ᒨᓯᓯ ᓯᕗᓪᓖᑦ 45:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑳᖕᓇᕐᑐᕐᔪᐊᖃᓕᕐᒪᑦ ᐊᕐᕌᒍᖕᓂᒃ ᒪᕐᕉᖕᓂᒃ ᓄᓇᒥ; ᓱᓕᓕ ᐊᕐᕌᒍᓂᒃ ᑕᓪᓕᒪᓂᒃ ᐱᕈᕐᓰᕕᖕᒥ ᑲᓐᖓᕐᓱᐃᕕᒃᓴᐅᓂᐊᖏᒻᒪᑦ ᐱᕈᕐᑐᕕᓂᕐᓂᒡᓗ ᑲᑎᕐᓱᐃᕕᒃᓴᐅᓂᐊᕋᓂ.

ᒨᓯᓯ ᓯᕗᓪᓖᑦ 45:6 Iomraidhean Croise

ᒨᓯᓯ ᓯᕗᓪᓖᑦ 37:2

ᑕᒪᑦᔭᓗ ᔧᑰᑉ ᐃᓚᒋᔭᖏᑕ ᐅᓂᒃᑳᕐᑕᐅᓂᖏᑦ ᑕᒫᓂ ᐅᖃᐅᓯᐅᓯᒪᕗᑦ. ᔫᓯᐱ ᐃᓅᓱᒃᑐᖅ ᐊᕐᕌᒍᖃᕐᓗᓂ 17ᓂᒃ, ᐆᒪᔪᓂᒃ ᒥᐊᓂᕐᓯᖃᑕᐅᓚᐅᕐᐳᖅ ᐊᖓᔪᓂ ᐃᓚᒋᓪᓗᒋᑦ, ᑖᒃᑯᐊ ᐱᓪᕼᐊᑉ ᔨᐅᓪᐸᐅᓪᓗ ᐃᕐᓂᖏᑦ, ᔧᑰᑉ ᓄᓕᐊᒃᑲᓐᓂᖏᑕ; ᐊᑖᑕᒥᓄᓪᓗ ᐅᓐᓂᕐᓗᒃᓴᓚᐅᕐᐳᖅ ᐊᖓᔪᖏᑕ ᐱᑦᓯᐊᖏᓐᓂᖏᓐᓂᒃ.

ᒨᓯᓯ ᓯᕗᓪᓖᑦ 41:35

ᐊᕐᕌᒍᓂᓗ ᐱᕈᕐᑐᖃᑦᓯᐊᕐᓇᕐᑐᓂ ᓇᓪᓕᐅᑎᓯᒪᓂᐊᕐᑐᓂ ᑖᒃᑯᐊ ᑲᑎᑦᓯᔪᓐᓇᖁᓪᓗᒋᑦ, ᓂᐊᖂᔭᒃᓴᓂᒃ ᐰᕉᑉ ᐊᖓᔪᖅᑳᖑᓂᖓᓄᑦ ᐊᐅᓚᑕᐅᓗᓂ, ᐃᒡᓗᒐᓴᒡᔪᐊᓂ ᑲᑎᕐᓱᐃᓯᒪᑦᓯᐊᖁᓪᓗᒋᑦ ᓂᕿᒃᓴᓂᒃ.

ᒨᓯᓯ ᓯᕗᓪᓖᑦ 41:46

ᔫᓯᐱ ᐊᕐᕌᒍᖃᓕᓚᐅᕐᐳᖅ 30ᓂᒃ ᐱᓇᓱᐊᕆᐊᓯᑎᓪᓗᒍ ᐰᕉᑉ ᐊᖓᔪᖅᑳᕐᔪᐊᑉ ᐄᑦᔨᑉᑎᒥ ᐊᖓᔪᖅᑳᒃᑯᕕᖓᓂ. ᔫᓯᐱ ᑕᕝᕙᓐᖓᑦ ᐰᕉᑉ ᓇᔪᕐᑕᖓᓂᑦ ᐊᓂᒐᒥ ᐄᑦᔨᑉᑎᐅᑉ ᓄᓇᓕᒫᖓᓄᑦ ᐃᖏᕐᕋᓕᓚᐅᕐᐳᖅ.

ᒨᓯᓯ ᓯᕗᓪᓖᑦ 41:53

ᑕᕝᕙ ᐊᕐᕌᒍᑦ 7 ᐊᔪᕐᓴᕐᓇᖏᑦᑐᑦ ᐱᕈᕐᕕᐅᑦᓯᐊᕐᓇᕐᑐᓪᓗ ᓄᓇᒥ ᐄᑦᔨᑉᑎᒥ ᐃᓱᓕᓚᐅᕐᐳᑦ.

ᒨᓯᓯ ᓯᕗᓪᓖᑦ 41:54

ᐊᕐᕌᒍᓪᓗ 7 ᑳᖕᓇᕐᑐᕐᔪᐊᑦ ᐱᒋᐊᓯᓪᓗᑎᒃ, ᔫᓯᐱᐅᑉ ᑍᒫᒃ ᐅᖃᐅᓯᕆᓚᐅᕐᒪᒍ. ᑕᕝᕙ ᓄᓇᒥ ᓇᓂᓕᒫᖅ ᑳᖕᓇᕐᑐᕐᔪᐊᖃᓕᕐᐳᖅ; ᐄᑦᔨᑉᑎᓕᒫᕐᓕ ᓂᕿᒃᓴᖃᓚᐅᕐᐳᖅ.

ᒨᓯᓯ ᓯᕗᓪᓖᑦ 41:56

ᓄᓇᓂᓕ ᓇᓂᓕᒫᖅ ᑳᖕᓇᕐᑐᕐᔪᐊᖅ ᓯᐊᒻᒪᕐᐸᓪᓕᐊᓕᕐᒪᑦ, ᔫᓯᐱᐅᑉ ᓂᕿᒃᓴᒃᑯᕕᐅᔪᑦ ᑕᒪᕐᒥᒃ ᒪᑐᐃᕐᓚᐅᕐᐰᑦ, ᓂᐅᕐᕈᑎᒋᖃᑦᑕᓕᕐᓗᒋᓪᓗ ᐄᑦᔨᑉᑎᒥᐅᓄᑦ, ᓄᓇᒥ ᐄᑦᔨᑉᑎᓕᒫᒥ ᑳᖕᓇᕐᑐᕐᔪᐊᖅ ᓇᓪᓕᐅᑎᓯᒪᓕᓚᐅᕐᒪᑦ.

ᒨᓯᓯ ᓯᕗᓪᓖᑦ 47:18

ᑕᒪᓐᓇ ᐊᕐᕌᒍᖅ ᓈᖕᒪᑦ, ᐊᕐᕌᒍᑉ ᐂᑉᐸᖓᓂ ᐅᐸᓚᐅᕆᕚᑦ ᐅᖃᐅᑎᓪᓗᒍᓗ, “ᐊᖓᔪᖅᑳᑦᑎᓐᓄᑦ ᐃᔨᕋᕐᑐᕈᒪᖏᓐᓇᑦᑕ ᑮᓇᐅᔭᓕᒫᕗᑦ ᓄᖑᒻᒪᑕ; ᐆᒪᔪᖁᑎᓕᒫᕗᓪᓗ ᑐᓂᓯᒪᓕᕋᑦᑎᒍ ᐊᖓᔪᖅᑳᑦᑎᓐᓄᑦ; ᐊᑭᓕᐅᑎᒃᓴᖃᕈᓐᓃᕐᐳᒍᑦ ᐊᖓᔪᖅᑳᑦᑎᓐᓄᑦ ᑎᒥᑦᑎᓐᓂᒃ ᐱᕈᕐᓰᕕᖁᑎᑦᑎᓐᓂᒡᓗ ᑭᓯᐊᓂ.

ᒨᓯᓯ ᓯᕗᓪᓖᑦ 47:23

ᑕᕝᕙ ᔫᓯᐱ ᐃᓄᖕᓄᑦ ᐅᖃᕐᐳᖅ, “ᑕᑯᒋᑦ ᐅᓪᓗᒥ ᐃᓕᑦᓯᓐᓂᒃ ᓄᓇᖁᑎᑦᓯᓐᓂᒡᓗ ᓂᐅᕕᕐᓯᒪᓕᕐᐳᖓ ᐰᕉᒧᑦ. ᑕᕝᕙ ᑲᓐᖓᕐᓲᑎᒃᓴᓯ ᐃᓕᑦᓯᓐᓄᑦ ᑐᓂᕙᒃᑲ, ᓄᓇᒧᑦ ᑲᓐᖓᕐᓲᑎᒋᓂᐊᕋᑦᓯᐅᒃ.

ᒨᓯᓯ ᐂᑉᐸᖏᑦ 34:21

“ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.

ᐂᓮᐊᓯᐅᑉ ᐊᒡᓚᖏᑦ 30:24

ᑐᒃᑐᕙᖁᑎᓯ ᓯᐅᑎᖅᑯᕐᑐᔪᖁᑎᓯᓗ ᐱᕈᕐᓰᕕᒃᓴᑦᓯᓐᓂᒃ ᓄᓇᓕᕆᑦᔪᑎᒋᕙᒃᑕᓯ, ᓂᕿᒃᓴᓕᐊᖑᓯᒪᔪᓂᒃ ᓂᕆᔭᒃᓴᖃᑦᓯᐊᖃᑦᑕᕈᒫᕐᐳᑦ ᑐᖁᓕᑦᓯᐊᖑᓯᒪᔪᓂᒃ, ᓴᓃᔭᕐᓯᒪᔪᓂᒃ ᐳᐊᕐᕆᑎᓄᑦ ᑲᑭᐊᒡᔪᐊᓄᓪᓗ.

ᒨᓯᓯ ᑕᓪᓕᒪᖏᑦ 21:4

ᑕᕝᕙ ᐃᒡᓗᒐᓮᑦ ᐊᖓᔪᖅᑳᖏᑕ ᐃᒻᒧᒃᓯᐅᒐᖅ ᓄᕐᕋᖅ ᓇᕐᓴᒧᐊᕈᑎᔭᒃᓴᕆᕚᑦ ᑰᖏᓐᓇᕐᑐᒥᒃ ᑰᓕᖕᒧᑦ, ᓄᓇᖓᓗ ᐊᐅᓚᑕᐅᓯᒪᖏᑦᑐᒧᑦ ᐱᕈᕐᓰᕕᐅᓚᐅᕐᓯᒪᖏᑦᑐᒧᓪᓗ, ᑕᕝᕙᓂ ᖁᖓᓯᖓᒍᑦ ᐊᓇᐅᓗᒍ ᑐᖁᑕᒃᓴᕆᕚᑦ.

ᓴᒧᐃᓕ ᓯᕗᓪᓖᑦ 8:12

ᐃᓚᖏᓪᓗ ᐊᖓᔪᖅᑲᐅᑎᑦᓱᒫᕐᐰᑦ ᐊᐅᓚᑦᓯᔨᐅᓗᑎᒃ 1,000ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ ᐱᕈᕐᓰᕕᓕᕆᔨᖁᑎᒋᔪᒫᕐᐰᑦ, ᐃᓚᖏᓪᓗ ᐱᕈᕐᑐᓂᒡᓗ ᓄᐊᑦᓯᔨᒋᓗᓂᒋᑦ, ᐃᓚᖏᓪᓗ ᓴᓇᔨᒋᔪᒫᕐᐰᑦ ᐅᓇᑕᐅᑎᓂᒃ ᐃᓚᖏᓪᓗ ᕿᒧᒃᓯᐅᑎᓄᑦ ᑲᓕᒐᓕᐅᕐᑎᒋᓗᓂᒋᑦ ᐊᒃᓴᓗᐊᓕᖕᓂᒃ.