑲᐅᑉ ᐊᒡᓚᖏᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ.

ᕼᐊᐸᑲᐅᑉ ᐊᒡᓚᖏᑦ 1:6 Iomraidhean Croise

ᐊᑕᓃᑦ ᐂᑉᐸᖏᑦ 24:1

ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᑎᓪᓗᒍ ᓂᐱᑯᓁᓴ ᐹᐱᓘᓂᒥᐅᑉ ᐊᖓᔪᖅᑳᕐᔪᐊᖓᑦ ᑎᑭᓚᐅᕐᐳᖅ, ᔨᕼᐅᐃᐊᑭᒻᓗ ᐱᔨᒋᓕᓚᐅᕐᐹ ᐊᕐᕌᒍᓂᒃ ᐱᖓᓱᓂᒃ; ᑭᖑᓂᖓᒍᑦ ᐊᐅᓚᑕᐅᔪᒪᔪᓐᓃᕐᓗᓂ ᐊᑭᕋᕐᑐᓕᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 24:2

ᐊᑕᓂᕐᓗ ᑲᐅᓪᑎᐊᒥᐅᑦ ᐅᓇᑕᕐᑎᒐᓴᒡᔪᐊᖏᓐᓂᒃ ᐅᓇᑕᕆᐊᕐᑎᑦᓯᕗᖅ ᔨᕼᐅᐃᐊᑭᒻᒧᑦ, ᓯᕆᐊᒥᐅᓂᑦ, ᒧᐊᐱᒥᐅᓂᑦ ᐊᒧᓁᑎᓂᑦ, ᑲᑐᑦᔭᐅᓪᓗᓂ ᑖᒃᑯᓇᓐᖓ ᔫᑕ ᐊᓯᕈᕐᑕᐅᖁᓪᓗᒍ, ᐊᑕᓂᐅᑉ ᐅᖃᐅᓯᕆᓯᒪᔭᖓ ᐅᖃᕐᑎᒥᒍᑦ ᒪᓕᒡᓗᒍ ᑍᒤᑦᓱᒫᕐᓂᕋᕐᓗᒍ ᐅᖃᕐᓯᒪᓚᐅᕋᒥ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᑯᕉᓂᑲ ᐂᑉᐸᖏᑦ 36:6

ᑕᕝᕙ ᓂᐱᑯᓁᓴ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᑎᑭᑉᐳᖅ ᐅᓇᑕᕆᐊᕐᓗᓂ ᑖᑦᓱᒥᖓ, ᐊᑦᓱᖏᕐᓱᕐᐹᓗ ᐊᕐᓵᕐᑑᔭᓄᑦ ᐊᑦᓱᖏᐅᑎᓄᑦ ᐊᐅᓪᓚᕈᑎᓪᓗᒍᓗ ᐹᐱᓘᓂᒧᑦ.

ᐂᓮᐊᓯᐅᑉ ᐊᒡᓚᖏᑦ 23:13

ᑲᐅᓪᑎᐊᒥᐅᓄᑦ ᐆᒪᔪᓄᑦ ᓄᔪᐊᕐᑐᓄᑦ ᑍᕆᒥᐅᑦ ᐊᖅᑯᓵᕐᑕᐅᑎᑕᐅᓚᐅᕐᐳᑦ ᐊᓯᕆᐊᒥᐅᓅᖏᑦᑐᖅ. ᑖᒃᑯᐊᓗ ᐹᐱᓘᓂᒥᐅᑦ ᐊᕙᑕᖏᕐᓯᓯᒪᓪᓗᑎᒃ ᓇᐸᔪᐊᓗᓕᐅᓚᐅᕐᐳᑦ, ᑍᕆᒥᐅᑦ ᐊᕙᓗᕐᔪᐊᖏᓐᓂᒃ ᓯᖁᒥᑦᓯᑦᔪᑎᒋᓚᐅᕐᑕᒥᖕᓂᒃ ᐃᒡᓗᒐᓴᒡᔪᐊᓂᒡᓗ ᐊᓯᕈᐃᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 13:20

“ᑕᑯᓴᓕᕆᑦᓯ ᑕᑯᓗᓯᓗ ᐅᓐᓄᐊᓪᓗᐊᑉ ᓇᓛᓂᑦ ᑎᑭᓴᕐᑐᕐᑐᓂᒃ. ᓇᐅᒡᓕᑍᒪ ᓰᐲᑦ ᑲᒪᒋᓂᐊᓚᐅᕐᑕᓯ? ᓰᐱᖁᑎᒋᓂᕋᕐᓗᒋᑦ ᐅᐱᒋᕙᓚᐅᕐᑕᓯ?

ᔨᕆᒤᐊᐅᑉ ᐊᒡᓚᖏᑦ 21:4

“ᔨᑎᑬᐊ ᐃᒫᒃ ᐅᖃᐅᑎᓯᐅᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓᑦ, ᑕᑯᒋᑦ, ᐅᓇᑕᐅᑎᒃᓴᓯ ᐊᑐᕐᓗᒋᑦ ᐃᓕᑦᓯᓐᓂᒃ ᓵᑦᓯᖔᕐᓂᐊᕐᐳᖓ ᐅᓇᑕᐅᑎᒃᓴᓕᐊᕆᓯᒪᔭᓯᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑲᐅᓪᑎᐊᒥᐅᑦ ᐅᓇᑕᕐᑎᖏᓐᓄᑦ ᒫᓐᓇ ᐃᒡᓗᒐᓴᒡᔪᐊᖃᕐᕕᑦᓯᓐᓂᒃ ᐃᓗᒪᓯᓗᑎᒃ ᐱᕖᕈᑦᔨᓯᒪᔪᓄᑦ ᐃᓕᑦᓯᓐᓂᒃ; ᐃᒡᓗᒐᓴᒡᔪᐊᖃᕐᕕᑦᓯ ᐃᓗᐊᓄᐊᕈᓐᓇᕐᓯᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 30:5

“ᑲᑉᐱᐊᓱᐊᔪᑦ ᓂᐱᖏᓐᓂᒃ ᑐᓴᕐᓴᐅᔪᖃᕐᐳᖅ, ᑲᑉᐱᐊᓱᒃᑐᑦ ᓂᐱᖏᓐᓂᒃ ᓮᒪᔪᓂᐅᖏᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 4:11

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 4:6

ᓮᐅᓂᒧᓐᖓᐅᔭᕆᐊᖃᕐᓂᓯ ᓇᓗᓁᕐᑕᐅᓕᕐᓕ! ᕿᒪᒃᓯᓕᕆᑦᓯ ᐃᓅᔪᒪᒍᑦᓯ ᐅᑕᖅᑭᖏᓪᓗᓯ; ᑎᑭᑎᑦᓯᓂᐊᕋᒪ ᐅᓐᓄᐊᓪᓗᐊᑉ ᓇᓛᓂᑦ ᑲᑉᐱᐊᓇᕐᑐᒥᒃ, ᑲᑉᐱᐊᓇᕐᑐᒥᒃ ᐊᓯᕈᐃᔪᓐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 4:8

ᐆᒪᔪᑦ ᒥᖅᑯᕕᓂᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᓕᕆᑦᓯ, ᐅᒡᒍᐊᕐᓂᕐᒧᑦ ᕿᐊᔪᐊᓘᓕᕆᑦᓯ, ᐊᑕᓂᐅᑉ ᓂᓐᖓᕕᒃᔪᐊᕐᓂᖓᑕ ᑐᓄᓐᓂᐊᕈᓐᓃᕐᒪᓯ.”

ᔨᕆᒤᐊᐅᑉ ᐊᒡᓚᖏᑦ 5:15

ᐃᓴᕆᐊᓕᒥᐅᓄᑦ, ᐊᑕᓂᖅ ᐅᖃᕐᐳᖅ, ᑎᓕᓯᓂᐊᕐᐳᖓ ᐃᓅᖃᑎᒌᒡᔪᐊᓂᒃ ᐅᖓᓯᒃᑐᒥᑦ ᐱᔪᓂᒃ ᐃᓕᑦᓯᓐᓂᒃ ᐅᓇᑕᕆᐊᕐᑐᕐᑐᓂᒃ. ᐃᓅᖃᑎᒌᒡᔪᐊᑐᖃᐅᔪᓂᒃ ᐱᔪᓐᓇᕐᓂᖃᑦᓯᐊᕐᑐᓂᒃ, ᐅᖃᐅᓯᖃᖃᑎᒋᓐᖏᑕᑦᓯᓐᓂᒃ ᐅᖃᐅᓯᖏᓪᓗ ᑐᑭᓯᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 8:10

ᑍᒤᒻᒪᑦ ᓄᓕᐊᖏᑦ ᓄᓕᐊᕐᑖᕆᔭᐅᑎᓐᓂᐊᕐᐸᒃᑲ ᐊᓯᖏᓐᓄᑦ, ᐱᕈᕐᓰᕕᖁᑎᖏᓪᓗ ᐃᓄᒃᑖᕐᑎᓪᓗᒋᑦ ᐊᓯᖏᓐᓂᒃ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ ᖃᑭᔪᒪᓃᓐᓈᓗᖕᒥᒃ ᐃᓱᒪᖃᓕᕐᒪᑕ, ᓇᓚᐅᑦᑍᔪᓪᓗ ᑐᓂᕐᕈᓯᕐᑎᑦᓯᔩᓪᓗ ᐅᐃᕕᕐᕆᒃᓯᖃᑕᐅᓕᕐᒪᑕ ᖃᑭᔪᒪᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 16:40

“ᑖᒃᑯᓇᓐᖓᑦ ᐃᓄᒋᐊᒃᑐᕐᔪᐊᓄᑦ ᐅᐸᒃᑐᕐᑕᐅᑎᑕᐅᔪᒫᕐᐳᓯ, ᒥᓪᓗᕈᒫᕐᐹᓯᓗ ᓴᕕᒡᔪᐊᓄᓪᓗ ᑎᒥᓯ ᐊᕕᒃᑐᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 21:31

ᓂᓐᖓᐅᒪᓂᕋ ᐃᒃᐱᒋᔪᒫᕐᐸᓯ; ᐃᑯᒪᑐᑦ ᐃᑯᐊᓪᓚᒃᑎᓐᓂᐊᕐᐸᕋ ᐃᓕᑦᓯᓐᓄᑦ; ᐊᑦᑕᕆᔭᖃᖏᑦᑐᓄᑦ ᑐᓂᔪᒫᕐᐸᑦᓯ, ᑐᖁᕅᓂᕐᒥᒃ ᖃᐅᔨᒪᑦᓯᐊᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 28:7

ᑍᒤᒻᒪᑦ, ᑕᑯᒋᑦ, ᑎᑭᑕᐅᑎᑦᓱᒫᕐᐸᒋᑦ ᐃᓚᒋᓐᖏᑕᕐᓂᒃ, ᐃᓅᖃᑎᒌᒡᔪᐊᓂᑦ ᓂᑲᒍᓱᖏᓐᓂᕐᐹᓂᒃ; ᓴᕕᒡᔪᐊᒥᖕᓄᑦ ᓱᕋᒃᑎᕆᔪᒫᕐᐳᑦ ᓯᓚᑐᓂᕐᓄᑦ ᐱᐅᓯᑎᓯᒪᔭᕐᓂᒃ ᑕᑯᒥᓇᕐᓂᕐᔪᐊᓪᓗ ᓇᕐᕈᓇᕐᓯᑎᑕᐅᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 31:12

ᓄᓇᖃᑎᒋᔭᐅᖏᑦᑐᓄᑦ ᐃᓅᖃᑎᒌᒡᔪᐊᓄᑦ ᓂᑲᒋᔭᖃᖏᑦᑐᓄᑦ ᓇᑲᑕᐅᓗᓂ ᕿᒪᒃᑕᐅᔪᒫᕐᐳᖅ. ᐅᕐᕈᒍᓂ ᐊᕙᓚᖓᔪᖏᑦ ᐅᓕᒃᓯᔪᒫᕐᐳᑦ ᖃᖅᑲᓂᒃ ᓇᕐᓴᓂᒡᓗ, ᐊᕙᓚᖓᔪᖏᑕᓗ ᓇᑲᑎᕐᓂᑯᖏᑦ ᓄᓇᐅᑉ ᐃᒥᖏᓐᓄᐊᖅᑲᕈᒫᕐᐳᑦ; ᐃᓅᖃᑎᒌᒡᔪᐊᓪᓗ ᓄᓇᕐᔪᐊᕐᒥᐅᑦ ᑖᑦᓱᒪ ᑕᕐᕋᓕᓂᖓᓃᑦᑐᑦ ᕿᒤᔪᒫᕐᐳᑦ.

ᔪᐃᓕᐅᑉ ᐊᒡᓚᖏᑦ 2:3

ᐃᑯᒪᒧᑦ ᓄᖑᑕᐅᕗᑦ ᓯᕗᓂᐊᓃᑦᑐᑦ ᑭᖑᓂᐊᓃᑦᑐᓪᓗ ᐃᑯᐊᓚᕗᑦ; ᓄᓇᓗ ᓯᕗᓂᐊᓃᑦᑐᖅ ᐱᕈᕐᓰᕕᒃ ᐄᑕᓂᒥᐅᖑᔮᕐᑐᖅ, ᑭᖑᓂᐊᓂᓗ ᓄᓇ ᐃᓄᖃᔪᐃᑦᑐᑐᑦ ᑍᒤᓕᕐᐳᖅ, ᑭᓇᓘᓐᓃᑦ ᕿᒫᔪᓐᓇᕐᓂᐊᓐᖏᓚᖅ.