ᒨᓯᓯ ᓯᕗᓪᓖᑦ 3:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᕐᓇᒧᓪᓗ ᐅᖃᕐᐳᖅ, “ᐋᓐᓂᐊᕐᔪᐊᖃᑦᑕᕈᒫᓕᕐᐳᑎᑦ ᐃᕐᓂᓱᓕᕌᖓᕕᑦ; ᐋᓐᓂᐊᕐᓗᑎᑦ ᕿᑐᕐᖓᕐᑖᖃᑦᑕᕈᒫᓕᕐᐳᑎᑦ, ᑍᒤᒃᑲᓗᐊᕐᑎᓪᓗᒍ ᐅᐃᖕᓄᑦ ᐱᔪᒪᓂᕾᓐᓇᕐᓂᐊᕐᐳᑎᑦ, ᐅᐃᓪᓗ ᐊᖓᔪᖅᑳᖑᓂᐊᕐᐳᖅ ᐃᓕᖕᓄᑦ.”

ᒨᓯᓯ ᓯᕗᓪᓖᑦ 3:16 Iomraidhean Croise

ᒨᓯᓯ ᓯᕗᓪᓖᑦ 4:7

ᐊᑲᐅᔪᒥᒃ ᐱᓐᓂᕈᕕᑦ, ᐃᓚᓕᐅᕐᑕᐅᒐᔭᓐᖏᓚᑏᑦ? ᓈᒻᒪᖏᑦᑐᒥᒡᓕ ᐱᒍᕕᑦ, ᐊᔪᕐᑐᓕᓂᐅᑉ ᐅᑕᖅᑭᕚᑎᑦ ᐃᑎᕐᑕᕐᕕᖕᒥ; ᐃᓕᖕᓂᒡᓗ ᐱᔪᒪᓪᓗᓂ, ᐃᕝᕕᓪᓕ ᓵᓚᒋᔭᕆᐊᖃᕐᐸᑦ.”

ᑯᕉᓂᑲ ᓯᕗᓪᓖᑦ 4:9

ᔧᐹᔾᓕ ᐅᐱᓐᓇᕐᓂᕐᓴᐅᓚᐅᕐᐳᖅ ᖃᑕᓐᖑᑎᒥᓂᑦ, ᐊᓈᓇᖓᑕᓗ ᐊᑦᑎᕐᐹ ᔧᐹᑦᔨᒥᒃ, ᐅᖃᕐᓗᓂ, “ᐋᓐᓂᐊᓇᕐᑐᒃᑯᑦ ᐃᕐᓂᐊᕆᓚᐅᕋᒃᑯ.”

ᐃᔅᑕᐅᑉ ᐊᒡᓚᖏᑦ 1:20

ᐊᖓᔪᖅᑳᕐᔪᐊᓪᓗ ᐱᔪᓐᓇᕐᓂᕐᒥᓄᑦ ᐱᖁᔨᓂᖓ ᐃᓄᓕᒫᓄᑦ ᐊᖓᔪᖅᑲᐅᕕᖕᓃᑦᑐᓄᑦ ᓴᖅᑭᑎᑕᐅᓂᐊᕐᐳᖅ, ᓄᓇ ᐊᖏᔪᐊᓘᖕᒪᑦ, ᐊᕐᓇᓕᒫᑦ ᐅᐃᓖᑦ ᐅᐃᒥᖕᓂᒃ ᓈᓚᑦᓯᐊᖁᓪᓗᒋᑦ, ᐱᓪᓚᕇᑦ ᐱᓪᓚᕆᐅᖏᑦᑐᓪᓗ.”

ᐃᓐᖏᕈᑎᑦ 48:6

ᓴᔪᖕᓂᕐᒧᑦ ᐊᔪᓕᕋᒥᒃ ᑕᕝᕙᓂ, ᐋᓐᓂᐊᓂᕐᒧᓪᓗ, ᓲᕐᓗ ᐊᕐᓇᐅᑉ ᐃᕐᓂᓱᖕᓂᖓᑐᑦ.

ᐂᓮᐊᓯᐅᑉ ᐊᒡᓚᖏᑦ 13:8

ᑲᑉᐱᐊᓱᓕᕈᒫᕐᐳᓪᓗ. ᐋᓐᓂᕐᓇᕐᑐᕐᔪᐊᕐᒧᑦ ᓂᐹᓂᕐᒧᓪᓗ ᑎᑭᑕᐅᔪᒫᕐᐳᑦ; ᐋᓐᓂᐊᔪᐊᓘᔪᒫᕐᐳᑦ ᐊᕐᓇᑐᑦ ᐃᕐᓂᓱᒃᑐᑐᑦ; ᐃᕐᓯᓂᕐᒧᑦ ᐃᒻᒥᖕᓄᑦ ᑕᑯᓐᓇᖃᑦᑕᐅᑎᑐᐃᓐᓇᕈᒫᕐᐳᑦ; ᑮᓇᖏᓪᓗ ᑕᑯᒥᓁᓕᔪᒫᕐᐳᑦ ᐃᑯᒪᔪᑐᑦ.

ᐂᓮᐊᓯᐅᑉ ᐊᒡᓚᖏᑦ 21:3

ᑍᒤᒻᒪᑦ ᓈᒃᑲᒃ ᑕᑕᑉᐳᒃ ᐃᓱᒪᔮᕐᓂᕐᒥᒃ; ᐋᓐᓂᐊᓂᕐᒧᓪᓗ ᐊᔪᓕᕐᑎᑕᐅᕗᖓ, ᐃᕐᓂᓱᒃᑑᑉ ᐋᓐᓂᐊᓂᖓᑐᑦ; ᐅᑯᖓᓕᓂᕐᒧᑦ ᑐᓵᔪᓐᓃᕐᐳᖓ, ᐃᓱᒪᔮᕐᓂᕐᒧᓪᓗ ᑕᐅᑐᒍᓐᓃᕋᒪ.

ᐂᓮᐊᓯᐅᑉ ᐊᒡᓚᖏᑦ 53:11

ᑕᕐᓂᕐᒥᒍᑦ ᐊᒃᓱᕈᕐᓇᕐᑐᒦᑎᑕᐅᓂᖓᑕ ᐸᐅᕐᖓᖏᓐᓂᒃ ᑕᑯᔪᒫᕐᐳᖅ ᓈᒻᒪᒋᓗᒋᓪᓗ; ᖃᐅᔨᒪᓂᕐᒥᒍᑦ ᓇᓛᒎᕐᑐᖅ ᐱᔨᒐ ᐅᓄᕐᑐᓂᒃ ᐃᓱᐊᕐᓯᑎᑦᓯᔪᒫᕐᐳᖅ, ᐊᔪᕐᑐᓕᓂᖏᓐᓂᒃ ᐊᒡᔭᕐᓯᔪᒫᕐᒪᑦ.

ᔨᕆᒤᐊᐅᑉ ᐊᒡᓚᖏᑦ 13:21

ᖃᓄᕐᓕ ᐅᖃᕐᓂᐊᕐᐱᓰ? ᐊᖓᔪᖅᑲᕐᑖᕈᑦᓯ ᐃᑲᔪᕐᑎᒋᓂᐊᕋᓱᒋᓪᓗᒋᑦ ᐊᒡᓛᑦ ᐃᓕᓴᓚᐅᕐᑕᑦᓯᓐᓄᑦ ᑕᐱᕆᔪᒪᓪᓗᒋᑦ, ᑕᕝᕙ ᐋᓐᓂᐊᒐᔭᓐᖏᓚᓰ? ᐊᕐᓇᑎᑐᑦ ᐃᕐᓂᓱᒃᑐᑎᑐᑦ?

ᔨᕆᒤᐊᐅᑉ ᐊᒡᓚᖏᑦ 22:23

ᓕᐸᓇᓂᒥᐅᑕᐅᔪᓯ ᐃᒡᓗᖃᐅᑦᓯᐊᕐᑐᓯ ᕿᔪᑦᓯᐊᕙᖕᓂᒃ ᓰᑕᕆᓂᑦ ᓴᓇᓯᒪᔪᓂᒃ, ᐅᒡᒐᕐᓱᕈᒫᕐᐳᓯᓕ ᐋᓐᓂᐊᓇᕐᑐᒧᑦ ᑎᑭᑕᐅᓕᕈᑦᓯ, ᐊᕐᓇᑐᑦ ᐃᕐᓂᓱᒃᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 49:24

ᑕᒫᓯᑰᓯᒥᐅᑦ ᖁᐊᕐᓵᖓᓂᕐᒧᑦ ᓄᑭᖏᕈᑎᓕᕋᒥᒃ, ᕿᒪᒃᓯᕗᑦ, ᐅᐃᒻᒪᒃᐳᑦ ᐋᓐᓂᐊᓂᕐᒧᓪᓗ ᕿᒃᓵᒃᐳᑦ, ᐊᕐᓇᑎᑐᑦ ᐃᕐᓂᓱᒃᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 6:24

“ᑐᓴᐅᒪᓕᕋᑦᑎᒍ ᑕᓕᕗᑦ ᓄᑭᖃᕈᓐᓃᕐᐳᑦ, ᐃᓱᒫᓗᓕᕐᓗᑕᓗ ᐋᓐᓂᐊᓕᕐᐳᒍᑦ ᐊᕐᓇᐅᑉ ᐃᕐᓂᓱᒃᑑᑉ ᐋᓐᓂᐊᓂᖓᑐᑦ.

ᒨᓯᓯ ᓯᑕᒪᖏᑦ 30:13

ᐊᖏᖃᑎᒌᒍᑎᒋᓯᒪᔭᓕᒫᖏᑦ, ᐊᓯᑦᔨᕆᐊᖃᕐᓇᒋᓪᓗ ᐊᖏᕈᑎᕕᓂᖏᑦ ᐃᒻᒥᓄᑦ, ᐅᐃᖓᑕ ᑲᔪᓯᑎᑦᓱᓐᓇᕐᐰᑦ, ᐅᕝᕙᓘᓐᓃᑦ ᐊᑐᕈᓐᓁᕐᑎᑦᓱᓐᓇᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 16:21

ᐊᕐᓇᖅ ᓄᑕᕋᕐᑖᕋᓱᒃᑯᓂ ᕿᒃᓵᓕᕐᐳᖅ, ᓇᓪᓕᐅᓐᓂᖓ ᓇᓪᓕᐅᑎᖕᒪᑦ; ᓄᑕᕋᑯᓗᒡᓕ ᐃᕐᓂᐊᕆᔭᕇᕈᓂᐅᒃ, ᐃᓗᖏᕐᓱᕐᓂᕆᖅᑲᐅᔭᓂ ᐳᐃᒍᕐᐹ, ᖁᕕᐊᓱᓕᕐᐳᖅ ᓄᑕᕋᑯᓗᒃ ᐃᕐᓂᐊᖑᖕᒪᑦ ᓯᓚᕐᔪᐊᕐᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:3

ᖃᐅᔨᒪᖁᕙᑦᓯᓕ ᙭ᔅᑑᓯ ᐊᖑᑎᓕᒫᓄᑦ ᓂᐊᖁᕆᔭᐅᖕᒪᑦ, ᐊᖑᓪᓗ ᐊᕐᓇᒧᑦ ᓂᐊᖁᕆᔭᐅᓪᓗᓂ, ᙭ᔅᑑᓯᐅᓪᓗ ᒎᑎ ᓂᐊᖁᕆᕚ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 14:34

ᐊᕐᓁᑦ ᓂᐱᖃᕐᑐᒃᓴᐅᓐᖏᓚᑦ ᑲᑎᒪᔪᓂ. ᐅᖃᕐᕕᒃᓴᖃᕐᑎᑕᐅᔪᒃᓴᐅᓐᖏᓚᑦ, ᓈᓚᒃᑐᒃᓴᐅᕗᓪᓕ ᑕᓯᐅᕐᑎᐅᔪᓂᒃ ᑕᕝᕙᓂ; ᑍᒫᒃ ᐱᖁᔧᑦ ᐅᖃᕐᓯᒪᖕᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:4

ᐅᐃᓕᒃ ᑎᒥᒥᓄᑦ ᐊᖓᔪᖅᑳᖑᖏᒻᒪᑦ, ᐅᐃᖓᓕ ᐊᖓᔪᖅᑳᖑᕗᖅ; ᑍᒫᒃᑕᐅᖅ ᓄᓕᐊᓕᒃ ᑎᒥᒥᓄᑦ ᐊᖓᔪᖅᑳᖑᖏᓐᓂᕗᖅ, ᓄᓕᐊᖓᓕ ᐊᖓᔪᖅᑳᖑᕗᖅ.

ᑯᓘᓯᐊᒥᐅᓄᑦ 3:18

ᓄᓕᐊᖑᔪᓯ, ᐅᐃᑦᓯᓐᓄᑦ ᑐᓂᓯᒪᒋᑦᓯ, ᑕᒪᓐᓇ ᑍᒫᒃ ᓈᒻᒪᓈᕐᒪᑦ ᐊᑕᓂᕐᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.

ᑎᒧᑎᒧᑦ ᓯᕗᓪᓖᑦ 2:13

ᐋᑕᒥ ᓯᕗᓪᓕᐅᓪᓗᓂ ᐱᓐᖑᕐᑎᑕᐅᖄᓚᐅᕐᒪᑦ, ᑭᖑᓂᖓᒍᑦ ᐄᕕ;

ᑎᒧᑎᒧᑦ ᓯᕗᓪᓖᑦ 2:15

ᐊᕐᓇᕐᓕ ᐱᐅᓕᔭᐅᔪᒫᕐᐳᖅ ᕿᑐᕐᖓᕐᑖᖃᑦᑕᕐᓗᓂ, ᐅᒃᐱᕐᓂᕐᒦᖏᓇᕈᓂ ᓇᒡᓕᖕᓂᕐᒥᓗ ᐃᑦᔪᕐᓁᓐᓂᕐᒥᓗ, ᐱᐅᔪᕆᖏᓪᓗᓂ.

ᑍᑑᓯᒧᑦ 2:5

ᐃᒻᒥᖕᓂᒃ ᐱᓯᒪᑦᓯᐊᕈᓐᓇᕐᓗᑎᒃ, ᐃᑦᔪᕐᓁᓪᓗᑎᒃ, ᐃᒡᓗᒥᐅᖃᑎᒥᖕᓂᒃ ᑲᒪᑦᓯᐊᕐᓗᑎᒃ, ᐱᑦᓯᐊᕐᓗᑎᒃ, ᐃᒻᒥᖕᓂᒡᓗ ᑐᓂᓯᒪᑦᓯᐊᖁᓪᓗᒋᑦ ᐅᐃᒥᖕᓄᑦ, ᒎᑎᐅᑉ ᐅᖃᐅᓯᖏᑦ ᐅᖃᕐᓂᕐᓘᑕᐅᖁᓇᒋᑦ.