ᒨᓯᓯ ᓯᕗᓪᓖᑦ 8:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.

ᒨᓯᓯ ᓯᕗᓪᓖᑦ 8:20 Iomraidhean Croise

ᒨᓯᓯ ᓯᕗᓪᓖᑦ 13:18

ᑕᕝᕙ ᐂᑉᕋᒻ ᑕᕝᕙᓐᖓᑦ ᓅᓪᓗᓂ, ᓄᓇᑖᕐᐳᖅ ᓇᐹᕐᑐᓕᖕᒥ ᐆᒃᓂᒃ ᐊᑎᖃᕐᑐᓂᒃ ᒪᒻᕆᒦᑦᑐᒥ ᕼᐃᐸᕋᓐᓂᒥ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ.

ᒨᓯᓯ ᓯᕗᓪᓖᑦ 13:4

ᓄᓇᒧᑦ ᑐᓂᕐᕈᓯᕐᕕᖕᒥᒃ ᓴᓇᕕᒋᓚᐅᕐᑕᒥᓄᑦ ᓯᕗᓪᓕᕐᒥᒃ; ᑕᕝᕙᓂᓗ ᐂᑉᕋᒻ ᐊᑕᓂᖅ ᑐᒃᓯᐊᕐᕕᒋᕚ.

ᒨᓯᓯ ᓯᕗᓪᓖᑦ 22:2

ᒎᑎᐅᓪᓗ ᐅᖃᐅᑎᓕᕐᐹ, “ᐃᕐᓂᑐᐊᑦ ᓇᒡᓕᒋᒻᒪᕆᒃᑕᑦ ᐂᓴᑭ ᓇᒃᓴᕐᓗᒍ ᒧᕅᐊᑉ ᓄᓇᖓᓄᓐᖓᐅᒋᑦ, ᐃᕐᓃᑦ ᐂᓴᑭ ᐃᑯᐊᓪᓚᒡᓗᒍ ᑐᓂᕐᕈᓯᐅᑎᔭᕐᑐᕈᒃ ᖃᖅᑲᓂ ᐃᓂᒋᓂᐊᕐᑕᑦᓯᓐᓂᒃ ᑍᑲᓂ ᐅᖃᐅᑎᔪᒫᕐᐸᒋᑦ.”

ᒨᓯᓯ ᓯᕗᓪᓖᑦ 22:9

ᒎᑎᐅᓪᓗ ᐃᓂᒋᔭᐅᖁᔭᖓ ᑎᑭᓐᓇᒥᒃᑯᒃ, ᐂᑉᕋᕼᐋᒻ ᑐᓂᕐᕈᓯᕐᕕᒃᓴᒥᒃ ᓴᓇᕗᖅ; ᕿᔪᐃᓪᓗ ᖄᖓᓄᑦ ᐋᖅᑭᒃᓱᑦᓯᐊᕐᓗᒋᑦ, ᐃᕐᓂᓂᓗ ᐂᓴᑭ ᕿᓚᒃᓱᕐᐹ, ᕿᔪᐃᓪᓗ ᑐᓂᕐᕈᓯᕐᕕᐅᑉ ᖄᖓᓃᑦᑐᑦ ᖄᖓᓄᐊᕐᓗᓂᐅᒃ,

ᒨᓯᓯ ᓯᕗᓪᓖᑦ 26:25

ᑕᕝᕙᓂᓗ ᐂᓴᑭ ᑐᓂᕐᕈᓯᕐᕕᓕᐅᕐᐳᖅ ᑐᒃᓯᐊᕐᓗᓂᓗ ᐊᑕᓂᕐᒧᑦ, ᑕᕝᕙᓂᓗ ᑕᖕᒫᕐᑎᕐᓗᓂ, ᐱᔨᖏᓪᓗ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕆᕗᑦ.

ᒨᓯᓯ ᓯᕗᓪᓖᑦ 33:20

ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑦᑎᕐᓱᓂᐅᒡᓗ ᐃᓪ ᐃᓗᕼᐃ-ᐃᓴᕆᐊᓪᒥᒃ.

ᒨᓯᓯ ᓯᕗᓪᓖᑦ 35:1

ᒎᑎ ᔧᑯᒧᑦ ᐅᖃᕐᐳᖅ, “ᒪᑭᓪᓗᑎᑦ, ᐱᑎᓕᒧᑦ ᐂᓕᕆᑦ, ᑍᑲᓂᓗ ᓄᓇᑖᕐᓗᑎᑦ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᓗᑎᑦ ᒎᑎᒧᑦ ᐃᓕᖕᓄᑦ ᓴᖅᑭᓚᐅᕐᑐᒧᑦ ᕿᒫᑎᓪᓗᑎᑦ ᐊᖓᔪᖕᓂᑦ ᐄᓴᒥᑦ.”

ᒨᓯᓯ ᓯᕗᓪᓖᑦ 35:7

ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ, ᑖᓐᓇᓗ ᐊᑎᖃᕐᑎᑉᐹ ᐃᓪ-ᐱᑎᓕᒥᒃ, ᑕᕝᕙᓂ ᒎᑎᐅᑉ ᓴᖅᑭᕝᕕᒋᓚᐅᕐᒪᒍ ᕿᒫᑎᓪᓗᒍ ᐊᖓᔪᒥᓂᑦ.

ᒨᓯᓯ ᓯᕗᓪᓖᑦ 4:4

ᐂᐱᓕᓕ ᓰᐱᖁᑎᒥ ᕿᑐᕐᖓᕐᑖᕆᐅᕈᑎᖏᓐᓂᒃ ᖁᐃᓂᓂᖏᓐᓂᒡᓗ ᑐᓂᕐᕈᓯᕐᐳᖅ, ᐊᑕᓂᐅᓪᓗ ᐂᐱᓕ ᖁᕕᐊᒋᕚ ᑐᓂᕐᕈᑎᖏᓪᓗ.

ᒨᓯᓯ ᓯᕗᓪᓖᑦ 7:2

ᓂᕐᔪᑎᓂᒃ ᓴᓗᒪᓂᕋᕐᑕᐅᔪᓂᒃ ᒪᕐᕉᑦᑕᕐᑎᓪᓗᒋᑦ 7ᓂᒃ ᐊᑦᔨᒌᖏᑦᑐᓂᒃ ᓇᒃᓴᕐᓂᐊᕐᐳᑎᑦ, ᐊᖑᑎᓂᒃ ᐊᕐᓇᓂᒡᓗ; ᐊᓯᖏᓐᓂᒡᓗ ᓂᕐᔪᑎᑦ ᒪᕐᕉᓈᕐᑎᕐᓗᒋᑦ ᓴᓗᒤᑦᑑᓂᕋᕐᑕᐅᔪᓂᒃ, ᐊᖑᑎᓂᒃ ᐊᕐᓇᓂᓗ.

ᒨᓯᓯ ᓯᕗᓪᓖᑦ 7:3

ᑎᖕᒥᐊᓂᒃᑕᐅᖅ 7ᓂᒃ ᐊᑐᓂᑦ ᐊᑦᔨᒌᖏᑦᑐᓂᒃ ᒪᕐᕉᑦᑕᕐᑎᓪᓗᒋᑦ ᓇᒃᓴᕐᓂᐊᕐᐳᑎᑦ, ᐊᖑᑎᓂᒃ ᐊᕐᓇᓂᒡᓗ, ᑍᒤᓕᐅᕐᓗᑎᑦ ᑕᕝᕙ ᐆᒪᔪᓕᒫᑦ ᐊᑦᔨᒌᖏᑦᑐᑦ ᑎᖕᒥᐊᓪᓗ ᐆᒪᑎᑕᐅᖏᓐᓇᕈᓐᓇᕐᓂᐊᕐᐳᑦ ᐊᑦᔨᒥᖕᓂᒃ ᕿᑐᕐᖏᐅᒃᑲᓐᓂᕈᓐᓇᖁᓪᓗᒋᑦ ᓄᓇᕐᔪᐊᕐᒥ.

ᒨᓯᓯ ᓯᕗᓪᓖᑦ 8:19

ᐆᒪᔪᓕᒫᓪᓗᑦᑕᐅᖅ, ᐹᕐᖑᕐᑐᓪᓗ ᑕᒪᕐᒥᒃ, ᑎᖕᒥᐊᓕᒫᓪᓗ, ᓄᓇᒥᓗ ᐆᒪᔪᑦ ᐊᑐᓂᑦ ᐃᓚᒌᒃᓴᔭᐅᓂᑎᒃ ᒪᓕᒡᓗᒋᑦ ᐊᓂᒋᕗᑦ ᐅᒥᐊᕐᔪᐊᕐᒥᑦ.

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᒨᓯᓯ ᐂᑉᐸᖏᑦ 10:25

ᒨᓯᓯᐅᓪᓕ ᑭᐅᕚ, “ᑭᓯᐊᓂᓕ ᐆᒪᔪᓂᒃ ᑐᓂᕐᕈᑎᒃᓴᑦᑎᓐᓂᒃ ᐃᑯᐊᓚᔭᒃᓴᓂᒡᓗ ᑐᓂᓯᔭᕆᐊᖃᕐᓂᐊᕐᐸᑦᑎᒍᑦ, ᑐᓂᕐᕈᓯᕈᓐᓇᖁᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:25

ᑕᕝᕙ ᑭᖑᓂᖓᒍᑦ ᑖᒃᑯᓇᓐᖓᑦ ᑎᒍᓗᒋᑦ, ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᑕᒃᓴᕆᕙᑎᑦ ᑐᓂᕐᕈᓯᐅᑎᒋᓗᒋᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᔪᓄᑦ ᐃᓚᓕᐅᑎᖁᓪᓗᒋᑦ, ᑕᒪᒃᑯᐊ ᑎᐱᖏᑦ ᒪᒪᕐᑑᖕᒪᑕ ᐊᑕᓂᕐᒧᑦ; ᑐᓂᕐᕈᓯᕈᑎᐅᓪᓗᑎᒡᓗ ᐃᑯᐊᓚᑦᓯᓂᒃᑯᑦ ᐊᑕᓂᕐᒧᑦ.

ᒨᓯᓯ ᓯᑕᒪᖏᑦ 7:21

ᐃᓐᓇᐅᖏᑦᑐᒥᒃᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ.

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᐄᑉᕈᐃᓄᑦ 13:10

ᑐᓂᕐᕈᓯᕐᑎᑦᓯᔩᑦ ᑐᐱᕐᓂ ᐱᓇᓱᐊᕐᐸᒃᑐᑦ ᓂᕆᔭᕆᐊᖃᓐᖏᓚᑦ ᑐᓂᕐᕈᓯᕐᕕᖁᑎᑦᑎᓐᓂᑦ.

ᐲᑦᑐᕉᓯ ᓯᕗᓪᓖᑦ 2:5

ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.

ᐲᑦᑐᕉᓯ ᓯᕗᓪᓖᑦ 2:9

ᐃᓕᑦᓯᓕ ᐃᓅᖃᑎᒌᖑᔪᓯ ᓂᕈᐊᕐᑕᐅᓯᒪᕗᓯ, ᐊᖓᔪᖅᑳᕐᔪᐊᒧᑦ ᑐᓂᕐᕈᓯᕐᑎᑦᓯᔨᖁᑎᒋᔭᐅᓪᓗᓯ, ᐃᓅᖃᑎᒌᑦ ᐃᑦᔪᕐᓁᑦᑐᑦ, ᒎᑎᐅᑉ ᐃᓄᖁᑎᖏᑦ, ᐅᖃᐅᓯᖃᖁᓪᓗᓯ ᒎᑎᐅᑉ ᓂᕐᑐᕐᓇᕐᓂᕐᔪᐊᖓᓂᒃ ᑖᑦᓱᒪᓗ ᕾᖁᓚᐅᕐᒪᓯ ᑖᕐᔪᐊᕐᒥᑦ ᓇᖕᒥᓂᖅ ᖃᐅᒪᓂᕐᔪᐊᒥᓄᑦ.