ᒨᓯᓯ ᓯᕗᓪᓖᑦ 49:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᔫᑖ, ᖃᑕᓐᖑᑎᖕᓂᑦ ᓂᕐᑐᕐᑕᐅᔪᒫᕐᐳᑎᑦ; ᐊᒡᒐᑎᓪᓗ ᐆᒥᒋᔨᕕᑦ ᖁᖓᓯᖏᓐᓂᒃ ᑎᒍᒥᐊᕈᒫᕐᐳᑦ; ᐊᑖᑕᕕᓪᓗ ᐃᕐᓂᖏᑦ ᓵᖕᓂ ᐹᒻᒪᒃᑎᕈᒫᕐᐳᑦ.

ᒨᓯᓯ ᓯᕗᓪᓖᑦ 49:8 Iomraidhean Croise

ᒨᓯᓯ ᓯᕗᓪᓖᑦ 27:29

ᐃᓅᖃᑎᒌᒡᔪᐊᑦ ᐊᓯᑦᓯᓐᓃᑦᑐᑦ ᐱᔨᑦᓯᕐᓕᑎᑦ, ᐃᓅᖃᑎᒌᒡᔪᐊᓪᓗ ᓇᓂᑐᐃᓐᓇᖅ ᐹᒻᒪᒃᑎᕐᕕᒋᓕᑎᑦ; ᐊᖓᔪᖅᑳᖑᓕᕆᑦ ᖃᑕᓐᖑᑎᖕᓄᑦ, ᐊᓈᓇᕕᓪᓗ ᑭᖑᕚᖏᑕ ᐹᒻᒪᒃᑎᕐᕕᒋᔭᒃᓴᕆᕚᑎᑦ, ᓇᕐᕈᓇᕐᓯᓕᑦ ᐃᓕᖕᓂᒃ ᓇᕐᕈᔪᑦ, ᓮᒻᒪᕐᑎᑕᐅᓕᓪᓗ ᐃᓕᖕᓂᒃ ᓮᒻᒪᕐᑎᑦᓯᔪᑦ.”

ᒨᓯᓯ ᓯᕗᓪᓖᑦ 29:35

ᐊᒻᒪ ᑭᖑᓂᖓᒍᑦ ᓯᖎᓕᒃᑲᓐᓂᕆᕗᖅ ᐃᕐᓂᕐᑖᒃᑲᓐᓂᕐᓗᓂᓗ, ᐅᖃᕐᐳᕐᓗ, “ᑕᒪᑐᒪᓂ ᐊᑕᓂᖅ ᓂᕐᑐᕐᓂᐊᓕᕐᐸᕋ”; ᑍᒤᒻᒪᑦ ᐊᑦᓯᕐᐹ ᔫᑕᒥᒃ; ᑭᖑᓂᖓᒍᓪᓗ ᕿᑐᕐᖓᕐᑖᒃᑲᓐᓂᕈᓐᓃᕐᐳᖅ.

ᒨᓯᓯ ᓯᕗᓪᓖᑦ 42:6

ᔫᓯᐱᓕ ᓄᓇᒥ ᐊᐅᓚᑦᓯᔨᐅᒐᒥ; ᓄᓇᓂᑦ ᓂᐅᕕᕆᐊᕐᑐᓕᒫᓄᑦ ᓂᐅᕕᕐᕕᐅᖃᑦᑕᓚᐅᕐᐳᖅ. ᔫᓯᐱᐅᓪᓗ ᐊᖓᔪᖏᑦ ᑎᑭᑉᐳᑦ, ᑖᑦᓱᒪᓗ ᓵᖓᓄᑦ ᐅᑯᕗᑦ ᖃᐅᖏᑦ ᓄᓇᒧᑦ ᐊᒃᑐᕐᓗᑎᒃ.

ᒨᓯᓯ ᓯᕗᓪᓖᑦ 46:12

ᔫᑕᐅᑉ ᐃᕐᓂᖏᑦ: ᐃᕆ, ᐅᓇᓐ, ᓰᓚ, ᐱᕆᔅ, ᔨᕋᓗ (ᐃᕆᓕ ᐅᓇᓐᓗ ᑐᖁᓚᐅᕐᐴᒃ ᑬᓇᓂᐅᑉ ᓄᓇᖓᓂ); ᐱᕆᔨᐅᓪᓗ ᐃᕐᓂᖏᒃ ᕼᐃᔅᕋᓐ ᕼᐊᒧᓪᓗ.

ᓴᒧᐃᓕ ᐂᑉᐸᖏᑦ 22:41

ᐊᑭᕋᕐᑐᕐᑎᒃᑲ ᕿᒫᑎᑉᐸᑎᑦ ᐅᕙᓐᓂᒃ, ᐊᓯᕈᕐᐸᒃᑲᓗ ᐅᕙᓐᓂᒃ ᐆᒥᓱᒃᑐᑦ.

ᓴᒧᐃᓕ ᐂᑉᐸᖏᑦ 24:9

ᑕᕝᕙ ᔪᐊᐱ ᐊᖓᔪᖅᑳᕐᔪᐊᕐᒧᑦ ᐅᖃᕆᐊᕐᑐᕐᐳᖅ ᐊᖑᑏᑦ ᐅᓇᑕᕈᓐᓇᕐᑐᑦ ᐅᓄᕐᓂᖏᓐᓂᒃ: 800,000ᐃᑦ ᐃᓴᕆᐊᓕᒥ ᐅᓇᑕᕈᓐᓇᕐᐳᑦ, 500,000ᐃᓪᓗ ᔫᑕᒥ ᐅᓇᑕᕈᓐᓇᕆᓪᓗᑎᒃ.

ᓴᒧᐃᓕ ᐂᑉᐸᖏᑦ 5:3

ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑕ ᐊᖓᔪᖅᑳᓕᒫᖏᑦ ᐊᖓᔪᖅᑳᕐᔪᐊᒧᐊᓚᐅᕐᐳᑦ ᑍᕕᑎᒧᑦ ᕼᐃᐸᕋᓐᒦᑦᑐᒧᑦ; ᑍᕕᑎᐅᓪᓗ ᐊᖏᖃᑎᒋᓚᐅᕐᐰᑦ ᐊᑕᓂᐅᑉ ᓵᖓᓂ, ᑖᒃᑯᓇᓐᖓᓪᓗ ᓇᐹᕐᑑᑉ ᐅᕐᓱᖓᓄᑦ ᑕᕝᕙᓂ ᐅᕐᓱᕐᑎᕐᑕᐅᕗᖅ, ᐊᖓᔪᖅᑳᕐᔪᐊᓐᖑᕐᑎᓪᓗᒍ ᐃᓴᕆᐊᓕᒥᐅᓄᑦ.

ᑯᕉᓂᑲ ᓯᕗᓪᓖᑦ 28:4

ᐊᑕᓂᐅᓪᓕ ᐃᓴᕆᐊᓕᒥᐅᑦ ᒎᑎᖓᑕ ᓂᕈᐊᓚᐅᕐᐹᖓ ᐊᑖᑕᒪ ᐃᓚᒋᔭᖏᓐᓂᑦ ᐊᖓᔪᖅᑳᕐᔪᐊᖑᖁᓪᓗᖓ ᐃᓴᕆᐊᓕᒥᐅᓄᑦ ᐃᓱᖃᖏᑦᑐᒧᑦ; ᔫᑕ ᓂᕈᐊᓚᐅᕐᒪᒍ ᐊᐅᓚᑦᓯᔨᐅᖁᓪᓗᒍ, ᐊᑖᑕᒪ ᐃᓚᒋᔭᖏᓐᓂᑦ, ᐊᑖᑕᒪᓗ ᐃᕐᓂᖏᓐᓂᑦ, ᖁᕕᐊᒋᓚᐅᕐᐹᖓ ᐊᖓᔪᖅᑳᕐᔪᐊᓐᖑᕐᑎᓪᓗᖓ ᐃᓴᕆᐊᓕᒥᐅᓕᒫᓄᑦ.

ᑯᕉᓂᑲ ᓯᕗᓪᓖᑦ 5:2

ᔫᑕᓕ ᐱᓪᓚᕆᐅᓂᕐᐸᐅᓕᓚᐅᕐᐳᖅ ᖃᑕᓐᖑᑎᒥᓂᑦ ᑖᑦᓱᒪᓐᖓᓪᓗ ᐊᖓᔪᖅᑳᕐᔪᐊᑦ ᐱᓯᒪᓪᓗᑎᒃ, ᐊᖓᔪᒃᓯᕐᐹᕐᓯᐅᑏᑦ ᑎᑎᕋᕐᓯᒪᓂᖏᑦ ᔫᓯᐱᒃᑰᕋᓗᐊᕐᑎᓪᓗᒋᑦ,

ᑯᕉᓂᑲ ᐂᑉᐸᖏᑦ 14:8

ᐂᓴᓗ ᐅᓇᑕᕐᑎᖁᑎᖃᕐᐳᖅ 300,000ᓂᒃ ᔫᑕᒥ, ᐅᓇᑕᐅᑎᓕᖕᓂᒃ ᓴᐴᓗᑕᖃᕐᓗᑎᒃ ᒥᑭᔪᓂᒃ ᖃᓗᒋᐊᖃᕐᓗᑎᒡᓗ, ᐱᓐᔭᒥᓂᒃᑯᓐᓂᑦ 280,000ᓂᒃ ᐅᓇᑕᕐᑎᖁᑎᖃᕐᐳᖅ, ᓴᐴᓗᑕᓕᖕᓂᒃ ᐱᑎᒃᓯᓕᖕᓂᒃ; ᑖᒃᑯᐊᓕᒫᑦ ᐊᔪᖏᑦᓯᐊᓚᐅᕐᐳᑦ ᐱᔭᕆᐅᕐᓴᓯᒪᑦᓯᐊᕐᓗᑎᒡᓗ.

ᑯᕉᓂᑲ ᐂᑉᐸᖏᑦ 15:9

ᔫᑕᒃᑯᓕᒫᓪᓗ ᐱᓐᔭᒥᓂᒃᑯᓕᒫᓪᓗ ᑲᑎᖁᕔᑦ, ᐃᕗᕅᒥᓗ, ᒫᓇᓯᒥ, ᓯᒥᐅᓂᒥᓗ ᓄᓇᓖᑦ, ᐅᓄᕐᑐᕐᔪᐊᓪᓗ ᐃᓴᕆᐊᓕᒥᐅᑦ ᑕᕝᕗᓐᖓᕆᕗᑦ ᑕᑯᒐᒥᒃ ᐊᑕᓂᐅᑉ ᑖᑦᓱᒪ ᒎᑎᖓᑕ ᐃᓚᒋᖕᒪᒍ.

ᑯᕉᓂᑲ ᐂᑉᐸᖏᑦ 17:2

ᐅᓇᑕᕐᑐᒃᓴᓂᒃ ᐃᓂᑖᕐᑎᑦᓯᕗᖅ ᔫᑕᐅᑉ ᐃᒡᓗᒐᓴᓕᒫᖏᓐᓂ ᓴᐴᓗᑕᓕᖕᓂ, ᐅᓇᑕᕐᑐᒃᓴᒃᑯᕕᓕᐅᕐᐳᕐᓗ ᔫᑕᐅᑉ ᓄᓇᖓᓂ, ᐃᕗᕅᑎᐅᓪᓗ ᐃᒡᓗᒐᓴᖏᓐᓂ ᐊᑖᑕᖓᑕ ᐂᓴᐅᑉ ᓵᓚᒋᓚᐅᕐᑕᖏᓐᓂ.

ᑯᕉᓂᑲ ᐂᑉᐸᖏᑦ 30:11

ᐅᓄᖏᑦᑐᓪᓕ ᐃᓚᖏᑦ ᐋᓱᕆᒥᐅᑦ, ᒫᓇᓯᒥᐅᓪᓗ, ᓯᐳᓗᓂᒥᐅᓪᓗ ᐃᒻᒥᖕᓂᒃ ᒥᑭᒡᓕᑎᕐᓗᑎᒃ ᔨᕉᓴᓕᒧᐊᓚᐅᕐᐳᑦ.

ᐃᓐᖏᕈᑎᑦ 76:1

ᔫᑕᒥᐅᓂᑦ ᒎᑎ ᖃᐅᔨᒪᔭᐅᕗᖅ ᐊᑎᖓᓗ ᐊᖏᔪᕐᔪᐊᖑᕗᖅ ᐃᓴᕆᐊᓕᒥ.

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 21:29

ᑕᑯᑎᑕᐅᓂᐅᓂᕋᕐᑕᓯ ᓱᓕᓐᖏᓚᑦ, ᐱᔪᒫᕐᑐᒃᓴᓂᒡᓗ ᐅᖃᓪᓚᖕᓂᕆᔭᓯ ᓴᒡᓗᕿᑦᓯᓂᐅᕗᑦ, ᐱᐅᖏᑦᑑᒐᑦᓯ ᐱᐅᖏᑦᑐᓕᓪᓗᓯᓗ ᖁᖓᓯᓯ ᓇᑲᑕᐅᔪᒫᕐᐳᑦ ᓴᕕᒡᔪᐊᕐᒧᑦ, ᐅᓪᓗᕆᔭᒃᓴᓯ ᓇᓪᓕᐅᑎᕗᖅ, ᐅᓪᓗᖅ ᑭᖑᓪᓕᕐᐹᖅ ᓱᒋᐊᕐᑕᐅᕕᒃᓴᓯ.

ᒨᓯᓯ ᓯᑕᒪᖏᑦ 1:27

ᔫᑕᐅᑉ ᑭᖑᕚᖏᓐᓂᑦ ᓈᓴᕐᑕᐅᔪᑦ 74,600ᐅᓚᐅᕐᐳᑦ.

ᒨᓯᓯ ᓯᑕᒪᖏᑦ 10:14

ᐅᓇᑕᕐᑐᓴᐅᖃᑎᒌᒃᔪᐊᑦ ᔫᑕᐅᑉ ᕿᑐᕐᖓᖏᑦ ᓯᕗᓪᓕᕐᐸᐅᓪᓗᑎᒃ ᐅᓇᑕᕐᑐᒃᓴᐅᖃᑎᒌᒃᑐᑦ ᒪᓕᒡᓗᒋᑦ; ᓈᓲᓂ ᐊᒥᓇᑕᐱᐅᑉ ᐃᕐᓂᖓ ᐅᓇᑕᕐᑐᒃᓴᓄᑦ ᑖᒃᑯᓄᖓ ᐊᖓᔪᖅᑳᖑᓚᐅᕐᐳᖅ.

ᒨᓯᓯ ᓯᑕᒪᖏᑦ 26:20

ᓯᒥᐅᓂᐅᑉ ᑭᖑᕚᖏᑦ ᐃᓚᒌᑦ ᒪᓕᒡᓗᒋᑦ ᐅᑯᐊᖑᓚᐅᕐᐳᑦ: ᓰᓚ, ᐃᓚᒌᑦ ᑍᔭᐅᕗᑦ ᓰᓚᓁᑎᓂᒃ; ᐱᕆᔾ, ᐃᓚᒌᑦ ᑍᔭᐅᕗᑦ ᐱᕆᔧᑎᓂᒃ; ᔨᕋ, ᐃᓚᒌᑦ ᑍᔭᐅᕗᑦ ᔨᕋᕼᐂᑎᓂᒃ,

ᒨᓯᓯ ᓯᑕᒪᖏᑦ 26:22

ᑖᒃᑯᐊ ᑕᕝᕙ ᔫᑕᐅᑉ ᑭᖑᕚᖏᑦ ᐃᓚᒌᑦ ᑖᒃᑯᓇᓐᖓᑦ ᓈᓴᕐᑕᐅᓚᐅᕐᑐᑦ ᐅᓄᕐᓂᖏᑦ: 76,500ᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 33:7

ᔫᑕᐅᓪᓕ ᑭᖑᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓃᖅ, ᔫᑕᐅᑉ ᑭᖑᕚᖏᑕ ᓂᓪᓕᐊᓂᖏᑦ ᑐᓴᒃᑭᑦ, ᑭᖑᕚᖑᖃᑎᒥᖕᓄᑦ ᐃᓚᓕᐅᑎᑎᒃᑭᑦ. ᐱᔪᓐᓇᕐᓂᕐᓄᑦ ᐅᓇᑕᕈᑎᓗᒋᑦ, ᐊᑭᕋᕐᑐᕐᑎᖏᓐᓂᓪᓗ ᐊᑭᓂᐊᕈᑎᓗᒋᑦ ᐃᑲᔪᒃᑭᑦ.”

ᐄᑉᕈᐃᓄᑦ 10:13

ᑕᕝᕙᓂ ᐅᑕᖅᑭᓕᕐᐳᖅ ᐆᒥᒋᔨᖏᑕ ᐃᓕᔭᐅᓂᒃᓴᖏᓐᓂᒃ ᐃᑎᒐᖏᓐᓄᑦ ᐃᑯᕐᕋᓕᐅᑦᔭᐅᓗᑎᒃ.

ᐄᑉᕈᐃᓄᑦ 7:14

ᖃᐅᔨᒪᔭᐅᑦᓯᐊᕐᐳᕐᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓂᖓᓂᒃ, ᒨᓯᓯᓗ ᔫᑕᒃᑯᑦ ᑭᖑᕚᖏᓐᓂᒃ ᐅᖃᐅᓯᖃᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᐅᖃᐅᓯᖃᕐᑎᓪᓗᒍ.

ᔮᓱᐊᑉ ᐊᒡᓚᖏᑦ 10:24

ᑎᑭᐅᑎᒐᒥᑦᔪᒃ ᔮᓱᐊᑉ ᓵᖓᓄᐊᕐᑎᑉᐰᑦ, ᔮᓱᐊᑉ ᐃᓴᕆᐊᓕᒥᐅᑦ ᐅᓇᑕᕐᑎᖏᓐᓄᑦ ᐊᖓᔪᖅᑳᑦ, ᑲᒪᔨᐅᔪᓪᓗ ᐱᖃᑎᒋᓚᐅᕐᑕᓂ ᕾᖁᕔᑦ ᐅᖃᐅᑎᓪᓗᒋᓪᓗ, “ᒪᐅᖓ ᖃᒡᓕᒋᐊᕐᓗᓯ, ᐊᖓᔪᖅᑳᕐᔪᐊᑦ ᖁᖓᓯᖏᑎᒍᑦ ᑐᑎᓚᐅᕐᓯᐅᒃ.” ᑕᕝᕙ ᕾᓪᓗᑎᒃ, ᖁᖓᓯᖏᑎᒍᑦ ᑐᑎᒻᒥᓕᕐᐰᑦ.

ᔮᓱᐊᑉ ᐊᒡᓚᖏᑦ 15:20

ᔫᑕᐅᑉ ᑭᖑᕚᖏᑦ ᓄᓇᑖᓚᐅᕐᐳᑦ ᑭᖑᕐᖑᑎᓕᕐᓗᒍᓗ ᐅᑯᓂᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:5

ᑕᕝᕙ ᐊᖓᔪᖅᑳᑉ ᐃᓚᖓᑦᑕ ᐅᖃᐅᑎᕚᖓ, “ᕿᐊᖏᓪᓗᑎᑦ; ᑕᑯᒋᑦ, ᓔᔭᓐᑕᖃᕐᐳᖅ ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑍᕕᑎᐅᑉ ᑭᖑᕚᖓᓂᒃ, ᓵᓚᖃᕐᓯᒪᔪᒥᒃ, ᑖᑦᓱᒪ ᓇᕿᑦᔪᑏᑦ 7 ᐲᕈᓐᓇᕐᐰᑦ ᐊᒡᓔᓪᓗ ᐃᒧᓯᒪᔪᑦ ᐃᓯᕕᓪᓗᒋᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”