ᒨᓯᓯ ᓯᕗᓪᓖᑦ 47:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑕᕝᕙ ᔫᓯᐱ ᐃᓄᖕᓄᑦ ᐅᖃᕐᐳᖅ, “ᑕᑯᒋᑦ ᐅᓪᓗᒥ ᐃᓕᑦᓯᓐᓂᒃ ᓄᓇᖁᑎᑦᓯᓐᓂᒡᓗ ᓂᐅᕕᕐᓯᒪᓕᕐᐳᖓ ᐰᕉᒧᑦ. ᑕᕝᕙ ᑲᓐᖓᕐᓲᑎᒃᓴᓯ ᐃᓕᑦᓯᓐᓄᑦ ᑐᓂᕙᒃᑲ, ᓄᓇᒧᑦ ᑲᓐᖓᕐᓲᑎᒋᓂᐊᕋᑦᓯᐅᒃ.

ᒨᓯᓯ ᓯᕗᓪᓖᑦ 47:23 Iomraidhean Croise

ᒨᓯᓯ ᓯᕗᓪᓖᑦ 41:27

ᑖᒃᑯᐊᓗ ᓴᓗᒃᑐᐃᑦ ᑕᑯᒥᓁᑦᑐᑦ ᐃᒻᒧᒃᓯᐅᒊᑦ 7ᐃᑦ ᑭᖑᓪᓕᐅᓪᓗᑎᒃ ᖃᑭᔪᑦ ᑐᑭᖃᕐᐳᑦ ᐊᕐᕌᒍᓂᒃ 7ᓂᒃ, ᓂᐊᖂᔭᒃᓮᓪᓗ ᓂᐊᖁᖏᑦ ᐊᒥᑦᑐᑦ 7ᐃᑦ ᓂᐅᓐᖓᒃᑎᑕᐅᓯᒪᔪᑦ ᐊᓄᕆᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒧᑦ ᑐᑭᖃᕐᐳᑦ ᐊᕐᕌᒍᓂᒃ 7ᓂᒃ ᑳᖕᓇᕐᑐᕐᔪᐊᓂᒃ.

ᒨᓯᓯ ᓯᕗᓪᓖᑦ 45:6

ᑳᖕᓇᕐᑐᕐᔪᐊᖃᓕᕐᒪᑦ ᐊᕐᕌᒍᖕᓂᒃ ᒪᕐᕉᖕᓂᒃ ᓄᓇᒥ; ᓱᓕᓕ ᐊᕐᕌᒍᓂᒃ ᑕᓪᓕᒪᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᕕᒃᓴᐅᓂᐊᖏᒻᒪᑦ ᐱᕈᕐᑐᕕᓂᕐᓂᒡᓗ ᑲᑎᕐᓱᐃᕕᒃᓴᐅᓂᐊᕋᓂ.

ᒨᓯᓯ ᓯᕗᓪᓖᑦ 47:22

ᑐᓂᕐᕈᓯᕐᑎᑦᓯᔩᑦ ᓄᓇᖁᑎᖏᑦ ᐊᒥᐊᒃᑯᑐᐊᖑᓚᐅᕐᐳᑦ ᓂᐅᕕᐊᕆᓚᐅᖏᒻᒪᒋᑦ; ᑐᓂᕐᕈᓯᕐᑎᑦᓯᔩᑦ ᓂᕿᒃᓴᖃᕐᑎᑕᐅᖁᓪᓗᒋᑦ ᐰᕉᒧᑦ ᐋᖅᑭᒃᑕᐅᓯᒪᓚᐅᕐᒪᑕ, ᐃᓅᑦᔪᑎᒃᓴᖃᕈᓐᓇᓚᐅᕐᐳᑦ ᐰᕉᑉ ᑐᓂᕐᕈᑎᒋᔭᖏᓐᓄᑦ; ᑍᒤᒻᒪᑦ ᓄᓇᖁᑎᒥᖕᓂᒃ ᓂᐅᕕᐅᑎᖃᕆᐊᖃᓚᐅᓐᖏᓚᑦ.

ᒨᓯᓯ ᓯᕗᓪᓖᑦ 47:24

ᑲᑎᕐᓱᐃᕕᒃᓴᖅ ᓇᓪᓕᐅᑎᒃᐸᑦ ᐱᕈᕐᑎᑕᓯ ᐊᕕᒡᓗᒋᑦ ᑕᓪᓕᒪᖏᑦ ᑐᓂᔭᒃᓴᕆᕙᓯ ᐰᕉᒧᑦ, ᐊᕕᒃᑕᑦᓯ ᓯᑕᒪᖏᑦ ᓇᖕᒥᓂᕐᑖᕆᔭᒃᓴᕆᕙᓯ, ᐱᕈᕐᓰᕕᖕᒧᑦ ᑲᓐᖓᕐᓲᑎᐅᖁᓪᓗᒋᑦ ᐃᓕᑦᓯᓐᓄᓪᓗ ᐃᒡᓗᒥᐅᖃᑎᑦᓯᓐᓄᓪᓗ ᓂᕿᒃᓴᐅᖁᓪᓗᒋᑦ, ᕿᑐᕐᖓᑦᓯᓐᓄᓪᓗ ᑕᒤᓐᓄᑦ.”

ᐃᓐᖏᕈᑎᑦ 112:5

ᐱᓪᓗᕆᒃᐳᖅ ᐊᓐᓂᕈᓱᖃᖏᑦᑐᖅ ᐊᑦᑕᑐᕐᑎᑦᓯᖃᑦᑕᕐᑐᕐᓗ; ᑖᑦᓱᒪ ᒪᑭᒪᐅᑎᒃᓴᓂ ᓯᓔᕐᕆᒃᓯᓂᖃᖏᑦᑐᒃᑯᑦ ᐋᖅᑭᒃᓯᒪᑎᓐᓂᐊᕐᒪᒋᑦ.

ᐃᓐᖏᕈᑎᑦ 41:1

ᖁᕕᐊᓱᑦᓯᐊᕐᐳᖅ ᐊᔪᕐᓴᕐᑐᓂᒃ ᐃᓱᒪᒋᔭᖃᕐᑐᖅ; ᐊᑕᓂᐅᑉ ᓴᐳᑎᔪᒫᕐᒪᒍ ᐊᔪᕐᓇᕐᑐᖃᓕᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:26

ᓂᐊᖂᔭᒃᓴᓂᒃ ᑭᓯᕐᖔᕐᓯᔪᖅ ᐃᓱᒪᓂᕐᓗᒡᕕᐅᓕᕐᓂᐊᕐᐳᖅ, ᓂᐅᕐᕈᑎᖃᖃᑦᑕᕐᑐᕐᓕ ᓮᒻᒪᕐᑎᑕᐅᓂᐊᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:11

ᓄᓇᖁᑎᒥᓂᒃ ᐱᕈᕐᓰᕕᓕᕆᑦᓯᐊᕐᓂᕐᒥᓄᑦ ᐱᕈᕐᑎᑕᒥᓄᑦ ᓂᕿᒃᓴᖃᕐᓂᐊᕐᐳᖅ, ᐊᑑᑎᒃᓴᖃᖏᑦᑐᓂᒡᓕ ᐱᓇᓱᐊᖃᑦᑕᕐᑐᖅ ᐃᓱᒪᒃᓴᕐᓯᐅᕈᓐᓇᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:23

ᐊᒃᓗᔫᑉ ᐱᕈᕐᓰᕕᖁᑎᖓ ᐱᕈᕐᕕᐅᔪᓐᓇᕐᐳᖅ ᓂᕿᒃᓴᓂᒃ ᐊᒥᒐᖏᑦᑐᓂᒃ, ᐊᓯᐅᑎᑕᐅᑐᐃᓐᓇᕐᐳᓪᓕ ᐱᖁᔭᓂᒃ ᒪᓕᑦᓯᐊᖏᑦᑐᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:6

ᐱᕈᕐᓯᐊᒃᓮᑦ ᓄᓇᒧᑦ ᑲᓐᖓᕐᓲᑎᒋᒃᑭᑦ ᐅᓪᓛᒃᑯᑦ, ᐅᓐᓄᒃᐸᓪᓗ ᐊᒡᒐᑎᑦ ᓱᓕᐊᒃᓴᖃᕈᓐᓃᕐᑎᑦᑍᓕᒃᑭᑦ; ᖃᐅᔨᒪᖏᓐᓇᕕᑦ ᓇᓕᐊᒃ ᑲᔪᓯᑦᓯᐊᕐᓂᐊᕐᒪᖔᑦ, ᐅᓇᓘᓐᓃᑦ ᐅᓇᖔᕐᓘᓐᓃᑦ, ᑕᒪᕐᒥᒡᓘᓐᓃᑦ ᐱᐅᔪᐃᓐᓇᐅᓂᐊᕐᒪᖔᑎᒃ.

ᐂᓮᐊᓯᐅᑉ ᐊᒡᓚᖏᑦ 55:10

ᕿᓚᖕᒥᑦ ᓯᓚᓗᒃᐸᖕᒪᑦ ᖃᓐᓂᕐᐸᒃᓗᓂᓗ ᓄᓇᒧᑦ, ᐅᑎᕐᐸᒐᑎᒡᓗ ᑕᑉᐸᐅᖓ, ᓄᓇᒥᒡᓕ ᖃᐅᓯᓕᕐᑎᑦᓯᖃᑦᑕᕐᐳᑦ, ᐱᕈᕐᑐᒃᓴᓂᒡᓗ ᐱᕈᕐᑎᑦᓯᕙᒡᓗᑎᒃ, ᑲᓐᖓᕐᓱᐃᔨᓂᒃ ᐱᕈᕐᑐᒃᓴᖃᕐᑎᑦᓯᒃᑲᓐᓂᕐᓗᑎᒃ ᓂᕿᖃᕆᐊᓖᓪᓗ ᓂᕆᔭᒃᓴᖃᕐᑎᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:45

“ᑭᓇ ᓱᖁᓯᔪᐃᑦᑑᓪᓗᓂ ᓯᓚᑐᓪᓗᓂᓗ ᐱᔨᐅᕚ? ᑖᓐᓇ ᐊᖓᔪᖅᑳᖓᑕ ᐊᖓᔪᖅᑳᖑᕐᑎᑕᖓ ᐱᔨᐅᖃᑎᖏᓐᓄᑦ, ᓂᕿᒃᓴᖏᓐᓂᒃ ᑐᓂᓯᖃᑦᑕᖁᓪᓗᒍ ᑐᓂᓯᕕᒃᓴᖓ ᓇᓪᓕᐅᑎᔭᕌᖓᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:10

ᑖᑦᓱᒪ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒧᑦ ᑐᓂᓯᔫᑉ, ᓂᐊᖂᔭᒥᒡᓗ ᓂᕿᒃᓴᒥᒃ ᑐᓂᓯᔫᑉ, ᑐᓂᓯᕕᒋᔪᒫᕆᕚᓯ ᐱᕈᕐᓯᐊᒃᓴᓂᒃ ᐊᒥᓱᓂᒃ ᐱᕈᕐᑎᑦᓯᑦᓯᐊᕈᓐᓇᖁᓪᓗᓯ, ᐱᕈᕐᑎᑕᐅᔪᓂᒃ ᐊᓐᓂᕈᓱᒐᓯ ᑐᓂᓯᓂᑦᓯᓐᓄᑦ.