ᒨᓯᓯ ᓯᕗᓪᓖᑦ 39:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᐅᓪᓕ ᔫᓯᐱ ᐃᓚᒋᕚ, ᐱᓇᓱᐊᕐᑕᒥᓂᒡᓗ ᐱᕙᓪᓕᐊᑦᓯᐊᕐᑎᑉᐹ; ᐊᖓᔪᖅᑳᖓᑕᓗ ᐄᑦᔨᑉᑎᒥᐅᑕᐅᑉ ᐃᒡᓗᖓᓂᒥᐅᑕᐅᓕᕐᐳᖅ.

ᒨᓯᓯ ᓯᕗᓪᓖᑦ 39:2 Iomraidhean Croise

ᒨᓯᓯ ᓯᕗᓪᓖᑦ 21:20

ᒎᑎᐅᓪᓗ ᐃᓚᒋᕚ ᓄᑲᑉᐱᐊᖅ, ᐱᕈᕇᓚᐅᕐᐳᖅ; ᓄᓇᖃᓚᐅᕐᐳᕐᓗ ᐃᓄᖃᖏᑦᑐᒥ, ᐱᑎᒃᓯᒧᓪᓗ ᐊᔪᖏᑦᓯᐊᓕᓚᐅᕐᐳᖅ.

ᒨᓯᓯ ᓯᕗᓪᓖᑦ 21:22

ᑍᑦᓱᒪᓂᐅᑎᓪᓗᒍ ᐊᐱᒥᓕᑭ ᐱᖃᑎᖃᕐᓗᓂ ᐱᑰᓕᒥᒃ, ᐅᓇᑕᕐᑐᒃᓴᖁᑎᖏᑕ ᐊᖓᔪᖅᑳᖓᓂᒃ, ᐂᑉᕋᕼᐋᒻᒧᑦ ᐅᖃᕐᐳᖅ, “ᒎᑎᐅᑉ ᐃᓚᒋᕚᑎᑦ ᐱᓇᓱᐊᕐᑕᓕᒫᕐᓂ;

ᒨᓯᓯ ᓯᕗᓪᓖᑦ 26:24

ᑕᒪᑐᒪᓂᓗ ᐅᓐᓄᐊᒥ ᐊᑕᓂᖅ ᓴᖅᑭᑉᐳᖅ ᑖᑦᓱᒧᖓ ᐅᖃᕐᓗᓂᓗ, “ᐊᑖᑕᕕᑦ ᐂᑉᕋᕼᐋᒻ ᒎᑎᒋᕚᖓ; ᑲᑉᐱᐊᓱᖕᓂᐊᕐᓇᒃ, ᐃᓚᒋᕙᒋᑦ ᓮᒻᒪᕐᑎᓐᓂᐊᕐᐸᒋᓪᓗ ᑭᖑᕚᑎᓪᓗ ᐅᓄᕐᓯᑎᑦᓱᒫᕐᐸᒃᑲ ᐱᔨᒐ ᐂᑉᕋᕼᐋᒻ ᐱᑦᔪᑎᒋᓪᓗᒍ.”

ᒨᓯᓯ ᓯᕗᓪᓖᑦ 26:28

ᑖᒃᑯᐊ ᑭᐅᕚᑦ, “ᒫᓐᓇ ᓇᓗᓇᖏᑦᑐᒥᒃ ᖃᐅᔨᒐᑦᑕ ᐊᑕᓂᐅᑉ ᐃᓚᒋᖕᒪᑎᑦ; ᐅᖃᓕᕐᐳᒍᑦ, ᐅᖃᕕᖃᑎᒌᒋᐊᖃᕋᑦᑕ ᐃᓕᖕᓄᑦ ᐅᕙᑦᑎᓐᓄᓪᓗ, ᐊᖏᖃᑎᒌᒍᑎᓕᐅᓚᐅᕐᑕ ᐃᓕᖕᓄᑦ.

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᒨᓯᓯ ᓯᕗᓪᓖᑦ 39:23

ᑎᒍᔭᐅᓯᒪᕕᐅᑉ ᐊᖓᔪᖅᑳᖓ ᔫᓯᐱᐅᑉ ᐱᓇᓱᐊᕐᑕᓕᒫᖏᓐᓂᒃ ᐃᒃᐱᒍᓱᒋᐊᖃᖃᑦᑕᓚᐅᓐᖏᓚᑦ, ᐊᑕᓂᐅᑉ ᐃᓚᒋᓚᐅᕐᒪᒍ; ᖃᓄᑐᐃᓐᓇᕐᓗ ᐱᓇᓱᐊᑐᐊᕌᖓᑦ, ᐊᑕᓂᐅᑉ ᐱᕙᓪᓕᐊᑦᓯᐊᕐᑎᖃᑦᑕᓚᐅᕐᐹ.

ᒨᓯᓯ ᓯᕗᓪᓖᑦ 39:3

ᐊᖓᔪᖅᑳᖓᑕᓕ ᖃᐅᔨᕚ ᐊᑕᓂᐅᑉ ᐃᓚᒋᖕᒪᒍ, ᐊᑕᓂᐅᓪᓗ ᖃᓄᐃᓕᐅᕐᑕᓕᒫᖏᑦ ᐱᕙᓪᓕᐊᑦᓯᐊᕐᑎᖃᑦᑕᕐᒪᒋᑦ.

ᐊᑕᓃᑦ ᐂᑉᐸᖏᑦ 18:7

ᐊᑕᓂᐅᑉ ᓇᔪᓚᐅᕐᐹ; ᐱᓂᐊᕐᓂᓕᒫᒥᒍᓪᓗ ᐱᔪᓐᓇᓯᐊᓚᐅᕐᐳᖅ ᐱᓇᓱᐊᕐᑕᒥᓂᒃ. ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᓐᓂᒃ ᐃᓚᓕᐅᕐᓯᓚᐅᓐᖏᓚᖅ ᓈᒻᒪᒋᓇᒍᓗ ᐱᐅᓯᕆᔭᖓ ᑐᓂᓯᒪᕕᒋᔪᒪᓚᐅᓐᖏᓛ.

ᑯᕉᓂᑲ ᓯᕗᓪᓖᑦ 9:20

ᐱᓂᕼᐋᓯᓗ ᐃᓕᓯᕆᐅᑉ ᐃᕐᓂᖓ ᐊᖓᔪᖅᑳᕆᔭᐅᓚᐅᕐᐳᖅ ᓯᕗᓂᖓᒍᑦ; ᑖᓐᓇ ᐊᑕᓂᐅᑉ ᐃᓚᒋᓚᐅᕐᐹ.

ᑯᕉᓂᑲ ᐂᑉᐸᖏᑦ 1:1

ᓲᓗᒨᓂ ᑍᕕᑎᐅᑉ ᐃᕐᓂᖓ ᐊᐅᓚᑦᓯᓕᓚᐅᕐᐳᖅ ᐊᑕᓂᐅᕕᖕᒥᓂ, ᐊᑕᓂᐅᓪᓗ ᓲᓗᒨᓂᐅᑉ ᒎᑎᖓᑕ ᓇᔪᓚᐅᕐᐹ ᐊᔪᖏᑦᑐᕐᔪᐊᓐᖑᕐᑎᓪᓗᒍᓗ.

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᐃᓐᖏᕈᑎᑦ 46:11

ᕿᓚᖕᒥᐅᒐᓴᒃᔪᐃᑦ ᐊᑕᓂᖓᑦᑕ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 46:7

ᐊᑕᓂᐅᑉ ᐊᔪᒐᖃᖏᑦᑑᑉ ᐃᓚᒋᕚᑎᒍᑦ; ᔧᑰᑉ ᒎᑎᖓ ᕿᒫᕕᒃᓴᕆᕙᕗᑦ. ᓰᓚ

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᐂᓮᐊᓯᐅᑉ ᐊᒡᓚᖏᑦ 43:2

ᐃᒪᒃᑰᕋᓗᐊᕈᕕᑦ ᐱᖃᑎᒋᓂᐊᕐᐸᒋᑦ; ᑰᒃᑰᕋᓗᐊᕈᕕᓪᓗ ᓴᕐᕙᐅᓂᐊᓐᖏᓚᑎᑦ. ᐃᑯᒪᒃᑰᕋᓗᐊᕈᕕᑦ ᐃᑯᐊᓪᓚᒃᑕᐅᓂᐊᓐᖏᓚᑎᑦ, ᐃᑯᒪᒧᓪᓗ ᐆᑕᐅᓂᐊᓐᖏᓚᑎᑦ.

ᔨᕆᒤᐊᐅᑉ ᐊᒡᓚᖏᑦ 15:20

ᐃᒡᓗᒐᓮᑦ ᐊᕙᓗᕐᔪᐊᖏᑎᑐᑦ ᑍᒤᑦᑑᑎᓐᓂᐊᕐᐸᒋᑦ ᐃᓄᖕᓄᑦ, ᐊᕙᓗᕐᔪᐊᑎᑐᑦ ᐱᔭᐅᓐᓇᖏᑦᑐᑎᑐᑦ ᑲᓐᓄᔭᒥᑦ ᓴᓇᔭᐅᓯᒪᔪᑎᑐᑦ, ᐃᓕᖕᓂᒃ ᐱᓇᓱᐊᕋᓗᐊᕈᑎᒃ ᓵᓚᖃᕐᓂᐊᓐᖏᓚᑦ, ᐅᕙᖓ ᓇᔪᕐᓂᐊᕋᒃᑭᑦ ᓴᐳᑎᓂᐊᕐᐸᒋᑦ ᐱᐅᓕᓗᑎᓪᓗ.” ᐊᑕᓂᖅ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 1:23

“ᑕᑯᒋᑦ, ᐅᐃᒡᒐᓱᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᖅ ᓄᑕᕋᒃᓴᕐᑖᕈᒫᕐᐳᖅ, ᐃᕐᓂᕐᒥᒃ ᐃᕐᓂᔪᒫᕐᓗᓂ, ᑖᓐᓇ ᐃᒫᓄᐃᓕᒥᒃ ᐊᑎᖃᕐᑎᑦᓱᒫᕐᐹᑦ.” ᐊᑎᖓᑕ ᑐᑭᖓ ᐃᒤᓕᕗᖅ, “ᒎᑎᐅᑉ ᓇᔪᕐᐹᑎᒍᑦ”.

ᐋᐴᓯᑕᓖᑦ ᐱᓂᐊᕐᓂᖏᑦ 8:31

ᑖᑦᓱᒪ ᑭᐅᕚ, “ᖃᓄᕐᓕ ᑐᑭᓯᔪᓐᓇᕐᐳᖓ? ᐊᔪᕆᕐᑐᕐᑕᐅᖏᓪᓗᖓ.” ᐱᓕᑉᐴᓯ ᐃᑭᒪᖃᑎᒋᔪᒪᓕᕐᐹ.

ᑎᒧᑎᒧᑦ ᓯᕗᓪᓖᑦ 6:1

ᐱᔨᑲᑖᕆᔭᐅᔪᑦ ᐊᖓᔪᖅᑳᒥᖕᓂᒃ ᑕᒤᑎᒍᑦ ᐅᐱᒋᔭᖃᑦᓯᐊᕐᑐᒃᓴᐅᕗᑦ, ᒎᑎ ᐊᔪᕆᕐᑐᐃᑦᔪᑎᒋᔭᕗᓪᓗ ᐅᖃᐅᑕᐅᓂᕐᓗᖁᓇᒋᑦ.

ᔮᓱᐊᑉ ᐊᒡᓚᖏᑦ 1:5

ᔮᓱᐊ ᑭᓇᒧᓪᓘᓐᓃᑦ ᓵᓚᐅᓂᐊᓐᖏᓚᑎᑦ ᐃᓅᑎᓪᓗᑎᑦ ᓇᔪᐃᓐᓇᕐᓂᐊᕐᐸᒋᑦ ᑍᒫᑦᓮᓐᓇᖅ ᒨᓯᓯ ᓇᔪᓚᐅᕋᒃᑯ ᓇᔪᐃᓐᓇᕐᓂᐊᕐᐸᒋᑦ ᕿᒪᖕᓂᐊᕐᓇᒡᓗ.

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᔮᓱᐊᑉ ᐊᒡᓚᖏᑦ 6:27

ᑍᒤᒻᒪᑦ ᐊᑕᓂᖅ ᔮᓱᐊᒦᓚᐅᕐᐳᖅ; ᖁᕕᐊᒋᔭᐅᒻᒪᕆᓕᕐᓗᓂᓗ ᓄᓇᓕᓕᒫᓄᑦ.

ᓴᒧᐃᓕ ᓯᕗᓪᓖᑦ 16:18

ᐱᔨᖓᑕ ᐃᓚᖓ ᐃᓅᓱᒃᑐᖅ ᑭᐅᕗᖅ, “ᑕᑯᒋᑦ, ᑕᑯᓯᒪᕗᖓ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᖓᓂᒃ, ᓂᑦᔭᐅᓯᔭᑦᓯᐊᕈᓐᓇᕐᑐᒥᒃ, ᓯᕘᕋᖏᑦᑐᖅ ᐅᓇᑕᕈᓐᓇᕐᓗᓂᓗ, ᓯᓚᑐᔪᒥᒃ ᐅᖃᐅᓯᖃᕈᓐᓇᕐᑐᖅ, ᑕᑯᒥᓇᕐᑐᖅ; ᐊᑕᓂᐅᓪᓗ ᑖᓐᓇ ᓇᔪᕐᐹ.”

ᓴᒧᐃᓕ ᓯᕗᓪᓖᑦ 18:14

ᑍᕕᑎᓗ ᐱᔪᓐᓇᑦᓯᐊᖃᑦᑕᓚᐅᕐᐳᖅ ᐱᓇᓱᐊᕐᑕᓕᒫᒥᓂᒃ; ᐊᑕᓂᐅᑉ ᐃᓚᒋᓚᐅᕐᒪᒍ.

ᓴᒧᐃᓕ ᓯᕗᓪᓖᑦ 18:28

ᓴᐅᓕᓗ ᑕᑯᒐᒥ ᖃᐅᔨᓪᓗᓂᓗ ᐊᑕᓂᐅᑉ ᑍᕕᑎ ᐃᓚᒋᖕᒪᒍ, ᐸᓂᖓᑕᓗ ᒤᑲᓕᐅᑉ ᐅᖓᓕᕐᓗᒍ ᓇᒡᓕᒋᓕᕐᒪᒍ,

ᓴᒧᐃᓕ ᓯᕗᓪᓖᑦ 3:19

ᓴᒧᐃᓕᓕ ᐱᕈᕐᐸᓪᓕᐊᓚᐅᕐᐳᖅ, ᐊᑕᓂᐅᓪᓗ ᐃᓚᒋᓚᐅᕐᐹ ᓱᓕᑎᖃᑦᑕᓚᐅᕐᐰᓪᓗ ᓴᒧᐃᓕᐅᑉ ᐅᖃᐅᓯᕆᔭᓕᒫᖏᑦ.