ᒨᓯᓯ ᓯᕗᓪᓖᑦ 43:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᕝᕙ ᐊᑖᑕᖓᑦᑕ ᐃᓴᕆᐊᓕᐅᑉ ᐅᖃᐅᑎᕔᑦ, “ᑍᒤᑦᓴᕆᐊᖃᕐᐸᑦ, ᑍᒤᓕᐅᓕᕆᑦᓯ: ᓄᓇᑦᑕ ᐱᕈᕐᑐᖏᓐᓂᑦ ᐱᐅᓂᕐᐹᓂ ᓰᕐᓇᕐᑐᓂᒃ ᓇᒃᓴᕐᓗᓯ, ᑖᑦᓱᒧᖓ ᐊᖑᒻᒧᑦ ᐂᑦᑑᑎᒃᓴᐅᖁᓪᓗᒋᑦ, ᐸᐅᕐᖓᑯᓗᖕᓂᒃ ᕼᐊᓂᑯᓗᖕᓂᒡᓗ, ᑎᐱᑦᓯᐊᕆᒃᓴᐅᑎᓂᒃ, ᒧᕋᒥᒃ, ᖃᖅᑯᐊᒐᓂᒡᓗ ᐱᔅᑕᑦᓯᐅᓂᒃ, ᖃᖅᑯᐊᒐᓂᓗ ᐋᓪᒪᓐᓂᒃ.

ᒨᓯᓯ ᓯᕗᓪᓖᑦ 43:11 Iomraidhean Croise

ᒨᓯᓯ ᓯᕗᓪᓖᑦ 33:10

ᔧᑯ ᐅᖃᕐᐳᖅ, “ᐋᒃᑲ, ᖁᕕᐊᒋᒍᕕᖓ, ᑐᓂᕐᕈᑎᒃᑲ ᐃᓚᓕᐅᓕᒃᑭᑦ; ᑮᓇᕐᓂᒃ ᑕᑯᑎᓪᓗᖓ ᒎᑎᐅᑉ ᑮᓇᖓᓂᒃ ᑕᑯᔪᑎᑐᑦ ᑍᒤᓐᓇᒪ, ᖁᕕᐊᓱᑦᓯᐊᕐᓱᑎᑦ ᐃᓚᓕᐅᕋᕕᖓ.

ᒨᓯᓯ ᓯᕗᓪᓖᑦ 37:25

ᑕᕝᕙ ᐃᖏᑉᐳᑦ ᓂᕆᓇᓱᐊᓕᕐᓗᑎᒃ; ᑕᑯᓴᕋᒥᒡᓗ ᑕᑯᕗᑦ, ᐃᓯᒤᓕᒥᐅᓂᒃ ᐅᓄᕐᑐᓂᒃ ᐃᖏᕐᕋᖃᑎᒌᒃᑐᓂᒃ, ᓄᓇᒥᑦ ᒋᓕᐊᑎᒥᑦ ᐱᔪᓂᒃ ᑳᒥᓕᒃᑯᑦ ᐃᖏᕐᕋᔪᓂᒃ, ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᑐᑦ, ᐹᓪᒥᓂᒃ, ᒧᕆᓂᒡᓗ, ᐄᑦᔨᑉᑎᒧᓐᖓᐅᑎᔭᒥᖕᓂᒃ.

ᒨᓯᓯ ᓯᕗᓪᓖᑦ 43:10

ᑕᕝᕙ ᑭᖑᕙᐅᑎᒃᓴᖃᓚᐅᖏᒃᑯᑦᑕ, ᒫᓐᓇ ᒪᕐᕈᕕᒡᓗᑕ ᐅᑎᕐᓯᒪᓪᓗᐊᓕᕐᐳᒍᑦ.”

ᒨᓯᓯ ᓯᕗᓪᓖᑦ 43:14

ᒎᑎᐅᑉ ᐊᔪᒐᖃᖏᑦᑑᑉ ᓂᑲᒋᔭᐅᔪᓐᓇᕐᑎᓪᓕᓯ ᑖᑦᓱᒧᖓ ᐊᖑᒻᒧᑦ, ᐅᑎᕈᓐᓇᖁᓪᓗᓯ ᖃᑕᓐᖑᑎᓯ ᐃᓚᒋᓕᕐᓗᒍ ᐱᓐᔭᒥᓂᓗ. ᐅᕙᖓᓕ ᕿᑐᕐᖓᓐᓄᑦ ᕿᒃᓵᒃᑎᑕᐅᔭᕆᐊᖃᕈᒪ, ᑕᕝᕙ ᕿᒃᓵᖕᓂᐊᕐᐳᖓ.”

ᒨᓯᓯ ᓯᕗᓪᓖᑦ 43:15

ᑕᕝᕙ ᑖᒃᑯᐊ ᐂᑦᑑᑎᒃᓴᓂᒃ ᓇᒃᓴᕐᐳᑦ, ᑮᓇᐅᔧᓪᓗ ᒪᕐᕈᕕᓪᓗᐊᕐᑐᑦ ᓇᒃᓴᕆᕔᑦ, ᐱᓐᔭᒥᓂᓗ ᐃᓚᒋᓪᓗᒍ; ᐸᕐᓇᒃᑲᒥᒃ ᐊᐅᓪᓚᕐᐳᑦ ᐄᑦᔨᑉᑎᒧᑦ, ᑎᑭᓐᓇᒥᒡᓗ ᔫᓯᐱᒧᐊᕐᐳᑦ.

ᒨᓯᓯ ᓯᕗᓪᓖᑦ 43:25

ᑖᒃᑯᐊᓕ ᐂᑦᑑᑎᒃᓴᒥᖕᓂᒃ ᐊᑐᐃᓐᓇᕈᐃᕗᑦ ᔫᓯᐱ ᕿᑎᕋᓕᕐᒥ ᕾᒃᐸᑦ ᑐᓂᔭᒃᓴᒥᖕᓂᒃ, ᑐᓴᐅᒪᒐᒥᒃ ᑕᕝᕙᓂ ᓂᕆᖃᑎᒋᓂᐊᕐᒪᒋᑦ.

ᒨᓯᓯ ᓯᕗᓪᓖᑦ 43:26

ᔫᓯᐱᓕ ᐊᖏᕐᕋᕐᒪᑦ, ᐃᒡᓗᒧᑦ ᐃᑎᐅᑦᔨᕗᑦ ᐂᑦᑑᑎᒃᓴᒥᖕᓂᒃ ᓇᒃᓴᓚᐅᕐᑕᒥᖕᓂᒃ, ᑖᑦᓱᒧᖓᓗ ᐅᑯᕗᑦ ᓄᓇᒧᑦ ᐹᒻᒪᒃᓗᑎᒃ.

ᐊᑕᓃᑦ ᓯᕗᓪᓖᑦ 10:15

ᑕᒪᒃᑯᐊ ᐊᓯᖏᑎᒍᑦ ᐱᑎᑕᐅᕙᓚᐅᕆᕗᖅ ᑖᒃᓯᑎᒍᑦ ᐊᑭᓕᐅᑕᐅᔪᓂᒃ ᓂᐅᕕᐅᑎᑎᒍᑦ ᑕᐅᕐᓯᓃᓪᓗ ᕿᑐᕐᖏᐅᕐᓂᖏᑎᒍᑦ, ᐊᕅᐱᐊᒥᐅᓪᓗ ᐊᖓᔪᖅᑳᕐᔪᐊᖏᑕ ᑐᓂᔭᖏᑦ ᓄᓇᓕᖕᓄᓪᓗ ᓯᕗᓕᕐᑎᐅᔪᓂᑦ ᐃᓴᕆᐊᓕᑎᑦ ᓄᓇᖏᓐᓂᑦ.

ᐊᑕᓃᑦ ᓯᕗᓪᓖᑦ 10:25

ᑎᑭᑎᒋᔭᓕᒫᖏᑦ ᓇᒃᓴᕐᐸᓚᐅᕐᐳᑦ ᑐᓂᕐᕈᑎᒥᖕᓂᒃ ᑖᑦᓱᒧᖓ ᓯᐅᓪᕕᕆᓂᒃ ᒎᓗᓂᒃ ᐊᓐᓄᕌᓂᒃ, ᐅᓇᑕᐅᑎᓂᒃ, ᑎᐱᑎᕈᑎᓂᒡᓗ ᕿᒻᒥᕐᔪᐊᓂᒃ ᓯᐅᑎᖅᑯᕐᑐᔪᓂᒡᓗ, ᑕᒪᓐᓇᓗ ᑍᒤᖏᓐᓇᖃᑦᑕᓚᐅᕐᐳᖅ ᐊᕐᕌᒍᑕᒫᑦ.

ᐊᑕᓃᑦ ᓯᕗᓪᓖᑦ 15:19

“ᐊᖏᖃᑎᒌᓚᐅᕐᓗᒃ, ᐊᑖᑕᕗᒃ ᐊᖏᖃᑎᒌᒃᓯᒪᓚᐅᕐᒪᑎᒃ: ᑕᑯᒋᑦ, ᑐᓂᕙᒋᑦ ᓯᐅᓪᕕᕆᓂᒃ ᒎᓗᓂᒡᓗ; ᑕᑉᐱᕐᓱᐃᓃᑦ ᐹᓴᒥᒃ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᓂᒃ ᓄᖅᑲᕐᑎᓕᕈᒃ, ᐅᓇᑕᕐᑐᒃᓴᖁᑎᖏᑦ ᓄᓇᓐᓂᒃ ᑲᒪᔪᓐᓃᖁᓪᓗᒋᑦ.”

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᐊᑕᓃᑦ ᐂᑉᐸᖏᑦ 16:8

ᐂᕼᐊᔅ ᑲᑎᑦᓯᓪᓗᓂ ᓯᐅᓪᕕᕆᓂᒃ ᒎᓗᓂᒡᓗ ᐊᑕᓂᐅᑉ ᐃᒡᓗᖓᓂᑦ ᐊᖓᔪᖅᑳᕐᔪᐊᓪᓗ ᐃᒡᓗᒥᐅᑕᖏᓐᓂᒃ ᐃᓚᓐᓂᕐᓴᐅᑎᒋᓪᓗᒋᑦ ᑐᔫᑎᒋᕔᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓄᑦ.

ᐊᑕᓃᑦ ᐂᑉᐸᖏᑦ 20:12

ᑍᑦᓱᒪᓂ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᒥᕈᑖᒃ-ᐸᓚᑖᓐ ᐸᓚᑖᓂᐅᑉ ᐃᕐᓂᖓ ᑐᓴᐅᒪᓕᕋᒥ ᐊᖓᔪᖅᑳᕐᔪᐊᑉ ᕼᐃᓯᑬᐊᐅᑉ ᖃᓂᒪᓚᐅᕐᓂᖓᓂᒃ ᑎᑎᕋᕐᕕᒋᕚ ᑐᔪᕐᓗᒍᓗ.

ᐊᑕᓃᑦ ᐂᑉᐸᖏᑦ 8:8

ᐃᑲᔪᕐᑎᒥ ᐃᓚᖓᑦ ᕼᐊᔧᐅᓪ ᐅᖃᐅᑎᕚ, “ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᑐᓂᕐᕈᑎᒃᓴᒡᒋᕐᓗᑎᑦ ᐂᓚᐅᕆᑦ ᖃᐅᔨᓇᓱᐊᕐᕕᒋᓂᐊᕋᕕᐅᒃ ᐋᖅᑭᓛᕐᒪᖔᕐᒪ ᐋᖅᑭᓛᖏᒻᒪᖔᕐᒪᓘᓐᓃᑦ.”

ᐃᔅᑕᐅᑉ ᐊᒡᓚᖏᑦ 4:16

“ᔫᑎᓕᒫᑦ ᑲᑎᖁᓚᐅᒃᑭᑦ ᑕᕝᕙᓂ ᓲᓴᒦᑦᑐᑦ, ᐱᑦᔪᑎᒋᓗᖓ ᓂᕆᑦᑍᓕᖁᓪᓗᒋᑦ; ᐅᓪᓗᓂᒃ ᐱᖓᓱᓂᒃ ᓱᓇᒥᒡᓘᓐᓃᑦ ᓂᕆᖁᓇᒋᑦ ᐃᒥᖁᓇᒋᓪᓗ, ᐅᓐᓄᐊᒃᑯᑦ ᐅᓪᓗᒃᑯᓪᓘᓐᓃᑦ. ᐱᔨᒋᔭᒃᑲ ᐃᓚᒋᓗᒋᑦ ᓂᕆᑦᑍᓕᓂᐊᕆᕗᒍᑦ ᑍᒫᑦᓮᓐᓇᖅ. ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᒧᐊᓛᕐᐳᖓ, ᐱᖁᔭᖏᑦ ᒪᓕᒡᓗᒋᑦ ᑍᒤᑦᓴᕆᐊᖃᖏᒃᑲᓗᐊᕐᓗᖓ; ᑐᖁᑕᐅᓂᐊᕈᒪ, ᑕᕝᕙ ᑐᖁᑕᐅᓂᐊᕐᐳᖓ.”

ᐃᓐᖏᕈᑎᑦ 68:29

ᔨᕉᓴᓕᒦᑦᑐᖅ ᑐᒃᓯᐊᕐᕕᒃᔪᐊᖁᑏᑦ ᐱᓪᓗᒍ, ᐊᖓᔪᖅᑳᕐᔪᐊᑦ ᐂᑦᑑᑎᓂᒃ ᕾᑦᓯᕕᒋᓂᐊᕐᐹᑎᑦ.

ᐃᓐᖏᕈᑎᑦ 72:10

ᐊᖓᔪᖅᑳᕐᔪᐊᑦ ᑖᕐᓯᓯᒥᐅᑦ ᐅᖓᓯᒃᑐᒥᐅᓪᓗ ᑐᓂᕐᕈᑎᓂᒃ ᕾᑦᓯᔪᒫᕐᐳᑦ; ᐊᖓᔪᖅᑳᕐᔪᐊᓪᓗ ᓰᐸᒥᐅᑦ ᓰᕙᒥᐅᓪᓗ ᑐᓂᕐᕈᑎᒥᖕᓂᒃ ᐋᑦᓯᔪᒫᕐᐳᑦ.

ᐃᓐᖏᕈᑎᑦ 76:11

ᐊᖏᒻᒪᕆᒋᑦᓯ ᐊᑕᓂᕐᒧᑦ ᒎᑎᑦᓯᓐᓄᑦ, ᑲᔪᓯᑎᑦᓯᐊᕐᓗᒋᓪᓗ; ᑲᓂᒋᔭᖓᓃᑦᑐᓕᒫᑦ ᑐᓂᕐᕈᓯᓕᕐᓕᑦ ᑖᑦᓱᒧᖓ ᓯᕘᕋᒋᔭᐅᔭᕆᐊᖃᕐᑐᒧᑦ.

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:18

ᐃᓄᒃ ᓯᓔᑦᑐᖅ ᑎᒎᑎᓂᒃᑯᑦ ᐊᖏᖃᑎᒌᒍᑎᓕᐅᓲᖑᕗᖅ, ᐃᓚᓐᓇᕆᔭᒥᓄᑦ ᓱᓕᔪᕐᓇᐅᑎᒋᔪᒪᓪᓗᓂᐅᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:16

ᐃᓄᒃ ᑐᓂᔭᒃᓴᒥᓄᑦ ᐅᒃᑯᐃᕈᑦᔭᐅᕗᖅ ᐊᖓᔪᖅᑳᓪᓗ ᓵᖏᓐᓄᑦ ᐱᑎᑕᐅᑦᔪᑎᒋᓪᓗᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:6

ᐅᓄᕐᑐᑦ ᑐᓂᐅᖅᑬᓲᒧᑦ ᐱᐅᒋᔭᐅᔪᒪᓲᖑᕗᑦ, ᐃᓘᓐᓇᑎᒃᓗ ᐃᓚᓐᓈᖃᕐᐳᑦ ᑐᓂᔭᒃᓴᖃᕐᑐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:14

ᓂᓐᖓᐅᒪᔪᖅ ᑐᓂᔭᐅᒍᓂ ᖃᐅᔨᑎᑕᐅᖏᓪᓗᓂ ᓮᒻᒪᕈᑎᒋᔪᓐᓇᕐᐹ, ᐃᓚᓐᓂᕐᓴᐅᑎᒥᒃ ᑐᓂᓯᓂᖅ ᓮᒻᒪᕐᑎᑦᓯᔪᓐᓇᕆᕗᖅ ᓂᓐᖓᕐᔪᐊᕐᓯᒪᔪᒥᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 4:10

ᓇᒡᓕᖕᓃᑦ ᒪᒪᕐᑐᐊᓘᖕᒪᑦ, ᓇᔮᒃ, ᓄᓕᐊᒃᓵᒃ! ᓇᒡᓕᖕᓃᑦ ᒪᒪᕐᓂᕐᓴᐅᕗᖅ ᕔᓂᒥᑦ, ᐅᕐᓱᕐᑎᕈᑎᕕᓪᓗ ᑎᐱᖓ ᒪᒪᕐᓂᕐᓴᐅᕗᖅ ᑎᐱᑦᓯᐊᕆᒃᑐᓂᑦ ᑕᒤᓐᓂᑦ!

ᓲᓗᒨᓂᐅᑉ ᐃᓐᖏᕈᓯᖏᑦ 4:14

ᓈᕐᑎᓪᓗ, ᓵᕗᕌᓃᓪᓗ, ᑳᓚᒨᓰᓪᓗ, ᓯᓇᒤᓪᓗ, ᓇᐹᕐᑐᓕᒫᓪᓗ ᕗᕌᖕᑭᓐᓯᓐᓯᓂᒃ ᐱᕈᕐᕕᐅᕙᒃᑐᑦ, ᒧᕇᓪᓗ, ᐋᓘᐃᓪᓗ, ᓂᕿᒧᓪᓗ ᐃᓚᒃᓮᑦ ᒪᒪᕐᑐᓕᒫᑦ, ᐃᓕᖕᓂ ᐱᕈᕐᐳᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 8:14

ᓇᒡᓕᒋᔮᒃ, ᕾᒋᑦ ᑐᐊᕕᕐᓗᑎᑦ, ᑐᒃᑐᖓᔪᑎᑐᑦ ᓱᒃᑲᓕᔪᑎᑐᑦ ᐅᕝᕙᓘᓐᓃᑦ ᐸᖕᓂᖑᕋᑖᕐᑐᑐᑦ, ᖃᖅᑲᑎᒍᑦ ᑎᐱᑦᓯᐊᕆᒃᑐᓂᒃ ᐱᕈᕐᕕᐅᔪᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 8:22

ᓄᓇᒥ ᒋᓕᐊᑎᒥᐅᓂ ᐊᓪᓚᕈᑦᔭᒐᕐᑕᖃᓐᖏᓛᖅ? ᐃᓅᓕᓴᐅᑎᒃᓴᒥᒃ? ᐋᓐᓂᐊᓯᐅᑎᑕᖃᕈᓐᓃᕐᒫᑦ ᑍᑲᓂ? ᐃᓄᖁᑎᒪ ᑭᓪᓕᖏᓐᓄᑦ ᐋᖅᑭᒃᑕᐅᓇᕐᑐᕐᑕᖃᕈᓐᓃᕐᐹ?

ᐃᓯᑭᐊᓕᐅᑉ ᐊᒡᓚᖏᑦ 27:15

ᕉᑎᓯᒥᐅᑦ ᑕᐅᕐᓰᖃᑎᒋᕙᒃᐸᓯ; ᐃᒪᐅᓪᓗ ᓯᓈᓂᒥᐅᑦ ᑕᐅᕐᓰᖃᑎᒋᓂᕐᐹᕆᕙᒡᓗᒋᑦ, ᑖᒃᑯᓇᓐᖓᑦ ᐊᑭᓕᕐᑕᐅᕙᒃᓗᓯ ᑑᒑᕐᓂᒃ ᕿᔪᖕᓂᒡᓗ ᓯᑎᔪᔭᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 27:17

ᔫᑕᒥᐅᑦ ᐃᓴᕆᐊᓕᒥᐅᓪᓗ ᑕᐅᕐᓰᖃᑎᒋᖃᑦᑕᕆᕙᓯ ᓂᐊᖂᔭᒃᓴᓂᒃ, ᐸᐅᕐᖓᓂᒃ ᐅᕐᓱᒃᓴᓂᒃ ᐸᐅᕐᖓᓂᒡᓗ ᐱᒋᓕᖕᓂᒃ, ᕼᐊᓂᒥᒃ, ᐅᕐᓱᒃᓴᓂᒃ, ᒥᖑᐊᕈᑎᒃᓴᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 27:22

ᓰᐸᒥᐅᑦ ᕌᒪᒥᐅᓪᓗ ᓂᐅᕕᕋᕐᑎᖏᑕ ᑕᐅᕐᓰᕕᒋᕙᒃᐹᓯ ᐱᐅᓴᐅᑎᓂᒃ ᐅᔭᕋᖕᓂᒃ, ᒎᓗᓂᒃ ᓂᕿᓄᓪᓗ ᒪᒪᕐᓴᐅᑎᒃᓴᓂᒃ ᐱᐅᓂᕐᐹᓂᒃ.

ᒨᓯᓯ ᐱᖓᔪᖏᑦ 20:24

ᐃᓕᑦᓯᓕ ᐅᖃᐅᑎᕙᑦᓯ ᓄᓇ ᐱᑖᕆᓂᐊᕋᓯᐅᒃ; ᐃᓕᑦᓯᓐᓄᑦ ᑐᓂᓂᐊᕋᒃᑯ, ᓄᓇ ᐊᔪᕐᓴᕐᓇᖏᑦᑐᖅ ᐱᕈᕐᕕᐅᑦᓯᐊᕈᓐᓇᕐᑐᕐᓗ ᐱᑖᕆᓂᐊᕋᑦᓯᐅᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᓴᓂᕐᕙᒃᑎᓯᒪᒐᑦᓯ ᐃᓅᖃᑎᒌᒡᔪᐊᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 21:14

ᓴᖑᑎᑕᒃᓴᐅᖏᒻᒪᑦ ᓴᐱᓕᕋᑦᑕ ᐅᖃᓕᕐᐳᒍᑦ, “ᐊᑕᓂᐅᑉ ᐱᔪᒪᔭᖓ ᐱᓕᕐᓕ.”

ᒨᓯᓯ ᑕᓪᓕᒪᖏᑦ 33:14

ᐱᐅᓂᕐᐹᓄᑦ ᐸᐅᕐᖓᓄᑦ ᓯᕿᓂᕐᒧᑦ ᐱᕈᕐᑎᑕᐅᔪᓄᑦ, ᐱᕈᕐᕕᐅᓯᐊᕐᐸᒡᓗᓂ ᐱᕈᕐᑐᑦ ᐱᕈᕐᐸᓪᓕᐊᕕᖏᓐᓂ ᑕᖅᑭᓂ.

ᓴᒧᐃᓕ ᓯᕗᓪᓖᑦ 25:27

ᑖᒃᑯᐊᓗ ᐱᔨᕕᑦ ᑐᓂᔭᖏᑦ ᓈᒻᒪᒋᑭᑦ, ᑐᓂᔭᐅᓗᑎᒡᓗ ᐃᓅᓱᒃᑐᖁᑎᖕᓄᑦ ᐊᖓᔪᖅᑳᓐᓂᒃ ᓈᓚᒃᑐᓄᑦ.

ᓴᒧᐃᓕ ᓯᕗᓪᓖᑦ 9:7

ᓴᐅᓕᓕ ᑭᐅᕗᖅ, “ᑕᑯᒋᑦ ᑖᑦᓱᒧᖓᓕ ᐂᒍᑦᑕ ᓱᓇᒦᒃ ᐂᑦᑑᑎᒃᓴᖃᕐᐱᑖ? ᓂᕿᖃᕈᓐᓃᕋᑦᑕ, ᐱᖁᑎᖃᕐᓇᑕᓗ ᓱᓇᒥᒡᓕ ᒎᑎᐅᑉ ᐃᓄᖁᑎᖓᓄᑦ ᑐᓂᓯᔪᓐᓇᕋᔭᕐᐱᑖ?”