ᒨᓯᓯ ᓯᕗᓪᓖᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᖑᒻᒧᓪᓗ ᐅᖃᕆᕗᖅ, “ᓄᓕᐊᕐᓂᒃ ᓈᓚᓚᐅᕋᕕᑦ, ᓇᐹᕐᑐᒥᓪᓗ ᓂᕆᓪᓗᑎᑦ ᐃᓂᕐᑎᕈᑎᒋᓚᐅᕐᑕᓐᓂᒃ ᐃᒫᒃ, ‘ᑖᓐᓇ ᓂᕆᕕᒋᑦᑍᓕᓯᐅᒃ,’ ᓄᓇᑦᑕᐅᖅ ᓇᕐᕈᓇᕐᓯᑎᑕᐅᓂᐊᓕᕐᐳᖅ ᐱᑦᔪᑎᒋᓪᓗᑎᑦ; ᐊᒃᓱᕈᕐᓗᑎᑦ ᓂᕿᒃᓴᕐᓯᐅᕐᐸᖕᓂᐊᓕᕐᐳᑎᑦ ᓄᓇᒥ ᐃᓅᓯᓕᒫᕐᓂ.

ᒨᓯᓯ ᓯᕗᓪᓖᑦ 3:17 Iomraidhean Croise

ᒨᓯᓯ ᓯᕗᓪᓖᑦ 3:11

ᑖᑦᓱᒪ ᐊᐱᕆᕚ, “ᑭᐊ ᐊᓐᓅᕋᖃᖏᓐᓂᕋᕐᓗᑎᑦ ᐅᖃᐅᑎᖕᒪᑎᑦ, ᓂᕆᓚᐅᕋᕖᑦ ᓇᐹᕐᑐᒥᑦ ᓂᕆᖁᓇᒃ ᐃᓂᕐᑎᕈᑎᒋᓚᐅᕐᑕᓐᓂᒃ?”

ᒨᓯᓯ ᓯᕗᓪᓖᑦ 3:18

ᑲᑭᓪᓚᕐᓇᕐᑐᑦ ᐅᕐᐱᒊᑦ ᐊᓯᖏᓪᓗ ᑲᑭᓪᓚᕐᓇᕐᑐᑦ ᓄᓇᖕᓂ ᐱᕈᖃᑦᑕᕈᒫᓕᕐᐳᑦ; ᓇᑎᕐᓇᒥᑦ ᐱᕈᕐᑐᓂᒃ ᓂᕿᖃᕐᐸᖕᓂᐊᓕᕐᐳᑎᑦ.

ᒨᓯᓯ ᓯᕗᓪᓖᑦ 3:6

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᒨᓯᓯ ᓯᕗᓪᓖᑦ 5:29

ᐊᑎᖃᕐᑎᓪᓗᒍᓗ ᓄᐊᒥᒃ, ᐅᖃᕐᓗᓂ, “ᑕᒫᓐᖓᑦ ᓄᓇᒥᑦ ᐊᑕᓂᐅᑉ ᓇᕐᕈᓇᕐᓯᑎᓚᐅᕐᑕᖓᓂᑦ, ᑖᓐᓇ ᓄᑕᕋᖅ ᐅᖁᒤᒃᓴᕐᓂᑦᑎᓐᓂᑦ ᓴᐳᑦᔨᔪᒫᕐᐳᖅ ᑕᒤᓐᓂᑦ ᐊᒃᓱᕈᕐᓗᑕ ᐱᓇᓱᐊᕐᓂᕆᕙᒃᑕᑦᑎᓐᓂᑦ.”

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᔫᐱᐅᑉ ᐊᒡᓚᖏᑦ 14:1

“ᐃᓄᒃ ᐊᕐᓇᒥᑦ ᐃᕐᓂᐊᖑᓯᒪᔪᖅ ᐅᓪᓗᖃᕐᐳᖅ ᓁᑦᑐᓂᒃ, ᐊᑲᐅᖏᑦᔪᑎᒃᓴᓂᒡᓗ ᑕᑕᓪᓗᓂ.

ᔫᐱᐅᑉ ᐊᒡᓚᖏᑦ 21:17

ᖃᓄᖅ ᐊᑯᓔᑎᒋᔪᒥᒃ ᓇᓂᕈᐊᖏᑦ ᖃᒥᑎᑕᐅᖃᑦᑕᕐᓯᒪᕚᑦ? ᓇᓪᓕᐊᓪᓘᓐᓃᑦ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᓚᐅᕐᓯᒪᕚ? ᒎᑎᐅᓪᓗ ᓂᓐᖓᒡᕕᒋᓗᓂᒋᑦ ᓱᒋᐊᓚᐅᕐᓯᒪᕙᒌᑦ?

ᐃᓐᖏᕈᑎᑦ 127:2

ᐊᑑᑎᖃᓐᖏᓚᖅ ᐅᓪᓛᒻᒪᕆᒃᑯᑦ ᒪᑭᓪᓗᓯ, ᐅᓐᓄᐊᓘᓕᕐᑎᓪᓗᒍ ᓯᓂᒐᓱᐊᓕᕐᓗᓯ, ᓂᕆᓗᓯᓗ ᓂᕆᔭᒃᓴᑦᓯᓐᓂᒃ ᐃᓱᒪᔮᕐᓗᓯ; ᐊᑕᓂᐅᑉ ᓇᒡᓕᒋᔭᓂ ᑐᓂᓯᕙᖕᒪᒋᑦ ᓯᓂᒃᑎᓪᓗᒋᑦ ᓱᓕ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:11

ᑕᒪᕐᒥᒡᓗ ᐊᒡᒐᓐᓄᑦ ᓴᓇᓚᐅᕐᑕᒃᑲ ᕿᒥᕐᕈᓚᐅᕋᒃᑭᑦ, ᑎᒥᒪᓗ ᓄᑭᖏᓐᓄᑦ ᐊᒃᓱᕈᕐᓗᖓ ᑕᒪᕐᒥᒃ ᓴᓇᓚᐅᕐᑕᒃᑲ; ᑕᒪᕐᒥ ᑭᓯᐊᓂ ᓱᕙᓕᑭᐊᑦ, ᐊᓄᕆᒥᒃ ᒪᓕᑐᐃᓐᓇᕐᑐᑐᑦ ᑍᒤᑉᐳᑦ. ᓱᓇᒥᒃ ᐱᕙᓪᓕᕈᑎᒥᒃ ᐱᑕᖃᓐᖏᓚᖅ ᓯᕿᓂᐅᑉ ᐊᑖᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:17

ᑍᒤᒻᒪᑦ ᐃᓅᓯᖅ ᐆᒥᒋᓚᐅᕐᐸᕋ ᐱᓇᓱᐊᒐᒃᓮᑦ ᓯᕿᓂᐅᑉ ᐊᑖᓂ ᐱᓇᓱᐊᕐᑕᐅᓲᑦ ᖁᕕᐊᒋᓚᐅᖏᓐᓇᑭᑦ, ᑕᒪᒃᑯᐊ ᑕᒪᕐᒥᒃ ᓱᕙᓕᑭᐊᖑᕗᑦ, ᐊᓄᕆᒥᒃ ᐊᖑᓯᓇᓱᑐᐃᓐᓇᕐᓂᐅᔮᕐᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:17

ᐅᓪᓗᓂᒃ ᐃᓅᓂᕐᒥᓂ ᓂᕆᕗᖅ ᑖᕐᑐᒥ, ᕿᒃᓵᖕᓂᖃᕐᓗᓂ ᐅᓄᕐᑐᓂᒃ ᖃᓂᒪᓂᖃᕐᓗᓂᓗ ᓂᓐᖓᐅᒪᓂᖃᕐᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 22:12

ᐊᖓᔪᖅᑳᕐᔪᐊᑉ ᐊᐱᕆᕚ, ‘ᐃᓚᓐᓈᒃ, ᖃᓄᖅ ᑕᕝᕗᓐᖓᕐᐲᑦ ᑲᑎᑎᑕᐅᔪᕐᓯᐅᑎᓂᒃ ᐊᓄᕌᕐᓯᒪᓇᑎᑦ?’ ᑖᓐᓇᓕ ᓂᓪᓕᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 25:45

ᑕᕝᕙ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᒥᑭᓐᓂᕐᐸᐅᔪᑦ ᐱᓇᓱᐊᕐᕕᒋᖏᓐᓇᑦᓯᐅᒃ, ᑕᕝᕙ ᐅᕙᓐᓂᒃ ᐱᓇᓱᐊᕐᕕᖃᓚᐅᓐᖏᓚᓯ.’

ᓘᑲᓯᐅᑉ ᐊᒡᓚᖏᑦ 19:22

ᐊᖓᔪᖅᑳᖓᑕ ᑭᐅᕚ, ‘ᐃᖅᑲᕐᑐᕐᓂᐊᕐᐸᒋᑦ ᐅᖃᐅᓯᕐᑎᑦ ᒪᓕᒡᓗᒋᑦ, ᐱᔨᑦᓯᐊᕙᐅᖏᑦᑐᑎᑦ! ᖃᐅᔨᒪᒐᕕᑦ ᓂᑲᒍᓱᖃᖏᑦᑐᖓ, ᐃᓕᓚᐅᖏᑕᒃᑲᓗ ᑎᒍᒐᒃᑭᑦ, ᑲᓐᖓᕐᓲᑎᒋᓚᐅᓐᖏᑕᒃᑲᓗ ᑲᑎᕐᓱᕋᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᐄᑉᕈᐃᓄᑦ 6:8

ᓄᓇᓕ ᑲᑭᓪᓚᕐᓇᕐᑐᓂᒃ ᐱᕈᕐᓂᕐᓗᒃᑐᓂᒡᓗ ᐱᕈᕐᕕᐅᒃᐸᑦ ᐊᑑᑎᒃᓴᖃᓐᖏᓚᖅ ᓇᕐᕈᒋᔭᐅᓂᖓ ᓇᓗᓇᕈᓐᓃᕐᐸᒃᐳᖅ. ᑭᖑᓪᓕᕐᐹᒥᒃ ᐃᑯᐊᓚᒐᒃᓴᑐᐃᓐᓇᐅᓕᕐᓗᓂ.