ᒨᓯᓯ ᓯᕗᓪᓖᑦ 42:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑍᒤᒻᒪᑦ ᐃᒫᒃ ᖃᐅᔨᓴᕐᑕᐅᓂᐊᕐᐳᓯ: ᐰᕉ ᐃᓅᖕᒪᑦ, ᑕᒫᓐᖓᑦ ᐊᐅᓪᓚᕐᓂᐊᓐᖏᓚᓯ ᓄᑲᕐᓯᕐᐹᕆᔭᓯ ᑕᒪᐅᓐᖓ ᑎᑭᑎᑕᐅᖅᑳᕐᑎᓐᓇᒍ.

ᒨᓯᓯ ᓯᕗᓪᓖᑦ 42:15 Iomraidhean Croise

ᒨᓯᓯ ᓯᕗᓪᓖᑦ 42:12

ᑖᑦᓱᒪ ᐅᖃᐅᑎᕔᑦ, “ᑍᒤᓐᖏᓚᖅ, ᓄᓇ ᓇᐅᒃᑯᑦ ᓵᓚᒋᔭᒃᓴᐅᖕᒪᖔᑦ ᑕᑯᔭᕐᑐᕐᐸᓯ.”

ᒨᓯᓯ ᓯᕗᓪᓖᑦ 42:14

ᔫᓯᐱᐅᓪᓕ ᐅᖃᐅᑎᕔᑦ, “ᓲᕐᓗ ᐅᖃᐅᑎᖅᑲᐅᒐᑦᓯ ᓱᓕᕗᑦ, ᐅᖃᖅᑲᐅᒐᒪ, ‘ᓄᓇᒥᒃ ᐃᔨᕋᕐᑐᕐᓗᓯ ᖃᐅᔨᓴᕆᐊᕐᓯᒪᕗᓯ!’

ᒨᓯᓯ ᓯᕗᓪᓖᑦ 42:16

ᐃᓚᓯ ᐊᑕᐅᓯᖅ ᑎᓕᓚᐅᕐᓯᐅᒃ, ᓄᑲᕐᓯᕐᐹᑦᓯᓐᓂᒃ ᐂᒃᓯᖁᓪᓗᒍ, ᐃᓕᑦᓯᓕ ᐅᕙᓂ ᑎᒍᔭᐅᓯᒪᕕᖕᒦᖕᓂᐊᕐᐳᓯ, ᐅᖃᐅᓯᓯ ᓱᓕᖕᒪᖔᑕ ᖃᐅᔨᓴᕐᑕᐅᓂᖏᓐᓂ, ᓱᓕᓂᖃᕐᒪᖔᑦᓯ; ᑍᒤᖏᑉᐸᓪᓕ, ᐰᕉ ᐃᓅᖕᒪᑦ, ᖁᓚᕐᓇᖏᑦᑐᒥᒃ ᓄᓇᒥᒃ ᐃᔨᕋᕐᑐᕐᓗᓯ ᖃᐅᔨᓴᕆᐊᕐᓯᒪᕗᓯ.”

ᒨᓯᓯ ᓯᕗᓪᓖᑦ 42:20

ᓄᑲᕐᓯᕐᐹᓯᓗ ᐅᕙᓐᓄᑦ ᕾᑎᑕᒃᓴᕆᕙᓯ; ᐅᖃᐅᓯᓯ ᑕᕝᕙ ᐅᒃᐱᕆᓕᕐᓂᐊᕐᐸᒃᑲ, ᑐᖁᑕᐅᓂᐊᕋᓯᓗ.” ᑖᒃᑯᐊᓗ ᑕᒪᑐᒥᖓ ᐊᖏᕐᐳᑦ.

ᒨᓯᓯ ᓯᕗᓪᓖᑦ 42:30

“ᐊᖑᑎᐅᑉ, ᓄᓇᒥ ᐊᖓᔪᖅᑳᖑᔫᑉ, ᐃᓕᕋᓇᕐᑐᒥᒃ ᐅᖃᓪᓚᒡᕕᒋᓚᐅᕐᐹᑎᒍᑦ, ᓄᓇᒥᒃ ᐃᔨᕋᕐᑐᕐᓗᑕ ᖃᐅᔨᓴᕐᑎᐅᓂᕋᓚᐅᕐᐹᑎᒍᑦ.

ᒨᓯᓯ ᓯᕗᓪᓖᑦ 42:34

ᓄᑲᓯ ᓄᑲᕐᓯᕐᐹᖅ ᐅᕙᓐᓄᑦ ᕾᑎᓯᐅᒃ; ᑕᕝᕙ ᖃᐅᔨᓂᐊᕐᐳᖓ ᓄᓇᒥᒃ ᐃᔨᕋᕐᑐᕐᓗᓯ ᖃᐅᔨᓴᕐᑎᐅᖏᓐᓂᑦᓯᓐᓂ ᓴᒡᓗᕿᑦᓯᔨᐅᖏᓐᓂᑦᓯᓐᓂᒡᓗ, ᖃᑕᓐᖑᑎᓯᓗ ᐃᓕᑦᓯᓐᓄᑦ ᑐᓂᓂᐊᕐᐸᕋ, ᑕᕝᕙ ᓂᐅᕕᕈᓐᓇᕐᓯᓂᐊᕐᐳᓯ ᑕᕝᕙᓐᖓᑦ ᓄᓇᒥᑦ.’”

ᒨᓯᓯ ᓯᕗᓪᓖᑦ 42:7

ᔫᓯᐱᐅᓪᓕ ᐊᖓᔪᓂ ᑕᑯᒐᒥᒋᑦ, ᐃᓕᑕᕆᕔᑦ, ᖃᐅᔨᒪᓐᖏᑕᒥᑐᓪᓕ ᐱᓂᐊᕐᕕᒋᕔᑦ ᓂᑲᒋᓇᒋᓪᓗ ᐅᖃᕐᕕᒋᕔᑦ. ᐅᖃᕐᓗᓂ, “ᓇᑭᓐᖔᕐᓯᒪᕕᓰ?” ᑖᒃᑯᐊ ᑭᐅᕗᑦ, “ᓄᓇᒥᑦ ᑬᓇᓂᒥᑦ ᐱᓯᒪᕗᒍᑦ, ᓂᐅᕕᕆᐊᕐᓗᑕ ᓂᕿᒃᓴᒥᒃ.”

ᒨᓯᓯ ᓯᕗᓪᓖᑦ 43:3

ᔫᑕᐅᓪᓕ ᐅᖃᐅᑎᕙ, “ᑖᑦᓱᒪ ᐊᖑᑎᐅᑉ ᑯᒃᓴᓇᕐᑐᓪᓚᕆᐊᓗᖕᒥᒃ ᐅᖃᐅᑎᓚᐅᕐᐹᑎᒍᑦ, ᐅᖃᕐᓗᓂ, ‘ᑮᓇᕋ ᑕᑯᓂᐊᓐᖏᓚᓯ, ᓄᑲᓯ ᐃᓚᒋᓐᖏᑐᐊᕈᑦᓯᐅᒃ.’

ᒨᓯᓯ ᓯᕗᓪᓖᑦ 43:5

ᑭᓯᐊᓂᓕ ᐅᕙᑦᑎᓐᓄᑦ ᒪᓕᒃᑎᓐᓂᐊᓐᖏᑐᐊᕈᕕᐅᒃ, ᑕᐅᓄᖓ ᐊᐅᓪᓚᕐᓂᐊᓐᖏᓚᒍᑦ, ᑖᑦᓱᒪ ᐊᖑᑎᐅᑉ ᐅᖃᐅᑎᓚᐅᕐᒪᑎᒍᑦ, ‘ᑮᓇᕋ ᑕᑯᓂᐊᓐᖏᓚᓯ, ᓄᑲᓯ ᐃᓚᒋᓐᖏᑐᐊᕈᑦᓯᐅᒃ.’”

ᔨᕆᒤᐊᐅᑉ ᐊᒡᓚᖏᑦ 5:2

ᐅᖃᕋᓗᐊᕐᓗᑎᒃ ᐊᑕᓂᐅᑉ ᐊᑎᖓᓂ ᐱᓂᐊᕐᓂᕋᕐᓗᑎᒃ ᑭᓯᐊᓂᓕ ᓱᓕᑎᑦᓯᕙᓐᖏᓚᑦ ᐅᖃᕐᑕᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 5:7

“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᔧᒥᓯᐅᑉ ᐊᒡᓚᖏᑦ 5:12

ᐊᖏᓂᕐᐹᒥᒡᓕ ᐅᒃᐱᕐᑑᖃᑎᒃᑲ, ᐊᖏᕈᑎᖃᕌᖓᑦᓯ ᓱᓕᒃᑲᓐᓂᕈᑎᖃᕋᓱᒡᓗᓯ ᐅᖃᕕᒃᑐᒃᓴᐅᓐᖏᓚᓯ ᕿᓚᖕᒥᑦ ᓄᓇᒥᓪᓗ ᑍᓯᖃᓯᐅᑦᔨᓗᓯ, ᐅᕝᕙᓘᓐᓃᑦ ᐊᓯᖏᓐᓄᑦ, ᐃᒫᒡᓕ ᐅᖃᕐᐸᒋᑦᓯ; ᐊᖏᕈᑎᖃᕐᓗᓯ ᓱᓕᓗᑎᑦ ᐊᖏᕈᕕᑦ ᐊᖏᖏᓪᓗᑎᓪᓗ ᓱᓕᓗᑎᑦ ᐊᖏᖏᒃᑯᕕᑦ, ᐃᖅᑲᕐᑐᕐᑕᐅᑦᔪᑎᒃᓴᖃᖁᓇᓯ.

ᓴᒧᐃᓕ ᓯᕗᓪᓖᑦ 1:26

ᕼᐋᓇᓗ ᐅᖃᕐᐳᖅ, “ᐊᖓᔪᖅᑳᒃ! ᐃᖅᑲᐅᒪᕕᖔ? ᑖᓐᓇᐅᕗᖓ ᐊᕐᓇᖅ ᑕᕝᕙᓃᑎᓪᓗᑎᑦ ᑕᑯᓚᐅᕐᓯᒪᔧᑦ ᑕᒫᓂ ᓇᖏᕐᑎᓪᓗᖓ, ᑐᒃᓯᐊᕐᑎᓪᓗᖓ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 17:55

ᓴᐅᓕᓕ ᑍᕕᑎᒥᒃ ᑕᑯᓐᓇᕋᒥ ᐱᓕᔅᑍᓂᒧᑦ ᐂᓕᕐᑎᓪᓗᒍ, ᐋᑉᓄᒧᑦ ᐅᖃᕐᐳᖅ, ᐅᓇᑕᕐᑐᒃᓴᓄᑦ ᐊᖓᔪᖅᑲᐅᔪᒧᑦ, “ᐋᑉᓅ ᑭᐊᖑᓇ ᐃᕐᓂᖓ ᐃᓅᓱᒃᑐᖅ?” ᐋᑉᓄ ᐅᖃᕐᐳᖅ, “ᐊᖓᔪᖅᑳᕐᔪᐊᖅ, ᖃᐅᔨᒪᓐᖏᓚᖓ.”

ᓴᒧᐃᓕ ᓯᕗᓪᓖᑦ 20:3

ᑍᕕᑎᓕ ᑭᐅᕗᖅ, “ᐊᑖᑍᑦ ᖃᐅᔨᒪᑦᓯᐊᕐᐳᖅ ᖃᓄᖅ ᐱᑦᓯᐊᕐᑎᒋᖕᒪᖔᕐᐱᑦ ᐅᕙᓐᓂᒃ, ᐃᓱᒪᖃᕐᐳᕐᓕ, ‘ᔫᓇᑕᓂ ᑕᒪᑐᒥᖓ ᖃᐅᔨᑎᑕᐅᑦᑍᓕᓕ, ᕿᒃᓵᓕᖁᓇᒍ.’ ᓱᓕᑦᓯᐊᕐᐳᖓ, ᐊᑕᓂᐅᑉ ᐆᒪᓂᖓᒍᑦ ᐃᕝᕕᓪᓗ, ᑐᖂᑉ ᐊᓪᓗᕆᐊᕐᓂᖓᓃᓕᕋᒪ.”