ᒨᓯᓯ ᓯᕗᓪᓖᑦ 39:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᑎᒍᔭᐅᓯᒪᕕᐅᑉ ᐊᖓᔪᖅᑳᖓ ᔫᓯᐱᐅᑉ ᐱᓇᓱᐊᕐᑕᓕᒫᖏᓐᓂᒃ ᐃᒃᐱᒍᓱᒋᐊᖃᖃᑦᑕᓚᐅᓐᖏᓚᑦ, ᐊᑕᓂᐅᑉ ᐃᓚᒋᓚᐅᕐᒪᒍ; ᖃᓄᑐᐃᓐᓇᕐᓗ ᐱᓇᓱᐊᑐᐊᕌᖓᑦ, ᐊᑕᓂᐅᑉ ᐱᕙᓪᓕᐊᑦᓯᐊᕐᑎᖃᑦᑕᓚᐅᕐᐹ.

ᒨᓯᓯ ᓯᕗᓪᓖᑦ 39:23 Iomraidhean Croise

ᒨᓯᓯ ᓯᕗᓪᓖᑦ 39:20

ᐊᖓᔪᖅᑳᖓᑕᓗ ᔫᓯᐱ ᑎᒍᓪᓗᓂᐅᒃ ᑎᒍᔭᐅᓯᒪᕕᖕᒧᐊᕐᑎᑉᐹ, ᐊᖓᔪᖅᑳᕐᔪᐊᑉ ᑎᒍᔭᐅᓯᒪᔪᖁᑎᖏᑕ ᐃᓂᖓᓐᓄᑦ, ᑕᕝᕙᓃᓕᕐᓗᓂᓗ.

ᒨᓯᓯ ᓯᕗᓪᓖᑦ 39:8

ᔫᓯᐱᓕ ᕿᐱᓗᒃᐳᖅ ᐊᖓᔪᖅᑳᒥᓗ ᓄᓕᐊᖓ ᐅᖃᐅᑎᓪᓗᒍ, “ᑕᑯᒋᑦ, ᐊᖓᔪᖅᑳᒪ ᐃᒡᓗᒥᓂ ᐃᓱᒪᕐᓱᕐᑎᑦᓯᐊᕐᐹᖓ ᐃᓱᒫᓗᖏᑦᓯᐊᕐᓗᓂᓗ, ᐱᖁᑎᓕᒫᒥᓄᓪᓗ ᑲᒪᔨᓐᖑᕐᑎᓯᒪᓪᓗᖓ;

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᑖᓂᐊᓕᐅᑉ ᐊᒡᓚᖏᑦ 6:22

ᒎᑎᒐ ᐂᖏᓕᖁᑎᒥᓂᒃ ᑎᓕᓯᓚᐅᕐᐳᖅ, ᓛᔧᓪᓗ ᖃᓂᖏᑦ ᒪᑐᓪᓗᒋᑦ, ᑖᒃᑯᓇᖓᑦ ᖃᓄᐃᓕᔭᐅᓐᖏᓚᖓ, ᖃᐅᔨᔭᐅᒐᒪ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ; ᐃᓕᖕᓄᓪᓗ ᐊᖓᔪᖅᑳᕐᔪᐊᖅ, ᓈᒻᒪᖏᑦᑐᒥᒃ ᐱᓇᓱᐊᓚᐅᕐᓯᒪᖏᓐᓇᒪ.”

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.