ᒨᓯᓯ ᓯᕗᓪᓖᑦ 5:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᐊᑎᖃᕐᑎᓪᓗᒍᓗ ᓄᐊᒥᒃ, ᐅᖃᕐᓗᓂ, “ᑕᒫᓐᖓᑦ ᓄᓇᒥᑦ ᐊᑕᓂᐅᑉ ᓇᕐᕈᓇᕐᓯᑎᓚᐅᕐᑕᖓᓂᑦ, ᑖᓐᓇ ᓄᑕᕋᖅ ᐅᖁᒤᒃᓴᕐᓂᑦᑎᓐᓂᑦ ᓴᐳᑦᔨᔪᒫᕐᐳᖅ ᑕᒤᓐᓂᑦ ᐊᒃᓱᕈᕐᓗᑕ ᐱᓇᓱᐊᕐᓂᕆᕙᒃᑕᑦᑎᓐᓂᑦ.”

ᒨᓯᓯ ᓯᕗᓪᓖᑦ 5:29 Iomraidhean Croise

ᒨᓯᓯ ᓯᕗᓪᓖᑦ 5:28

ᓔᒥᑭᓕ ᐊᕐᕌᒍᖃᓕᕐᓗᓂ 182ᓂᒃ, ᐃᕐᓂᕐᑖᓚᐅᕐᐳᖅ.

ᒨᓯᓯ ᓯᕗᓪᓖᑦ 5:30

ᓔᒥᑭᓗ ᓱᓕ ᐊᕐᕌᒍᓂᒃ 595ᓂᒃ ᐃᓅᒃᑲᓐᓂᓚᐅᕐᐳᖅ ᓄᐊ ᐃᓅᓯᒪᓕᕐᑎᓪᓗᒍ. ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

ᒨᓯᓯ ᓯᕗᓪᓖᑦ 7:23

ᐊᑕᓂᐅᑉ ᐆᒪᔪᓐᓇᕐᑐᓕᒫᑦ ᓄᓇᕐᔪᐊᕐᒥ, ᐃᓄᐃᑦ, ᐆᒪᔪᑦ, ᐹᕐᖑᕐᑐᓪᓗ, ᑎᖕᒥᐊᓗ ᖃᖓᑕᕙᒃᑐᑦ; ᓄᖑᓚᐅᕐᐰᑦ ᓄᓇᒥ. ᓄᐊ ᐊᒥᐊᒃᑯᑑᓚᐅᕐᐳᖅ, ᐅᒥᐊᕐᔪᐊᕐᒦᖃᑎᖏᓪᓗ.

ᒨᓯᓯ ᓯᕗᓪᓖᑦ 9:24

ᓄᐊᓕ ᐋᖓᔮᕈᓐᓃᕋᒥ ᖃᐅᔨᓕᕋᒥᓗ ᓄᑲᕐᓕᕐᐹᖁᑎᖓᑕ ᖃᓄᐃᓕᐅᓚᐅᕐᓂᖓᓂᒃ,

ᐂᓮᐊᓯᐅᑉ ᐊᒡᓚᖏᑦ 54:9

ᑕᒪᓐᓇ ᐊᑦᔨᖃᕐᑎᑉᐸᕋ ᓄᐊ ᐃᓅᑎᓪᓗᒍ ᐱᓚᐅᕐᑐᒥᒃ; ᐅᖃᕕᒃᓗᖓ ᐅᖃᓚᐅᕋᒪ ᓄᐊ ᐃᓅᑎᓪᓗᒍ ᓄᓇᕐᔪᐊᓕᒫᖅ ᐅᓕᕕᒡᔪᐊᒧᑦ ᑎᑭᑕᐅᒃᑲᓐᓂᖁᓇᒍ, ᒫᓐᓇᑦᑕᐅᖅ ᐅᖃᕕᒃᓗᖓ ᐅᖃᕐᐳᖓ ᓂᓐᖓᒡᕕᒋᓂᐊᕈᓐᓃᕐᐸᑦᓯ ᓱᐊᖕᓂᐊᕈᓐᓃᕐᓗᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 14:14

ᐊᒡᓛᑦ ᐊᖑᑎᑦ ᑍᒃᑯᐊ ᐱᖓᓱᑦ, ᓄᐊ, ᑖᓂᐊᓕᓗ, ᔫᐱᓗ, ᓄᓇᖃᖃᑕᐅᒐᔭᕐᐸᑕ, ᐊᑲᐅᔪᒥᒃ ᐃᓅᓯᖃᕐᓂᕐᒥᖕᓄᑦ ᓇᖕᒥᖕᓂᑐᐊᖅ ᐱᐅᓕᒐᔭᕐᐳᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 14:20

ᓄᐊ, ᑖᓂᐊᓕᓗ, ᔫᐱᓗ ᑕᕝᕙᓂ ᐊᒡᓛᑦ ᓄᓇᖃᖃᑕᐅᒐᔭᕐᐸᑕ, ᐅᕙᖓ ᐃᓅᑎᓪᓗᖓ, ᐊᑕᓂᖅ ᒎᑎ ᐅᖃᕐᐳᖅ, ᕿᑐᕐᖓᒥᖕᓂᒃ ᐊᒡᓛᑦ ᓴᐳᑦᔨᔪᓐᓇᕋᔭᓐᖏᓚᑦ; ᑖᒃᑯᑐᐊᕐᓕ ᐱᐅᓕᔭᐅᒐᔭᕐᐳᑦ ᐃᓱᐊᕐᑐᒥᒃ ᐃᓅᓂᕐᒥᖕᓄᑦ.

ᒫᑎᐅᓯᐅᑉ ᐊᒡᓚᖏᑦ 24:37

ᐃᓅᑉ ᐃᕐᓂᖓᑕ ᑎᑭᕝᕕᒃᓴᖓ ᐊᑦᔨᖃᕈᒫᕐᐳᖅ, ᓄᐊ ᐃᓅᑎᓪᓗᒍ ᐱᐅᓯᕆᔭᐅᓚᐅᕐᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 3:36

ᓮᓚ ᑬᓇᓂᐅᑉ ᐃᕐᓂᕆᕚ, ᑬᓇᓂ ᐊᕐᐹᒃᓴᑎᐅᑉ ᐃᕐᓂᕆᕚ, ᐊᕐᐹᒃᓴᑎ ᓰᒥᐅᑉ ᐃᕐᓂᕆᕚ, ᓰᒥ ᓄᐊᑉ ᐃᕐᓂᕆᕚ, ᓄᐊ ᓔᒥᑭᐅᑉ ᐃᕐᓂᕆᕚ,

ᕉᒪᒥᐅᓄᑦ 8:20

ᐱᓐᖑᕐᑎᑕᐅᓯᒪᔪᑦ ᓱᓇᒃᓴᐅᖏᓐᓂᕐᒧᑦ ᑎᑭᑎᑕᐅᓚᐅᕐᒪᑕ, ᓇᖕᒥᓂᖅ ᐱᔪᒪᔭᒥᖕᓄᑦ ᐱᓇᑎᒃ ᑖᑦᓱᒪᓕ ᑍᒤᑎᓚᐅᕐᒪᒋᑦ ᓂᕆᐅᒋᔭᒃᓴᖃᖁᓪᓗᒋᑦ;

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐲᑦᑐᕉᓯ ᓯᕗᓪᓖᑦ 3:20

ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,

ᐲᑦᑐᕉᓯ ᐂᑉᐸᖏᑦ 2:5

ᓯᓚᕐᔪᐊᑐᖃᕐᒥᓗ ᓂᑲᒍᓱᓚᐅᓐᖏᓚᖅ, ᐱᐅᓕᓯᓚᐅᕐᐳᕐᓕ ᓄᐊᒥᒃ, ᐊᔪᕆᕐᑑᓯᖃᓚᐅᕐᒪᑦ ᓇᓛᒎᕐᑐᒥᒃ, ᐃᓚᖃᕐᑎᓪᓗᒍ 7ᓂᒃ, ᐅᓕᕕᒡᔪᐊᖃᕐᑎᑦᓯᓚᐅᕐᐳᖅ ᒎᑎᖃᖏᑦᑐᓄᑦ ᓯᓚᕐᔪᐊᕐᒥ.