ᒨᓯᓯ ᓯᕗᓪᓖᑦ 41:42 - ᐊᒡᓔᑦ ᐃᑦᔪᕐᖕᓁᑦᑐᑦ

⁴² ᑕᕝᕙ ᐰᕉᑉ ᕿᑎᕐᓯᕐᒥᐅᑕᓂ ᐊᑐᕐᑕᓂ ᐲᕐᓗᒍ ᔫᓯᐱ ᐊᑎᑎᑉᐹ, ᐅᓕᒡᔪᐊᒥᒡᓗ ᖃᓪᓗᓈᕐᑕᑦᓯᐊᕙᖕᒥᒃ ᐊᑎᑎᓪᓗᒍ, ᒎᓗᓂᒡᓗ ᖁᖓᓯᕐᒥᐅᑕᕐᓂᒃ ᐊᑎᑎᒃᑭᓪᓗᒍ;

ᒨᓯᓯ ᓯᕗᓪᓖᑦ 41:42 Iomraidhean Croise

ᒨᓯᓯ ᓯᕗᓪᓖᑦ 38:18

ᑖᑦᓱᒪ ᐊᐱᕆᕚ, “ᖃᓄᐃᑦᑐᒥᒃ ᓇᓗᓁᒃᑯᑕᒥᒃ ᑐᓂᓯᕕᒋᒐᔭᕋᒃᑭᑦ?” ᑖᓐᓇ ᑭᐅᕗᖅ, “ᓇᓗᓁᒃᑯᑕᕕᑦ ᓇᕿᑦᓯᑦᔪᑎᖓᓂᒃ ᐃᐱᐅᑕᖓᓂᒡᓗ, ᐊᔭᐅᑉᐱᐊᕐᓂᒡᓗ ᑎᒍᒥᐊᕐᑕᕐᓂᒃ.” ᑕᕝᕙ ᑖᒃᑯᐊ ᑐᓂᕔᑦ ᑖᑦᓱᒧᖓ, ᐃᓐᓇᖓᖃᑎᒋᓪᓗᒍᓗ, ᐊᕐᓇᕐᓗ ᓄᑕᕋᒃᓴᕐᑖᕐᐳᖅ ᑖᑦᓱᒪᓐᖓᑦ.

ᒨᓯᓯ ᓯᕗᓪᓖᑦ 41:43

ᐊᒃᓴᓗᐊᓕᖁᑎᖓᑕᓗ ᑐᖓᓕᖓᑕ ᐃᑭᒪᕕᖓᓂ ᐃᑭᑎᓪᓗᒍ ᐃᖏᕐᕋᑎᑉᐹ; ᐅᐱᒍᓱᒃᑎᑕᐅᔪᓪᓗ ᓯᕗᓂᖓᓃᑦᑐᑦ ᕾᒐᓛᕐᐳᑦ, “ᑖᑦᓱᒧᖓ ᐅᑯᒋᑦᓯ!” ᑍᒤᓕᐅᕐᓗᓂ ᑕᕝᕙ ᐄᑦᔨᑉᑎᓕᒫᒧᑦ ᐊᐅᓚᑦᓯᔨᕈᕐᑎᓚᐅᕐᐹ.

ᐃᔅᑕᐅᑉ ᐊᒡᓚᖏᑦ 10:3

ᒧᐊᑎᑬ ᔫᑎ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᑐᖓᓕᕆᔭᐅᓚᐅᕐᐳᖅ, ᐊᔪᖏᑦᑐᖁᑎᒋᔭᐅᓚᐅᕐᐳᖅ ᔫᑎᓂᑦ, ᐱᐅᒋᔭᐅᓪᓗᓂᓗ ᐃᓅᖃᑎᒥᓄᑦ, ᐊᔪᕈᓐᓃᕈᑎᒃᓴᖏᓐᓂᒃ ᐃᓅᖃᑎᖏᑕ ᕿᓂᖃᑦᑕᓚᐅᕐᒪᑦ, ᐃᓅᖃᑎᒥᓄᓪᓗ ᓮᒪᓇᕐᑐᓂᒃ ᐅᖃᐅᓯᖃᖃᑦᑕᕐᓗᓂ.

ᐃᔅᑕᐅᑉ ᐊᒡᓚᖏᑦ 3:10

ᑕᕝᕙ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᓂ ᓇᓗᓁᒃᑯᓯᕈᑎᒋᓲᓂ ᐲᕐᐹ, ᑐᓂᓪᓗᒍᓗ ᕼᐂᒪᓂᒧᑦ, ᕼᐊᒥᑕᑕᐅᑉ ᐃᕐᓂᖓᓄᑦ ᐊᒡᒐᒊᑎᒥᐅᑕᕐᒧᑦ, ᔫᑎᑦ ᐊᑭᕋᕐᑐᕐᑎᖓᓐᓄᑦ.

ᐃᔅᑕᐅᑉ ᐊᒡᓚᖏᑦ 3:12

ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᓕᕐᐳᑦ ᐅᓪᓗᐃᑦ 13ᖓᓐᓂ ᑕᖅᑮᑦ ᓯᕗᓪᓕᕐᐹᖓᓐᓂ, ᐱᖁᔭᓕᐊᖑᔪᒥᒡᓗ ᑎᑎᕋᕐᐳᑦ ᕼᐂᒪᓂᐅᑉ ᐱᖁᔨᑦᔪᑎᒋᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᓐᓄᑦ, ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᐊᐅᓚᑦᓯᔨᓄᑦ ᑐᕌᕐᑎᑕᐅᖁᓪᓗᒋᑦ, ᐃᓄᓕᒫᓄᑦ ᐅᖃᐅᓯᖃᑎᒌᖏᑦᑐᓄᑦ ᐅᖃᐅᓯᖏᑦ ᒪᓕᒡᓗᒋᑦ. ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ ᑎᑎᕋᕐᑕᐅᕗᑦ, ᓇᓗᓁᒃᑯᓯᕐᑕᐅᓪᓗᑎᒡᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᑕ ᓇᓗᓁᒃᑯᑕᖓᓄᑦ.

ᐃᔅᑕᐅᑉ ᐊᒡᓚᖏᑦ 8:10

ᒧᐊᑎᑬᓗ ᑎᑎᕋᕐᑕᐅᑎᑦᓯᕗᖅ ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ, ᐊᖓᔪᖅᑳᕐᔪᐊᓪᓗ ᓇᒡᒍᐊᕐᒥᖓᓄᑦ ᓇᕿᑦᔪᓯᕐᓗᒋᑦ, ᑖᒃᑯᐊ ᑎᑎᖅᑲᑦ ᐊᐅᓪᓚᕐᑎᑉᐰᑦ ᕿᒻᒥᕐᔪᐊᕐᒥ ᐃᑭᒪᔪᑎᒍᑦ, ᐊᖓᔪᖅᑳᕐᔪᐊᑉ ᐊᑐᖃᑦᑕᕐᑕᖏᓐᓄᑦ ᕿᒻᒥᕐᔪᐊᑎᒍᑦ ᓱᒃᑲᓂᕐᐹᑎᒍᑦ.

ᐃᔅᑕᐅᑉ ᐊᒡᓚᖏᑦ 8:15

ᑕᕝᕙ ᒧᐊᑎᑬ ᐊᖓᔪᖅᑳᕐᔪᐊᑉ ᓇᔪᕐᑕᖓᓂᑦ ᐊᓂᕗᖅ ᐊᖓᔪᖅᑳᕐᔪᐊᕐᓯᐅᑎᓂᒃ ᐊᓐᓄᕌᓂᒃ ᐊᑐᕐᓗᓂ ᑐᖑᔪᕐᑕᓂᒃ ᖃᖁᕐᑕᓂᒡᓗ ᑕᕐᓴᓕᖕᒥᒃ, ᓂᐊᖂᓯᕐᓯᒪᓪᓗᓂᓗ ᒎᓗᒥᒃ ᐊᖏᔪᒥᒃ ᐅᓕᒡᔪᐊᕐᓯᒪᕗᕐᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐊᐅᐸᓪᓗᕆᒃᑐᒥᒃ, ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᕾᒐᓛᓚᐅᕐᐳᑦ ᖁᕕᐊᓱᖕᓂᕐᒧᑦ.

ᐃᔅᑕᐅᑉ ᐊᒡᓚᖏᑦ 8:2

ᑕᕝᕙ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᒃ ᓇᓗᓁᒃᑯᓯᕐᓯᑦᔪᑎᓕᒃ ᐊᑐᕐᑕᓂ ᐲᕐᐹ, ᕼᐂᒪᓂᒥᑦ ᐅᑎᕐᑎᓚᐅᕐᑕᓂ, ᑐᓂᓪᓗᒍᓗ ᒧᐊᑎᑬᒧᑦ; ᐃᔅᑕᕐᐅᓪᓗ ᒧᐊᑎᑬ ᑲᒪᔨᒻᒪᕆᓐᖑᕐᑎᑉᐹ ᕼᐂᒪᓂᐅᑉ ᐱᖁᑎᒋᓚᐅᕐᑕᖏᓐᓄᑦ.

ᐃᔅᑕᐅᑉ ᐊᒡᓚᖏᑦ 8:8

ᐃᕝᕕᓪᓕ ᓇᖕᒥᓂᖅ ᑎᑎᕋᓚᐅᕆᑦ ᐱᖁᔭᓐᖑᕐᓂᐊᕐᑐᒥᒃ ᔫᑎᑦ ᐱᑦᔪᑎᒋᓗᒋᑦ, ᓈᒻᒪᒋᔭᕐᓂᒃ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ, ᓇᕿᑦᔪᓯᕐᓗᒋᓪᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ; ᖃᓄᑐᐃᓐᓇᖅ ᑎᑎᕋᕐᓯᒪᔪᑦ ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓ ᐊᑐᕐᓗᒍ ᓇᑭᑦᔪᓯᕐᓯᒪᔪᕐᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᓄᑦ ᓄᖅᑲᕐᑎᑕᐅᔪᓐᓇᖏᒻᒪᑦ.”

ᐃᓐᖏᕈᑎᑦ 73:6

ᑍᒤᒻᒪᑦ ᐱᐅᔪᕆᓂᖅ ᐱᐅᓴᐅᑎᑐᑦ ᐅᔭᒥᒋᕚᑦ; ᑲᑉᐱᐊᓇᕋᓱᐊᕐᓂᕐᒥᒃ ᐅᓕᒃᓯᒪᕗᑦ ᐊᓐᓄᕌᕐᓯᒪᔪᑎᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:9

ᓄᓇᕋᕐᓂᒃ ᑕᑯᒥᓇᕐᑐᓂᒃ ᓂᐊᖂᓯᕐᓯᓯᒪᔪᑎᑐᑦ ᑍᒤᒻᒪᑕ, ᓲᕐᓗ ᐅᔭᒦᓪᓘᓐᓃᑦ ᑕᑯᒥᓇᕐᑐᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:22

ᕿᐱᓕᐅᕐᐸᒡᓗᓂᓗ ᓇᖕᒥᓂᖅ; ᐊᓐᓄᕌᖃᕐᓗᓂᓗ ᐊᑭᑐᔪᒃᓴᔭᓂᒃ ᐊᐅᐸᓪᓚᕆᒃᑐᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:24

ᐊᓐᓄᕌᓕᐅᕐᐸᒃᐳᖅ ᑕᑦᓯᕈᑎᒃᓴᓂᒡᓗ ᓂᐅᕐᕈᑎᖃᕐᐸᒃᑐᖅ; ᓂᐅᕕᕐᑎᓄᓪᓗ ᓂᐅᕕᐊᒃᓴᓕᐅᕐᐸᒃᓱᓂ ᑕᑦᓯᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 1:10

ᐅᓗᐊᒃᑭᒃ ᑕᑯᒥᓇᕐᐴᒃ ᐱᐅᓴᐅᑎᓄᑦ, ᖁᖓᓰᓪᓗ ᐅᔭᒥᒃᓯᒪᓪᓗᓂ ᒎᓗᓂᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 4:9

ᐆᒻᒪᑎᒐ ᐊᐅᓚᑦᔭᒃᓯᒪᒐᕕᐅᒃ, ᓇᔮᒃ, ᓄᓕᐊᒃᓵᒃ; ᐆᒻᒪᑎᒐ ᐊᐅᓚᑦᔭᒃᑎᓯᒪᒐᕕᐅᒃ ᑕᑯᓴᕐᓂᑐᐃᓐᓇᕐᓄᑦ, ᐅᔭᒥᒃᐱᓪᓗ ᐱᐅᓴᐅᑎᖓᑕ ᐃᓚᖓᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 3:23

ᑕᕐᕋᕐᑑᑎᖏᑦ, ᐊᓐᓄᕌᖏᓪᓗ ᓵᑦᑐᑦ ᑕᑯᒃᓴᐅᓇᕐᑐᑦ, ᓵᑦᑐᓪᓗ ᐃᓗᓪᓖᑦ, ᓇᓴᐅᔭᖏᑦ ᓂᒻᒪᐅᑎᓯᒪᔪᑦ, ᒪᑐᐊᕆᓲᖏᓪᓗ.

ᔨᕆᒤᐊᐅᑉ ᐊᒡᓚᖏᑦ 52:33

ᔨᕼᐅᐃᐊᑭᐅᑉ ᑎᒍᔭᐅᓯᒪᓪᓗᓂ ᐊᓐᓄᕌᑦ ᐊᑐᕐᑕᕕᓂᓂ ᐲᕐᓗᓂᒋᑦ, ᐊᓯᖏᓐᓂᒃ ᐊᑎᓪᓗᓂ ᓂᕆᖃᑕᐅᖏᓐᓇᖃᑦᑕᓕᓚᐅᕐᐳᖅ ᐃᓅᓯᓕᒫᒥᓂ ᐊᖓᔪᖅᑳᕐᔪᐊᑉ ᓂᕆᕕᒋᕙᒃᑕᖓᓂ.

ᐃᓯᑭᐊᓕᐅᑉ ᐊᒡᓚᖏᑦ 27:7

ᐄᑦᔨᑉᑎᒥᑦ ᖃᓪᓗᓈᕐᑕᓂᒃ ᓵᑦᑐᓂᒃ ᑕᕐᓯᕐᑐᕐᓯᒪᔪᓂᒃ ᑎᖏᕐᕋᐅᑕᖃᕐᐸᒃᓗᓯ, ᐃᓕᑕᕆᔭᐅᔪᓐᓇᕐᑐᓂᒃ; ᑖᓗᑕᖃᕐᓗᓯᓗ ᖃᓪᓗᓈᕐᑕᑦᓯᐊᕙᖕᓂᒃ ᓵᑦᑐᓂᒃ ᑐᖑᔪᕐᑐᓂᒃ ᐊᐅᐸᓪᓚᕆᒃᑐᓂᒡᓗ ᕿᑭᕐᑕᒥᐅᓂᑦ ᐱᓯᒪᔪᓂᒃ ᓮᐸᕋᔅᒥᑦ.

ᑖᓂᐊᓕᐅᑉ ᐊᒡᓚᖏᑦ 5:16

ᑐᓴᓚᐅᕋᒪ ᓇᓗᓇᕐᑐᑦ ᑐᑭᖏᓐᓂᒃ ᓇᓗᓁᕐᓯᔪᓐᓇᕋᕕᒡᒎᖅ, ᐊᔪᕐᓇᕐᑐᓪᓗᒎ ᑐᑭᓯᔭᒃᓴᐅᖏᑦᑐᑦ ᓇᓗᓇᕈᓐᓁᕐᑎᑦᓱᓐᓇᕋᕕᒋᑦ, ᑎᑎᕋᕐᓯᒪᔪᑦ ᐅᑯᐊ ᐅᖃᓕᒫᕈᓐᓇᕈᕕᒋᑦ ᐅᖃᐅᑎᓗᖓᓗ ᖃᓄᐃᓕᖕᒪᖔᑕ, ᐊᐅᐸᓪᓚᕆᒃᑐᒥᒃ ᐊᓐᓄᕌᕐᑎᑦᓱᒪᕙᒋᑦ ᐅᔭᒥᒡᓗᑎᓪᓗ ᒎᓗᒥᒃ, ᐊᖓᔪᖅᑳᓐᖑᕐᑎᑦᓱᒪᕙᒋᓪᓗ ᐊᖓᔪᖅᑲᐅᓂᕐᒪ ᑐᖏᓕᖏᑕ ᐱᖓᔪᐊᓐᓄᑦ.”

ᑖᓂᐊᓕᐅᑉ ᐊᒡᓚᖏᑦ 5:29

ᐱᐅᓪᓴᔮᓪᓕ ᐱᖁᔨᓂᖓᓄᑦ, ᑖᓂᐊᓕ ᐊᓐᓄᕌᕐᑎᑉᐹ ᐊᐅᐸᓪᓚᕆᒃᑐᓂᒃ, ᐅᔭᒥᓕᕐᓗᒍᓗ ᒎᓗᒥᒃ, ᐊᖓᔪᖅᑳᓐᖑᕐᑎᓪᓗᒍᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᓂᖓᑕ ᑐᖏᓕᖏᑕ ᐱᖓᔪᖓᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 5:7

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᓇᓚᐅᑦᑍᔨᓂᒃ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᐊᖓᒃᑯᓂᒡᓗ, ᐅᖃᐅᑎᓪᓗᒋᓪᓗ ᐹᐱᓘᓂᒥᐅᑦ ᓯᓚᑐᔪᖁᑎᖏᑦ, “ᓇᓪᓕᐊᑦ ᐅᑯᓂᖓ ᑎᑎᖅᑲᓂᒃ ᐅᖃᓕᒫᕐᑐᖅ, ᖃᓄᐃᓕᖕᒪᖔᑕᓗ ᐅᖃᐅᑎᓗᖓ, ᐊᓐᓄᕌᕐᑎᓐᓂᐊᕐᐸᕋ ᐊᐅᐸᓪᓚᕆᒃᑐᓂᒃ ᒎᓗᒥᒡᓗ ᐅᔭᒥᒃᑎᓪᓗᒍ, ᐊᖓᔪᖅᑲᐅᓂᓐᓂᓗ ᑐᖏᓕᕐᒪ ᐱᖓᔪᒋᓕᕐᓂᐊᐹ.”

ᓘᑲᓯᐅᑉ ᐊᒡᓚᖏᑦ 15:22

ᐊᑖᑕᖓᑕ ᐱᔨᓂ ᐅᖃᐅᑎᕔᑦ, ‘ᑐᐊᕕᕐᓗᓯ ᐊᓐᓄᕌᓂᒃ ᐱᐅᓂᕐᐹᓂᒃ ᕾᑦᓯᓕᕆᑦᓯ, ᐊᓐᓄᕌᕐᓗᒍ; ᓇᒡᒍᐊᕐᒥᒃᑕᐅᓗᓂ, ᐃᑎᒐᒍᓯᕐᑕᐅᓗᓂᓗ;

ᓴᒧᐃᓕ ᓯᕗᓪᓖᑦ 18:4

ᔫᓇᑕᓂᐅᑉ ᐅᓕᒡᔪᐊᓂ ᐊᑐᕐᑕᓂ ᐲᕐᐹ ᑐᓂᓪᓗᒍᓗ ᑍᕕᑎᒧᑦ, ᓴᐴᓗᑕᓂᓗ ᓴᒡᕕᖕᒥᐅᑕᓂ, ᓴᕕᒡᔪᐊᓂᓗ, ᐱᑎᒃᓯᓂᓗ, ᕿᑎᕉᑎᓂᓗ.