ᒨᓯᓯ ᓯᕗᓪᓖᑦ 6:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᐱᓐᖑᕐᑎᑦᓯᓂᕆᓚᐅᕐᑕᒥᓂᒃ ᐃᓄᖕᓂᒃ ᓄᓇᒥ, ᐆᒻᒪᑎᒥᒍᓪᓗ ᕿᒃᓵᒻᒪᕆᓕᕐᓗᓂ,

ᒨᓯᓯ ᓯᕗᓪᓖᑦ 6:6 Iomraidhean Croise

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᓴᒧᐃᓕ ᐂᑉᐸᖏᑦ 24:16

ᐊᑕᓂᐅᓪᓕ ᐂᖏᓕᖓ ᐊᓯᕈᐃᒋᐊᕐᓂᐊᓕᕐᑎᓪᓗᒍ ᔨᕉᓴᓕᒥᒃ, ᐊᑕᓂᐅᑉ ᐃᓱᒪᓂ ᓴᖑᑎᓚᐅᕐᐹ ᓱᒋᐊᕐᓯᔪᒪᓂᓂ ᐃᓄᖕᓂᒃ, ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ! ᑍᒪ ᓈᒻᒪᒃᓯᕗᖅ.” ᐂᖏᓕᓗ ᐊᕋᐅᓇᐅᑉ ᓂᐊᑰᔭᒃᓴᓂᒃ ᐃᕖᔧᕕᖓᓃᓚᐅᕐᐳᖅ ᔨᐳᓮᑎᒥᐅᑕᐅᑉ.

ᑯᕉᓂᑲ ᓯᕗᓪᓖᑦ 21:15

ᒎᑎᓗ ᐂᖏᓕᒥᒃ ᑎᓕᓯᕗᖅ ᔨᕉᓴᓕᒥᒃ ᐊᓯᕈᐃᖁᓪᓗᒍ; ᐊᓯᕈᐃᒋᐊᑐᐃᓐᓇᕆᐊᖃᓕᕐᑎᓪᓗᒍᓕ, ᐊᑕᓂᖅ ᑕᑯᒐᒥ, ᐱᓂᐊᕐᓂᕆᓂᐊᕐᑕᒥᓂᒃ ᓴᖑᑎᑦᓯᕗᖅ; ᐂᖏᓕᓗ ᑐᖁᕅᔪᖅ ᐅᖃᐅᑎᕚ, “ᓄᖅᑲᕆᑦ ᑍᒪᑲᓚᐅᖅ.” ᐊᑕᓂᐅᓪᓗ ᐂᖏᓕᖓ ᓇᖏᕐᐳᖅ ᐃᕖᔧᕕᐅᑉ ᓇᑎᖓᑕ ᓴᓂᐊᓂ ᐅᐊᕐᓇᓐᒥ ᔨᐳᓮᑎᒥ.

ᐃᓐᖏᕈᑎᑦ 106:45

ᑖᒃᑯᐊ ᐱᑦᔪᑎᒋᓪᓗᒋᑦ ᐊᖏᖃᑎᖃᕐᓯᒪᓂᓂ ᐃᖅᑲᐅᒪᓚᐅᕐᐹ, ᓇᒡᓕᒍᓱᖕᓂᕐᔪᐊᓂ ᐱᑦᔪᑎᒋᓪᓗᒍ ᖃᕿᐊᓕᕐᕕᒋᓚᐅᕐᐰᑦ.

ᐃᓐᖏᕈᑎᑦ 110:4

ᐊᑕᓂᖅ ᐅᖃᒻᒪᕆᓚᐅᕐᐳᖅ, ᓴᖑᓂᐊᕋᓂᓗ, “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

ᐃᓐᖏᕈᑎᑦ 119:158

ᓯᓔᕐᕆᒃᓯᔩᑦ ᑕᑯᓐᓇᓕᕋᒃᑭᑦ ᕿᒃᓵᓕᕐᐳᖓ; ᐅᖃᐅᓯᕐᑎᑦ ᓈᓚᖏᒻᒪᒋᑦ.

ᐃᓐᖏᕈᑎᑦ 78:40

ᐊᑯᓔᑦᑐᒥᒃ ᐊᑭᕋᕐᑐᖃᑦᑕᓚᐅᕐᐹᑦ ᐃᓄᖃᖏᑦᑐᒥ, ᕿᒃᓵᑎᑉᐸᒡᓗᒍᓗ ᓱᓇᖃᔪᐃᑦᑐᒥ!

ᐃᓐᖏᕈᑎᑦ 81:13

ᐃᓄᖁᑎᒃᑲ ᐅᕙᓐᓂᒃ ᓈᓚᒍᒪᒐᔭᕐᐸᑕ, ᐃᓴᕆᐊᓕᑎᓪᓗ ᐊᑐᕐᑕᐅᖁᔭᓐᓂᒃ ᐃᓅᔪᒪᒐᔭᕐᐸᑕ!

ᐃᓐᖏᕈᑎᑦ 95:10

ᐊᕐᕌᒍᓂᒃ 40ᓂᒃ ᐃᓅᖃᑎᒌᑦ ᑍᒃᑯᐊ ᖁᕕᐊᓱᖏᑦᔪᑎᒋᓚᐅᕐᐸᒃᑲ, ᐅᖃᕐᓗᖓᓗ, “ᑖᒃᑯᐊ ᐃᓅᕗᑦ ᐆᒻᒪᑎᖏᑦ ᑕᒻᒪᕐᓯᒪᔪᑦ, ᐊᑐᕐᑕᐅᖁᔭᒃᑲᓗ ᖃᐅᔨᒪᓇᒋᑦ.”

ᒨᓯᓯ ᐂᑉᐸᖏᑦ 32:14

ᑕᕝᕙ ᐊᑕᓂᐅᑉ ᐃᓱᒪᒋᓚᐅᕐᑕᓂ ᓴᖑᑎᓕᕐᐹ ᐃᓄᖁᑎᒥᓄᓪᓗ ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᔪᒪᔪᓐᓁᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 48:18

ᓈᓚᑦᓯᐊᖃᑦᑕᓚᐅᕈᑦᓯᓕ ᑍᒪ ᐱᖁᔭᓐᓂᒃ! ᓮᒪᓇᕐᑐᖅ ᑰᒃᑎᑐᑦ ᑰᒐᔭᕐᐳᖅ, ᓇᓛᒎᕐᓂᓯᓗ ᑕᕆᐅᑉ ᒪᓕᖏᑎᑐᑦ ᑍᒤᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 18:7

ᖃᖓᑐᐃᓐᓇᒃᑯᑦ ᐅᖃᕈᒪ ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕖᓪᓘᓐᓃᑦ ᓄᓱᖕᓂᐊᕐᓂᕋᕐᓗᒋᑦ ᓯᖁᒥᓐᓂᐊᕐᓂᕋᕐᓗᒋᓪᓗ ᐊᓯᕈᕐᓂᐊᕐᓂᕋᕐᓗᒋᓪᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 26:19

ᕼᐃᓯᑬᐊᐅᑉ ᔫᑕᒥᐅᑦ ᐊᖓᔪᖅᑳᕐᔪᐊᖓᑕ ᐊᓯᐊᑕᓘᓐᓃᑦ ᔫᑕᒥᐅᑕᐅᔪᑦ ᒤᑲ ᑍᒤᓕᐅᕐᓂᖓᓄᑦ ᑐᖁᑕᐅᓚᐅᓐᖏᓚᖅ, ᑭᓯᐊᓂᓕ ᕼᐃᓯᑬᐊ ᐊᑕᓂᕐᒥᒃ ᐃᒃᐱᒍᓱᑦᓯᐊᓚᐅᕐᐳᖅ ᐊᑲᐅᒋᔭᖓᓂᒡᓗ ᐱᓇᓱᐊᕋᓱᐊᕐᓗᓂ, ᐊᑕᓂᐅᓪᓗ ᐃᓱᒪᒋᓚᐅᕐᑕᓂ ᓴᖑᑎᓚᐅᕐᐹ ᐊᓯᕈᐃᔪᓐᓃᕐᓗᓂ ᐊᓯᕈᕐᓂᐊᕐᓂᕋᓚᐅᕐᑕᕋᓗᐊᒥᓂᒃ, ᐅᕙᒍᓪᓕ ᑲᑉᐱᐊᓲᑎᒃᓴᒥᒃ ᐊᖏᔪᒥᒃ ᐋᖅᑭᒃᓲᑎᓕᕐᐳᒍᑦ ᓇᖕᒥᓂᖅ!”

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᔪᐃᓕᐅᑉ ᐊᒡᓚᖏᑦ 2:13

ᐆᒻᒪᑎᓯ ᐊᓕᒃᓯᒋᑦ, ᐊᓐᓄᕌᓯ ᐱᓇᒋᑦ; ᐊᑕᓂᕐᒧᑦ ᒎᑎᑦᓯᓐᓄᑦ ᐅᑎᓕᕆᑦᓯ, ᑖᓐᓇ ᐱᑦᓯᐊᕐᓂᖃᕐᒪᑦ ᓂᑲᒍᓱᒡᓗᓂᓗ, ᓂᓐᖓᒃᓴᕅᖏᑦᑐᖅ ᓇᓪᓕᒍᓱᒃᑐᕐᔪᐊᖑᓂᕐᒥᓄᓪᓗ ᓱᒋᐊᕐᓯᔪᒪᓐᖏᓚᖅ.

ᔫᓇᐅᑉ ᐊᒡᓚᖏᑦ 3:10

ᒎᑎᓗ ᓂᓂᕕᒥᐅᑦ ᑍᒤᓕᐅᕐᓂᖏᓐᓂᒃ ᑕᑯᕗᖅ, ᓴᖑᓂᖏᓐᓂᒃ ᐊᖅᑯᑎᒋᔭᒥᖕᓂᑦ ᐃᓗᐊᖏᑦᑐᓂᑦ; ᒎᑎᐅᓪᓗ ᐃᓱᒪᒋᔭᓂ ᐊᓯᑦᔨᕐᐹ ᐊᓯᕈᕐᑕᐅᓂᖅ ᑍᓐᓇ ᐅᖃᐅᑎᒋᓚᐅᕐᑕᓂ ᐱᓂᐊᕈᑎᒋᓂᐊᕐᓂᕋᓚᐅᕐᑕᓂᓗ ᑖᒃᑯᓄᖓ.

ᒪᓚᑬᑉ ᐊᒡᓚᖏᑦ 3:6

“ᐅᕙᖓ ᐊᑕᓂᖅ ᐊᓯᑦᔨᕐᓂᐊᓐᖏᓚᖓ; ᑍᒤᒻᒪᑦ, ᔧᑰᑉ ᑭᖑᕚᖏᑦ, ᓄᖑᑕᐅᓯᒪᓐᖏᓚᓯ.

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᕉᒪᒥᐅᓄᑦ 11:29

ᒎᑎᐅᑉ ᑐᓂᕐᕈᑎᓂ ᕾᖁᔨᓂᓂᓗ ᐊᓯᑦᔨᕐᓯᒪᖏᒻᒪᒋᑦ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᒨᓯᓯ ᑕᓪᓕᒪᖏᑦ 32:29

ᓯᓚᑐᒍᑎᒃ ᑕᒪᑐᒥᖓ ᖃᐅᔨᒐᔭᕐᐳᑦ, ᓱᖕᒪᑦ ᑍᒤᑦᑐᒦᓕᕐᒪᖔᕐᒥᒃ ᑐᑭᓯᒐᔭᕐᐳᑦ.

ᒨᓯᓯ ᑕᓪᓕᒪᖏᑦ 32:36

ᐊᑕᓂᐅᑉ ᐃᓄᖁᑎᓂ ᓴᐳᑎᓂᐊᕐᒪᒋᑦ ᐱᔨᓂ ᓈᒃᑭᒋᓂᐊᕐᒪᒋᑦ, ᐱᔪᓐᓇᕐᓂᖃᖏᑦᑐᑦ ᑕᑯᓕᕈᓂᒋᑦ, ᓇᓪᓕᐊᓪᓘᓐᓃᑦ, ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᒨᓯᓯ ᑕᓪᓕᒪᖏᑦ 5:29

ᑍᒪᓐᖓᓪᓕ ᑍᒫᒃ ᐃᒃᐱᒋᓕᕐᓂᕈᑎᒃ! ᓯᕘᕋᒋᓗᓂᖓ ᐱᖁᔭᒃᑲᓗ ᓈᓚᒡᓗᒋᑦ, ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕋᔭᕐᐳᑦ ᑭᖑᕚᖏᓪᓗ ᐃᓱᖃᖏᑦᑐᒧᑦ!

ᐄᑉᕈᐃᓄᑦ 3:10

ᑍᒤᒻᒪᑦ ᐃᓅᖃᑎᒌᑦ ᑖᒃᑯᐊ ᓂᓐᖓᐅᑎᓚᐅᕐᐸᒃᑲ, ᐅᖃᕐᓗᖓᓗ, ‘ᐃᓱᒪᖏᑦ ᑕᒻᒪᕐᓯᒤᓐᓇᕐᐳᑦ; ᐱᖁᔭᒃᑲᓗ ᖃᐅᔨᓇᓱᓚᐅᓐᖏᓔᑦ.’

ᐄᑉᕈᐃᓄᑦ 3:17

ᑭᓇᒃᑯᓐᓄᓪᓕ ᒎᑎ ᓂᓐᖓᐅᒪᓚᐅᕐᐸ ᐅᑭᐅᓂᒃ 40ᓂᒃ? ᑖᒃᑯᓄᖓᐅᓐᖏᓛᖅ ᐊᔪᕐᑐᓕᓚᐅᕐᑐᓄᑦ, ᑐᖁᑎᑕᐅᓚᐅᕐᑐᓄᑦ ᓱᓇᖃᔪᐃᑦᑐᒥ?

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᓴᒧᐃᓕ ᓯᕗᓪᓖᑦ 15:11

“ᐅᒡᒍᐊᕐᐳᖓ ᓴᐅᓕ ᐊᖓᔪᖅᑳᕐᔪᐊᕈᕐᑎᓚᐅᕋᒃᑯ; ᐅᕙᓐᓂᒃ ᕿᒤᖕᒪᑦ ᒪᓕᒍᓐᓃᕐᓗᓂ, ᐱᖁᔨᑦᔪᑎᒋᔭᒃᑲᓗ ᑲᔪᓯᑎᓚᐅᖏᒻᒪᒋᑦ.” ᑕᒪᓐᓇ ᓴᒧᐃᓕᐅᑉ ᓂᓐᖓᒍᑎᒋᕚ; ᐊᑕᓂᕐᒧᓪᓗ ᕿᓄᓪᓗᓂ ᕿᐊᕗᖅ ᐅᓐᓄᐊᓕᒫᖅ.

ᓴᒧᐃᓕ ᓯᕗᓪᓖᑦ 15:29

ᐃᓴᕆᐊᓕᒥᐅᓪᓗ ᓲᖑᑦᔪᑎᖓ ᓴᒡᓗᓂᐊᓐᖏᓚᖅ ᖃᕿᐊᓕᕐᓂᐊᕋᓂᓗ; ᑖᓐᓇ ᐃᓄᒃᑎᑑᓐᖏᒻᒪᑦ ᖃᕿᐊᓕᖃᑦᑕᕆᐊᓕᒃᑎᑐᑦ.”

ᓴᒧᐃᓕ ᓯᕗᓪᓖᑦ 15:35

ᓴᒧᐃᓕᐅᓪᓗ ᓴᐅᓕ ᑕᑯᒃᑲᓐᓂᓚᐅᕈᓐᓃᕐᐹ ᑐᖁᓚᐅᖅᑳᕐᑎᓐᓇᒍ, ᓴᒧᐃᓕᐅᓪᓕ ᓴᐅᓕ ᕿᒃᓵᒍᑎᒋᓚᐅᕐᐹ. ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᓴᐅᓕᒥᒃ ᐊᖓᔪᖅᑳᕐᔪᐊᕈᕐᑎᑦᓯᓚᐅᕐᓂᕐᒥᓂᒃ ᐃᓴᕆᐊᓕᒥᐅᓄᑦ.