ᒨᓯᓯ ᓯᕗᓪᓖᑦ 39:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐃᒡᓗᖓᓂᓗ ᐅᕙᓐᓂᑦ ᐊᖓᔪᖅᑳᖑᓂᕐᓴᕐᑕᖃᓐᖏᓚᖅ, ᓱᓇᓕᒫᒥᓂᒡᓗ ᐃᓪᓕᕈᑎᖏᑦᓯᐊᕐᓗᓂᖓ ᐃᕝᕕᑐᐊᖅ ᐂᑦᑑᑎᒋᓯᒪᓐᖏᓛᑎᑦ, ᑖᑦᓱᒪ ᓄᓕᐊᕆᖕᒪᑎᑦ; ᖃᓄᕐᓕ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓇᓱᐊᕐᕈᓐᓇᕐᐳᖓ, ᐊᔪᕐᑐᓕᓗᖓᓗ ᒎᑎᒧᑦ?”

ᒨᓯᓯ ᓯᕗᓪᓖᑦ 39:9 Iomraidhean Croise

ᒨᓯᓯ ᓯᕗᓪᓖᑦ 13:13

ᓱᑑᒪᐅᓪᓗ ᐃᓄᖏᑦ ᐱᐅᖏᑦᑐᓕᔨᐊᓘᓚᐅᕐᐳᑦ, ᐊᔪᕐᑐᓕᔪᕐᔪᐊᖑᓪᓗᑎᒡᓗ ᐊᑕᓂᕐᒧᑦ.

ᒨᓯᓯ ᓯᕗᓪᓖᑦ 20:3

ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᕐᐳᑎᑦ, ᐊᕐᓇᖅ ᐱᓚᐅᕐᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”

ᒨᓯᓯ ᓯᕗᓪᓖᑦ 20:6

ᒎᑎᐅᑉ ᑭᐅᕚ ᓯᓐᓇᒃᑑᒪᒃᑯᑦ, “ᐄᓛᒃ, ᖃᐅᔨᒪᕙᒋᑦ ᑍᒫᒃ ᐱᓚᐅᖏᓐᓇᕕᑦ ᐆᒻᒪᑎᕕᑦ ᓱᓕᑦᓯᐊᕐᓂᖓᓄᑦ, ᐅᕙᖓᓗ ᐊᔪᕐᑐᓕᑎᑦᑍᓕᓚᐅᕐᐸᒋᑦ ᐅᕙᓐᓄᑦ; ᑍᒤᒻᒪᑦ ᑖᑦᓱᒥᖓ ᐊᒃᑐᐃᑎᓚᐅᓐᖏᓚᒋᑦ.

ᒨᓯᓯ ᓯᕗᓪᓖᑦ 20:9

ᑕᕝᕙ ᐊᐱᒥᓕᑭᐅᑉ ᐂᑉᕋᕼᐋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᑦᑎᓐᓄᑦ ᖃᓄᐃᓕᐅᓕᕐᐱᑦ? ᖃᓄᕐᓗ ᐊᔪᕐᑐᓕᓯᒪᕗᖓ ᐃᓕᖕᓄᑦ, ᑎᑭᑎᑦᓯᒐᕕᑦ ᐅᕙᓐᓄᑦ ᐊᖓᔪᖅᑲᐅᕕᓐᓄᓪᓗ ᐊᔪᕐᑐᓕᓂᕐᒥᒃ ᐊᖏᔪᒥᒃ? ᐱᓂᐊᕐᓂᖃᓚᐅᕋᕕᑦ ᐅᕙᓐᓄᑦ ᐱᓂᐊᕐᓂᐅᔭᕆᐊᖃᖏᑦᑐᒥᒃ.”

ᒨᓯᓯ ᓯᕗᓪᓖᑦ 24:2

ᐂᑉᕋᕼᐋᒻ ᐱᔨᒥᓄᑦ ᐅᖃᕐᐳᖅ, ᐃᒡᓗᒥᓂ ᐊᖓᔪᒃᓯᕐᐹᒧᑦ, ᐱᖁᑎᓕᒫᖏᓐᓄᑦ ᑕᒤᓐᓄᑦ ᐊᖓᔪᖅᑲᐅᔪᒧᑦ, “ᐊᒡᒐᑎᑦ ᖁᒃᑐᕋᕐᒪ ᐊᑯᓐᓂᖓᓄᐊᓚᐅᒃᑭᑦ.

ᒨᓯᓯ ᓯᕗᓪᓖᑦ 39:10

ᐊᕐᓇᕐᓕ ᖃᐅᑕᒫᑦ ᔫᓯᐱᒧᑦ ᑍᒤᓕᐅᖃᑦᑕᕋᓗᐊᕐᑎᓪᓗᒍ, ᓈᓚᓚᐅᓐᖏᓛ, ᐃᓐᓇᖓᖃᑎᖃᕈᒪᓇᓂ ᐱᖃᑎᖃᕈᒪᓇᓂᓗ ᑖᑦᓱᒥᖓ.

ᒨᓯᓯ ᓯᕗᓪᓖᑦ 41:40

ᓄᓇᖁᑎᓐᓄᑦ ᑕᒤᓐᓄᑦ ᐊᖓᔪᖅᑳᓐᖑᕐᑎᑦᓱᒪᕙᒋᑦ, ᐃᓄᖁᑎᓕᒫᒃᑲᓗ ᑕᒪᕐᒥᒃ ᖃᓄᑐᐃᓐᓇᖅ ᐱᖁᔨᓂᕐᓂᒃ ᓈᓚᖁᓂᐊᕐᐸᒃᑲ; ᑭᓯᐊᓂ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓ ᐱᑦᔪᑎᒋᓪᓗᒍ ᐃᓕᖕᓂᑦ ᐊᖓᔪᖅᑳᖑᓂᕐᓴᐅᓂᐊᕐᐳᖓ.”

ᒨᓯᓯ ᓯᕗᓪᓖᑦ 42:18

ᐅᓪᓗᐃᑦ ᐱᖓᔪᖓᓐᓂ ᔫᓯᐱᐅᑉ ᐅᖃᐅᑎᕔᑦ, “ᐃᓅᔪᒪᒍᑦᓯ ᐃᒤᓕᐅᕐᑐᒃᓴᐅᕗᓯ, ᒎᑎ ᓯᕘᕋᒋᒐᒃᑯ:

ᓴᒧᐃᓕ ᐂᑉᐸᖏᑦ 11:27

ᕿᒃᓵᖕᓂᖓᓕ ᐊᓂᒍᕐᒪᑦ, ᑍᕕᑎ ᑎᓕᓯᕗᖅ ᐊᖓᔪᖅᑳᕐᔪᐊᖃᕐᕕᖕᒧᐊᖁᓪᓗᒍ; ᓄᓕᐊᕐᑖᕆᓪᓗᓂᐅᒡᓗ ᐃᕐᓂᕐᑖᓚᐅᕐᐴᒃ. ᐊᑕᓂᐅᓪᓕ ᑕᒪᓐᓇ ᖁᕕᐊᒋᓚᐅᓐᖏᓛ ᑍᕕᑎᐅᑉ ᐱᓂᐊᕐᓂᖓ.

ᓴᒧᐃᓕ ᐂᑉᐸᖏᑦ 12:13

ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 6:11

ᑭᐅᓚᐅᕐᐳᖓ, “ᐱᐅᓯᖃᓐᖏᓚᖓ ᕿᒫᔨᐅᓂᕐᒥᒃ ᐃᔨᕐᑎᑐᐃᓐᓇᐅᓂᕐᒥᒡᓗ, ᐃᓱᒪᕖᑦ ᓇᖕᒥᓂᖅ ᐃᓅᓯᓐᓂᒃ ᐱᐅᓕᓯᓇᓱᐊᕐᓂᐊᕐᑐᕆᓪᓗᖓ ᐃᔨᕆᐊᕐᑐᕐᓂᓐᓄᑦ ᑐᒃᓯᐊᕐᕕᒃᔪᐊᕐᒨᑦ? ᑍᒤᓐᓂᐊᓐᖏᓚᖓ.”

ᔫᐱᐅᑉ ᐊᒡᓚᖏᑦ 31:23

ᒎᑎᒧᑦ ᐊᑭᒋᐊᕐᑕᐅᓂᖅ ᓯᕘᕋᒋᒐᒃᑯ, ᐊᔪᖏᑦᑐᕐᔪᐊᖑᓂᖓᓗ ᓵᓐᖓᔪᒪᒐᔭᕐᓇᒍ.

ᐃᓐᖏᕈᑎᑦ 51:4

ᐃᓕᖕᓄᓪᓕ, ᑭᓯᐊᓂ ᐊᔪᕐᑐᓕᓚᐅᕐᐳᖓ, ᐱᐅᖏᑦᑐᖅ ᑕᒪᓐᓇ ᐊᑐᓚᐅᕋᒃᑯ ᓵᖕᓂ, ᓱᓕᑦᓯᐊᕐᓗᑎᑦ ᐃᖅᑲᕐᑐᐃᓃᑦ ᖃᐅᔨᔭᐅᖁᓪᓗᒍ ᓂᓪᓕᐊᓕᕌᖓᕕᑦ, ᐃᖅᑲᕐᑐᐃᔭᕌᖓᕕᓪᓗ ᐸᓯᔭᒃᓴᐅᓂᖃᖏᓐᓇᕕᑦ.

ᒨᓯᓯ ᐂᑉᐸᖏᑦ 20:14

“ᓄᓕᐊᕇᖕᓂᕐᒥᒃ ᐊᓯᓐᓂᐊᕐᑐᒃᓴᐅᓐᖏᓚᑎᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:29

ᑍᒤᒃᑭᕗᖅ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᓕᒃ, ᑍᒤᑦᑐᒥᒃ ᐊᒃᑐᐃᔪᖅ ᓱᒋᐊᕐᑕᐅᑦᑍᓕᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:32

ᐃᓄᒃ ᐊᓯᓐᓂᐊᕐᑐᖅ ᓯᓔᑦᑐᕐᔪᐊᖑᕗᖅ, ᑍᒤᓕᐅᕐᑐᖅ ᐃᓅᓯᕐᒥᓂᒃ ᐊᓯᕈᐃᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:26

ᖃᐅᔨᓚᐅᕐᐳᖓ ᑐᖁᒥᑦ ᖃᓯᓕᓇᕐᓂᕐᓴᐅᖕᒪᑦ ᐊᕐᓇᖅ, ᐆᒻᒪᑎᖓ ᓂᒐᐅᔪᖅ ᓄᓗᐊᖑᓪᓗᓂᓗ, ᑕᓕᖏᑕᓗ ᐃᕿᑦᑎᓂᖏᒃ ᐊᕐᓵᕐᑑᔭᐅᔪᑦ. ᒎᑎᒥᒃ ᖁᕕᐊᓱᒃᑎᑦᓯᔫᑉ ᑖᓐᓇ ᕿᒫᔪᓐᓇᕐᐹ, ᐊᔪᕐᑐᓕᔪᕐᓕ ᑖᑦᓱᒪ ᓂᒐᕐᑎᓐᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 28:16

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, “ᑕᑯᒋᑦ, ᓄᓇᕐᔪᐊᒥᑦ ᐃᒋᓐᓂᐊᕐᐸᒋᑦ, ᐊᕐᕌᒍᒥ ᑕᕝᕙᓂ ᑐᖁᔪᒫᕐᐳᑎᑦ ᐊᔪᕆᕐᑐᐃᓯᒪᒐᕕᑦ ᒎᑎᒥᒃ ᐊᑭᕋᕐᑐᕐᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 50:7

ᑖᒃᑯᓂᖓᓗ ᓇᓂᓯᔪᑦ ᓄᖑᕅᓚᐅᕐᐳᑦ, ᐊᑭᕋᕐᑐᕐᑎᖏᓪᓗ ᐅᖃᕐᐳᑦ, ‘ᐸᓯᔭᒃᓴᐅᓐᖏᓚᒍᑦ, ᐊᑕᓂᕐᒧᑦ ᐊᔪᕐᑐᓕᓚᐅᕐᒪᑕ ᐃᓂᒃᓴᑐᐊᕆᔭᒥᖕᓄᑦ ᓯᕗᓕᖏᑕ ᐊᑕᓂᕆᔭᖓᓐᓄᑦ.’

ᒨᓯᓯ ᐱᖓᔪᖏᑦ 20:10

“ᐊᖑᑦ ᐊᓯᓐᓂᐊᕐᐸᑦ ᐃᓅᖃᑎᒥ ᓄᓕᐊᖓᓂᒃ, ᑖᒃᑯᐊᒃ ᐊᖑᓪᓗ ᐊᕐᓇᕐᓗ ᐊᓯᓐᓂᐊᕐᑑᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ.

ᒨᓯᓯ ᐱᖓᔪᖏᑦ 6:2

“ᐊᔪᕐᑐᓕᔪᖃᕐᐸᑦ ᐊᑕᓂᕐᒧᓪᓗ ᐅᒃᐱᕐᓂᕐᒥᓂᒃ ᑲᔪᓯᖏᓪᓗᓂ ᐃᓅᖃᑎᒥᓂᒡᓗ ᐅᐃᕕᕆᒃᓯᒃᐸᑦ ᐱᓯᒪᒃᓯᑎᑕᐅᓂᕐᒥᓂᒃ, ᑲᒪᔨᐅᑎᑕᐅᓂᕐᒥᒡᓘᓐᓃᑦ, ᐃᓅᖃᑎᒥᓂᒡᓘᓐᓃᑦ ᑎᒡᓕᒃᐸᑦ, ᓯᓔᕐᕆᒃᓯᒃᐸᓪᓘᓐᓃᑦ ᐃᓅᖃᑎᒥᓂᒃ,

ᒨᓯᓯ ᓯᑕᒪᖏᑦ 32:23

ᑍᒤᓕᐅᖏᒃᑯᑦᓯᓕ, ᖃᐅᔨᒪᓕᕆᑦᓯ ᐊᔪᕐᑐᓕᓂᐊᕋᑦᓯ ᐊᑕᓂᕐᒧᑦ; ᐃᖅᑲᐅᒪᓕᕆᑦᓯᓗ ᐊᔪᕐᑐᓕᓂᐅᑉ ᑕᕝᕙ ᓇᓗᓁᕐᓂᐊᕐᒪᓯ.

ᓘᑲᓯᐅᑉ ᐊᒡᓚᖏᑦ 12:48

ᐱᔨᓕ ᖃᐅᔨᒪᖏᑦᑐᖅ ᐊᖓᔪᖅᑳᒥ ᐱᖁᔭᖓᓂᒃ, ᑏᒐᕐᑐᕐᑕᐅᑦᔪᑎᒃᓴᒥᒃ ᐱᓚᐅᕋᓗᐊᕐᓗᓂ ᒥᑭᔪᒥᒃ ᑏᒐᕐᑐᕐᑕᐅᔪᒫᕐᐳᖅ. ᐊᒥᓱᓂᒃ ᑐᓂᓯᕕᐅᔪᖅ ᐊᒥᓱᓂᒃᑕᐅᖅ ᐱᔪᒪᕕᐅᔪᒫᕐᐳᖅ; ᓱᓕ ᐊᖏᓂᕐᓴᑲᓐᓂᕐᓂᒃ ᑐᓂᓯᕕᐅᔪᖅ ᓱᓕ ᐊᖏᓂᕐᓴᑲᓐᓂᕐᓂᒃ ᐱᔪᒪᕕᐅᔪᒫᕐᐳᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:2

ᐱᔭᕆᐊᖃᒻᒪᕆᒃᐳᓪᓕ ᑲᒪᔨᐅᑎᑕᐅᔪᑦ ᐅᒃᐱᕆᔭᒃᓴᐅᓂᕐᒥᖕᓂᒃ ᓴᖅᑭᑎᑦᓯᔪᒃᓴᐅᓪᓗᑎᒃ ᐊᖓᔪᖅᑳᒥᖕᓄᑦ.

ᑍᑑᓯᒧᑦ 2:10

ᑎᒡᓕᒐᕐᕕᖃᖏᓪᓗᑎᒡᓗ, ᓴᖅᑭᑎᑦᓯᖔᕐᑐᒃᓴᐅᕗᓪᓕ ᐱᓂᐊᑦᓯᐊᕐᓂᕐᒥᒃ ᑲᔪᓯᑦᓯᐊᕐᓂᕐᒥᒡᓗ, ᒎᑎᐅᑉ ᐱᐅᓕᔨᑦᑕ ᐊᔪᕆᕐᑑᑖᓂᒃ ᓂᕐᑐᕐᓇᕐᑎᑦᓯᖁᓪᓗᒋᑦ ᖃᓄᓕᒫᖅ ᐱᓂᐊᕐᓂᕐᒥᒃᑎᒍᑦ.

ᐄᑉᕈᐃᓄᑦ 13:4

ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

ᔪᐊᓇᓯ ᓯᕗᓪᓖᑦ 3:9

ᓇᓪᓕᐊᑦ ᒎᑎᒧᑦ ᕿᑐᕐᖓᐅᔪᖅ ᐊᔪᕐᑐᓖᓐᓇᕈᓐᓃᕐᐳᖅ, ᒎᑎᐅᑉ ᐱᕈᕐᓯᐊᖓ ᑖᑦᓱᒪ ᐃᓗᐊᓃᒻᒪᑦ; ᐊᔪᕐᑐᓖᓐᓇᕈᓐᓇᓐᖏᓚᖅ, ᒎᑎᒥᑦ ᐃᕐᓂᐊᖑᓯᒪᒐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.