ᒨᓯᓯ ᓯᕗᓪᓖᑦ 6:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᑕᑯᒋᑦ, ᐅᓕᕕᒃᔪᐊᖃᕐᑎᑦᓱᒫᕐᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᒥᒃ ᐊᓂᕐᓂᖃᕐᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ.

ᒨᓯᓯ ᓯᕗᓪᓖᑦ 6:17 Iomraidhean Croise

ᒨᓯᓯ ᓯᕗᓪᓖᑦ 2:7

ᐊᑕᓂᕐᓕ ᒎᑎ ᐃᓄᒃᓴᓕᐅᕐᐳᖅ ᓄᓇᐅᑉ ᐃᓚᖓᓂᒃ ᐱᓪᓗᓂ; ᓱᕐᓗᖓᒍᑦ ᐊᓂᕐᓵᕐᕕᒋᕚ ᐃᓅᓯᖃᕐᓇᕐᑐᒥᑦ; ᐃᓄᒡᓗ ᑕᕝᕙ ᐆᒻᒪᕐᐳᖅ.

ᒨᓯᓯ ᓯᕗᓪᓖᑦ 6:13

ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ.

ᒨᓯᓯ ᓯᕗᓪᓖᑦ 6:16

ᖁᓕᓗᒍ ᐅᒥᐊᕐᔪᐊᖅ, ᐆᒃᑑᑎᒥᒃ ᐊᑕᐅᓯᕐᒥᒃ ᑭᐅᐱᑦᓯᒥᒃ ᐳᕐᑐᓂᖃᕐᓗᒍ; ᐅᒥᐊᕐᔪᐊᕐᓗ ᓴᓂᕋᖓᒍᑦ ᐅᒃᑯᐊᓕᕐᓗᒍ; ᓇᑎᓕᐅᕐᓗᒍᓗ ᐱᖓᓱᓂᒃ ᖁᓕᕇᓂᒃ.

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᒨᓯᓯ ᓯᕗᓪᓖᑦ 7:15

ᐅᒥᐊᕐᔪᐊᒧᑦ ᐃᑎᓚᐅᕐᐳᑦ ᓄᐊ ᐃᓚᒋᓪᓗᒍ, ᒪᕐᕉᑦᑕᕐᓗᑎᒃ ᐆᒪᔪᓕᒫᑦ ᐊᓂᕐᓵᕐᑐᕐᑐᑦ.

ᒨᓯᓯ ᓯᕗᓪᓖᑦ 7:17

ᐅᓕᑉᐸᓪᓕᐊᖏᓐᓇᓚᐅᕐᐳᖅ ᓱᓕ ᐅᓪᓗᓂᒃ 40ᓂᒃ ᓄᓇᒥ; ᐃᒪᐅᑉ ᐃᑎᓯᕙᓪᓕᐊᓂᖓᓄᑦ ᐅᒥᐊᕐᔪᐊᖅ ᐳᒃᑕᑎᑕᐅᓕᕐᐳᖅ, ᓄᓇᐅᑉ ᖁᓛᓃᓕᕐᓗᓂ.

ᒨᓯᓯ ᓯᕗᓪᓖᑦ 7:4

ᐅᓪᓗᑦ 7 ᓈᒃᐸᑕ ᓯᓚᓗᒃᑎᑦᓯᓛᕋᒪ ᓄᓇᒧᑦ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ; ᐆᒪᔪᓕᒪᑦ ᑕᒪᕐᒥᒃ ᓴᓇᓯᒪᔭᒃᑲ ᓄᓇᒦᑦᑐᑦ ᓄᖑᓪᓗᒋᑦ.”

ᒨᓯᓯ ᓯᕗᓪᓖᑦ 9:9

“ᑕᑯᒋᑦ, ᐊᖏᖃᑎᒌᒍᑎᓕᐅᕐᐳᖓ ᐃᓕᖕᓄᑦ ᑭᖑᕚᒃᓴᕐᓄᓪᓗ,

ᔫᐱᐅᑉ ᐊᒡᓚᖏᑦ 22:16

ᑐᖁᕕᒃᓴᖏᑦ ᓇᓪᓕᐅᑎᓚᐅᕐᑎᓐᓇᒋᑦ ᑎᒍᔭᐅᑲᓪᓚᒃᓯᒪᕗᑦ; ᑐᓐᖓᕕᒋᔭᖓᑦ ᐅᓕᕕᒡᔪᐊᒧᑦ ᐅᓗᑦᔭᐅᓚᐅᕐᒪᑦ.

ᐃᓐᖏᕈᑎᑦ 107:34

ᓄᓇᓗ ᐱᕈᕐᑐᖃᑦᓯᐊᕐᑐᖅ ᐱᕈᕐᕕᐅᔪᓐᓁᓪᓕᑎᑉᐹ ᑕᕆᐅᕈᕐᓗᓂ, ᑕᕝᕙᓂ ᓄᓇᖃᕐᑐᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ.

ᐃᓐᖏᕈᑎᑦ 29:10

ᐊᑕᓂᖅ ᐃᒃᓯᕙᐅᑕᕐᔪᐊᒥᓂ ᐃᒃᓯᕙᕗᖅ ᐃᒪᕐᔪᐊᑦ ᖄᒥᓯᒪᔪᑦ ᖁᓛᓂ, ᐊᑕᓂᕐᓗ ᐃᒃᓯᕙᓂᐊᕐᐳᖅ ᐊᖓᔪᖅᑳᕐᔪᐊᖑᓗᓂ ᐃᓱᖃᖏᑦᑐᒧᑦ.

ᒨᓯᓯ ᐂᑉᐸᖏᑦ 14:17

ᐄᑦᔨᑉᑎᒥᐅᓪᓗ ᐆᒻᒪᑎᖏᑦ ᓯᑎᔫᑎᓐᓂᐊᕐᐸᒃᑲ ᒪᓕᒃᓴᕐᓂᐊᕐᐳᓪᓗ ᑖᒃᑯᓂᖓ. ᐅᐱᒋᔭᐅᑦᔪᑎᑖᕐᓂᐊᕐᐳᖓᓗ ᓵᓚᖃᕐᓂᓐᓂᒃ ᐊᖓᔪᖅᑳᕐᔪᐊᒥᒃ, ᐅᓇᑕᕐᑐᒃᓴᖁᑎᖏᓐᓂᒡᓗ, ᕿᒧᒃᓯᐅᑎᖁᑎᖏᓐᓃᑦᑐᓕᒫᓂᒃ.

ᐂᓮᐊᓯᐅᑉ ᐊᒡᓚᖏᑦ 51:12

ᐅᕙᖓ, ᑖᓐᓇᐅᕗᖓ ᓮᒻᒪᕐᑎᑦᓯᔪᖅ ᐃᓕᑦᓯᓐᓂᒃ; ᓱᖕᒪᑦ ᓯᕘᕋᕕᑦ ᐃᓄᖕᒥᒃ ᑐᖁᕙᒃᑐᒥᒃ, ᐃᓅᑉ ᐃᕐᓂᖓᓂᒃ ᐃᕕᒃᓱᒐᕐᑎᑐᑦ ᑍᒤᑦᑐᒥᒃ,

ᐂᓮᐊᓯᐅᑉ ᐊᒡᓚᖏᑦ 54:9

ᑕᒪᓐᓇ ᐊᑦᔨᖃᕐᑎᑉᐸᕋ ᓄᐊ ᐃᓅᑎᓪᓗᒍ ᐱᓚᐅᕐᑐᒥᒃ; ᐅᖃᕕᒃᓗᖓ ᐅᖃᓚᐅᕋᒪ ᓄᐊ ᐃᓅᑎᓪᓗᒍ ᓄᓇᕐᔪᐊᓕᒫᖅ ᐅᓕᕕᒡᔪᐊᒧᑦ ᑎᑭᑕᐅᒃᑲᓐᓂᖁᓇᒍ, ᒫᓐᓇᑦᑕᐅᖅ ᐅᖃᕕᒃᓗᖓ ᐅᖃᕐᐳᖓ ᓂᓐᖓᒡᕕᒋᓂᐊᕈᓐᓃᕐᐸᑦᓯ ᓱᐊᖕᓂᐊᕈᓐᓃᕐᓗᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 34:11

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᒋᑦ, ᐅᕙᖓ ᓇᖕᒥᓂᖅ ᓰᐱᖁᑎᒃᑲ ᕿᓂᕐᓂᐊᓕᕐᐸᒃᑲ, ᕿᓂᕆᐊᕐᓂᐊᓕᕐᓗᒋᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 34:20

ᑍᒤᒻᒪᑦ, ᑖᒃᑯᓄᖓ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᕕᑎᑦᓯᓂᐊᕐᐳᖓ ᓰᐱᓂᒃ ᖁᐃᓂᔪᓂᒃ ᓴᓗᒃᑐᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 5:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᐸᑦᓯ; ᓱᒋᐊᕐᓂᐊᕐᐸᑦᓯ ᐃᓅᖃᑎᒌᒡᔪᐊᑦ ᑕᑯᓐᓇᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 6:3

ᐅᖃᐅᑎᓗᒋᓪᓗ, ᐃᓴᕆᐊᓕᒥᐅᑦ ᖃᖅᑲᖏᑦ ᑐᓴᖁᓪᓗᒋᑦ ᐊᑕᓂᐅᑉ ᒎᑎᐅᑉ ᐅᖃᐅᓯᕆᔭᖏᓐᓂᒃ, ᐅᖃᐅᑦᔪᐃᒋᑦ ᖃᖅᑲᓂᒃ, ᐱᖑᕐᓂᒃ, ᑰᕈᕐᓂᒃ, ᓇᕐᓴᓂᒡᓗ: ᑕᑯᒋᑦ, ᐅᕙᖓ ᓇᖕᒥᓂᖅ, ᑎᓕᓯᔪᒫᕐᐳᖓ ᐅᓇᑕᕐᑎᓂᒃ, ᐊᓯᕈᐃᖁᓪᓗᒋᑦ ᒎᑎᓐᖑᐊᓂᒃ.

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.

ᒨᓯᓯ ᐱᖓᔪᖏᑦ 26:28

ᓂᓐᖓᐅᒪᓂᕐᒧᑦ ᐃᓕᑦᓯᓐᓄᑦ ᓵᓐᓂᐊᕐᐳᖓ, ᓱᒋᐊᕐᓂᐊᕐᐸᑦᓯᓗ ᐊᖏᓂᕐᓴᒥᒃ ᓯᕗᓪᓕᕐᓂᑦ 7ᐃᕐᑐᕐᓗᒋᑦ ᐱᐅᖏᓐᓂᕐᓴᐅᔪᓂᒃ.

ᐂᒨᓯᐅᑉ ᐊᒡᓚᖏᑦ 9:6

ᑖᓐᓇ ᖁᑦᓯᖕᓂᕐᓴᒥ ᐃᓂᒃᓴᒥᓂᒃ ᐃᒡᓗᕈᓯᓕᐅᕐᑐᖅ ᕿᓚᖕᒥ, ᓄᓇᕐᔪᐊᕐᒥᒃ ᑐᓐᖓᕕᓕᐅᕐᐹ; ᕾᖁᔨᕗᖅ ᐃᒪᕐᒥᒃ ᐃᒪᕕᖕᒥᑦ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ. ᑖᓐᓇ ᐊᑕᓂᕐᒥᒃ ᐊᑎᖃᕐᐳᖅ!

ᒫᑎᐅᓯᐅᑉ ᐊᒡᓚᖏᑦ 24:39

ᖃᐅᔨᒪᓚᐅᓐᖏᓚᑦ ᐅᓕᕕᒃᔪᐊᕐᒧᑦ ᑎᑭᑕᐅᖅᑳᕋᑎᒃ ᑕᒪᕐᒥᒡ ᓄᖑᑕᐅᓚᐅᕐᐳᑦ, ᑍᒤᑦᓱᒫᕆᕗᖅ ᐃᓅᑉ ᐃᕐᓂᖓᑕ ᑎᑭᕝᕕᒃᓴᖓᓂ.

ᓘᑲᓯᐅᑉ ᐊᒡᓚᖏᑦ 17:27

ᑍᑦᓱᒪᓂ ᓄᐊᑉ ᓇᓪᓕᐅᓐᓂᖓᓂ, ᐃᓄᐃᑦ ᓂᕆᓚᐅᕐᐳᑦ ᐃᒥᕐᓗᑎᒡᓗ, ᓄᓕᐊᓂᒃᐳᑦ ᐅᐃᓂᒡᓗᑎᒡᓗ, ᐅᓪᓗᖅ ᓄᐊᑉ ᐅᒥᐊᕐᔪᐊᒧᑦ ᐃᑎᕐᕕᖓ ᑎᑭᓪᓗᒍ, ᐅᓕᕕᒡᔪᐊᖅ ᑎᑭᒻᒪᑦ ᑍᒃᑯᐊᓕᒫᑦ ᑐᖁᓚᐅᕐᐳᑦ.

ᕉᒪᒥᐅᓄᑦ 5:21

ᑕᕝᕙ ᐊᔪᕐᓂᐅᑉ ᐊᐅᓚᑦᓯᓂᖓ ᑐᖁᓐᓇᕐᑐᒥᒃ ᓴᖅᑭᑎᑦᓯᓚᐅᕐᒪᑦ, ᑍᒫᒃᑕᐅᖅ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐊᐅᓚᑦᓯᔨᐅᓕᕆᕗᖅ ᐃᓗᐊᕐᑐᓕᔪᓐᖑᕐᑎᑕᐅᓂᕐᒧᑦ, ᐃᓅᓯᖃᕐᓇᕐᑐᑎᒥᒃ ᐃᓱᖃᖏᑦᑐᒧᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ.

ᕉᒪᒥᐅᓄᑦ 6:23

ᐊᔪᕐᓂᐅᑉ ᐊᑭᓕᐅᑖ ᑕᕝᕙ ᑐᖁ, ᒎᑎᐅᓪᓕ ᑐᓂᕐᕈᑖ ᐊᑭᖃᖏᑦᑐᖅ ᑕᕝᕙ ᐃᓅᓯᖅ ᓄᖑᓱᐃᑦᑐᖅ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ.

ᒨᓯᓯ ᑕᓪᓕᒪᖏᑦ 32:39

ᒫᓐᓇ ᑕᑯᓕᕆᑦᓯ ᐅᕙᖓᐅᒐᒪ, ᑖᓐᓇᑐᐊᑦᓯᐊᖑᓪᓗᖓ ᒎᑎᐅᒐᒪ; ᐊᓯᓐᓂᒃ ᓴᓂᒃᑯᑦ ᒎᑎᑕᖃᓐᖏᓚᖅ; ᑐᖁᑦᓯᕙᒡᓗᖓ ᐃᓅᑎᑦᓯᕙᒃᐳᖓ; ᐃᑭᓕᕐᑎᑦᓯᓲᖑᓪᓗᖓᓗ ᒪᒥᑎᑦᓯᕙᒃᐳᖓ, ᑭᓇᓘᓐᓃᑦ ᐱᔪᓐᓇᕐᓂᓐᓂᒃ ᕿᒫᔪᓐᓇᓐᖏᓚᖅ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 3:20

ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,

ᐲᑦᑐᕉᓯ ᐂᑉᐸᖏᑦ 2:5

ᓯᓚᕐᔪᐊᑐᖃᕐᒥᓗ ᓂᑲᒍᓱᓚᐅᓐᖏᓚᖅ, ᐱᐅᓕᓯᓚᐅᕐᐳᕐᓕ ᓄᐊᒥᒃ, ᐊᔪᕆᕐᑑᓯᖃᓚᐅᕐᒪᑦ ᓇᓛᒎᕐᑐᒥᒃ, ᐃᓚᖃᕐᑎᓪᓗᒍ 7ᓂᒃ, ᐅᓕᕕᒡᔪᐊᖃᕐᑎᑦᓯᓚᐅᕐᐳᖅ ᒎᑎᖃᖏᑦᑐᓄᑦ ᓯᓚᕐᔪᐊᕐᒥ.