ᒨᓯᓯ ᓯᕗᓪᓖᑦ 48:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᒫᓐᓇᓗ ᐃᕐᓃᒃᑭᒃ ᒪᕐᕉᒃ, ᐄᑦᔨᑉᑎᐅᑉ ᓄᓇᖓᓂ ᐃᕐᓂᕐᑖᕆᓚᐅᕐᑖᒃᑭᑦ ᑕᒪᐅᓐᖓᓚᐅᕐᑎᓐᓇᖓ, ᓇᖕᒥᓂᕆᓕᕐᐹᒃᑲᒃ; ᐃᕗᕅᒥ ᒫᓇᓯᓗ ᓇᖕᒥᓂᕆᓂᐊᓕᕐᐹᒃᑲᒃ, ᕉᐱᓂᑐᑦ ᓯᒥᐅᓂᑐᓪᓗ.

ᒨᓯᓯ ᓯᕗᓪᓖᑦ 48:5 Iomraidhean Croise

ᒨᓯᓯ ᓯᕗᓪᓖᑦ 46:20

ᔫᓯᐱᓗ ᐃᕐᓂᕐᑖᓚᐅᕐᐳᖅ ᐄᑦᔨᑉᑎᐅᑉ ᓄᓇᖓᓂ ᒫᓇᓯᒥᒃ ᐃᕗᕅᒥᒥᒡᓗ, ᐊᓯᓇᒃᑯᑦ, ᐸᑎᐱᐊᕋᐅᑉ ᑐᓂᕐᕈᓯᕐᑎᑦᓯᔨᐅᔫᑉ ᐆᓂᒥᐅᑕᐅᑉ ᐸᓂᖓᒍᑦ ᕿᑐᕐᖓᕐᑖᕆᓚᐅᕐᑕᖏᑦ.

ᒨᓯᓯ ᓯᕗᓪᓖᑦ 48:1

ᑕᒪᑐᒪ ᑭᖑᓂᖓᒍᑦ ᔫᓯᐱ ᐅᖃᐅᑦᔭᐅᕗᖅ, “ᑕᑯᒋᑦ, ᐊᑖᑍᑦ ᖃᓂᒪᓕᕐᐳᖅ”; ᑕᕝᕙ ᐃᕐᓃᖕᓂ ᒪᕐᕉᒃ ᐃᓚᒋᓪᓗᒋᒃ, ᒫᓇᓯ ᐃᕗᕅᒥᓗ ᐅᐸᒍᑎᕗᑦ.

ᒨᓯᓯ ᓯᕗᓪᓖᑦ 48:6

ᐃᕐᓂᕐᑖᕆᔪᒫᕐᑕᑎᓪᓕ ᑖᒃᑯᐊᒃ ᑭᖑᕐᖓᓂ ᓇᖕᒥᓂᕐᑖᕆᔪᒫᕐᐸᑎᑦ; ᑍᔭᐅᔪᒫᕐᐳᓪᓗ ᖃᑕᓐᖑᑎᖏᑎᑐᑦ ᑭᖑᕐᖑᑦᔨᔪᒃᓴᐅᖁᓪᓗᒋᑦ ᑖᒃᑯᖕᓇᓐᖓᑦ.

ᐃᓐᖏᕈᑎᑦ 77:16

ᐃᒪᕐᔪᐊᑦ ᒎᑏ, ᑕᑯᒐᒥᑎᑦ; ᐃᒪᕐᔪᐊᑦ ᑕᑯᒐᒥᑎᑦ, ᓯᕘᕋᓕᓚᐅᕐᐳᑦ; ᐃᑎᓂᕐᔪᐃᓪᓗ ᐊᒡᓛᑦ ᓴᔪᓕᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 43:1

ᒫᓐᓇᓕ ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᓐᖑᕐᑎᑦᓯᓚᐅᕐᑐᖅ ᔧᑰᑉ ᑭᖑᕚᖏᓐᓂᒃ, ᓴᓇᓚᐅᕐᑐᕐᓗ ᐃᓴᕆᐊᓕᒥᒃ: “ᓯᕘᕋᓇᒃ ᐱᐅᓕᓯᒪᒐᒃᑭᑦ; ᕾᖁᓚᐅᕐᐸᖏᑦ ᐊᑏᑦ ᑍᓪᓗᒍ, ᐱᒋᒐᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 16:8

“ᐊᖅᑯᓵᓕᕐᒥᒐᒃᑭᑦ ᑕᑯᓕᓚᐅᕆᕙᒋᑦ, ᑕᑯᒋᑦ, ᐂᑉᐸᖃᕈᓐᓇᓕᓚᐅᕐᐳᑎᑦ; ᐊᓐᓄᕌᖃᖏᓐᓇᕕᑦ ᐊᑐᕐᑕᓐᓂᒃ ᖃᓪᓕᕐᐹᒥᒃ ᐅᓕᓚᐅᕐᐸᒋᑦ ᐊᓐᓄᕌᖃᖏᓐᓃᑦ ᑕᓕᑎᑕᐅᖁᓪᓗᒍ: ᐃᓛᒃ, ᓄᓕᐊᕐᑖᕆᔪᒪᓪᓗᑎᑦ ᐊᖏᖃᑎᒌᒍᑎᓕᐅᓚᐅᕐᐳᖓ, ᐱᑖᕆᓚᐅᕐᐸᒋᓪᓗ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 47:13

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᐅᑯᐊ ᑕᕝᕙ ᓄᓇᐅᑉ ᐊᕕᒃᑐᕐᓯᒪᓂᕆᔭᕆᐊᓕᖏᑦ ᑭᖑᕐᖑᑎᔭᐅᓗᑎᒃ ᐊᕕᒃᑐᕐᑕᐅᑎᑦᓴᕆᐊᓕᑎᑦ ᑭᖑᕚᖑᖃᑎᒌᓄᑦ 12ᓄᑦ ᐃᓴᕆᐊᓕᒥᐅᓄᑦ. ᔫᓯᐱᐅᓪᓕ ᑭᖑᕚᖏᑦ ᒪᕐᕈᐃᓕᖅᑲᖓᔪᒥᒃ ᓄᓇᖁᑎᑖᕐᑐᒃᓴᐅᕗᑦ.

ᒨᓯᓯ ᐱᖓᔪᖏᑦ 20:26

ᐃᓕᑦᓯᓐᓂᒃ ᐃᑦᔪᕐᓁᑎᒋᑦᓯ ᐅᕙᖓ ᐊᑕᓂᐅᒐᒪ ᐃᑦᔪᕐᓁᑦᑐᖅ. ᐃᓅᖃᑎᒌᒡᔪᐊᓂᑦ ᑎᒍᓚᐅᕋᑦᓯ ᓇᖕᒥᓂᕆᔪᒪᓪᓗᓯ.

ᒪᓚᑬᑉ ᐊᒡᓚᖏᑦ 3:17

“ᑖᒃᑯᐊ ᐱᒋᔪᒫᕐᐸᒃᑲ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐱᒃᑯᒥᓇᕐᑐᖁᑎᓐᓂᒃ ᐱᓇᓱᐊᕐᓂᒃᓴᕋ ᐅᓪᓗᖅ ᓇᓪᓕᐅᑎᒃᐸᑦ, ᑖᒃᑯᐊ ᓂᑲᒋᔪᒫᕐᐹᒃᑲ ᐃᓅᑉ ᐃᕐᓂᕐᒥᓂᒃ ᐱᔨᑦᓯᕐᑎᒋᔭᒥᓂᒃ ᓂᑲᒍᓱᒃᐸᖕᓂᖓᑐᑦ.

ᒨᓯᓯ ᓯᑕᒪᖏᑦ 1:10

ᔫᓯᐱᐅᑉ ᐃᕐᓂᖏᑕ ᑭᖑᕚᖏᓐᓂᑦ: ᐃᕗᕅᒥᒃᑯᓐᓂᑦ, ᐃᓔᓴᒪ ᐊᒥᕼᐆᑎᐅᑉ ᐃᕐᓂᖓ: ᒫᓇᓯᐅᑉ ᑭᖑᕚᖏᓐᓂᑦ, ᒐᒤᓕ ᐱᑕᔪᕆᐅᑉ ᐃᕐᓂᖓ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᐃᐱᓯᒥᐅᓄᑦ 1:5

ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.

ᐄᑉᕈᐃᓄᑦ 11:21

ᔧᑯ ᐅᒃᐱᕐᓂᑯᑦ, ᓮᒻᒪᕐᑎᑦᓯᓚᐅᕐᐳᖅ ᔫᓯᐱᐅᑉ ᐃᕐᓂᖏᖕᓂᒃ ᒪᕐᕉᖕᓂᒃ ᑐᖁᑐᐃᓐᓇᕆᐊᖃᓕᕐᓗᓂ, ᐊᔭᐅᑉᐱᐊᓂ ᐊᔭᑉᐸᒡᕕᒋᓪᓗᓂᐅᒃ ᐅᑯᓪᓗᓂ ᑐᒃᓯᐊᓚᐅᕐᐳᖅ.

ᔮᓱᐊᑉ ᐊᒡᓚᖏᑦ 13:7

ᑍᒤᒻᒪᑦ ᒫᓐᓇ, ᓄᓇ ᐊᕕᒃᑐᕐᑕᐅᑎᓕᕈᒃ ᑭᖑᕚᕇᓄᑦ 9ᓄᑦ ᒫᓇᓯᐅᓪᓗ ᑭᖑᕚᖏᑕ ᐊᕝᕙᖏᓐᓄᑦ, ᓇᖕᒥᓂᕐᑖᕆᔭᐅᖁᓪᓗᒍ.”

ᔮᓱᐊᑉ ᐊᒡᓚᖏᑦ 14:4

ᔫᓯᐱᐅᑉ ᑭᖑᕚᖏᑦ ᒪᕐᕉᐃᖑᓚᐅᕐᒪᑕ, ᒫᓇᓯᒃᑯᑦ ᐃᕗᕅᒥᒃᑯᓪᓗ; ᒨᓯᓯᓕ ᓄᓇᒥᒃ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ, ᐃᒡᓗᒐᓴᖕᓂᒡᓕ ᑐᓂᔭᐅᓚᐅᕐᐳᑦ ᓄᓇᖃᕐᕕᒃᓴᖏᓐᓂᒃ ᐆᒪᔪᖁᑎᖏᑕᓗ ᐃᓂᒃᓴᖏᓐᓂᒃ.