ᒨᓯᓯ ᓯᕗᓪᓖᑦ 40:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐅᓐᓄᐊᓪᓕ ᐃᓚᖓᓐᓂ ᑖᒃᑯᐊᒃ ᐊᑐᓂᑦ ᓯᓐᓇᒃᑐᓚᐅᕐᐴᒃ ᐃᒥᕐᑕᐅᓂᐊᕐᑐᓂᒃ ᑲᒪᔨᐅᔪᖅ ᓂᐊᖂᔭᓕᐅᕐᑎᓪᓗ ᑲᒪᔨᖓᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒥᐅᑕᐅᔫᒃ, ᑎᒍᔭᐅᑎᑕᐅᓯᒪᔫᒃ ᑕᕝᕙᓂ ᐊᑐᓂᑦ ᓯᓐᓇᒃᑐᕐᐴᒃ, ᐊᑐᓂᓪᓗ ᓯᓐᓇᒃᑐᖏᑦ ᐃᒻᒥᒍᑦ ᑐᑭᖃᕐᓗᑎᒃ.

ᒨᓯᓯ ᓯᕗᓪᓖᑦ 40:5 Iomraidhean Croise

ᒨᓯᓯ ᓯᕗᓪᓖᑦ 20:3

ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᕐᐳᑎᑦ, ᐊᕐᓇᖅ ᐱᓚᐅᕐᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”

ᒨᓯᓯ ᓯᕗᓪᓖᑦ 40:1

ᑕᒪᑐᒪᓕ ᑭᖑᓂᖓᒍᑦ, ᐄᑦᔨᑉᑎᐅᑉ ᐊᖓᔪᖅᑳᕐᔪᐊᖓᑕ ᐃᒥᕐᓂᐊᕐᑕᖓᓂᒃ ᐊᑐᐃᓐᓇᕈᐃᔨᐅᑉ ᓂᐊᖂᔭᓕᐅᕐᑎᖁᑎᖓᑕᓗ ᐊᖓᔪᖅᑳᑎᒃ ᓂᓐᖓᒃᑎᓚᐅᕐᐹᑦ ᐄᑦᔨᑉᑎᐅᑉ ᐊᖓᔪᖅᑳᕐᔪᐊᖓ.

ᒨᓯᓯ ᓯᕗᓪᓖᑦ 40:4

ᐅᓇᑕᕐᑐᒃᓮᓪᓕ ᐊᖓᔪᖅᑳᖓᑦᑕ ᔫᓯᐱ ᑲᒪᔨᓐᖑᕐᑎᓚᐅᕐᐹ ᑖᒃᑯᓂᖓ, ᐱᔨᑦᓯᖃᑦᑕᓚᐅᕐᐳᖅ; ᐊᑯᓂᒐᓚᒡᓗ ᑲᒪᔨᐅᖃᑕᐅᓕᓚᐅᕐᐳᖅ ᑖᒃᑯᓂᖓ.

ᒨᓯᓯ ᓯᕗᓪᓖᑦ 40:6

ᔫᓯᐱᐅᓪᓕ ᐅᓪᓛᒃᑯᑦ ᐅᐸᒃᑲᒥᒋᒃ ᑕᑯᒐᒥᒋᒡᓗ, ᖁᕕᐊᓱᖏᒻᒪᑎᒃ.

ᒨᓯᓯ ᓯᕗᓪᓖᑦ 40:8

ᑖᒃᑯᐊᒃ ᑭᐅᕘᒃ, “ᐊᑐᓂᑦ ᓯᓐᓇᒃᑑᒪᖅᑲᐅᕗᒍᒃ, ᓇᓪᓕᐊᓐᓂᒡᓘᓐᓃᓪᓕ ᑐᑭᓯᑎᑕᐅᔪᓐᓇᓐᖏᓚᒍᒃ.” ᔫᓯᐱᐅᓪᓗ ᐅᖃᐅᑎᕚᒃ, “ᒎᑎ ᑭᓯᒥ ᑐᑭᓯᑎᑦᓯᔪᓐᓇᕐᑐᑑᕗᖅ, ᐅᖃᐅᑎᓚᐅᕐᓯᓐᖓ ᑖᒃᑯᓂᖓ.”

ᒨᓯᓯ ᓯᕗᓪᓖᑦ 41:11

ᐅᓐᓄᐊᒥ ᐊᑕᐅᓯᕐᒥ ᑕᒪᓐᓄᒃ ᐊᑐᓂᑦ ᓯᓐᓇᒃᑑᒪᓂᖃᓚᐅᕐᐳᒍᒃ, ᐊᑐᓂᑦ ᓯᓐᓇᒃᑑᒪᓂᕗᒃ ᐊᑐᓂᑦ ᑐᑭᖃᕐᓗᑎᒃ ᐃᒻᒥᒍᑦ.

ᐃᔅᑕᐅᑉ ᐊᒡᓚᖏᑦ 6:1

ᑕᒪᑐᒪᓂᓕ ᐅᓐᓄᐊᒥ ᐊᖓᔪᖅᑳᕐᔪᐊᖅ ᓯᓂᒍᓐᓁᓪᓕᕗᖅ; ᑕᕝᕙ ᑎᓕᓯᕗᖅ ᐊᖓᔪᖅᑳᕐᔪᐊᑉ ᐱᕙᓪᓕᐊᔪᖁᑎᖏᓐᓂ ᑎᑎᕋᕐᓯᒪᔪᑦ ᑕᕝᕗᓐᖓᕐᑕᐅᓗᑎᒃ ᐊᑐᐊᕐᑕᐅᖁᓪᓗᒋᑦ; ᑕᕝᕙ ᐊᑐᐊᕐᑕᐅᓕᕐᐳᑦ ᐊᖓᔪᖅᑳᕐᔪᐊᕐᒧᑦ.

ᑖᓂᐊᓕᐅᑉ ᐊᒡᓚᖏᑦ 4:19

ᑕᕝᕙ ᑖᓂᐊᓕ ᐱᐊᓪᓴᔮᕆᒥᒃ ᑍᔭᐅᔪᖅ, ᐊᑯᓂ ᑕᑕᒥᓐᓂᐊᓚᐅᕐᐳᖅ ᐃᓱᒪᖓᑕᓗ ᑲᑉᐱᐊᓱᒃᑎᓚᐅᕐᐹ, ᑍᒤᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐱᐊᓪᓴᓵᕆ, ᓯᓐᓇᒃᑑᑉ ᑕᒪᑐᒪ ᑐᑭᖓᑕᓘᓐᓃᑦ ᐃᓱᒪᔮᕐᑎᑦᑍᓕᓕᑎᑦ.” ᐱᐊᓪᓴᓵᕆᐅᑉ ᑭᐅᕚ, “ᐊᖓᔪᖅᑳᒃ, ᑕᒪᓐᓇ ᓯᓐᓇᒃᑐᖅ ᐃᕝᕕᑦ ᐊᑭᕋᖏᓐᓄᑦ ᑐᕌᖓᔪᓐᓇᖁᔪᒥᓇᖅ, ᑐᑭᖓᓗ ᐊᑭᕋᕐᑐᕐᑎᖕᓄᑦ ᑐᕌᖓᖁᔪᒥᓇᖅ!

ᑖᓂᐊᓕᐅᑉ ᐊᒡᓚᖏᑦ 4:5

ᓯᓐᓇᒃᑐᓚᐅᕐᐳᖓ ᑲᑉᐱᐊᓱᓕᕈᑎᒋᓪᓗᒍᓗ, ᓯᓂᒃᑎᓪᓗᖓ ᓯᓂᒡᕕᓐᓂ, ᑕᑯᓚᐅᕐᐳᖓᓗ ᑕᑯᑎᑕᐅᓂᕐᓂᒃ ᑲᑉᐱᐊᓱᓕᓚᐅᕐᐳᖓᓗ.

ᑖᓂᐊᓕᐅᑉ ᐊᒡᓚᖏᑦ 4:9

ᐅᖃᐅᑎᓚᐅᕐᐸᕋᓗ, ᐱᐊᓪᓴᔮᕆ, ᐊᖓᒃᑯᐃᑦ ᐊᖓᔪᖅᑳᖓᑦ, ᖃᐅᔨᒪᕗᖓ ᒎᑎᑦ ᐊᓂᕐᓂᖏᑕ ᐃᓂᒋᖕᒪᑎᑦ, ᓇᓗᓇᕐᑐᓂᒡᓗ ᓴᐱᕈᑎᖃᖏᓐᓇᕕᑦ, ᐃᒫᒃ ᓯᓐᓇᒃᑐᓚᐅᕐᐳᖓ; ᑐᑭᖓᓂᒃ ᐅᖃᐅᑎᓚᐅᓐᖓ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.