7 ᖃᐅᔨᓪᓗᓂᓗ ᔧᑯ ᓈᓚᒡᓗᓂ ᐊᑖᑕᒥᓂᒃ ᐊᓈᓇᒥᓂᒡᓗ ᐸᑖᓐ-ᐊᕋᒻᒧᐊᕐᓯᒪᓂᖓᓂᒃ.
ᐂᓴᑭ ᓄᓕᐊᓂᓚᐅᕐᐳᖅ ᕇᐱᑲᒥᒃ ᐊᕐᕌᒍᖃᓕᕐᓗᓂ 40ᓂᒃ, ᐱᑐᐃᓕᐅᑉ ᐸᓂᖓᓂᒃ ᐊᕋᒥᐊᒥᐅᑕᒥᒃ ᓄᓇᒥᑦ ᐸᑖᓐ-ᐊᕌᒻᒥ, ᓔᐸᓂᐅᑉ ᓇᔭᖓᓂᒃ ᐊᕋᒥᐊᒥᐅᑕᐅᑉ.
ᑍᒤᒻᒪᑦ, ᐃᕐᓃᒃ ᐅᖃᐅᓯᒃᑲ ᒪᓕᒃᑭᑦ, ᕿᒫᓗᑎᑦ ᐊᓂᓐᓄᐊᓕᕆᑦ ᓔᐸᓂᒧᑦ ᕼᐊᕋᓐᒥ ᓄᓇᖃᕐᑐᒧᑦ.
ᐄᓴᓗ ᖃᐅᔨᒐᒥ ᐂᓴᑭᐅᑉ ᔧᑯ ᓮᒻᒪᕐᑎᓯᒪᖕᒪᒍ ᐸᑖᓐ-ᐊᕋᒧᓪᓗ ᓄᓕᐊᕐᑖᕆᐊᕐᑐᖁᓪᓗᒍ ᑕᐅᕙᓐᖓᑦ, ᐅᖃᐅᑎᓚᐅᕐᒪᒍᓗ ᓮᒻᒪᕐᑎᓐᓇᒥᐅᒃ, “ᑬᓇᓂᒥᐅᑦ ᐊᕐᓇᖏᓐᓂᑦ ᓄᓕᐊᓂᒃᑍᓕᒋᑦ.”
ᐄᓴᓗ ᑐᑭᓯᓪᓗᓂ ᐊᑖᑕᖓ ᐂᓴᑭ ᖁᕕᐊᒋᔭᖃᖏᓐᓂᖓᓂᒃ ᐊᕐᓇᓂᒃ ᑬᓇᓂᒥᐅᑕᕐᓂᒃ.
“ᐊᑖᑕᖕᓂᒃ ᐊᓈᓇᖕᓂᒡᓗ ᑲᒪᑦᓯᐊᕐᑐᒃᓴᐅᕗᑎᑦ ᐊᑯᓂ ᐃᓅᖁᓪᓗᑎᑦ ᓄᓇᒥ ᐊᑕᓂᐅᑉ ᒎᑎᕕᑦ ᑐᓂᔭᖓᓂᒃ ᐃᓕᖕᓄᑦ.
ᐃᕐᓃᒃ ᓈᓚᑦᓯᐊᕆᑦ ᐊᑖᑕᕕ ᐃᓕᓮᓂᖏᓐᓂᒃ, ᐊᓈᓇᕕᓪᓗ ᐊᔪᕆᕐᑐᐃᑦᔪᑎᖏᓐᓂᒃ ᓇᕐᕈᓂᐊᕐᓇᒃ;
ᐃᔨ ᐊᑖᑕᒥᓂᒃ ᒥᑕᐅᑎᖃᕐᐸᒃᑐᖅ, ᐊᓈᓇᒥᓂᒡᓗ ᓈᓚᒍᒪᓇᓂ ᓱᐊᖓᕙᒃᑐᖅ, ᑐᓗᒐᕐᓄᑦ ᓇᕐᓴᒦᑦᑐᓄᑦ ᐃᔩᕐᑕᐅᔪᒫᕐᐳᖅ, ᑎᖕᒥᐊᓄᓪᓗ ᑎᒥᕕᓂᕐᑐᕐᑎᓄᑦ ᓂᕆᔭᐅᔪᒫᕐᐳᖅ.
ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.
ᓄᑕᕅᑦ ᐃᓕᑦᓯ, ᐊᖓᔪᖅᑳᓯ ᓈᓚᒃᓯᒋᒃ ᐊᑕᓂᕐᒥ, ᑕᒪᓐᓇ ᓈᒻᒪᒃᑐᒥᒃ ᐱᓇᓱᐊᕐᓂᐅᖕᒪᑦ.
“ᖃᓄᐃᖏᑦᓯᐊᖁᓪᓗᑎᑦ ᐊᑯᓂᓗ ᐃᓅᖁᓪᓗᑎᑦ ᓄᓇᒥ.”
ᕿᑐᕐᖓᐅᔪᓯ, ᐊᖓᔪᖅᑳᓯ ᓱᓇᓕᒫᓄᑦ ᓈᓚᒃᓯᒋᒃ, ᑕᒪᓐᓇ ᐊᑕᓂᐅᑉ ᐊᑲᐅᒋᖕᒪᒍ.