ᒨᓯᓯ ᓯᕗᓪᓖᑦ 48:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓴᕆᐊᓕᐅᓪᓕ ᑕᓖᖕᓂ ᐃᓴᒡᓗᒋᒃ ᑕᓕᕐᐱᖕᒥᓄᑦ ᓄᑲᕐᓯᐅᑉ ᐃᕗᕅᒥᐅᑉ ᓂᐊᖁᖓ ᐸᑎᒻᒥᓕᕐᐹ, ᓴᐅᒥᖕᒥᓄᓪᓗ ᐊᖓᔪᒃᓯᐅᑉ ᒫᓇᓯᐅᑉ ᓂᐊᖁᐊ ᐸᑎᒻᒥᓕᕐᓗᒍ, ᑕᓖᖕᓂ ᑭᐳᒃᑎᓪᓗᒋᒃ.

ᒨᓯᓯ ᓯᕗᓪᓖᑦ 48:14 Iomraidhean Croise

ᒨᓯᓯ ᓯᕗᓪᓖᑦ 41:51

ᔫᓯᐱᐅᓪᓗ ᐊᑦᓯᕐᐹ ᐊᖓᔪᒃᓯᖅ ᒫᓇᓯᒥᒃ, ᐅᖃᕐᓗᓂ, “ᒎᑎᐅᑉ ᐳᐃᒍᕐᑎᓚᐅᕐᒪᖓ ᐅᖁᒤᓐᓇᕐᑐᒃᑰᕐᓂᕆᓚᐅᕐᑕᓐᓂᒃ ᐊᑖᑕᒪᓗ ᐃᓚᖏᓐᓂᒃ ᑕᒤᓐᓂᒃ.”

ᒨᓯᓯ ᓯᕗᓪᓖᑦ 41:52

ᐂᑉᐸᖓᓕ ᐊᑦᓯᕐᐹ ᐃᕗᕅᒥᒃ, ᐅᖃᕐᓗᓂ, “ᒎᑎᐅᑉ ᐅᓄᕐᓯᑎᒻᒪᖓ ᕿᑐᕐᖏᐅᕐᑎᑦᓱᓂᖓᓗ ᐃᓱᐊᖏᑦᑐᕐᓯᐅᕐᕕᓐᓂ.”

ᒨᓯᓯ ᓯᕗᓪᓖᑦ 46:20

ᔫᓯᐱᓗ ᐃᕐᓂᕐᑖᓚᐅᕐᐳᖅ ᐄᑦᔨᑉᑎᐅᑉ ᓄᓇᖓᓂ ᒫᓇᓯᒥᒃ ᐃᕗᕅᒥᒥᒡᓗ, ᐊᓯᓇᒃᑯᑦ, ᐸᑎᐱᐊᕋᐅᑉ ᑐᓂᕐᕈᓯᕐᑎᑦᓯᔨᐅᔫᑉ ᐆᓂᒥᐅᑕᐅᑉ ᐸᓂᖓᒍᑦ ᕿᑐᕐᖓᕐᑖᕆᓚᐅᕐᑕᖏᑦ.

ᒨᓯᓯ ᓯᕗᓪᓖᑦ 48:13

ᔫᓯᐱᐅᓪᓗ ᐃᕐᓃᖕᓂ ᐅᐸᒍᑎᑎᑉᐹᒃ, ᐃᕗᕅᒥ ᐃᓴᕆᐊᓕᐅᑉ ᓴᐅᒥᖓᓄᐊᕐᑎᑉᐹ, ᒫᓇᓯᓕ ᑕᓕᕐᐱᖓᓄᐊᕐᑎᓪᓗᒍ ᖃᓂᒋᔭᖓᓄᐊᕐᑎᑉᐹᒃ ᑖᑦᓱᒧᖓ.

ᒨᓯᓯ ᓯᕗᓪᓖᑦ 48:17

ᔫᓯᐱᓕ ᑕᑯᒐᒥ ᐊᑖᑕᖓᑕ ᑕᓕᕐᐱᖕᒥᓄᑦ ᐃᕗᕅᒥᐅᑉ ᓂᐊᖁᖓ ᐸᑎᒻᒥᖕᒪᒍ, ᐃᓱᐊᕐᓴᓐᖏᓚᖅ; ᐊᑖᑕᖓᑕᓗ ᑕᓕᕐᐱᐊ ᑎᒍᓪᓗᓂᐅᒃ, ᐃᕗᕅᒥᐅᑉ ᓂᐊᖁᖓᓂᑦ ᐲᕐᑎᑉᐹ ᐃᓕᖔᕐᓗᒍᓗ ᒫᓇᓯᐅᑉ ᓂᐊᖁᐊᓄᑦ.

ᒨᓯᓯ ᓯᕗᓪᓖᑦ 48:18

ᔫᓯᐱᐅᓪᓗ ᐊᑖᑕᓂ ᐅᖃᐅᑎᕚ, “ᐊᑖᑖᒃ ᑍᒫᖑᖏᒻᒪᑦ; ᐅᓇ ᐊᖓᔪᒃᓯᐅᖔᕐᐳᖅ; ᑕᓕᕐᐱᖕᓄᑦ ᐸᑎᒻᒥᖔᓚᐅᕈᒃ.”

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᐃᓐᖏᕈᑎᑦ 118:16

ᐊᑕᓂᐅᑉ ᑕᓕᕐᐱᐊᑕ ᐱᔪᓐᓇᕐᓂᖓ ᐊᖏᔪᕈᕐᑎᑕᐅᓕ, ᐊᑕᓂᐅᑉ ᑕᓕᕐᐱᐊᑕ ᐱᔪᓐᓇᕐᓂᖓ ᓵᓚᖃᑦᓮᓐᓇᕐᐳᖅ!”

ᒨᓯᓯ ᐂᑉᐸᖏᑦ 15:6

ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐱᔪᓐᓇᕐᓂᕐᔪᐊᖃᕐᐳᑦ, ᐊᑕᓃᖅ ᐊᒡᒐᑎᑦ ᑕᓕᕐᐲᑦ, ᐊᑭᕋᕐᑐᕐᑎᓂᒃ ᓯᖁᒥᑦᑎᕗᑦ.

ᒨᓯᓯ ᓯᑕᒪᖏᑦ 2:18

“ᓯᕿᓂᐅᑉ ᓂᐱᕕᐊᑕ ᓇᓛᓃ ᑕᖕᒫᕐᓯᒪᕕᖃᕐᒥᓗᓂ ᐅᓇᑕᕐᑐᒃᓴᓂᒃ ᐃᕗᕅᒥᐅᑉ ᑭᖑᕚᖏᓐᓂᑦ ᐅᓇᑕᕐᑐᒃᓴᐅᖃᑎᒌᓂᒃ, ᐃᕗᕅᒥᐅᑉ ᑭᖑᕚᖏᓐᓄᑦ ᓯᕗᓕᕐᑎᐅᓗᓂ ᐃᓔᓴᒪ ᐊᒥᕼᐆᑎᐅᑉ ᐃᕐᓂᖓ.

ᒨᓯᓯ ᓯᑕᒪᖏᑦ 8:10

ᑍᒫᒃ ᓕᕔᑎᑦ ᐊᑕᓂᐅᑉ ᓵᖓᓄᑦ ᐱᑎᑦᓴᕆᐊᖃᕐᐸᑎᑦ, ᐃᓴᕆᐊᓕᐅᓪᓗ ᕿᑐᕐᖓᖏᑕ ᐊᒡᒐᒥᖕᓄᑦ ᐸᑎᒻᒥᔭᕆᐊᖃᕐᐰᑦ;

ᒨᓯᓯ ᓯᑕᒪᖏᑦ 8:18

ᐅᕙᖓᓗ ᓕᕔᑎᑦ ᐱᒋᔪᒪᓚᐅᕐᐸᒃᑲ ᐃᓴᕆᐊᓕᐅᑉ ᕿᑐᕐᖓᖏᑕ ᐃᕐᓂᕐᑖᕆᖅᑳᕐᑕᖏᑦ ᐱᓇᒋᑦ.

ᒫᑎᐅᓯᐅᑉ ᐊᒡᓚᖏᑦ 16:18

ᑍᒤᒻᒪᑦ ᐅᖃᐅᑎᕙᒋᑦ, ᐲᑦᑐᕉᓯᐅᕗᑎᑦ, ᕾᕐᑐᖅ; ᕾᕐᑐᒧᑦ ᑕᕝᕗᖓ ᐃᓚᒌᒃᑐᖁᑎᒃᑲ ᑐᓐᖓᕕᖃᕐᑎᓪᓗᒋᑦ ᐋᖅᑭᒃᓱᕐᓂᐊᕐᐸᒃᑲ, ᑲᑉᐱᐊᓇᕐᑐᕕᐅᓪᓗᓐᓃ ᐃᓯᕐᑕᕐᕕᖓᑕ ᓵᓚᒋᔪᓐᓇᕐᓂᐊᓐᖏᓚ.

ᒫᑎᐅᓯᐅᑉ ᐊᒡᓚᖏᑦ 19:13

ᐃᓚᖏᓪᓕ ᓱᕈᓯᑯᓗᖕᓂᒃ ᔩᓱᓯᒧᐊᕈᑦᔨᕗᑦ ᐸᑎᒻᒥᓂᐊᕐᒪᒋᑦ ᑐᒃᓯᐅᑎᓗᓂᒋᓪᓗ. ᐃᓕᓐᓂᐊᕐᑎᖏᑕᓕ ᑕᕝᕗᓐᖓᐅᑦᔨᔪᑦ ᐃᓂᕐᑎᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 19:15

ᔩᓱᓯᐅ ᐸᑎᒻᒥᕔᑦ, ᑭᖑᓂᖓᒍᓪᓗ ᑕᕝᕙᓐᖓᑦ ᐊᐅᓪᓚᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 6:5

“ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ.

ᓘᑲᓯᐅᑉ ᐊᒡᓚᖏᑦ 13:13

ᐸᑎᒻᒥᖕᒪᒍ, ᑕᕝᕔᓐᓇᖅ ᐊᕐᓇᖅ ᐃᓯᕕᑉᐳᖅ, ᑖᑦᓱᒪ ᒎᑎ ᓂᕐᑐᓕᕐᐹ.

ᓘᑲᓯᐅᑉ ᐊᒡᓚᖏᑦ 4:40

ᐅᓐᓄᓕᕐᑎᓪᓗᒍ ᓯᕿᓂᖅ ᓂᐱᖕᒪᑦ, ᐃᓄᓕᒫᑦ ᐃᓚᖃᕐᑐᑦ ᖃᓂᒪᔪᓂᒃ ᖃᓄᑐᐃᓐᓇᖅ ᐋᓐᓂᐊᖃᕐᑐᓂᒃ ᔩᓱᓯᒧᑦ ᐋᑦᓯᕗᑦ; ᑕᒪᕐᒥᒃ ᐸᑎᒻᒥᕔᑦ ᐋᖅᑭᒡᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:3

ᑖᒃᑯᐊ ᓂᕆᑦᑍᓕᓪᓗᑎᑦ ᑐᒃᓯᐊᕇᕋᒥᒃ, ᐸᑎᒻᒥᕚᒃ ᑎᓕᓪᓗᒋᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 6:6

ᑖᒃᑯᐊ ᐋᐴᓯᑕᓕᖕᓄᑦ ᐱᑎᑕᐅᕗᑦ, ᐋᐴᓯᑕᓖᑦ ᑐᒃᓯᐅᑎᕔᑦ ᐸᑎᒻᒥᓪᓗᒋᑦ.

ᒨᓯᓯ ᑕᓪᓕᒪᖏᑦ 34:9

ᔮᓱᐊᓕ ᓈᓂᐅᑉ ᐃᕐᓂᖓ ᓯᓚᑐᓂᕐᒥᒃ ᐃᓗᒻᒥᕐᑕᐅᓚᐅᕐᐳᖅ, ᒨᓯᓯᐅᑉ ᐸᑎᒻᒥᓚᐅᕐᒪᒍ, ᐃᓴᕆᐊᓕᒥᐅᓂᑦ ᔮᓱᐊ ᓈᓚᒃᑕᐅᓚᐅᕐᐳᖅ ᐊᑕᓂᐅᓪᓗ ᐊᑐᕐᑕᐅᖁᔭᖏᑦ ᒪᓕᒃᑕᐅᓚᐅᕐᐳᑦ ᒨᓯᓯᒃᑯᑦ ᑐᓂᓚᐅᕐᑕᖏᑦ.

ᑎᒧᑎᒧᑦ ᓯᕗᓪᓖᑦ 4:14

ᑐᓂᕐᕈᓯᐊᕆᓯᒪᔧᑦ ᑲᒪᒋᔪᓐᓃᕐᑍᓕᒍᒃ, ᑐᓂᕐᕈᓯᐊᕆᓚᐅᕐᑍᑦ ᐊᓂᕐᓂᒃᑯᑦ ᐅᖃᓪᓚᒡᕕᐅᑎᓪᓗᑎᑦ ᐅᒃᐱᕐᑑᖃᑎᒌᑦ ᐊᖓᔪᖅᑳᖏᓐᓄᑦ ᐸᑎᒻᒥᔭᐅᓪᓗᑎᑦ.

ᑎᒧᑎᒧᑦ ᓯᕗᓪᓖᑦ 5:22

ᐊᑕᓂᕐᒧᑦ ᐱᔨᑦᓯᕐᑐᒃᓴᓂᒃ ᑐᐊᕕᕐᓗᑎᑦ ᐸᑎᒻᒥᓯᓂᐊᕐᓇᒃ, ᐊᓯᕕᑦ ᐊᔪᕐᑐᓕᓂᖏᓐᓄᑦ ᐃᓚᐅᑦᑍᓕᒋᑦ; ᓇᖕᒥᓂᖅ ᐃᑦᔪᕐᓁᑎᑦᓯᐊᕆᑦ.