ᒨᓯᓯ ᓯᕗᓪᓖᑦ 49:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᒨᓯᓯ ᓯᕗᓪᓖᑦ 49:10 Iomraidhean Croise

ᓴᒧᐃᓕ ᐂᑉᐸᖏᑦ 7:13

ᑖᓐᓇ ᓴᓇᔪᒫᕐᐳᖅ ᐃᒡᓗᒃᓴᓐᓂᒃ, ᑖᑦᓱᒪᓗ ᐊᖓᔪᖅᑲᐅᕕᖓ ᑲᔪᓯᑎᑦᓱᒫᕐᐸᕋ ᐃᓱᖃᖏᑦᑐᒧᑦ.

ᓴᒧᐃᓕ ᐂᑉᐸᖏᑦ 7:16

ᑭᖑᕚᑎᓪᓕ ᐊᑕᓂᐅᕖᓪᓗ ᓱᖁᓯᔪᐃᑦᑑᑎᑦᓱᒪᕙᒃᑲ ᐃᓱᖃᖏᑦᑐᒧᑦ; ᐊᖓᔪᖅᑲᐅᓃᓪᓗ ᑲᔪᓯᓂᐊᕐᐳᖅ ᐃᓱᖃᖏᑦᑐᒧᑦ.’”

ᑯᕉᓂᑲ ᓯᕗᓪᓖᑦ 12:24

ᔫᑕᐅᑉ ᑭᖑᕚᖏᓐᓂᑦ ᓴᐴᓗᑕᓖᑦ ᑲᓗᒋᐊᖃᕐᓗᑎᒡᓗ, 6,800ᐅᕗᑦ ᐅᓇᑕᕐᑐᒃᓮᑦ;

ᑯᕉᓂᑲ ᓯᕗᓪᓖᑦ 12:39

ᑍᕕᑎᓗ ᐅᐸᒃᓯᒪᓚᐅᕐᐹᑦ ᐅᓪᓗᓂᒃ ᐱᖓᓱᓂᒃ, ᓂᕆᓪᓗᑎᒃ ᐃᒥᕐᓗᑎᒡᓗ, ᐃᓚᒋᔭᖏᑕ ᐊᑐᐃᓐᓇᕈᓚᐅᕐᑕᖏᓐᓂᒃ.

ᐃᓐᖏᕈᑎᑦ 108:8

ᒋᓕᐊᑎ ᐱᒋᕙᕋ; ᒫᓇᓯᓗ ᐱᒋᕙᕋ; ᐃᕗᕅᒻ ᓇᓴᕆᕙᕋ; ᔫᑕ ᐱᖁᔭᓂᒃ ᑐᓂᓯᔨᒋᓪᓗᒍ;

ᐃᓐᖏᕈᑎᑦ 60:7

ᒋᓕᐊᑎ ᐱᒋᕙᕋ; ᒫᓇᓯᓗ ᐱᒋᕙᕋ; ᐃᕗᕅᒥ ᓇᓴᕆᕙᕋ; ᔫᑕᓗ ᐱᖁᔭᓐᓂᒃ ᑎᒃᑯᐊᕐᓯᑦᔪᑎᒋᕙᕋ.

ᐃᓐᖏᕈᑎᑦ 60:9

ᑭᐊ ᐃᒡᓗᒐᓴᒡᔪᐊᓄᑦ ᐊᕙᓗᕐᔪᐊᖃᕐᑐᓄᑦ ᐱᑎᓐᓂᐊᕐᐹᖓ? ᑭᐊ ᐄᑐᒥᒧᑦ ᑕᓯᐅᕐᓂᐊᕐᐹᖓ?

ᐃᓐᖏᕈᑎᑦ 78:68

ᔫᑕᐅᓪᓕ ᑭᖑᕚᖏᑦ ᓂᕈᐊᓚᐅᕐᐰᑦ, ᖃᖅᑲᕐᓗ ᓮᐅᓂ, ᖁᕕᐊᒋᔭᓂ.

ᐂᓮᐊᓯᐅᑉ ᐊᒡᓚᖏᑦ 11:10

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᔨᓯᐅᑉ ᑭᖑᕚᖓ, ᓂᑯᕕᑦᓱᒫᕐᐳᖅ ᐃᓄᖕᓄᑦ ᓇᓗᓁᒃᑯᑕᐅᓗᓂ; ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᑖᑦᓱᒥᖓ ᕿᓂᕈᒫᕐᐳᑦ, ᓇᔪᒐᖓᓗ ᐱᓐᓇᕐᓇᕐᑐᕐᔪᐊᖑᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 2:2

ᐅᓪᓗᐃᑦ ᑭᖑᓪᓕᖏᓐᓂ ᐱᔪᖃᕈᒫᕐᐳᖅ ᖃᖅᑲᖅ ᐊᑕᓂᐅᑉ ᑐᒃᓯᐊᕐᕕᒡᔪᐊᖓᑕ ᐃᓂᖓ ᐳᕐᑐᓂᕐᐸᐅᓕᕈᒫᕐᐳᖅ ᖃᖅᑲᓂᑦ, ᐱᖑᓕᒫᓂᓪᓗ ᐃᓅᖃᑎᒌᒡᔪᐊᓪᓗ ᓇᑭᑐᐃᓐᓈᕐᓯᒪᔪᑦ ᑕᕝᕗᖓ ᐂᔪᒫᕐᐳᑦ ᑰᒃᑐᑎᑐᑦ,

ᐂᓮᐊᓯᐅᑉ ᐊᒡᓚᖏᑦ 33:22

ᐊᑕᓂᖅ ᐃᖅᑲᕐᑐᐃᔨᒋᒐᑦᑎᒍ, ᐊᑕᓂᖅ ᐊᐅᓚᑦᓯᔨᒋᒐᑦᑎᒍ, ᐊᑕᓂᖅ ᐊᖓᔪᖅᑳᕐᔪᐊᕆᒐᑦᑎᒍ; ᑖᑦᓱᒪ ᐱᐅᓕᓂᐊᕐᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 55:3

ᓯᐅᑎᓯ ᒪᓂᓗᒋᒃ, ᐅᕙᓐᓄᑦ ᕾᓗᓯ; ᑐᓵᑦᓯᐊᕆᑦᓯ ᑕᕐᓂᓯ ᐃᓅᖁᓪᓗᒋᑦ; ᐊᖏᖃᑎᒋᔪᒪᕙᒋᑦ ᐃᓱᖃᖏᑦᑐᒧᑦ ᐊᑐᕐᓂᐊᕐᑐᒥᒃ, ᑍᕕᑎᒧᑦ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᓇᒡᓕᒍᓱᖕᓂᓐᓂᒃ ᓱᖁᓯᕐᓂᐊᖏᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 60:1

“ᒪᑭᓪᓗᓯ ᖃᐅᒪᓕᕆᑦᓯ; ᖃᐅᒻᒪᖅᑯᑎᓯ ᑎᑭᒻᒪᑦ, ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᑕ ᖃᐅᒻᒪᒡᕕᒋᖕᒪᓯ.

ᐂᓮᐊᓯᐅᑉ ᐊᒡᓚᖏᑦ 62:11

ᑕᑯᒋᑦ, ᐊᑕᓂᖅ ᐅᖃᐅᑦᔨᓯᒪᓕᕐᐳᖅ ᓄᓇᕐᔪᐊᑉ ᐃᓱᖏᓐᓄᑦ; ᐃᒫᒃ, “ᓮᐅᓂᐅᑉ ᐸᓂᖓ ᐅᖃᐅᑎᓯᐅᒃ, ᑕᑯᒋᑦ, ᐱᐅᓕᔭᐅᕕᒃᓴᓯ ᕾᓕᕐᐳᖅ, ᐊᑭᓕᐅᑎᒃᓴᓂ ᓇᒃᓴᕐᓗᒍ, ᐱᓇᓱᐊᕆᐊᕐᑐᕐᑕᓂᓗ ᐊᑐᐃᓐᓇᕆᕚ.”

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 30:21

ᓇᖕᒥᓂᕐᒥᖕᓂᓪᓗ ᓯᕗᓕᕐᑎᑖᕈᒫᕐᐳᑦ ᐊᖓᔪᖅᑳᕐᔪᐊᖃᕐᓗᑎᒡᓗ ᐃᓅᖃᑎᒥᖕᓂᑦ ᐱᔪᒥᒃ. ᐅᕙᓐᓄᓪᓗ ᖃᒡᓕᑎᓐᓂᐊᕐᐸᕋ ᖃᓂᒋᔭᓐᓃᓪᓗᓂ ᐃᓅᖁᓪᓗᒍ. ᑭᓇ ᕾᔪᓐᓇᕐᐹ ᐅᕙᓐᓄᑦ ᑐᓐᖓᓴᕐᑕᐅᖏᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 19:11

ᓇᑲᖓᑕ ᓯᓕᖕᓂᕐᐹᖓ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᑖᕆᕚ; ᖁᒻᒧᑦ ᑕᑭᒡᓕᕗᖅ ᐊᕙᓚᖓᔪᐃᑦ ᑲᑎᓐᖓᓂᖏᓐᓂ; ᐳᕐᑐᓂᖓ ᑕᑯᔭᐅᕗᖅ ᐊᕙᓚᖓᔪᖏᑦ ᓯᓕᒃᑑᑕᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 19:14

ᑕᕝᕙ ᓇᑲᖓᒍᑦ ᐃᑯᐊᓪᓚᒃᐳᖅ, ᐊᕙᓚᖓᔪᖏᑦ ᐸᐅᕐᖓᖏᓪᓗ ᓄᖑᓪᓗᑎᒃ, ᑕᕝᕙ ᓇᑲᖃᕈᓐᓃᕐᐳᖅ ᓯᓕᒃᑐᒥᒃ, ᐊᖓᔪᖅᑳᕐᔪᐊᓪᓗ ᑎᒃᑯᐊᕐᓯᑦᔪᑎᒃᓴᖓᓄᑦ ᐊᑐᕐᑕᐅᓂᐊᕈᓐᓃᕐᓗᓂ.” ᑖᒃᑯᐊ ᐅᖃᐅᓰᑦ ᐅᒡᒍᐊᕐᓂᐅᖕᒪᑕ, ᐅᒡᒍᐊᕐᑐᓄᑦ ᐊᑐᕐᑕᐅᖃᑦᑕᓕᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 21:27

ᐊᓯᕈᕐᐳᑦ, ᐊᓯᕈᕐᐳᑦ, ᐊᓯᕈᕐᑕᐅᑎᓐᓂᐊᕐᐸᒃᑲ; ᑕᒪᓐᓇ ᓇᓪᓕᐅᑎᓂᐊᓐᖏᓚᖅ ᑍᒤᓕᐅᕈᓐᓇᕐᑐᖅ ᑎᑭᓚᐅᖏᓐᓂᖓᓂ; ᑖᑦᓱᒧᖓ ᑕᒪᓐᓇ ᑐᓂᔪᒫᕐᐸᕋ.”

ᐃᓯᑭᐊᓕᐅᑉ ᐊᒡᓚᖏᑦ 21:32

ᐃᑯᐊᓚᔪᒧᑦ ᐃᑯᐊᓪᓚᖅᑯᑎᒋᔭᐅᔪᒫᕐᐳᓯ; ᐊᐅᓯᓗ ᓄᓇᒥ ᓯᐊᒻᒪᖓᔪᒫᕐᐳᖅ; ᐃᖅᑲᐅᒪᔭᐅᔪᓐᓃᕐᓗᓯ ᐳᐃᒍᕐᑕᐅᔪᒫᕐᐳᓯ, ᐅᕙᖓ ᐊᑕᓂᖅ ᑕᒪᑐᒥᖓ ᐅᖃᕐᐳᖓ.”

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 11:12

ᐊᑕᓂᖅ ᐅᖃᕐᐳᖅ, “ᐃᕗᕅᒥᐅᑉ ᓴᒡᓗᓂᕐᒥᒃ ᐱᓂᐊᕐᕕᒋᓯᒪᕚᖓ, ᐃᓴᕆᐊᓕᐅᓪᓗ ᑭᖑᕚᖏᑕ ᓴᒡᓗᕿᓪᓗᓂᖓ; ᔫᑕᓕ ᓱᓕ ᐃᓅᖃᑎᖃᕐᐳᖅ ᒎᑎᒥᒃ, ᓱᖁᓯᓚᐅᖏᑦᑐᑑᕗᕐᓗ ᐃᑦᔪᕐᓁᑦᑐᒧᑦ.

ᒤᑲᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ, ᐅᓇᑕᕐᑐᒃᓴᖁᑎᓯ ᑲᑎᑎᓚᐅᕐᓯᒋᒃ. ᓵᓚᖃᕈᒪᔪᓂᒃ ᓄᓇᕗᑦ ᐊᕙᓗᔭᐅᓯᒪᖕᒪᑦ; ᐃᓴᕆᐊᓕᒥᐅᑦ ᓯᕗᓕᕐᑎᖏᑦ ᐅᓇᑕᕆᐊᕐᑕᐅᓕᕐᒪᑕ.

ᕼᐊᒊᑉ ᐊᒡᓚᖏᑦ 2:7

ᐃᓅᖃᑎᒌᒡᔪᐊᓕᒫᓪᓗ ᓴᔪᒃᑎᑦᓱᒫᕐᐸᒃᑲ, ᐊᑭᑐᔪᖁᑎᓕᒫᒥᖕᓂᒃ ᑕᕝᕗᓐᖓᐅᔨᖁᓪᓗᒋᑦ, ᑖᓐᓇᓗ ᐃᒡᓗ ᐱᓐᓇᕐᓇᕐᓂᕐᒥᒃ ᑕᑕᑎᑦᓱᒫᕐᐸᕋ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 10:11

ᐅᖁᒤᑦᑐᑎᒍᑦ ᐅᓄᕐᑐᑎᒍᑦ ᐊᖅᑯᓵᕈᒫᕐᐳᑦ ᐃᒪᕐᔪᐊᑉ ᒪᓕᒡᔪᐊᖏᑎᑐᑦ ᑍᒤᑦᑐᓂᒃ, ᒪᓕᒃᔪᐊᓪᓗ ᓵᓚᒋᔪᒫᕐᐰᑦ, ᑰᒡᔪᐊᖅ ᐃᑎᔪᖅ ᓁᓕᒥᒃ ᐊᑎᖃᕐᑐᖅ ᓴᓗᐊᕈᒫᕐᐳᖅ: ᐊᓯᕆᐊᒥᐅᑦ ᐅᐱᒋᔭᖓᑦ ᓱᓇᐅᔪᓐᓁᕐᑎᑕᐅᔪᒫᕐᐳᖅ, ᐄᑦᔨᑉᑎᒥᐅᑦ ᐱᔪᓐᓇᐅᑎᖓᑦ ᓄᖑᔪᒫᕐᐳᖅ.

ᓴᑲᕅᐊᐅᑉ ᐊᒡᓚᖏᑦ 2:11

ᑍᑦᓱᒪᓂᐅᓕᕐᐸᑦ ᐃᓅᖃᑎᒌᒡᔪᐊᑦ ᐅᓄᕐᑐᑦ ᐊᑕᓂᕐᒧᑦ ᕾᔪᒫᕐᐳᑦ ᐅᕙᖓᓗ ᐃᓄᖁᑎᒋᔪᒫᕐᐸᒃᑲ, ᐊᑯᓐᓂᖓᓐᓂ ᐃᓂᖃᕈᒫᕐᐳᖓ, ᖃᐅᔨᔪᒫᕐᐳᓪᓗ ᐊᑕᓂᐅᑉ ᐊᔪᒐᖃᖏᑦᑑᑉ ᑎᓕᓚᐅᕐᒪᖓ ᐃᓕᑦᓯᓐᓄᑦ.

ᒨᓯᓯ ᓯᑕᒪᖏᑦ 21:18

ᐃᒥᕐᑕᕐᕖᒃ ᐊᖓᔪᖅᑳᑦ ᐃᑎᕐᓴᓕᐅᓚᕐᑕᖓᑦ, ᐃᓅᖃᑎᒌᒡᔪᐊᑦ ᐊᖓᔪᖅᑳᖏᑕ ᐊᒡᒐᓚᐅᕐᑕᖓᑦ ᐱᖁᔭᓂᒃ ᑐᓂᓯᔪᑦ, ᐊᔭᐅᐱᐊᒥᖕᓄᑦ.” ᑕᒫᖓᓪᓗ ᐃᓄᖃᖏᑦᑐᒥᑦ ᐊᐅᓪᓚᕋᒥᒃ ᓄᓇᒧᑦ ᒪᑖᓇᒧᑦ ᐱᕗᑦ.

ᒨᓯᓯ ᓯᑕᒪᖏᑦ 24:17

ᒫᓐᓇ ᑕᑯᕙᕋ, ᑭᓯᐊᓂ ᑕᕝᕙᑲᐅᑎᒋᐅᖏᑦᑐᖅ, ᑕᑯᓐᓇᕐᐸᕋ, ᖃᓂᑦᑑᓇᓂ ᑭᓯᐊᓂ; ᐅᓪᓗᕆᐊᖅ ᐊᓂᔪᒫᕐᐳᖅ ᔧᑯᒥᑦ; ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓ ᒪᑭᑦᓱᒫᕐᐳᖅ ᐃᓴᕆᐊᓕᒥᑦ, ᒧᐊᐱᒥᐅᓪᓗ ᖃᐅᖏᑦ ᓯᖁᒥᑦᓱᒫᕐᐰᑦ, ᐊᓯᕈᕐᓗᒋᓪᓗ ᓰᑎᐅᑉ ᐃᕐᓂᖏᑦ.

ᒨᓯᓯ ᓯᑕᒪᖏᑦ 24:19

ᐊᖓᔪᖅᑳᕐᔪᐊᖅ ᓴᖅᑭᑦᓱᒫᕐᐳᖅ ᔧᑯᒥᑦ, ᐃᒡᓗᒐᓴᒡᔪᐊᓂ ᐊᒥᐊᒃᑯᑦ ᓄᖑᑦᓱᒫᕐᐰᑦ.”

ᒫᑎᐅᓯᐅᑉ ᐊᒡᓚᖏᑦ 1:21

ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᒫᑎᐅᓯᐅᑉ ᐊᒡᓚᖏᑦ 21:9

ᐃᓄᒐᓴᒡᔪᐊᑦ ᔩᓱᓯᐅᑉ ᓯᕗᓂᖓᓂ ᐱᓱᒃᑐᑦ, ᑭᖑᓂᖓᓃᑦᑐᓪᓗ ᕾᒐᓛᓕᕐᐳᑦ, “ᕼᐆᓵᓇ ᑍᕕᑎᐅᑉ ᐃᕐᓂᖓ ᓂᕐᑐᕐᑕᐅᓕ, ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ! ᕼᐆᓵᓇ ᓂᕐᑐᕐᑕᐅᓕ ᖁᑦᓯᖕᓂᕐᐹᖅ!”

ᒫᑎᐅᓯᐅᑉ ᐊᒡᓚᖏᑦ 25:32

ᐃᓅᖃᑎᒌᒡᔪᐊᓂᑦ ᑕᒤᓐᓂᑦ ᐱᓯᒪᔪᑦ ᓵᖓᓄᑦ ᑲᑎᕐᓱᕐᑕᐅᔪᒫᕐᐳᑦ, ᑕᕝᕙᓂ ᐊᕕᑎᑦᓱᒫᕐᐰᑦ ᒪᕐᕈᐃᓕᓗᒋᑦ ᓲᕐᓗ ᓰᐱᓕᕆᔨ ᐊᕕᑎᑦᓯᕙᖕᒪᑦ ᓰᐱᓂᒃ ᒎᑦᓯᓂᒡᓗ.

ᔪᐊᓇᓯᐅᑉ ᐊᒡᓚᖏᑦ 12:32

ᐅᕙᖓᓗ, ᖃᖓᑦᑕᕐᑎᑕᐅᓂᐊᕈᒪ ᓄᓇᒥᑦ, ᐃᓄᖃᑎᒌᒃᔪᐊᖑᔪᓕᒫᑦ ᐅᕙᓐᓄᐊᕈᒪᓕᕐᑎᓐᓂᐊᕐᐸᒃᑲ.”

ᔪᐊᓇᓯᐅᑉ ᐊᒡᓚᖏᑦ 18:31

ᐰᓛᑑᓯᐅᑉ ᐅᖃᐅᑎᕔᑦ, “ᓇᖕᒥᓂᖅ ᑎᒍᓕᕐᓯᐅᒃ ᐃᖅᑲᕐᑐᕐᓗᒍ ᓇᖕᒥᓂᖅ ᐱᖁᔭᓯ ᒪᓕᒡᓗᒋᑦ.” ᑕᕝᕙ ᔫᑎᑦ ᐅᖃᐅᑎᕚᑦ, “ᑐᖁᑦᓯᔪᒃᓴᐅᓐᖏᓚᒍᑦ ᑭᓇᒥᒡᓘᓐᓃᑦ.”

ᔪᐊᓇᓯᐅᑉ ᐊᒡᓚᖏᑦ 19:12

ᐰᓛᑑᓯᓕ ᕿᓂᕋᓱᐊᕋᓗᐊᕐᐳᖅ ᔩᓱᓯᐅᑉ ᐊᓂᑎᑕᐅᑦᔪᑎᒃᓴᖓᓂᒃ, ᔫᑎᓪᓕ ᕾᒐᓛᓕᕐᐳᑦ, “ᐅᓇ ᐊᓂᑎᓐᓂᐊᕈᕕᐅᒃ, ᐊᖓᔪᖅᑳᕐᔪᐊᑉ ᓰᓴᕆᐅᑉ ᐃᓚᓐᓈᕆᓂᐊᓐᖏᓛᑎᑦ; ᐃᒻᒥᓂᒃ ᐊᖓᔪᖅᑳᕐᔪᐊᖑᓂᕋᕐᑐᖅ ᐊᑭᕋᕐᑐᕐᒪᑦ ᐊᖓᔪᖅᑳᔪᐊᕐᒥᒃ ᓰᓴᕆᒥᒃ.”

ᔪᐊᓇᓯᐅᑉ ᐊᒡᓚᖏᑦ 19:15

ᕾᒐᓛᓕᕐᐳᓪᓕ, “ᑕᒫᓃᓇᓂ, ᑕᒫᓃᓇᓂ, ᑭᑭᐊᒃᑐᕐᑕᐅᓕ!” ᐰᓛᑑᓯᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᓯ ᑭᑭᐊᒃᑐᒐᒃᓴᕆᕙᕌ?” ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑭᐅᕗᑦ, “ᐊᖓᔪᖅᑳᕐᔪᐊᖃᓐᖏᓚᒍᑦ ᓰᓴᕆᐅᑉ ᐊᓯᐊᓂᒃ!”

ᔪᐊᓇᓯᐅᑉ ᐊᒡᓚᖏᑦ 9:7

ᐅᖃᐅᑎᓪᓗᒍ, “ᐃᕐᕈᕐᑐᕆᐊᕐᑐᓕᕆᑦ ᓮᓗᐊᑉ ᑕᓯᖓᓄᑦ.” ᓮᓗᐊ ᑐᑭᖃᕐᐳᖅ “ᑎᓕᔭᖅ.” ᑕᕝᕗᖓᓗ ᐂᕗᖅ ᐃᕐᕈᕐᑐᕐᓗᓂ ᑕᐅᑐᓕᕐᓗᓂᓗ ᐅᑎᕐᐳᖅ.

ᕉᒪᒥᐅᓄᑦ 15:12

ᐂᓮᐊᓯ ᐅᖃᕐᒥᖕᒪᑦ, “ᔨᓯᐅᑉ ᑭᖑᕚᖓ ᒪᑭᑦᓱᒫᕐᐳᖅ, ᑖᓐᓇ ᐊᐅᓚᑦᓯᓕᕈᒫᕐᐳᖅ ᔫᑎᐅᖏᑦᑐᓂᒃ; ᑖᑦᓱᒨᓇ ᔫᑎᐅᖏᑦᑐᑦ ᓂᕆᐅᒋᔭᒃᓴᕐᑖᕈᒫᕐᐳᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:10

ᑕᒪᑦᑕ ᓴᖅᑭᑦᑕᕆᐊᖃᕈᒫᕋᑦᑕ ᙭ᔅᑑᓯᐅᑉ ᐃᖅᑲᕐᑐᐃᕕᖓᑕ ᓵᖓᓂ, ᑕᒪᕐᒥᒃ ᐊᑐᓂᑦ ᐱᓂᐊᕐᕕᐅᖁᓪᓗᒋᑦ ᑎᒥᒦᓪᓗᑎᒃ ᐊᑐᓚᐅᕐᑕᖏᑦ ᒪᓕᒡᓗᒋᑦ, ᐱᐅᔪᒥᒃ ᐱᐅᖏᑦᑐᒥᒡᓘᓐᓃᑦ.

ᒨᓯᓯ ᑕᓪᓕᒪᖏᑦ 28:57

ᐊᑭᕋᖏᑕ ᓄᓇᒋᔭᖓᑦ ᐊᕙᓗᓯᒪᓕᕐᐸᒍ, ᓂᕆᔪᒪᓗᐊᕐᓂᕐᒧᑦ ᐊᒡᓛᑦ ᐃᔨᕋᕐᑐᕐᓗᑎᒃ ᐃᕐᓂᐊᕆᕋᑖᕐᑕᒥᖕᓂᒃ ᓂᕆᖃᑦᑕᓕᕈᒫᕐᐳᑦ ᑕᒪᐅᓁᓐᓇᕐᓗ ᐃᓄᕐᓗᑎᒃ ᐃᕐᓂᐊᕆᔭᐅᓯᒪᔪᓂᒃ; ᐅᐃᒥᖕᓂᒡᓘᓐᓃᑦ ᓇᒡᓕᒋᔭᒥᖕᓂᒃ ᓂᕆᖃᑎᖃᕈᒫᓐᖏᓚᑦ ᕿᑐᖓᒥᖕᓂᒡᓘᓐᓃᑦ.

ᐄᑉᕈᐃᓄᑦ 7:14

ᖃᐅᔨᒪᔭᐅᑦᓯᐊᕐᐳᕐᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓂᖓᓂᒃ, ᒨᓯᓯᓗ ᔫᑕᒃᑯᑦ ᑭᖑᕚᖏᓐᓂᒃ ᐅᖃᐅᓯᖃᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᐅᖃᐅᓯᖃᕐᑎᓪᓗᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:15

ᐂᖏᓖᓪᓗ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᒃᑭᕚ, ᕿᓚᖕᒥᓗ ᓂᐱᕐᔪᐊᕐᑕᖃᓕᕐᐳᖅ ᐅᖃᕐᑐᒥᒃ, “ᓯᓚᕐᔪᐊᕐᒥᐅᑦ ᐊᑕᓂᐅᕕᖓ ᐊᑕᓂᐅᕕᒃᑖᖑᕗᖅ ᐊᑕᓂᑦᑎᓐᓄᑦ ᙭ᔅᑑᓯᖓᓄᓪᓗ, ᐊᐅᓚᑦᓯᓂᐊᕐᐳᕐᓗ ᑕᕝᕙᓂ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.”