ᒨᓯᓯ ᓯᕗᓪᓖᑦ 32:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᓕᖕᓄᑦ ᑐᒃᓯᐊᕐᐳᖓ, ᓴᐳᑎᔭᐅᔪᒪᓪᓗᖓ, ᐊᖓᔪᓐᓂᑦ ᐄᓴᒥᑦ, ᑲᑉᐱᐊᒋᒐᒃᑯ, ᑲᑉᐱᐊᓱᒃᑲᒪ ᑎᑭᑉᐸᑦ ᐅᕙᓐᓂᒃ ᑐᖁᑦᓯᓂᐊᕋᓱᒋᓪᓗᒍ ᐊᓈᓇᐅᔪᓂᒃ ᕿᑐᕐᖓᖏᓐᓂᒡᓗ.

ᒨᓯᓯ ᓯᕗᓪᓖᑦ 32:11 Iomraidhean Croise

ᒨᓯᓯ ᓯᕗᓪᓖᑦ 24:27

ᐅᖃᕐᓗᓂᓗ, “ᐊᑕᓂᖅ ᓂᕐᑐᕐᑕᐅᓕ, ᐊᖓᔪᖅᑳᒪ ᐂᑉᕋᕼᐋᒻ ᒎᑎᖓ, ᑖᑦᓱᒪ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐳᐃᒍᖏᒻᒪᒍ ᓱᖁᓯᔪᐃᑦᑑᓂᓂᓗ ᐊᖓᔪᖅᑳᓐᓄᑦ ᓴᖅᑭᑎᒻᒪᒍ. ᐅᕙᖓᓕ, ᐊᑕᓂᐅᑉ ᑕᓯᐅᓚᐅᕐᐹᖓ ᐊᖅᑯᒻᒧᑦ ᐊᖓᔪᖅᑳᒪ ᐃᓚᖏᑕ ᐃᒡᓗᖓᓄᑦ.”

ᒨᓯᓯ ᓯᕗᓪᓖᑦ 27:41

ᐄᓴᐅᓪᓗ ᔧᑯ ᐆᒥᒋᓕᕐᐹ ᓮᒻᒪᕐᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᕐᑎᓚᐅᕐᒪᒍ, ᐄᓴᓗ ᓂᐱᖃᕐᓗᓂ ᐃᒻᒥᓄᑦ ᐅᖃᓕᕐᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᕐᐸᕋ.”

ᒨᓯᓯ ᓯᕗᓪᓖᑦ 27:42

ᐃᕐᓂᖓᑕᓕ ᐊᖓᔪᒃᓯᐅᒃ ᐄᓴᐅᑉ ᐅᖃᐅᓯᖏᑦ ᐅᖃᐅᓯᐅᖕᒪᑕ ᕇᐱᑲᒧᑦ; ᐃᕐᓂᓂ ᓄᑲᕐᓯᖅ ᔧᑯ ᕾᖁᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᐊᖓᔪᐃᑦ ᐄᓴ ᐃᒻᒥᓂᒃ ᓮᒻᒪᐅᓯᕈᒪᕗᖅ ᑐᖁᓪᓗᓂᑎᑦ.

ᒨᓯᓯ ᓯᕗᓪᓖᑦ 32:3

ᔧᑯᓗ ᑎᓕᓯᕗᖅ ᓯᕗᓂᕐᒥᓂ ᐅᖃᕆᐊᕐᑐᕐᑐᖃᖁᓪᓗᒍ ᐊᖓᔪᒥᓄᑦ ᐄᓴᒧᑦ ᓄᓇᒧᑦ ᓰᐊᕆᒧᑦ ᐄᑐᒥᒦᑦᑐᒧᑦ.

ᒨᓯᓯ ᓯᕗᓪᓖᑦ 32:7

ᔧᑯᓕ ᑲᑉᐱᐊᓱᒃᑐᐊᓘᓕᕐᐳᖅ ᐃᓱᒪᔮᓕᕐᓗᓂᓗ; ᐃᓚᒋᔭᓕᒫᓂᓗ ᐊᕕᒃᐰᑦ, ᓰᐱᖁᑎᓂᓗ, ᒎᑦᓰᓪᓗ, ᐃᒻᒧᒃᓯᐅᒊᓪᓗ, ᑳᒥᓖᓪᓗᑦᑕᐅᖅ.

ᒨᓯᓯ ᓯᕗᓪᓖᑦ 33:4

ᐄᓴᐅᓪᓕ ᐅᓪᓚᒃᓗᓂ ᐸᕐᕆᐊᕐᐹ, ᐃᕿᓪᓗᓂᐅᒡᓗ ᑯᓂᒃᐹ, ᑕᒪᕐᒥᒡᓗ ᕿᐊᓕᕐᓗᑎᒃ.

ᓴᒧᐃᓕ ᐂᑉᐸᖏᑦ 7:18

ᑕᒪᑐᒪ ᑭᖑᓂᖓᒍᑦ ᐊᖓᔪᖅᑳᕐᔪᐊᖅ ᑍᕕᑎ ᑐᐱᕐᒧᐊᕐᐳᖅ ᐊᑕᓂᐅᑉ ᓇᔪᕐᑕᖓᓄᑦ, ᐃᖏᓪᓗᓂᓗ ᑐᒃᓯᐊᕐᐳᖅ ᐅᖃᕐᓗᓂ, “ᐊᑕᓃᖅ ᒎᑏ, ᓇᓗᖅᑯᑎᕗᖓ ᖃᓄᐃᓕᐅᕐᓯᒪᓂᕆᔭᕐᓂᒃ ᐅᕙᓐᓄᑦ ᐃᓚᓐᓄᓪᓗ.

ᐃᓐᖏᕈᑎᑦ 119:134

ᐱᐅᓕᓚᐅᓐᖓ ᐃᓄᖕᓂᑦ ᐅᖁᒤᓪᓕᐅᕐᑎᑦᓯᔪᓂᑦ, ᐱᓇᓱᐊᕐᑕᐅᖁᔭᕐᓂᒃ ᒪᓕᒍᓐᓇᖁᓪᓗᖓ.

ᐃᓐᖏᕈᑎᑦ 142:6

ᓂᓪᓕᐊᓂᕋ ᐃᒃᐱᒋᓚᐅᕈᒃ; ᐱᒋᐊᓪᓚᕖᕈᑦᔭᐅᕐᓯᐊᕋᒪ! ᓴᐳᑎᓚᐅᓐᖓ ᐅᕙᓐᓂᒃ ᓵᓚᖃᕋᓱᐊᕐᑐᓂᑦ; ᑖᒃᑯᐊ ᐅᕙᓐᓄᑦ ᓲᖑᓗᐊᕐᒪᑕ.

ᐃᓐᖏᕈᑎᑦ 16:1

ᒎᑏ; ᓴᐳᑎᓚᐅᓐᖓ, ᐃᓕᖕᓂᒃ ᑕᑎᖃᕋᒪ.

ᐃᓐᖏᕈᑎᑦ 25:20

ᑕᕐᓂᕋ ᑲᒪᒋᒍᒃ, ᓴᐳᑎᓗᖓᓗ; ᑲᓐᖑᓱᒃᑎᑕᐅᑎᓐᓂᐊᕐᓇᖓ, ᐃᓕᖕᓂᒃ ᑕᑎᖃᕋᒪ.

ᐃᓐᖏᕈᑎᑦ 31:2

ᓯᐅᑏᑦ ᒪᓂᓚᐅᕈᒃ ᐅᕙᓐᓄᑦ, ᕾᓚᐅᕆᑦ ᑐᐊᕕᕐᓗᑎᑦ ᓴᐳᑎᓗᖓᓗ; ᕾᕐᑐᕆᒐᒃᑭᑦ ᕿᒫᕕᒋᓪᓗᑎᓪᓗ ᕿᒫᕕᒃᓴᕆᓗᑎᑦ ᓴᐳᑦᔭᐅᕕᒃᓴᕆᒐᒃᑭᑦ.

ᐃᓐᖏᕈᑎᑦ 43:1

ᒎᑏ, ᐊᑭᓂᐊᕈᑎᓚᐅᓐᖓ, ᐃᓅᖃᑎᒌᒡᔪᐊᓄᓪᓗ ᒎᑎᖃᖏᑦᑐᓄᑦ ᐱᓂᐊᕐᓂᓐᓂᒃ ᐅᖃᓪᓚᒍᑎᓗᖓ; ᓴᐳᑎᓗᖓᓗ ᐃᓄᖕᓂᑦ ᐅᐃᕕᕆᒃᓯᔪᓂᑦ ᓱᓕᖏᑦᑐᓂᒡᓗ ᐱᓂᐊᕐᓂᖃᕐᑐᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:19

ᖃᑕᓐᖑᑦ ᓂᓐᖎᔭᐅᔪᖅ ᓵᓚᒋᔭᕆᐊᖓ ᓴᐱᕐᓇᕐᓂᕐᓴᐅᕗᖅ ᐃᒡᓗᒐᓴᒡᔪᐊᓂᑦ, ᐂᕙᓃᓪᓗ ᐱᔭᕐᓂᖏᓐᓂᕐᓴᐅᓕᕐᐳᑦ ᐃᒡᓗᒐᓴᒡᔪᐊᑉ ᓴᐴᓗᑕᖏᓐᓂᑦ.

ᑖᓂᐊᓕᐅᑉ ᐊᒡᓚᖏᑦ 3:17

ᐃᒐᐅᑉ ᐃᑯᒪᔫᑉ ᐃᓗᐊᓄᑦ ᐃᒋᑕᐅᒍᑦᑕ, ᒎᑎᐅᑉ ᐱᔨᑦᓯᕐᑕᑦᑕ, ᓴᐳᑎᓂᐊᕐᐹᑎᒍᑦ ᑕᕝᕙᓐᖓᑦ, ᐃᕝᕕᓪᓗ ᐊᖓᔪᖅᑳᕐᔪᐊᖅ ᐱᔪᓐᓇᕐᓂᕐᓂᑦ ᓴᐳᑎᓂᐊᕆᕚᑎᒍᑦ.

ᕼᐆᓯᐊᑉ ᐊᒡᓚᖏᑦ 10:14

ᑍᒤᒻᒪᑦ ᐅᓇᑕᕐᓂᕐᒥᒃ ᓴᖅᑭᑦᑐᖃᕈᒫᕐᐳᖅ ᐃᓅᖃᑎᑦᓯᓐᓂ, ᓴᐴᓗᑕᓕᖁᑎᓕᒫᓯᓗ ᐊᓯᕈᕐᑕᐅᔪᒫᕐᐳᑦ, ᓵᓪᒪᓂᐅᑉ ᐅᓇᑕᕐᑎᓪᓗᒋᑦ ᐊᓯᕈᐃᓚᐅᕐᓯᒪᓂᖓᑐᑦ ᐱᑦ-ᐊᕐᐱᐅᓪᒥᒃ; ᐊᓈᓇᐅᔪᑦ ᒪᓂᖅᑲᒦᑦᑐᑦ ᑐᖁᑕᐅᓚᐅᕐᐳᑦ ᕿᑐᕐᖓᑎᒃ ᐃᓚᒋᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 6:13

ᐱᐅᓐᖏᑐᒥᒃ ᐱᔪᒥᓵᕐᑕᐅᑎᑦᑍᓕᑎᒍᑦ, ᓴᐳᑎᑎᒍᓪᓕ ᓵᑖᓇᓯᒥᑦ. [ᐊᑕᓂᐅᓂᖅ ᐊᔪᒐᖃᖏᓐᓂᕐᓗ ᐃᓅᖃᓐᓂᕐᔪᐊᕐᓂᕐᓗ ᐱᒋᒐᕕᒋᑦ ᐃᓱᖃᖏᑦᑐᒧᑦ, ᐋᒥᓐ.]’

ᒨᓯᓯ ᑕᓪᓕᒪᖏᑦ 22:6

“ᑎᖕᒥᐊᒧᑦ ᐃᕙᕕᖕᒥᒃ ᑕᑯᒍᕕᑦ, ᓇᐹᕐᑐᒥ ᐅᕝᕙᓗ ᓇᑎᕐᓇᒥ ᐊᕐᓇᕕᐊᒥᒃ ᐃᕙᔪᒥᒃ ᐅᕝᕙᓗ ᐱᐊᕋᖃᕐᑐᒥᒃ, ᑕᕝᕙ ᐊᓈᓇᖓ ᐱᐊᕋᖏᓪᓗ ᐱᓇᓱᐊᕐᑕᒃᓴᕆᓐᖏᓚᑎᑦ.

ᓴᒧᐃᓕ ᓯᕗᓪᓖᑦ 12:10

ᕿᐊᓪᓗᑎᒡᓗ ᑐᒃᓯᐊᓚᐅᕐᐳᑦ ᐊᑕᓂᕐᒧᑦ ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᐃᓕᖕᓂᑦ ᕿᒪᕉᑎᓚᐅᕐᐳᒍᑦ ᐊᑕᓃᖅ, ᒎᑎᓐᖑᐊᓄᓪᓗ ᑐᒃᓯᐊᓚᐅᕐᐳᒍᑦ ᐰᓕᒧᑦ ᐋᔅᑕᕉᑎᒧᓪᓗ; ᒫᓐᓇᓕ ᐱᐅᓕᓚᐅᕐᑎᒍᑦ ᐊᑭᕋᑦᑎᓐᓂᑦ, ᐃᓕᖕᓂᒡᓗ ᐱᔨᑦᓯᓕᕐᓂᐊᕐᐳᒍᑦ!’

ᓴᒧᐃᓕ ᓯᕗᓪᓖᑦ 24:15

ᑍᒤᒻᒪᑦ ᐊᑕᓂᖅ ᐃᖅᑲᕐᑐᐃᓕᕐᓕ, ᓇᓗᓁᕐᓯᓗᓂᓗ ᓇᓕᕐᐳᒃ ᐸᓯᔭᒃᓴᐅᖕᒪᖔᑦ, ᑕᑯᓕᕐᓕ ᐱᓂᐊᕐᓂᑦᑎᓐᓂᒃ, ᖃᐅᔨᓴᕐᓗᖓ, ᐱᐅᓕᓗᖓᓗ ᐊᒡᒐᖕᓂᑦ.”