ᒨᓯᓯ ᓯᕗᓪᓖᑦ 43:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑖᒃᑯᐊ ᑭᐅᕗᑦ, “ᐊᖑᑎᐅᑉ ᐊᐱᕐᓱᓚᐅᕐᒪᑎᒍᑦ ᖃᐅᔨᓇᓱᐊᕐᓗᑕ ᐃᓚᕗᓪᓗ ᖃᐅᔨᓇᓱᐊᕐᓗᓂᒋᑦ, ᐅᖃᕐᓗᓂ, ‘ᐊᑖᑕᓯ ᓱᓕ ᐆᒪᕚ? ᓄᑲᖃᒃᑲᓐᓂᕐᐱᓰ?’ ᑕᕝᕙ ᐅᖃᐅᑎᓚᐅᕐᐸᕗᑦ ᐊᐱᖅᑯᑎᒋᔭᖓᓂᒃ ᑭᐅᓪᓗᑕ; ᖃᓄᕐᓕ ᖃᐅᔨᒪᒐᔭᓚᐅᕐᐱᑖ ᑖᑦᓱᒧᖓ ᐅᖃᐅᑎᔭᐅᓂᐊᕐᒪᖔᑦᑕ, ‘ᓄᑲᓯ ᐃᓕᑦᓯᓐᓄᑦ ᑎᑭᖃᑕᐅᖁᕙᕋ’?”

ᒨᓯᓯ ᓯᕗᓪᓖᑦ 43:7 Iomraidhean Croise

ᒨᓯᓯ ᓯᕗᓪᓖᑦ 42:11

ᐊᖑᒻᒧᑦ ᐊᑕᐅᓯᕐᒧᑦ ᑕᒪᑦᑕ ᐃᕐᓂᕆᔭᐅᕗᒍᑦ; ᓴᒡᓗᕿᑦᓯᔨᐅᓇᑕ, ᐃᓕᖕᓄᑦ ᐱᔨᐅᕗᒍᑦ ᓄᓇᒥᒃ ᖃᐅᔨᓴᕐᑎᐅᓐᖏᓚᒍᑦ ᐃᔨᕋᕐᑐᕐᓂᒃᑯᑦ.”

ᒨᓯᓯ ᓯᕗᓪᓖᑦ 42:13

ᑖᒃᑯᐊ ᐅᖃᕐᐳᑦ, “ᐃᓕᖕᓄᑦ ᐱᔨᐅᕗᒍᑦ, ᓄᑲᕇᖑᓪᓗᑕ 12ᕗᒍᑦ, ᐊᖑᒻᒧᑦ ᐊᑕᐅᓯᕐᒧᑦ ᐃᕐᓂᕆᔭᐅᓪᓗᑕ ᑬᓇᓂᒥ ᓄᓇᒥ; ᑕᑯᒋᑦ ᓄᑲᕐᓯᕐᐹᕗᑦ ᐅᓪᓗᒥ ᐊᑖᑕᑦᑎᓐᓃᑉᐳᖅ, ᐊᑕᐅᓯᖅ ᐱᑕᖃᕈᓐᓃᕐᐳᖅ.”

ᒨᓯᓯ ᓯᕗᓪᓖᑦ 43:27

ᖃᓄᐃᒻᒪᖔᑕᓗ ᐊᐱᕐᓱᕐᐰᑦ, ᐅᖃᕐᓗᓂ, “ᐊᑖᑕᓯ, ᑍᓐᓇ ᐃᓄᑐᖃᐅᓕᕐᑐᖅ ᐅᖃᐅᑎᒋᓚᐅᕐᑕᓯ ᖃᓄᐃᓐᖏᓛᖅ? ᓱᓕ ᐃᓅᕚ?”

ᒨᓯᓯ ᓯᕗᓪᓖᑦ 43:3

ᔫᑕᐅᓪᓕ ᐅᖃᐅᑎᕙ, “ᑖᑦᓱᒪ ᐊᖑᑎᐅᑉ ᑯᒃᓴᓇᕐᑐᓪᓚᕆᐊᓗᖕᒥᒃ ᐅᖃᐅᑎᓚᐅᕐᐹᑎᒍᑦ, ᐅᖃᕐᓗᓂ, ‘ᑮᓇᕋ ᑕᑯᓂᐊᓐᖏᓚᓯ, ᓄᑲᓯ ᐃᓚᒋᓐᖏᑐᐊᕈᑦᓯᐅᒃ.’

ᒨᓯᓯ ᓯᕗᓪᓖᑦ 43:6

ᐃᓴᕆᐊᓕ ᐅᖃᕐᐳᖅ, “ᖃᓄᐃᒻᒪᑦ ᐅᕙᓐᓄᑦ ᐱᐅᖏᑦᑐᐊᓗᖕᒥᒃ ᐱᓂᐊᕐᓯᒪᕕᓯ ᐊᖑᑦ ᐅᖃᐅᑎᓚᐅᕋᑦᓯᐅᒃ ᓱᓕ ᓄᑲᖃᒃᑲᓐᓂᕐᓂᕋᕐᓗᓯ?”

ᒨᓯᓯ ᓯᕗᓪᓖᑦ 44:19

ᐊᖓᔪᖅᑳᒃ ᐱᔨᑎᑦ ᐊᐱᕆᓚᐅᕋᕕᒋᑦ, ᐅᖃᕐᓗᑎᑦ, ‘ᐊᑖᑕᖃᕐᐱᓰ, ᖃᑕᓐᖑᑎᖃᕐᐱᓯᓘ?’