ᒨᓯᓯ ᓯᕗᓪᓖᑦ 42:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:

ᒨᓯᓯ ᓯᕗᓪᓖᑦ 42:18 Iomraidhean Croise

ᒨᓯᓯ ᓯᕗᓪᓖᑦ 20:11

ᐂᑉᕋᕼᐋᒻ ᑭᐅᕚ, “ᑍᒤᓕᐅᓚᐅᕐᐳᖓ ᐃᓱᒪᖃᓚᐅᕋᒪ, ᐅᕙᓂ ᓄᓇᒥ ᒎᑎᒥᒃ ᓯᕘᕋᔪᖃᕋᓱᒋᓇᒍ, ᑐᖁᑕᐅᓂᐊᕋᓱᒋᓚᐅᕋᒪ ᓄᓕᐊᓐᓂᒃ ᐱᔪᒪᔪᓄᑦ.

ᒨᓯᓯ ᓯᕗᓪᓖᑦ 39:9

ᐃᒡᓗᖓᓂᓗ ᐅᕙᓐᓂᑦ ᐊᖓᔪᖅᑳᖑᓂᕐᓴᕐᑕᖃᓐᖏᓚᖅ, ᓱᓇᓕᒫᒥᓂᒡᓗ ᐃᓪᓕᕈᑎᖏᑦᓯᐊᕐᓗᓂᖓ ᐃᕝᕕᑐᐊᖅ ᐂᑦᑑᑎᒋᓯᒪᓐᖏᓛᑎᑦ, ᑖᑦᓱᒪ ᓄᓕᐊᕆᖕᒪᑎᑦ; ᖃᓄᕐᓕ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕐᕈᓐᓇᕐᐳᖓ, ᐊᔪᕐᑐᓕᓗᖓᓗ ᒎᑎᒧᑦ?”

ᒨᓯᓯ ᓯᕗᓪᓖᑦ 42:19

ᓴᒡᓗᕿᑦᓯᔨᐅᓐᖏᒍᑦᓯ, ᖃᑕᓐᖑᑎᑦᓯ ᐃᓚᖓᑦ ᐊᑕᐅᓯᖅ ᐅᕙᓂ ᑎᒍᔭᐅᓯᒪᓚᐅᕐᓕ ᐃᓂᒋᔭᑦᓯᓐᓂ, ᐃᓕᑦᓯ ᑕᒪᑦᓯ ᐊᐅᓪᓚᕐᑎᓪᓗᓯ ᓂᐊᖂᔭᒃᓴᓂᒃ ᓇᒃᓴᕐᓗᓯ ᐃᒡᓗᒥᐅᖃᑎᓯᓐᓄᑦ ᑳᖕᓇᕐᑐᕐᔪᐊᖅ ᐱᑦᔪᑎᒋᓪᓗᒍ,

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 5:9

ᑕᕝᕙ ᐅᖃᒃᑲᓐᓂᓕᕐᐳᖓ, “ᐱᓂᐊᕐᓂᕆᔭᑦᓯ ᐱᐅᓐᖏᓚᖅ! ᒎᑎᒥᒃ ᐃᒃᐱᒍᓱᑦᓯᐊᕆᐊᖃᕐᐳᓯ ᐱᐅᔪᒥᒡᓗ ᐱᓇᓱᐊᕐᓗᓯ, ᐊᑭᕋᕐᑐᕐᑎᕗᓪᓗ ᔫᑎᐅᖏᑦᑐᑦ ᐃᓅᖃᑎᒌᒡᔪᐊᑦ ᐱᑦᔪᑎᒃᓴᕐᑖᕐᑎᑕᒃᓴᕆᓐᖏᓚᕗᑦ ᐊᑭᕋᕐᑐᕈᑎᒃᓴᒥᒃ.

ᔫᐱᐅᑉ ᐊᒡᓚᖏᑦ 1:1

ᐊᖑᑎᑕᖃᓚᐅᕐᐳᖅ ᔫᐱᒥᒃ ᐊᑎᓕᖕᒥᒃ, ᓄᓇᒥ ᐅᔾᒥ ᐊᑎᓕᖕᒥ, ᐊᖑᓪᓗ ᑖᓐᓇ ᐸᓯᔭᒃᓴᐅᓂᖃᓚᐅᓐᖏᓚᖅ ᒪᑭᑕᑦᓯᐊᕐᓗᓂᓗ, ᒎᑎᒧᓪᓗ ᑐᒃᓯᐊᕐᕕᖃᖃᑦᑕᕐᓗᓂ, ᐱᐅᖏᑦᑐᓕᓂᕐᒥᒡᓗ ᐊᑐᕐᑍᓕᒪᓪᓗᓂ.

ᒨᓯᓯ ᐂᑉᐸᖏᑦ 1:17

ᑖᒃᑯᐊᒡᓕ ᐃᕐᓂᓱᒃᓰᔩᒃ ᒎᑎᒥᒃ ᓯᕘᕋᒐᒥᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒃ ᓈᓚᓚᐅᓐᖏᓛᒃ. ᕿᑐᕐᖓᕐᑖᖑᔪᑦ ᐊᖑᑕᐅᒐᓗᐊᕌᖓᑕ ᐆᒪᑎᑦᓯᖃᑦᑕᓚᐅᕐᐴᒃ.

ᒨᓯᓯ ᐂᑉᐸᖏᑦ 18:21

ᐃᓄᖕᓂᓪᓕ ᓂᕈᐊᕐᑐᒃᓴᐅᕗᑎᑦ ᐱᔪᓐᓇᑦᓯᐊᕐᑐᓂᒃ, ᒎᑎᒥᒡᓗ ᓈᓚᑦᓯᐊᕐᑐᓂᒃ, ᐅᒃᐱᕆᔭᒃᓴᐅᑦᓯᐊᕐᑐᓂᒃ ᓯᓔᕐᕆᔭᐅᔭᖏᑦᑐᓂᒡᓗ; ᑍᒤᑦᑐᑦ ᑕᓯᐅᕐᑎᓐᖑᕐᑎᓚᐅᒃᑭᑦ ᐃᓄᖕᓄᑦ 1,000ᓄᑦ, ᐃᓚᖏᑦ 100ᓄᑦ, ᐃᓚᖏᓪᓗ 50ᓄᑦ, ᐃᓚᖏᓪᓗ 10ᓄᑦ.

ᒨᓯᓯ ᐱᖓᔪᖏᑦ 25:17

ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᐱᖓᔪᖏᑦ 25:43

ᐱᔨᐅᓕᕌᖓᑕ ᐃᓖᔭᕐᓱᕆᐊᖃᓐᖏᓚᓯᐅᒃ, ᒎᑎᓯᓕ ᓯᕘᕋᒋᔭᕆᐊᖃᕐᐸᓯ.

ᓘᑲᓯᐅᑉ ᐊᒡᓚᖏᑦ 18:2

ᐅᖃᐅᑎᕔᑦ, “ᓄᓇᓕᖕᓂ ᐃᖅᑲᕐᑐᐃᔨᑕᖃᓚᐅᕐᐳᖅ ᒎᑎᒥᒃ ᓯᕘᕋᖏᑦᑐᒥᒃ, ᐃᓄᖕᓂᒡᓗ ᐃᓕᕋᓱᒐᓂ.

ᓘᑲᓯᐅᑉ ᐊᒡᓚᖏᑦ 18:4

ᐃᖅᑲᕐᑐᐃᔨ ᐊᑯᓂ ᐅᐸᓚᐅᓐᖏᓚᖅ; ᑭᖑᓂᖓᒍᓪᓕ ᐃᓱᒪᓕᕐᐳᖅ, ‘ᒎᑎᒥᒃ ᓯᕘᕋᖏᒃᑲᓗᐊᕐᐳᖓ ᐃᓄᖕᓂᒡᓗ ᐃᓕᕋᓱᖕᓇᖓ.