ᒨᓯᓯ ᓯᕗᓪᓖᑦ 39:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᐅᓪᓕ ᔫᓯᐱ ᐃᓚᒋᓚᐅᕐᐹ, ᓇᒡᓕᖕᓂᕐᒥᓂᒡᓗ ᓱᖁᓯᔪᐃᑦᑐᒥᒃ ᖃᐅᔨᒪᑎᓪᓗᒍ, ᖁᕕᐊᒋᔭᐅᓕᕐᑎᓪᓗᒍᓗ ᑎᒍᔭᐅᓯᒪᕕᐅᑉ ᐊᖓᔪᖅᑳᖓᓄᑦ.

ᒨᓯᓯ ᓯᕗᓪᓖᑦ 39:21 Iomraidhean Croise

ᒨᓯᓯ ᓯᕗᓪᓖᑦ 21:22

ᑍᑦᓱᒪᓂᐅᑎᓪᓗᒍ ᐊᐱᒥᓕᑭ ᐱᖃᑎᖃᕐᓗᓂ ᐱᑰᓕᒥᒃ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᓂᒃ, ᐂᑉᕋᕼᐋᒻᒧᑦ ᐅᖃᕐᐳᖅ, “ᒎᑎᐅᑉ ᐃᓚᒋᕚᑎᑦ ᐱᓇᓱᐊᕐᑕᓕᒫᕐᓂ;

ᒨᓯᓯ ᓯᕗᓪᓖᑦ 39:2

ᐊᑕᓂᐅᓪᓕ ᔫᓯᐱ ᐃᓚᒋᕚ, ᐱᓇᓱᐊᕐᑕᒥᓂᒡᓗ ᐱᕙᓪᓕᐊᑦᓯᐊᕐᑎᑉᐹ; ᐊᖓᔪᖅᑳᖓᑕᓗ ᐄᑦᔨᑉᑎᒥᐅᑕᐅᑉ ᐃᒡᓗᖓᓂᒥᐅᑕᐅᓕᕐᐳᖅ.

ᒨᓯᓯ ᓯᕗᓪᓖᑦ 39:3

ᐊᖓᔪᖅᑳᖓᑕᓕ ᖃᐅᔨᕚ ᐊᑕᓂᐅᑉ ᐃᓚᒋᖕᒪᒍ, ᐊᑕᓂᐅᓪᓗ ᖃᓄᐃᓕᐅᕐᑕᓕᒫᖏᑦ ᐱᕙᓪᓕᐊᑦᓯᐊᕐᑎᖃᑦᑕᕐᒪᒋᑦ.

ᒨᓯᓯ ᓯᕗᓪᓖᑦ 39:4

ᑕᕝᕙ ᔫᓯᐱ ᐊᖓᔪᖅᑳᖓᑕ ᖁᕕᐊᒋᑦᓯᐊᕐᐹ ᓇᖕᒥᓂᖅ ᐱᔨᑖᕆᓪᓗᒍ, ᐃᒡᓗᒥᓂᓗ ᑲᒪᔨᓐᖑᕐᑎᑉᐹ ᐊᖓᔪᖅᑳᓐᖑᕐᑎᓪᓗᒍᓗ ᑕᒤᓐᓄᑦ ᐱᖁᑎᓕᒫᒥᓄᑦ.

ᒨᓯᓯ ᓯᕗᓪᓖᑦ 40:3

ᑲᒪᒋᔭᐅᑎᓕᓚᐅᕐᐰᓪᓗ ᐅᓇᑕᕐᑐᒃᓮᑦ ᐊᖓᔪᖅᑳᖏᓐᓄᑦ, ᑎᒍᔭᐅᓯᒪᕕᖕᒧᑦ ᔫᓯᐱᐅᑉ ᓇᔪᕐᑕᖓᓃᑦᑐᒧᑦ.

ᐃᓐᖏᕈᑎᑦ 105:19

ᔫᓯᐱᐅᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᓚᐅᖅᑳᕐᑎᓐᓇᒋᑦ, ᐊᑕᓂᐅᑉ ᐆᒃᑐᕋᓚᐅᕐᐹ ᓱᓕᓂᖓ ᓇᓗᓁᕐᑕᐅᖁᓪᓗᒍ.

ᐃᓐᖏᕈᑎᑦ 105:22

ᐊᖓᔪᖅᑳᕐᔪᐊᑉ ᐃᓚᖏᓐᓂᒃ ᐊᔪᕆᕐᑐᐃᖁᓪᓗᒍ ᐃᓱᒪᕐᓱᕐᓗᓂ, ᐃᓕᓮᖁᓪᓗᒍᓗ ᓯᓚᑐᓂᕐᒥᒃ ᐊᖓᔪᖅᑳᖁᑎᖏᓐᓂᒃ.

ᐃᓐᖏᕈᑎᑦ 106:46

ᓂᑲᒋᔭᐅᓕᕐᑎᓚᐅᕐᐰᓪᓗ ᑕᒤᓐᓄᑦ ᓵᓚᐅᓪᓗᑎᒃ ᐊᐅᓪᓚᕈᑦᔨᔨᒋᓚᐅᕐᑕᖏᓐᓄᑦ.

ᒨᓯᓯ ᐂᑉᐸᖏᑦ 11:3

ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᑉᐰᑦ ᐃᓴᕆᐊᓕᒥᐅᓂᒃ, ᐊᒡᓛᑦ ᒨᓯᓯ ᐊᖓᔪᖅᑳᕐᔪᐊᖑᔪᓄᑦ ᐃᓄᖕᓄᓪᓗ ᐊᔪᖏᑦᑐᐊᓘᓇᓱᒋᔭᐅᓕᕐᑎᑉᐹ.

ᒨᓯᓯ ᐂᑉᐸᖏᑦ 12:36

ᐊᑕᓂᐅᓪᓗ ᐄᑦᔨᑉᑎᒥᐅᑦ ᖁᕕᐊᓲᑎᖃᓕᕐᑎᑉᐰᑦ ᐃᓴᕆᐊᓕᒥᐅᓂᒃ, ᐃᓴᕆᐊᓕᒥᐅᓪᓗ ᐱᔪᒪᔭᖏᓐᓂᒃ ᑐᓂᓯᕕᒋᓪᓗᓂᑦᔪᒃ, ᑍᒫᒃ ᐱᖕᒪᑕ ᐃᓴᕆᐊᓕᒥᐅᑦ ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᓚᐅᕐᐳᑦ.

ᒨᓯᓯ ᐂᑉᐸᖏᑦ 3:21

“ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᓐᓂᐊᕐᐸᒃᑲ ᐃᓕᑦᓯᓐᓂᒃ ᐃᓄᖁᑎᒃᑲ ᐊᐅᓪᓚᕐᐸᑕ ᐱᒃᓴᖃᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:7

ᐃᓅᑉ ᐃᓕᖅᑯᓯᕐᒥᒍᑦ ᐊᑕᓂᖅ ᖁᕕᐊᓱᒃᑎᑉᐸᒍ, ᐊᑭᕋᖏᓐᓄᑦ ᐊᒡᓛᑦ ᐊᑕᓂᐅᑉ ᐱᑦᓯᐊᕐᑕᐅᑎᑦᓱᓐᓇᕐᐹ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᑖᓂᐊᓕᐅᑉ ᐊᒡᓚᖏᑦ 1:9

ᒎᑎᐅᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓ ᓈᒃᑭᒍᓱᒃᑎᑉᐹ ᑖᓂᐊᓕᒥᒃ.

ᑖᓂᐊᓕᐅᑉ ᐊᒡᓚᖏᑦ 6:22

ᒎᑎᒐ ᐂᖏᓕᖁᑎᒥᓂᒃ ᑎᓕᓯᓚᐅᕐᐳᖅ, ᓛᔧᓪᓗ ᖃᓂᖏᑦ ᒪᑐᓪᓗᒋᑦ, ᑖᒃᑯᓇᖓᑦ ᖃᓄᐃᓕᔭᐅᓐᖏᓚᖓ, ᖃᐅᔨᔭᐅᒐᒪ ᐸᓯᔭᒃᓴᐅᖏᓐᓂᓐᓂᒃ ᑖᑦᓱᒪ ᓵᖓᓂ; ᐃᓕᖕᓄᓪᓗ ᐊᖓᔪᖅᑳᕐᔪᐊᖅ, ᓈᒻᒪᖏᑦᑐᒥᒃ ᐱᓇᓱᐊᓚᐅᕐᓯᒪᖏᓐᓇᒪ.”

ᕉᒪᒥᐅᓄᑦ 8:37

ᑕᒪᒃᑯᐊᓕ ᐊᑐᕐᑍᓐᓇᕆᒐᓗᐊᕐᓗᒋᑦ ᓵᓚᖃᕐᑎᑕᐅᓪᓚᕆᒃᐳᒍᑦ ᑖᑦᓱᒨᓇ ᓇᒡᓕᒋᔨᑦᑎᒍᑦ.

ᐲᑦᑐᕉᓯ ᓯᕗᓪᓖᑦ 3:17

ᒎᑎᓕ ᑍᒤᖁᔨᒃᐸᑦ, ᓈᒻᒪᖕᓂᕐᓴᐅᕗᖅ ᐊᒃᓱᕈᕐᑎᑕᐅᒍᑦᓯ ᐱᐅᔪᒥᒃ ᐱᓇᓱᐊᕐᓂᑦᓯᓐᓄᑦ, ᓈᒻᒪᖏᑦᑐᓕᓂᑦᓯᓐᓄᑦ ᓵᑕᐅᒐᔭᕐᓂᑦᓯᓐᓂᑦ.