ᒨᓯᓯ ᓯᕗᓪᓖᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᒎᑎ ᖃᐅᔨᒪᖕᒪᑦ ᑕᕝᕙᓐᖓᑦ ᓂᕆᒍᑦᓯᒃ ᐃᔨᓯᒃ ᐅᐃᓐᓂᐊᕐᒪᑎᒃ, ᒎᑎᑐᑦ ᑍᒤᓕᕐᓗᓯᒃ, ᖃᐅᔨᒪᓕᕐᓗᓯᒃ ᐱᐅᔪᒥᒃ ᐱᐅᖏᑦᑐᒥᒡᓗ.”

ᒨᓯᓯ ᓯᕗᓪᓖᑦ 3:5 Iomraidhean Croise

ᒨᓯᓯ ᓯᕗᓪᓖᑦ 2:17

ᓇᐹᕐᑐᒥᓪᓕ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑑᑉ ᐸᐅᕐᖓᖏᓐᓂᒃ ᓂᕆᔪᒃᓴᐅᓐᖏᓚᑎᑦ, ᓂᕆᕕᒋᒍᕕᐅᒃ ᐅᓪᓗᒥ ᑕᕝᕙᓂ ᑐᖁᔪᒫᕐᐳᑎᑦ.”

ᒨᓯᓯ ᓯᕗᓪᓖᑦ 2:9

ᓄᓇᒥᓪᓗ ᐊᑕᓂᖅ ᒎᑎ ᓇᐹᕐᑐᓂᒃ ᑕᒤᓐᓂᒃ ᐱᕈᕐᑎᑦᓯᕗᖅ ᑕᑯᒥᓇᕐᑐᓂᒃ ᓂᕿᒃᓴᐅᑦᓯᐊᕐᑐᓂᒃ, ᐱᕈᕐᓰᕕᐅᓪᓗ ᕿᑎᖓᓃᑦᑐᖃᕆᕗᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᓇᐹᕐᑐᖃᕆᓪᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑐᒥᒃ.

ᒨᓯᓯ ᓯᕗᓪᓖᑦ 3:10

ᐊᖑᓪᓗ ᑭᐅᕗᖅ, “ᑐᓴᕋᒪ ᐱᕈᕐᓰᕕᖕᒦᓐᓂᕐᓂᒃ, ᑲᑉᐱᐊᓱᒧᑦ ᐊᓐᓄᕌᖃᖏᓐᓂᓐᓂᒃ; ᐃᔨᕐᓯᒪᕗᖓ.”

ᒨᓯᓯ ᓯᕗᓪᓖᑦ 3:22

ᐊᑕᓂᕐᓗ ᒎᑎ ᐅᖃᕐᐳᖅ, “ᑕᑯᒋᑦ, ᐊᖑᒃ ᐅᕙᑦᑎᑐᑦ ᑍᒤᓕᕐᒪᑦ, ᖃᐅᔨᒪᓕᕐᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ; ᑎᒍᓯᑐᐃᓐᓇᕆᐊᖃᓕᕐᒪᑦ ᓇᐹᕐᑑᑉ ᐃᓅᓯᖃᕐᓇᕐᑑᑉ ᐸᐅᕐᖓᖓᓂᒃ ᓂᕆᓗᒍᓗ, ᐃᓅᓕᕐᓗᓂᓗ ᐃᓱᖃᖏᑦᑐᒧᑦ.”

ᒨᓯᓯ ᓯᕗᓪᓖᑦ 3:7

ᑕᕝᕙ ᐃᔨᖏᒃ ᐅᐃᑎᑕᐅᓕᕐᐴᒃ, ᖃᐅᔨᓕᕐᓗᑎᒡᓗ ᐊᓐᓄᕌᖃᖏᓐᓂᕐᒥᖕᓂᒃ; ᐱᒋᓖᓪᓗ ᐅᖃᐅᔭᖏᓐᓂᒃ ᒥᕐᓱᕐᓗᑎᒃ ᓵᓕᓴᓕᐅᕐᐴᒃ.

ᐊᑕᓃᑦ ᓯᕗᓪᓖᑦ 22:6

ᑕᕝᕙ ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖓᑕ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, 400 ᖃᓂᒋᔮᓃᑦᑐᑦ, ᐅᖃᐅᑎᕔᓪᓗ, “ᕌᒪᑦ-ᒋᓖᑦᒦᑦᑐᒧᑦ ᐅᓇᑕᕆᐊᕐᑐᒃᓴᐅᕗᖔ, ᐅᕝᕙᓗ ᐅᓇᑕᕆᐊᕆᐊᖃᓐᖏᓚᖓ?” ᑖᒃᑯᐊ ᐅᖃᐅᑎᕚᑦ, “ᐅᓇᑕᕆᐊᓕᕆᑦ; ᐊᑕᓂᐅᑉ ᑐᓂᔪᒫᕐᐹ ᐊᖓᔪᖅᑳᕐᔪᐊᕐᒧᑦ.”

ᑯᕉᓂᑲ ᐂᑉᐸᖏᑦ 32:15

ᒫᓐᓇ ᑍᒤᒻᒪᑦ ᕼᐃᓯᑬᐊᒧᑦ ᓯᓔᕐᕆᔭᐅᑦᑍᓕᒋᑦᓯ ᒪᓕᒃᓴᕐᑎᑦᑍᓕᓛᓯᓗ ᑕᒪᑐᒧᖓ, ᐅᒃᐱᕆᑦᑍᓕᓯᐅᒃ, ᐃᓅᖃᑎᒌᒡᔪᐊᑦ ᒎᑎᖏᑕ ᓇᓪᓕᐊᓐᓄᑦ ᐊᑕᓂᐅᕖᓪᓘᓐᓃᑦ ᓴᐳᑎᔭᐅᔪᖃᓚᐅᕐᓯᒪᖏᒻᒪᑕ ᐱᔪᓐᓇᕐᓂᓐᓂᑦ ᐅᕝᕙᓗ ᐊᑖᑕᒪ ᐱᔪᓐᓇᕐᓂᖓᓂᑦ. ᖃᓄᕐᓕ ᓴᐳᑎᔭᐅᓂᕐᓴᐅᔪᓐᓇᕐᐱᓰ ᒎᑎᑦᓯᓐᓄᑦ ᐱᔪᓐᓇᕐᓂᓐᓃᑦ?’”

ᐃᓐᖏᕈᑎᑦ 12:4

ᐃᒫᒃ ᐅᖃᕐᑐᑦ, “ᐅᖃᑦᑎᓐᓄᑦ ᓵᓚᖃᕈᒫᕐᐳᒍᑦ; ᖃᓂᕐᐳᑦ ᓇᖕᒥᓂᕆᒐᑦᑎᒍ: ᑭᐊ ᐊᖓᔪᖅᑳᖑᕝᕕᒋᕚᑎᒎᑦ?”

ᒨᓯᓯ ᐂᑉᐸᖏᑦ 20:7

“ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᒨᓯᓯ ᐂᑉᐸᖏᑦ 5:2

ᐰᕉᓕ ᐅᖃᕐᐳᖅ, “ᐊᑕᓂᖅ ᖃᓄᐃᑦᑑᖕᒪᑦ, ᑖᑦᓱᒪ ᐱᖁᔨᓂᖓ ᓈᓚᒋᐊᖃᕋᔭᕈᒃᑯ ᐃᓴᕆᐊᓕᒥᐅᓂᒃ ᐊᐅᓪᓚᕐᑎᑦᓯᔪᓐᓇᖁᓪᓗᖔ? ᑖᓐᓇ ᐊᑕᓂᐅᓂᕋᕐᑕᓯ ᖃᐅᔨᒪᓐᖏᓚᕋ, ᑍᒤᒻᒪᑦ ᐃᓴᕆᐊᓕᒥᐅᑦ ᐊᐅᓪᓚᖁᓂᐊᓐᖏᓚᒃᑲ.”

ᐂᓮᐊᓯᐅᑉ ᐊᒡᓚᖏᑦ 14:14

ᓄᕗᔧᑦ ᐳᕐᑐᓂᕐᐹᖓᑦᑕ ᐅᖓᑖᓄᐊᕐᓂᐊᕐᐳᖓ, ᖁᑦᓯᖕᓂᕐᐹᖅ ᐊᑦᔨᒋᔪᒪᕙᕋ.’

ᐃᓯᑭᐊᓕᐅᑉ ᐊᒡᓚᖏᑦ 13:22

“ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᐃᓯᑭᐊᓕᐅᑉ ᐊᒡᓚᖏᑦ 28:12

“ᐃᓅᑉ ᐃᕐᓂᖓ ᑍᕆᒥᐅᑦ ᐊᖓᔪᖅᑳᕐᔪᐊᖓᓄᑦ ᐅᒡᒍᐊᕈᑎᓕᐅᕆᑦ, ᐅᖃᐅᑎᓗᒍᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐋᖅᑭᒃᓯᓯᒪᑦᓯᐊᕈᓐᓇᕐᓂᖅ ᐱᓯᒪᓚᐅᕐᐸᑦ, ᓯᓚᑐᓂᖃᑦᓯᐊᕐᓗᑎᑦ ᑕᑯᒥᓇᕐᑑᓪᓗᑎᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 28:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐊᖓᔪᖅᑳᖓ ᐅᖃᐅᑎᒍᒃ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐆᒻᒪᑎᒃᑯᑦ ᐱᐅᔪᕆᒐᕕᑦ, ᐅᖃᓚᐅᕐᐳᑎᑦ, ‘ᒎᑎᐅᕗᖓ, ᒎᑏᑦ ᐃᒃᓯᕙᐅᑕᖏᓐᓂ ᐃᒃᓯᕚᕐᓗᖓ, ᐃᒪᕕᖕᓂᒃ ᐊᕙᑎᒥᐅᑕᖃᕐᑐᒥᒃ,’ ᐃᓄᑐᐃᓐᓇᐅᕗᑎᓪᓕ, ᒎᑎᐅᓇᑎᑦ, ᐃᓕᖕᓂᒃ ᒎᑎᑐᑦ ᓯᓚᑐᓇᓱᒋᒐᓗᐊᕐᐳᑎᑦ;

ᐃᓯᑭᐊᓕᐅᑉ ᐊᒡᓚᖏᑦ 28:9

ᑐᖁᑦᓯᔭᕐᑐᕐᑐᑦ ᓵᖏᓐᓂ ᓱᓕ ᒎᑎᐅᓂᕋᕈᒫᕐᐲᑦ? ᐃᓄᑐᐃᓐᓇᐅᒐᕕᑦ, ᒎᑎᐅᓇᒡᓗ, ᑐᖁᑦᓯᔭᕐᑐᕐᑐᑦ ᓵᖏᓐᓃᓕᕈᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᑖᓂᐊᓕᐅᑉ ᐊᒡᓚᖏᑦ 4:30

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᑖᓂᐊᓕᐅᑉ ᐊᒡᓚᖏᑦ 6:7

ᓄᓇᒧᑦ ᐊᐅᓚᑦᓯᔨᐅᑎᑕᑎᑦ ᐊᖓᔪᖅᑳᑦ, ᐊᖓᔪᖅᑳᖁᑎᑎᓪᓗ, ᐃᓱᒪᓕᐅᕐᑎᖁᑎᑎᓪᓗ, ᐊᐅᓚᑦᓯᔨᐅᔪᓪᓗ ᐊᖏᖃᑎᒌᖕᒪᑕ ᐊᖓᔪᖅᑳᕐᔪᐊᖅ ᐱᖁᔭᓕᐅᖁᓪᓗᒍ ᒪᓕᒃᑕᐅᔭᕆᐊᓕᖕᒥᒃ ᐊᑐᕐᑕᐅᔭᕆᐊᖃᓪᓚᕆᒡᓗᓂ ᐃᒤᓕᔪᒥᒃ, ᓇᓪᓕᐊᑦ ᑐᒃᓯᐊᕐᑐᖅ ᒎᑎᒧᑦ ᓇᓪᓕᐊᓐᓄᑐᐃᓐᓇᖅ ᐃᓄᖕᒧᓪᓘᓐᓂᑦ, ᐅᓪᓗᐃᑦ 30 ᐊᑯᓐᓂᖓᓂ, ᐃᕝᕕᑦ ᐊᖓᔪᖅᑳᕐᔪᐊᖅ ᐊᓯᖕᓄᑦ, ᓛᔧᑦ ᓯᑎᖓᓄᑦ ᐃᒋᑕᐅᔪᒃᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 6:23

ᐃᔩᒃᑭᒡᓕ ᑕᒃᐲᑦᑑᒃᐸᑎᒃ, ᑎᒥᓕᒫᑦ ᑖᕐᑐᒦᓐᓂᐊᕐᐳᖅ. ᖃᐅᒪᔪᖅ ᐃᓕᖕᓃᑦᑐᖅ ᑖᕐᓯᒃᐸᑦ, ᑖᕐᑐᒻᒪᕆᐊᓘᓂᐊᕐᐳᖅ!”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:3

ᐄᕕ ᖁᒡᓗᒋᐊᒧᑦ ᐱᖏᑦᓯᕐᑐᕐᑐᒧᑦ ᐅᐃᕕᕆᔭᐅᓚᐅᕐᒪᑦ, ᓯᕘᕋᕗᖓᓕ ᐃᓱᒪᓯᑦᑕᐅᖅ ᓴᖑᑎᑕᐅᓂᐊᕋᓱᒋᓪᓗᒋᑦ ᓱᓕᑦᓯᐊᕐᓂᕐᒥᑦ ᐃᒃᐱᒍᓱᒍᓐᓃᕐᑎᑕᐅᓂᕐᒧᑦ ᙭ᔅᑑᓯᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:4

ᑕᒪᑐᒪ ᓯᓚᕐᔪᐊᑉ ᒎᑎᖓᑕ ᐅᒃᐱᖏᑦᑐᑦ ᐃᓱᒪᖏᑦ ᑐᑭᓯᔪᓐᓇᕐᑎᓐᖏᓔᑦ, ᐅᖃᐅᓰᑦ ᑐᓴᕈᒥᓇᕐᑐᑦ ᖃᐅᒪᓂᖓᓂᒃ ᑕᑯᖁᓇᒋᑦ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓᓂᒃ, ᑖᑦᓱᒥᖓ ᒎᑎᐅᑉ ᐊᑦᔨᖓᓂᒃ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:4

ᑕᒤᓐᓂᒃ ᒎᑎᓂᒃ ᑍᔭᐅᔪᓕᒫᓂᒃ ᐊᑭᕋᕐᑐᕐᑐᕐᔪᐊᖅ ᐱᔨᑦᓯᕐᓂᕐᓂᒡᓗ, ᑕᒤᓐᓂᓪᓗ ᐃᒻᒥᓂᒃ ᐊᖏᓂᕐᐸᐅᑎᑦᑐᖅ, ᐊᒡᓛᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂ ᐃᒃᓯᕚᕆᐊᕐᑐᕈᒫᕐᐳᖅ, ᐃᒻᒥᓂᒃ ᒎᑎᐅᓂᕋᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:14

ᑲᒪᓇᕐᑐᓕᔪᓐᓇᕐᓂᕐᒥᓄᑦ ᓄᓇᕐᔪᐊᕐᒦᑦᑐᑦ ᐅᐃᕕᕐᕆᕔᑦ ᑲᒪᓇᕐᑐᓕᓂᕐᓂᒃ ᐱᓂᐊᕈᓐᓇᕐᑎᑕᐅᒐᒥ ᐆᒪᔪᐊᓘᑉ ᓯᕗᓪᓕᐅᑉ ᐱᔪᓐᓇᕐᓂᖓᒍᑦ, ᐆᒪᔪᐊᓗᒡᓗ ᓴᓇᖁᔨᕗᖅ ᐆᒪᔪᐊᓘᑉ ᐊᑦᔨᖓᓂᒃ ᐅᐱᒍᓲᑎᒋᔭᐅᔪᒃᓴᒥᒃ ᑖᑦᓱᒥᖓ ᐃᑭᓕᕐᑕᐅᓚᐅᕋᓗᐊᕐᓗᓂ ᑐᖁᓚᐅᖏᒻᒪᑦ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:4

ᐃᓄᐃᓪᓗ ᑐᕌᒎᓂ ᑐᒃᓯᐊᕐᕕᒋᕚᑦ, ᐱᔪᓐᓇᕐᓂᓕᒫᒥᓂᒃ ᑐᓂᓯᓚᐅᕐᒪᑦ ᐆᒪᔪᐊᓗᖕᒧᑦ, ᐆᒪᔪᐊᓗᒃᑕᐅᖅ ᑐᒃᓯᐊᕐᕕᐅᖃᑦᑕᕆᕗᖅ ᐃᓄᖕᓄᑦ ᐅᖃᕐᓗᑎᒃ, “ᐆᒪᔪᐊᓗᒃ ᑭᓇᒧᑦ ᐊᑦᔨᒋᔭᐅᔪᓐᓇᕐᐸ, ᑭᓇᓗ ᐅᓇᑕᕈᓐᓇᕐᐹ ᑖᑦᓱᒥᖓ?”

ᐃᓗᐊᕐᓮᔩᑦ ᐊᒡᓚᖏᑦ 3:2

ᑍᒤᓚᐅᕐᐳᖅ ᐃᓴᕆᐊᓕᐅᑉ ᑭᖑᕚᖏᑦ ᐃᓕᓐᓂᐊᕐᑎᑦᓱᒪᓪᓗᒋᑦ ᐅᓇᑕᕐᓂᕐᒥᒃ, ᐱᓗᐊᕐᑐᒥᒃ ᑖᒃᑯᐊ ᐅᓇᑕᖃᑕᐅᓚᐅᕐᓯᒪᖏᑦᑐᑦ.