ᒨᓯᓯ ᓯᕗᓪᓖᑦ 4:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓰᑎᓗ ᐃᕐᓂᕐᑖᓚᐅᕆᕗᖅ, ᐊᑎᖃᕐᑎᓪᓗᒍᓗ ᐃᓅᓯᒥᒃ. ᑍᑦᓱᒪᓂᐅᑎᓪᓗᒍ ᐃᓄᐃᑦ ᐊᑕᓂᕐᒧᑦ ᑐᒃᓯᐊᖃᑦᑕᓕᓚᐅᕐᐳᑦ ᐊᑎᖓ ᑍᓪᓗᒍ.

ᒨᓯᓯ ᓯᕗᓪᓖᑦ 4:26 Iomraidhean Croise

ᒨᓯᓯ ᓯᕗᓪᓖᑦ 12:8

ᑭᖑᕐᖓᒍᓪᓗ ᐊᐅᓪᓚᓚᐅᕆᕗᖅ ᖃᖅᑲᒧᑦ ᐱᑎᓕᐅᑉ ᖃᐅᓕᕐᕕᖓᑕ ᓇᓛᓄᑦ, ᑕᕝᕗᖓᓗ ᑕᖕᒫᕐᑎᕐᐳᖅ, ᓄᓇᐅᑉ ᐱᑎᓕᐅᑉ ᐂᓪᓗ ᐊᑯᓐᓂᖓᓃᑦᑐᒧᑦ, ᑕᕝᕙᓂᓗ ᑐᓂᕐᕈᓯᕐᕕᓕᐅᕆᓪᓗᓂ ᐊᑕᓂᕐᒧᑦ ᐊᑕᓂᐅᓪᓗ ᐊᑎᖓ ᑐᒃᓯᐊᕐᕕᒋᕚ.

ᒨᓯᓯ ᓯᕗᓪᓖᑦ 26:25

ᑕᕝᕙᓂᓗ ᐂᓴᑭ ᑐᓂᕐᕈᓯᕐᕕᓕᐅᕐᐳᖅ ᑐᒃᓯᐊᕐᓗᓂᓗ ᐊᑕᓂᕐᒧᑦ, ᑕᕝᕙᓂᓗ ᑕᖕᒫᕐᑎᕐᓗᓂ, ᐱᔨᖏᓪᓗ ᐃᒥᕐᑕᕐᕕᒃᓴᒥᒃ ᐃᑎᕐᓴᓕᐅᕆᕗᑦ.

ᐊᑕᓃᑦ ᓯᕗᓪᓖᑦ 18:24

ᒎᑎᑦᓯᓗ ᐊᑎᖓᓄᑦ ᑐᒃᓯᐊᕐᓂᐊᕐᐳᓯ ᐅᕙᖓᓗ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᓂᐊᕆᕗᖓ; ᑖᓐᓇ ᒎᑎ ᑭᐅᓗᓂ ᐃᑯᒪᒥᒃ ᐃᑭᑎᑦᓯᔪᖅ, ᑖᓐᓇ ᒎᑎᐅᓂᐊᕐᐳᖅ.” ᐃᓄᓕᒫᓪᓗ ᑭᐅᕗᑦ, “ᐅᖃᑦᓯᐊᕐᐳᑎᑦ.”

ᐃᓐᖏᕈᑎᑦ 116:17

ᖁᔭᓕᓂᕐᒥᒃ ᑐᓂᕐᕈᓯᕕᒋᓂᐊᕐᐸᒋᑦ ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᓕᕕᒋᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 44:5

ᐃᓚᖓᑦ ᐅᖃᕈᒫᕐᐳᑦ, ‘ᐊᑕᓂᐅᑉ ᐱᒋᕚᖓ,’ ᐊᓯᐊᓗ ᔧᑰᑉ ᐊᑎᖓᓂᒃ ᐊᑎᖃᖃᑕᐅᓂᕋᕐᓗᓂ; ᐊᓯᐊᓗ ᑎᑎᕋᕈᒫᕐᐳᖅ, ‘ᐊᑕᓂᐅᑉ ᐱᖓ,’ ᐃᓴᕆᐊᓕᒥᐅᑕᐅᓂᕋᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 48:1

“ᐆᒥᖓ ᑐᓴᓕᕆᑦᓯ, ᔧᑯᒃᑯᑦ ᑭᖑᕚᖏᑦ, ᐄᓴᕆᐅᓪ ᐊᑎᖓᓂᒃ ᑍᔭᐅᔪᑦ, ᐃᕐᓂᐊᖑᓯᒪᔪᓪᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓪᓗᑎᒃ; ᐊᖏᕈᑎᖃᕐᓯᒪᔪᓪᓗ ᐊᑕᓂᐅᑉ ᐊᑎᖓᓂᒃ ᐅᖃᐅᓯᖃᕐᑐᓪᓗ ᐃᓴᕆᐊᓕᐅᑉ ᒎᑎᖓᓂᒃ, ᓱᓕᔪᒃᑰᕋᑎᒃ ᓇᓛᒎᕋᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 63:19

ᐊᑦᔨᖃᑐᐃᓐᓇᓕᕐᐳᒍᑦ ᑍᒃᑯᓂᖓ ᐃᓕᖕᓂᒃ ᐊᖓᔪᖅᑳᖃᓚᐅᕐᓯᒪᖏᑦᑐᓂᒃ, ᐊᑎᕐᓂᒡᓗ ᑍᔭᐅᒍᓯᖃᓚᐅᕐᓯᒪᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 33:16

ᑍᒃᑯᓇᓂ ᐅᓪᓗᓂ ᔫᑕᒥᐅᑦ ᐱᐅᓕᔭᐅᔪᒫᕐᐳᑦ, ᔨᕉᓴᓕᒥᐅᓪᓗ ᐃᓕᒪᓱᖏᓪᓗᑎᒃ ᐃᓅᔪᒫᕐᐳᑦ ᑍᔭᐅᔪᒫᕐᐳᓪᓗ ‘ᐊᑕᓂᖅ ᐃᓱᐊᕐᓯᑦᔪᑎᒋᕙᕗᑦ.’

ᔪᐃᓕᐅᑉ ᐊᒡᓚᖏᑦ 2:32

ᒪᑐᒪ ᑭᖑᕐᖓᒍᑦ ᓇᓪᓕᐊᑦ ᐊᑕᓂᐅᑉ ᐊᑎᖓᓂ ᑐᒃᓯᐊᕐᑐᖅ ᐱᐅᓕᔭᐅᓛᕐᐳᖅ. ᖃᖅᑲᒥ ᓮᐅᓂᒥ ᔨᕉᓴᓕᒥᓗ ᓴᐳᑦᔭᐅᕕᒃᓴᖃᕈᒫᕐᐳᖅ. ᐊᑕᓂᖅ ᐅᖃᓚᐅᕐᒪᑦ, ᑍᒤᑦᓱᒫᕐᐳᖅ ᐃᓄᖁᑎᖏᓐᓂ ᐊᒥᐊᒃᑰᔪᓂ ᐊᑕᓂᐅᑉ ᕾᖁᔭᖏᓐᓂ.”

ᔨᐸᓁᐊᐅᑉ ᐊᒡᓚᖏᑦ 3:9

“ᑭᖑᓂᐊᒍᑦ ᐃᓄᖁᑎᒃᑲ ᓴᓗᒻᒪᕐᓴᕐᓂᐊᕐᐸᒃᑲ ᐅᖃᐅᓯᕐᑖᕐᑎᓪᓗᒋᓪᓗ. ᐊᑕᓂᐅᑉ ᐊᑎᖓᓄᑦ ᑐᒃᓯᐊᖁᓪᓗᒋᑦ ᑭᒡᒐᕐᑐᕐᓗᑎᒡᓗ ᐊᑕᐅᓯᐅᖃᑎᒌᒡᓗᑎᒃ.

ᓘᑲᓯᐅᑉ ᐊᒡᓚᖏᑦ 3:38

ᑬᓇᓂ ᐃᓅᓯᐅᑉ ᐃᕐᓂᕆᕚ, ᐃᓅᓯ ᓰᑎᐅᑉ ᐃᕐᓂᕆᕚ, ᓰᑎ ᐋᑕᒥᐅᑉ ᐃᕐᓂᕆᕚ, ᐋᑕᒥ ᒎᑎᐅᑉ ᐃᕐᓂᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 11:26

ᓇᓂᒐᒥᐅᒃ, ᐊᓐᑎᐅᑭᐊᒧᐊᕈᑎᕚ. ᑖᒃᑯᐊᒃ ᐊᕐᕌᒍᓕᒫᖅ ᓈᓪᓗᒍ ᐅᒃᐱᕐᑑᖃᑎᒌᓂᑦ ᑲᑎᒪᖃᑎᖃᖃᑦᑕᓚᐅᕐᐴᒃ, ᐅᓄᕐᑐᒻᒪᕆᐊᓗᖕᓂᒃ ᐃᓕᓐᓂᐊᕐᑎᑦᓯᕘᒃ; ᐊᓐᑎᐅᑭᐊᒥ ᐅᒃᐱᕐᑐᑦ ᑍᔭᐅᓕᓚᐅᕐᐳᑦ ᓯᕗᓪᓕᕐᐹᒥᒃ ᙭ᔅᑑᓯᒥᐅᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:21

ᐃᒤᑦᓱᒫᕐᐳᖅ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᑐᑦ ᐱᐅᓕᔭᐅᔪᒫᕐᐳᑦ.’

ᕉᒪᒥᐅᓄᑦ 10:13

ᐊᒡᓔᑦ ᐅᖃᕐᒪᑕ, “ᐃᒤᑦᓱᒫᕐᐳᖅ ᐊᑕᓂᐅᑉ ᐊᑎᖓᓄᑦ ᑐᒃᓯᐊᕐᑐᑦ ᐱᐅᓕᔭᐅᔪᒫᕐᐳᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:2

ᒎᑎᐅᑉ ᐃᓚᒌᒃᑐᖁᑎᖏᓐᓄᑦ ᐅᒃᐱᕐᑐᓄᑦ ᑯᕆᓐᑎᒦᑦᑐᓄᑦ, ᐃᑦᔪᕐᓁᑎᑕᐅᓯᒪᔪᓄᑦ ᔩᓱᓯ ᙭ᔅᑑᓯᒃᑯᑦ, ᐃᑦᔪᕐᓁᑎᑕᐅᖁᓪᓗᒋᑦ ᕾᖁᔭᐅᓯᒪᔪᓕᒫᓄᑦ ᑐᒃᓯᐊᕐᐸᒃᑐᓄᓪᓗ ᐊᑕᓂᐅᑉ ᔩᓱᓯ ᙭ᔅᑑᓯᐅᑉ ᐊᑎᖓᓄᑦ, ᐊᑕᓂᕆᔭᒥᖕᓄᑦ ᐊᑕᓂᕆᔭᑦᑎᓐᓄᓪᓗ.