ᒨᓯᓯ ᓯᕗᓪᓖᑦ 37:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᔫᓯᐱᓕ ᓯᓐᓇᒃᑐᓚᐅᕐᐳᖅ, ᐊᖓᔪᓂᓕ ᑕᒪᑐᒥᖓ ᐅᓂᒃᑳᕐᕕᒋᖕᒪᒋᑦ, ᑖᒃᑯᓄᖓ ᐆᒥᒋᔭᐅᒋᐊᓪᓚᑐᐃᓐᓇᕐᐳᖅ.

ᒨᓯᓯ ᓯᕗᓪᓖᑦ 37:5 Iomraidhean Croise

ᒨᓯᓯ ᓯᕗᓪᓖᑦ 20:3

ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᕐᐳᑎᑦ, ᐊᕐᓇᖅ ᐱᓚᐅᕐᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”

ᒨᓯᓯ ᓯᕗᓪᓖᑦ 28:12

ᓯᓐᓇᒃᑐᕐᐳᕐᓗ ᑕᑯᓪᓗᓂ ᒪᔪᕋᐅᑎᓂᒃ ᓄᓇᒥᑦ, ᐃᓱᐊ ᕿᓚᖕᒧᑦ ᑎᑭᓯᒪᓪᓗᓂ; ᑕᑯᒋᓪᓗ ᒎᑎᐅᑉ ᐂᖏᓕᖏᑦ ᑕᒪᐅᓇ ᒪᔪᕋᕐᐸᒃᓗᑎᑦ ᐊᖅᑲᕐᑎᖃᑦᑕᕐᐳᑦ.

ᒨᓯᓯ ᓯᕗᓪᓖᑦ 31:10

“ᐆᒪᔪᐃᓪᓗ ᓄᓕᐊᓕᕐᕕᖏᑦ ᓇᓪᓕᐅᑎᓯᒪᓕᕐᑎᓪᓗᒋᑦ ᓯᓐᓇᒃᑑᒪᓂᒃᑯᑦ ᑕᑯᓴᓚᐅᕐᐳᖓ, ᑕᑯᓪᓗᖓᓗ ᒎᑦᓯᐅᑉ ᐊᖑᓴᓪᓗᖓᓂᒃ ᓄᓕᐊᕐᑐᒥᒃ ᖁᐱᓴᕈᐊᑦᑐᒥᒃ ᑕᕐᓴᓕᖕᒥᒃ, ᐅᑭᓕᕆᐊᒃᑐᒥᒡᓗ, ᑕᕐᓴᒐᓛᕐᑐᒥᒡᓗ.

ᒨᓯᓯ ᓯᕗᓪᓖᑦ 31:11

ᒎᑎᐅᓪᓗ ᐂᖏᓕᖓᑕ ᐅᖃᐅᑎᕚᖓ ᓯᓐᓇᕐᑑᒪᑎᓪᓗᖓ, ‘ᔧᑰ!’ ᑭᐅᕙᕋᓗ, ‘ᒫᓃᑉᐳᖓ.’

ᒨᓯᓯ ᓯᕗᓪᓖᑦ 37:4

ᐊᖓᔪᖏᓪᓕ ᖃᐅᔨᓕᕋᒥᒃ ᐊᑖᑕᖓᑕ ᓇᒡᓕᒋᓂᕐᓴᕆᖕᒪᒍ ᐃᕐᓂᓕᒫᒥᓂᑦ ᑕᒤᓐᓂᑦ, ᑕᕝᕙ ᐆᒥᒋᓕᕐᐹᑦ ᐊᒡᓛᑦ ᑐᓐᖓᓇᕐᑐᓂᒃ ᐅᖃᐅᑎᔪᓐᓁᓪᓕᓪᓗᒍ.

ᒨᓯᓯ ᓯᕗᓪᓖᑦ 37:6

ᐅᓂᒃᑳᕐᕕᒋᓕᕐᐰᑦ ᐅᖃᕐᓗᓂ, “ᓯᓐᓇᒃᑐᕆᓚᐅᕐᑕᓐᓂᒃ ᑐᓵᓚᐅᕆᑦᓯ;

ᒨᓯᓯ ᓯᕗᓪᓖᑦ 37:8

ᐊᖓᔪᖏᑕᓗ ᐊᐱᕆᕚᑦ, “ᐅᕙᑦᑎᓐᓄᑦ ᐊᖓᔪᖅᑳᓐᖑᓛᕐᑐᕆᕖᑦ? ᐊᐅᓚᑦᓯᓕᕐᓗᑎᓪᓗ ᐅᕙᑦᑎᓐᓂᒃ?” ᑕᕝᕙ ᐆᒥᒋᒋᐊᓪᓚᓕᕐᐹᑦ ᓯᓐᓇᒃᑐᕐᓂᖓᓄᑦ ᐅᖃᐅᓯᖏᓐᓄᓪᓗ.

ᒨᓯᓯ ᓯᕗᓪᓖᑦ 40:5

ᐅᓐᓄᐊᓪᓕ ᐃᓚᖓᓐᓂ ᑖᒃᑯᐊᒃ ᐊᑐᓂᑦ ᓯᓐᓇᒃᑐᓚᐅᕐᐴᒃ ᐃᒥᕐᑕᐅᓂᐊᕐᑐᓂᒃ ᑲᒪᔨᐅᔪᖅ ᓂᐊᖂᔭᓕᐅᕐᑎᓪᓗ ᑲᒪᔨᖓᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒥᐅᑕᐅᔫᒃ, ᑎᒍᔭᐅᑎᑕᐅᓯᒪᔫᒃ ᑕᕝᕙᓂ ᐊᑐᓂᑦ ᓯᓐᓇᒃᑐᕐᐴᒃ, ᐊᑐᓂᓪᓗ ᓯᓐᓇᒃᑐᖏᑦ ᐃᒻᒥᒍᑦ ᑐᑭᖃᕐᓗᑎᒃ.

ᒨᓯᓯ ᓯᕗᓪᓖᑦ 41:1

ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᐰᕉ ᓯᓐᓇᒃᑑᒪᓚᐅᕐᐳᖅ; ᑰᒑᓘᑉ ᓁᓕᐅᑉ ᓴᓂᐊᓂ ᓇᖏᕐᓗᓂ,

ᒨᓯᓯ ᓯᕗᓪᓖᑦ 42:9

ᔫᓯᐱᓕ ᐃᖅᑬᕗᖅ ᓯᓐᓇᒃᑑᒪᓂᕆᓚᐅᕐᓯᒪᔭᒥᓂᒃ ᑖᒃᑯᐊ ᐱᓪᓗᒋᑦ; ᐅᖃᐅᑎᓪᓗᒋᓪᓗ, “ᐃᔨᕋᕐᑐᕐᓗᓯ ᖃᐅᔨᓴᕆᐊᕐᓯᒪᕗᓯ; ᓄᓇ ᓇᐅᒃᑯᑦ ᓵᓚᒋᔭᒃᓴᐅᖕᒪᖔᑦ ᖃᐅᔨᔪᒪᓪᓗᓯ.”

ᒨᓯᓯ ᓯᕗᓪᓖᑦ 49:23

ᐱᓯᒃᓴᕐᑏᑦ ᓂᑲᒍᓱᒐᑎᒃ ᑖᑦᓱᒥᖓ ᐱᒋᐊᕐᐳᑦ, ᐱᓯᒃᑖᕐᐹᑦ, ᐊᒃᓱᕉᑎᓪᓗᒍ;

ᐊᑕᓃᑦ ᓯᕗᓪᓖᑦ 3:5

ᑕᕝᕙᓂ ᒋᐱᐅᓂᒥ ᐊᑕᓂᖅ ᓴᖅᑭᑉᐳᖅ ᓲᓗᒨᓂᒧᑦ ᓯᓐᓇᒃᑑᒪᒃᑯᑦ ᐅᓐᓄᐊᒥ ᐅᖃᕐᓗᓂᓗ, “ᑐᒃᓯᐊᓚᐅᕆᑦ ᓱᓇᒥᒃ ᑐᓂᓯᕕᐅᔪᒪᖕᒪᖔᕐᐱᑦ ᐅᕙᓐᓄᑦ.”

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᑖᓂᐊᓕᐅᑉ ᐊᒡᓚᖏᑦ 2:1

ᓂᐱᑯᓁᓴ ᐊᖓᔪᖅᑳᕐᔪᐊᖑᓂᕐᒥ ᐊᕐᕌᒍᖓᑕ ᐂᑉᐸᖓᓂ, ᓯᓐᓇᒃᑑᒪᓚᐅᕐᐳᖅ; ᐃᓱᒪᔮᓕᕐᓗᓂ ᓯᓂᔪᐃᑦᑑᓕᕐᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 4:5

ᓯᓐᓇᒃᑐᓚᐅᕐᐳᖓ ᑲᑉᐱᐊᓱᓕᕈᑎᒋᓪᓗᒍᓗ, ᓯᓂᒃᑎᓪᓗᖓ ᓯᓂᒡᕕᓐᓂ, ᑕᑯᓚᐅᕐᐳᖓᓗ ᑕᑯᑎᑕᐅᓂᕐᓂᒃ ᑲᑉᐱᐊᓱᓕᓚᐅᕐᐳᖓᓗ.

ᔪᐃᓕᐅᑉ ᐊᒡᓚᖏᑦ 2:28

“ᓇᓪᓕᐅᑎᔪᒫᕐᐳᖅ ᒪᑐᒪ ᑭᖑᕐᖓᒍᑦ ᐊᓂᕐᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ; ᐃᕐᓂᓯ ᐸᓂᓯᓗ ᐅᖃᐅᓯᖃᖃᑦᑕᕈᒫᕐᐳᑦ ᐅᖃᐅᓯᐅᖁᔭᓐᓂᒃ, ᐃᓄᑐᖃᓯ ᓯᓐᓇᒃᑑᒪᖃᑦᑕᕈᒫᕐᐳᑦ, ᐃᓅᓱᒃᑐᓯᓗ ᑕᑯᑎᑦᔪᑎᓂᒃ ᑕᑯᖃᑦᑕᕈᒫᕐᐳᑦ.

ᐂᒨᓯᐅᑉ ᐊᒡᓚᖏᑦ 3:7

“ᓱᓕᓪᓚᕆᒃᐳᖅ ᐊᑕᓂᖅ ᐱᓂᐊᓲᖑᖏᒻᒪᑦ ᓇᓗᓇᕐᑐᒥᒃ, ᓇᓗᓁᕐᓯᓚᐅᖅᑳᕋᓂ ᐱᔨᓄᑦ ᐅᖃᕐᑎᖁᑎᒥᓄᑦ?

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᔪᐊᓇᓯᐅᑉ ᐊᒡᓚᖏᑦ 17:14

ᐅᖃᐅᓯᕐᑎᑦ ᑐᓴᕐᑕᐅᑎᓚᐅᕐᐸᒃᑲ ᑖᒃᑯᓄᖓ; ᓯᓚᕐᔪᐊᕐᒥᐅᓂᑦ ᐆᒥᒋᔭᐅᕗᑦ ᓯᓚᕐᔪᐊᕐᒥᐅᓂᑦ ᐱᒋᔭᐅᖏᓐᓇᒥᒃ, ᐅᕙᖓᑦᑕᐅᖅ ᓯᓚᕐᔪᐊᕐᒥᐅᑦ ᐱᒋᖏᒻᒪᖓ.