ᒨᓯᓯ ᓯᕗᓪᓖᑦ 49:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑖᑦᓱᒪ ᓄᕐᕋᖅ ᓯᐅᑎᖅᑯᑐᔪᖁᑎᓂ ᕔᓂᒃᓴᓕᖕᒧᑦ ᐃᐱᕈᒫᕐᐹ, ᓯᐅᑎᖅᑯᑐᔪᖁᑎᖓᑕᓕ ᓄᕐᕋᖓ ᕔᓂᒃᓴᓂᑦ ᐱᐅᓂᕐᐹᖑᔪᒧᑦ ᐱᑎᑦᓱᒫᕐᐹ, ᑖᑦᓱᒪ ᐊᓐᓄᕌᓂ ᐃᕐᕈᕐᑐᕈᒫᕐᐰᑦ ᕔᓂᒧᑦ ᐊᓐᓄᕌᓂᓗ ᐃᕐᕈᕐᑐᕈᒫᕐᐰᑦ ᕔᓂᐅᑉ ᐊᐅᖓᓄᑦ;

ᒨᓯᓯ ᓯᕗᓪᓖᑦ 49:11 Iomraidhean Croise

ᒨᓯᓯ ᓯᕗᓪᓖᑦ 49:12

ᑖᑦᓱᒪ ᐃᔨᖏᒃ ᐊᐅᐸᕐᓯᔪᒫᕐᐴᒃ ᕔᓂᒧᑦ, ᑭᒍᑎᖏᓪᓗ ᖃᑯᕐᓯᔪᒫᕐᐳᑦ ᐃᒻᒧᖕᒥᑦ.

ᐊᑕᓃᑦ ᓯᕗᓪᓖᑦ 4:20

ᐃᓄᐃᑦ ᔫᑎᐊᒥ ᓄᓇᓖᑦ ᐃᓴᕆᐊᓕᒥᓗ ᐅᓄᕐᑐᐊᓘᓕᓚᐅᕐᐳᑦ ᓯᐅᕋᕐᑎᑐᑦ ᓯᒡᔭᒦᑦᑐᑎᑐᑦ; ᓂᕆᓪᓗᑎᒡᓗ ᐃᒥᕐᓗᑎᒡᓗ ᖁᕕᐊᓱᖃᑎᒌᒃᐳᑦ.

ᐊᑕᓃᑦ ᓯᕗᓪᓖᑦ 4:25

ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᐊᑕᓃᑦ ᐂᑉᐸᖏᑦ 18:32

ᐊᖓᔪᖅᑳᕐᔪᐊᑦᑕ ᓄᓇᑖᕐᑎᓐᓂᐊᕐᐹᓯ ᓄᓇᑦᓯᑐᑦ ᑍᒫᒃ ᐊᔪᕐᓴᕐᓇᖏᑦᑐᒥᒃ ᐸᐅᕐᖓᓂᒃ ᐱᕈᕐᓰᕕᒃᓴᕐᑕᖃᑦᓯᐊᕐᑐᒥᒃ, ᓂᐊᖂᔭᒃᓴᓂᒡᓗ ᐱᕈᕐᑐᖃᑦᓯᐊᕐᑐᒥᒃ ᓇᐹᕐᑐᖃᕐᓗᓂᓗ ᐅᕐᓱᒃᓴᓕᖕᓂᒃ ᕼᐊᓂᖃᑦᓯᐊᕐᓗᓂᓗ, ᐊᖓᔪᖅᑳᕐᔪᐊᑦᑕ ᐱᔪᒪᔭᖓ ᒪᓕᒡᓗᒍ ᐊᖏᕐᓂᐊᕈᑦᓯ ᑐᖁᕋᕐᑕᐅᖏᓪᓗᓯ ᐃᓅᑎᑕᐅᓂᐊᕐᐳᓯ. ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᐊᑕᓂᕐᒧᑦ ᓴᐳᑎᔭᐅᓂᐊᕐᓂᕅᓂᖓᓄᑦ.

ᔪᐃᓕᐅᑉ ᐊᒡᓚᖏᑦ 3:18

ᐅᓪᓗᒥ ᑍᑦᓱᒪᓂ ᓇᓪᓕᐅᑎᔪᒫᕐᐳᖅ ᖃᖅᑬᑦ ᑰᒐᕈᒫᕐᒪᑕ ᕔᓂᒥᒃ ᓄᑖᒥᒃ, ᐱᖑᐃᓪᓗ ᑰᓕᕈᒫᕐᐳᑦ ᐃᒻᒧᖕᒥᒃ, ᔫᑕᐅᓪᓗ ᑰᒐᓛᖏᑦ ᐃᓘᓐᓇᑎᒃ ᐃᒪᕐᒥᒃ ᑕᑕᑦᓱᒫᕐᐳᑦ; ᐃᒥᖅ ᐳᐊᓚᕕᒃ ᑰᓕᕈᒫᕐᐳᖅ ᐊᑕᓂᐅᑉ ᐃᒡᓗᖓᓂᑦ ᓯᑎᒻᒥᐅᑉ ᓇᕐᓴᖓ ᖃᐅᓯᕐᑎᓪᓗᒍ.

ᐂᒨᓯᐅᑉ ᐊᒡᓚᖏᑦ 9:13

ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐅᓪᓗᐃᑦ ᕾᕗᑦ, ᐱᕈᕐᓰᕕᖕᒥᒃ ᒪᒃᐱᕐᑎᕆᔪᖅ ᑲᑎᕐᓱᐃᔪᒥᒃ ᐊᖑᓯᔪᒫᕐᐳᖅ. ᐸᐅᕐᖓᓂᒡᓗ ᑐᓪᓕᕋᕐᓗᒋᑦ ᕔᓂᓕᐅᕐᑐᖅ ᐊᖑᒻᒪᑎᓕᕐᓗᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ. ᖃᖅᑬᓪᓗ ᑰᒐᕈᒫᕐᐳᑦ ᕔᓂᒥᒃ ᓰᕐᓇᕐᑐᒥᒃ, ᐱᖑᓕᒫᓪᓗ ᑰᖃᓯᐅᑎᓕᕐᓗᑎᒃ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 32:14

ᐃᒻᒧᒃᓯᐅᒐᖁᑎᖏᑦ ᒎᑦᓯᖁᑎᖏᓪᓗ ᐃᒻᒧᓕᐊᓘᓚᐅᕐᐳᑦ; ᓰᐱᖁᑎᖏᑦ, ᐊᖑᓴᓪᓗᖁᑎᖏᓪᓗ, ᐃᒻᒧᒃᓯᐅᒐᖁᑎᖏᓪᓗ ᐹᓴᓂᒥ ᐱᐅᓂᕐᐹᖑᓚᐅᕐᐳᑦ ᖁᐃᓂᔫᓪᓗᑎᒃ, ᓂᐊᖂᔭᒃᓴᖁᑎᖏᓪᓗ ᓯᖃᓪᓕᓯᒪᑦᓯᐊᓚᐅᕐᐳᑦ ᐊᑦᔨᒌᖏᑦᑐᓂᒡᓗ ᕔᓂᖁᑎᖃᐅᑦᓯᐊᕐᓗᑎᒃ.

ᒨᓯᓯ ᑕᓪᓕᒪᖏᑦ 8:7

ᐊᑕᓂᐅᑉ ᒎᑎᑦᓯ ᓄᓇᒧᑦ ᓂᕿᒃᓴᖃᑦᓯᐊᕐᑐᒧᑦ ᑎᑭᐅᑎᑎᒻᒪᓯ, ᑰᒐᓛᖃᐅᑦᓯᐊᕐᑐᒧᑦ ᓄᓇᐅᓪᓗ ᐃᓗᐊᓂᑦ ᑰᖏᓐᓇᕐᑐᖃᕐᑐᒧᑦ ᐃᒪᖃᕐᑐᒧᓪᓗ, ᓇᕐᓴᑎᒍᓪᓗ ᖃᖅᑲᑎᒍᓪᓗ ᑰᖃᐅᕐᑐᒧᑦ.

ᒨᓯᓯ ᑕᓪᓕᒪᖏᑦ 8:8

ᓄᓇᒧᑦ ᓂᐊᖂᔭᒃᓴᖃᕐᑐᒧᑦ ᖃᑯᕐᑕᓂᒃ ᑲᔪᕐᓂᒡᓗ, ᕔᓂᒃᓴᓕᖕᒧᑦ ᐱᒋᓕᒃᓴᓂᒡᓗ ᓇᐹᕐᑐᓕᖕᒧᑦ, ᐳᒥᕐᒍᓁᑎᓂᒡᓗ, ᓇᐹᕐᑐᓕᖕᓄᓪᓗ ᐅᕐᓱᒃᓴᓕᖕᓂᒃ, ᐃᒍᑦᑕᐅᓪᓗ ᓰᕐᓇᐅᑎᖏᓐᓂᒃ ᐱᑕᖃᕐᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:20

ᐸᐅᕐᒊᓪᓗ ᖃᒐᕐᑎᑕᐅᕗᑦ ᐃᑦᑏᔭᕐᑕᐅᕕᖕᒥ ᐃᒡᓗᒐᓮᑦ ᓯᓚᑖᓂ, ᐊᐅᒡᓗ ᑰᓕᕐᐳᖅ ᐸᐅᕐᖎᑦ ᐃᑦᑏᔭᕐᑕᐅᕕᖓᓂᑦ, ᐃᒪᕈᕐᑎᑦᓯᓂᖓᓗ ᑕᑭᓂᖃᕐᐳᖅ 200ᒤᓕᓂᒃ, ᐃᑎᓂᖃᕐᓗᓂᓗ ᐃᑎᒊᑦ ᑕᓪᓕᒪᑦ ᖃᓂᒋᔮᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:18

ᓂᕆᓕᕐᑕ ᐊᖓᔪᖅᑳᕐᔪᐊᑦ ᑎᒥᖏᓐᓂᒃ, ᐅᓇᑕᕐᑎᖁᑎᖏᑕᓪᓗ ᐊᖓᔪᖅᑳᖁᑎᖏᓐᓂᒃ, ᐅᓇᑕᕐᑐᒃᓴᖁᑎᖏᑕᓗ ᐊᔪᖏᑦᑐᕐᔪᐊᑦ ᑎᒥᖏᓐᓂᒃ, ᕿᒻᒥᕐᔪᐊᓂᒃ ᑕᕝᕙᓂᓗ ᐃᑭᒪᔪᑦ ᑎᒥᖏᓐᓂᒃ, ᐃᓅᓕᒫᓪᓗ ᑎᒥᖏᓐᓂᒃ, ᓯᐊᓛᓂᑦ ᓯᐊᓛᖑᖏᑦᑐᓂᓗ, ᒥᑭᔪᓂ ᐊᖏᔪᓂᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:7

12,000 ᓯᒥᐅᓂᐅᑉ ᑭᖑᕚᖏᓐᓂᑦ ᐱᔪᑦ, 12,000 ᓕᕔᑉ ᑭᖑᕚᖏᓐᓂᑦ ᐱᔪᑦ, 12,000 ᐃᓴᑲᕆᐅᑉ ᑭᖑᕚᖏᓐᓂᑦ ᐱᔪᑦ,