ᒨᓯᓯ ᓯᕗᓪᓖᑦ 48:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑕᕝᕙ ᐃᓴᕆᐊᓕ ᐅᖃᕐᐳᖅ ᔫᓯᐱᒧᑦ, “ᑕᑯᒋᑦ ᑐᖁᔭᕆᐊᒃᓯᕗᖓ, ᒎᑎᐅᓪᓕ ᐃᓚᒋᓂᐊᕐᐹᑎᑦ, ᐅᑎᕐᑎᑦᓱᒫᕐᐹᑎᓪᓗ ᓯᕗᓕᕕᓂᕐᐱᑦ ᓄᓇᖓᓄᑦ.

ᒨᓯᓯ ᓯᕗᓪᓖᑦ 48:21 Iomraidhean Croise

ᒨᓯᓯ ᓯᕗᓪᓖᑦ 12:5

ᐂᑉᕋᒻ ᓄᓕᐊᓂ ᓴᕅ ᐃᓚᒋᕚ, ᓘᑎᓗ ᐊᖓᔪᐊᑕ ᐃᕐᓂᖓ; ᐱᖁᑎᑎᒡᓗᑦᑕᐅᖅ ᑕᒪᕐᒥᒃ ᐱᑖᕆᓯᒪᔭᑎᒃ, ᐃᓄᖁᑎᑖᕆᓯᒪᔭᑎᒡᓗ ᕼᐊᕋᓐᒥᑦ; ᑕᕝᕙ ᐊᐅᓪᓚᓯᓚᐅᕐᐳᑦ ᑬᓇᓂᒧᑦ. ᓄᓇᒧᓪᓗ ᑬᓇᓂᒧᑦ ᑎᑭᒃᑲᓗᐊᕋᒥᒃ,

ᒨᓯᓯ ᓯᕗᓪᓖᑦ 15:14

ᑖᒃᑯᐊᓕ ᓱᒋᐊᕈᒫᕐᐸᒃᑲ ᐃᓅᖃᑎᒌᒡᔪᐊᑦ ᑖᒃᑯᓂᖓ ᓯᐊᓛᖃᕐᑐᑦ, ᑕᕝᕙᓐᖓᓪᓗ ᓄᓇᒥᑦ ᓄᓇᒋᓐᖏᑕᒥᖕᓂᑦ ᐊᐅᓪᓚᓕᕈᑎᒃ, ᐊᔪᕐᓴᖏᑦᔪᑎᕐᔪᐊᓂᒃ ᓇᒃᓴᕈᒫᕐᐳᑦ.

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᒨᓯᓯ ᓯᕗᓪᓖᑦ 37:1

ᔧᑯᓕ ᓱᓕ ᓄᓇᖃᓚᐅᕐᐳᖅ ᑬᓇᓂᒥ, ᑕᒫᓂ ᐊᑖᑕᖓᑕ ᓄᓇᒋᓚᐅᕐᑕᖓᓂ,

ᒨᓯᓯ ᓯᕗᓪᓖᑦ 46:4

ᐅᕙᖓ ᑕᐅᓄᖓ ᐄᑦᔨᑉᑎᒧᐊᖃᑎᒋᓂᐊᕐᐸᒋᑦ, ᐊᒻᒪ ᑕᒪᐅᖓ ᐅᑎᕐᑎᑦᓱᒫᕆᕙᒋᑦ; ᔫᓯᐱᐅᓪᓗ ᐊᒡᒐᖕᒥᓄᑦ ᐃᔩᒃᑭᒃ ᓯᑯᓐᖏᕐᑎᑦᓱᒫᕐᐹᒃ.”

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᒨᓯᓯ ᓯᕗᓪᓖᑦ 50:24

ᔫᓯᐱᓗ ᖃᑕᓐᖑᑎᒥᓄᑦ ᐅᖃᕐᐳᖅ, “ᑐᖁᔭᕆᐊᒃᓯᒐᒪ; ᒎᑎᐅᓪᓕ ᑎᑭᕝᕕᒋᔪᒫᕐᐹᓯ, ᑕᕝᕙᓐᖓᓪᓗ ᓄᓇᒥᑦ ᐊᐅᓪᓚᕐᑎᑦᓱᒫᕐᐹᓯ ᓄᓇᒧᑦ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐊᖏᕈᑎᒋᓚᐅᕐᑕᖓᓂ ᓄᓇᑖᖁᓪᓗᓯ.”

ᒨᓯᓯ ᓯᕗᓪᓖᑦ 50:6

ᐰᕉᑉ ᑭᐅᕚ, “ᑕᑉᐸᐅᖓ ᒪᔪᐊᓕᕆᑦ, ᐊᑖᑍᑦ ᐃᓗᕕᕆᐊᕐᑐᕐᓗᒍ, ᑍᒫᒃ ᐊᖏᒻᒪᕆᒃᑎᓯᒪᖕᒪᑎᑦ.”

ᐃᓐᖏᕈᑎᑦ 18:46

ᐊᑕᓂᖅ ᐃᓅᕗᖅ! ᕾᕐᑐᕋ ᓂᕐᑐᕐᑕᐅᓕ! ᐱᐅᓕᔭᐅᓂᕐᒪ ᒎᑎᖓ ᐊᖏᔪᕈᕐᑎᑕᐅᓕ.

ᓘᑲᓯᐅᑉ ᐊᒡᓚᖏᑦ 2:29

“ᐊᑕᓃᖅ ᒫᓐᓇ ᐱᔩᑦ ᓮᒪᓂᕐᒥ ᐊᖏᕐᕋᕐᑎᓕᕈᒃ, ᐅᖃᐅᓯᕆᓚᐅᕐᑍᑦ ᒪᓕᒡᓗᒍ;

ᐋᐴᓯᑕᓖᑦ ᐱᓂᐊᕐᓂᖏᑦ 13:36

ᑍᕕᑎ ᐱᔨᑦᓯᓚᐅᕐᐳᖅ ᒎᑎᐅᑉ ᐱᔪᒪᔭᖓ ᒪᓕᒡᓗᒍ, ᑭᖑᓂᖓᒍᓪᓕ ᑐᖁᓚᐅᕐᐳᖅ ᐃᓕᔭᐅᓪᓗᓂ ᓯᕗᓕᕕᓂᕐᒥ ᐃᓗᕕᕐᑕᐅᕕᖓᓐᓄᑦ, ᑎᒥᖓ ᐃᓗᕕᕐᒥ ᐃᒍᓇᓚᐅᕐᐳᖅ;

ᒨᓯᓯ ᑕᓪᓕᒪᖏᑦ 30:3

ᑕᕝᕙ ᐊᑕᓂᐅᑉ ᒎᑎᑦᓯ ᓂᑲᒋᓕᕈᒫᕐᐹᓯ, ᑲᑎᕐᓱᓕᕈᒫᕐᐹᓯᓗ ᐅᑎᖁᓪᓗᓯ ᓄᓇᒋᔭᑦᓯᓐᓄᑦ ᐃᓅᖃᑎᒌᒡᔪᐊᓂᑦ ᓇᑭᑐᐃᓐᓇᖅ, ᐱᕙᓪᓕᐊᑎᓕᕐᒥᓗᓂᓯᓗ.

ᒨᓯᓯ ᑕᓪᓕᒪᖏᑦ 31:8

ᐊᑕᓂᖅ ᓯᕗᓂᕐᓃᓐᓂᐊᕐᐳᖅ ᐃᓚᒋᓂᐊᕐᐹᑎᓪᓗ, ᓴᒡᓗᕿᓐᓂᐊᖏᒻᒪᑎᑦ ᕿᒪᖕᓂᐊᕐᓇᑎᓪᓗ, ᑍᒤᒻᒪᑦ ᓯᕘᕋᑦᑍᓕᒋᑦ ᓴᐱᓕᕐᑍᓕᓗᑎᓪᓗ.”

ᑎᒧᑎᒧᑦ ᐂᑉᐸᖏᑦ 4:6

ᐅᕙᖓᓕ ᑐᓂᕐᕈᑎᒃᓴᑐᑦ ᑐᖁᑕᐅᓂᒃᓴᕋ ᓇᓪᓕᐅᑎᓕᕐᐳᖅ; ᐃᓅᔪᓐᓂᕐᕕᒃᓴᕋ ᒫᓐᓇ ᓇᓪᓕᐅᑎᕗᖅ.

ᐄᑉᕈᐃᓄᑦ 7:3

ᒥᓪᑭᓯᑎᓕ ᐊᑖᑕᖃᓐᖏᓚᖅ ᐊᓈᓇᖃᕋᓂᓗ, ᓯᕗᓕᕕᓂᖃᖏᓐᓂᕗᖅ, ᐃᓅᓕᕐᓂᕕᓂᖓᓗ ᐅᓂᒃᑲᐅᓯᐅᓯᒪᓐᖏᓚᖅ ᑐᖁᓂᖓᓗ ᐅᓂᒃᑲᐅᓯᐅᓯᒪᓇᓂ, ᒎᑎᐅᑉ ᐃᕐᓂᖓᑐᑦ ᑍᒤᑉᐳᖅ ᑐᓂᕐᕈᓯᕐᑎᑦᓯᔨᐅᕗᖅ ᐃᓱᖃᖏᑦᑐᒧᑦ.

ᐄᑉᕈᐃᓄᑦ 7:8

ᑐᓂᕐᕈᓯᕐᑎᑦᓯᔩᓪᓕ ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᕙᓚᐅᕐᐳᑦ ᐃᓄᑐᐃᓐᓇᐅᓪᓗᑎᒃ ᑐᖁᕙᒃᓗᑎᒡᓗ; ᒥᓪᑭᓯᑎᓕ ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᓚᐅᕐᐳᖅ ᐃᓅᖏᓐᓇᕐᓂᕋᕐᑕᐅᔪᖅ, ᐅᖃᐅᓯᐅᓯᒪᖕᒪᑦ.

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᔮᓱᐊᑉ ᐊᒡᓚᖏᑦ 23:14

“ᑕᑯᒋᑦ, ᐅᓪᓗᒥ ᑐᖁᕕᒃᓴᕋ ᓇᓪᓕᐅᑎᓕᕐᐳᖅ, ᖃᐅᔨᒪᔪᐃᓐᓇᐅᕗᓯ ᐆᒻᒪᑎᑦᓯᒍᑦ ᑕᕐᓂᑦᓯᒍᓪᓗ, ᐊᑕᓂᐅᑉ ᒎᑎᑦᓯ ᑐᓂᓚᐅᕐᒪᓯ ᐱᐅᔪᓂᒃ ᐊᖏᕈᑎᒋᓚᐅᕐᑕᓕᒫᒥᓂᒃ ᐃᓕᑦᓯᓐᓄᑦ; ᐊᖏᕈᑎᒋᓚᐅᕐᑕᓕᒫᓂ ᐃᓕᑦᓯᓐᓄᑦ ᑲᔪᓯᑎᓚᐅᕐᒪᒋᑦ; ᐊᑕᐅᓯᕐᒥᒡᓘᓐᓃᑦ ᐊᑐᖏᑦᑑᑎᑦᓯᓚᐅᖏᓚᖅ.

ᔮᓱᐊᑉ ᐊᒡᓚᖏᑦ 3:7

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᐅᓪᓗᒥ ᐃᓄᖕᓄᑦ ᐃᓴᕆᐊᓕᒥᐅᓄᑦ ᐅᐱᒋᔭᐅᑎᑦᓯᐊᕐᓂᐊᕐᐸᒋᑦ ᐊᖏᔪᕈᕐᑎᑕᐅᓗᑎᑦ, ᖃᐅᔨᓂᐊᕐᒪᑕ ᐃᓕᖕᓂ ᓇᔫᑎᓂᓐᓂᒃ ᒨᓯᓯᒥ ᓇᔫᑎᓂᕆᓚᐅᕐᑕᑦᑐᑦ.

ᐲᑦᑐᕉᓯ ᐂᑉᐸᖏᑦ 1:14

ᖃᐅᔨᒪᓕᕋᒪ ᑎᒥᓐᓂ ᐃᓅᑯᑖᖕᓂᐊᕈᓐᓃᕋᒪ, ᑍᒫᒃ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᑕᑯᑎᓯᒪᖕᒪᖓ.