ᒨᓯᓯ ᓯᕗᓪᓖᑦ 28:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓯᓐᓇᒃᑐᕐᐳᕐᓗ ᑕᑯᓪᓗᓂ ᒪᔪᕋᐅᑎᓂᒃ ᓄᓇᒥᑦ, ᐃᓱᐊ ᕿᓚᖕᒧᑦ ᑎᑭᓯᒪᓪᓗᓂ; ᑕᑯᒋᓪᓗ ᒎᑎᐅᑉ ᐂᖏᓕᖏᑦ ᑕᒪᐅᓇ ᒪᔪᕋᕐᐸᒃᓗᑎᑦ ᐊᖅᑲᕐᑎᖃᑦᑕᕐᐳᑦ.

ᒨᓯᓯ ᓯᕗᓪᓖᑦ 28:12 Iomraidhean Croise

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 15:12

ᓯᕿᓂᕐᓕ ᐊᒃᐸᓕᕐᒪᑦ, ᐂᑉᕋᒻ ᐃᑎᔪᒥᒃ ᓯᓂᓕᕐᐳᖅ; ᑕᑯᒋᓪᓗ, ᑲᑉᐱᐊᓇᕐᑐᒥ ᑖᕐᑐᐊᓗᖕᒦᓕᕐᐳᖅ.

ᒨᓯᓯ ᓯᕗᓪᓖᑦ 20:3

ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᕐᐳᑎᑦ, ᐊᕐᓇᖅ ᐱᓚᐅᕐᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”

ᒨᓯᓯ ᓯᕗᓪᓖᑦ 41:1

ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ, ᐰᕉ ᓯᓐᓇᒃᑑᒪᓚᐅᕐᐳᖅ; ᑰᒑᓘᑉ ᓁᓕᐅᑉ ᓴᓂᐊᓂ ᓇᖏᕐᓗᓂ,

ᐊᑕᓃᑦ ᓯᕗᓪᓖᑦ 19:5

ᑕᕝᕙᓂᓗ ᓇᓚᓪᓗᓂ ᓯᓂᓕᕐᐳᖅ ᓇᐹᕐᑑᑉ ᐳᕉᒻᒥᒃ ᐊᑎᓕᐅᑉ ᑕᕐᕋᓕᓂᖓᓂ; ᑕᑯᒋᓪᓗ, ᐂᖏᓕᐅᑉ ᐊᒃᑐᕐᐹ, ᐅᖃᐅᑎᓪᓗᒍᓗ, “ᒪᑭᓪᓗᑎᑦ ᓂᕆᓕᕆᑦ.”

ᑯᕉᓂᑲ ᐂᑉᐸᖏᑦ 16:9

ᐊᑕᓂᖅ ᒫᓐᖓᑦ ᑕᐅᕗᖓ ᓄᓇᕐᔪᐊᓕᒫᒥᒃ ᑕᑯᓐᓇᕐᒪᑦ, ᓲᖑᓂᕐᒥᓂᒃ ᑕᑯᑎᑦᓯᔪᒪᓪᓗᓂ ᐆᒻᒪᑎᒥᒍᑦ ᐃᒃᐱᒍᓱᑦᓯᐊᕐᑐᓄᑦ ᑖᑦᓱᒥᖓ. ᐱᓂᐊᕐᓃᑦ ᑕᒪᑐᒧᖓ ᓯᓔᑦᑑᓚᐅᕐᒪᑦ; ᑍᒤᒻᒪᑦ ᒫᓐᓇᒥᑦ ᐱᒋᐊᕐᓗᒍ ᐅᓇᑍᓐᓇᕐᓂᐊᓕᕐᐳᑎᑦ.”

ᐂᓮᐊᓯᐅᑉ ᐊᒡᓚᖏᑦ 41:10

ᑲᑉᐱᐊᓱᒃᑍᓕᒋᑦ, ᓇᔪᕋᒃᑭᑦ; ᓴᐱᕐᑍᓕᒋᑦ ᒎᑎᒋᒐᕕᖓ; ᐱᔪᓐᓇᕐᑎᓐᓂᐊᕐᐸᒋᑦ ᐄᓛᒃ ᐃᑲᔪᕐᓂᐊᕐᐸᒋᑦ, ᒪᑭᑕᑎᓐᓂᐊᕐᐸᒋᑦ ᐊᒡᒐᓐᓄᑦ ᑕᓕᕐᐱᓐᓄᑦ ᓵᓚᖃᕐᓯᒪᔪᒧᑦ.

ᑖᓂᐊᓕᐅᑉ ᐊᒡᓚᖏᑦ 7:1

ᐊᕐᕌᒍᑦ ᓯᕗᓪᓕᕐᐹᖓᓐᓂᒃ ᐱᐅᓪᓴᔭᐅᑉ ᐹᐱᓘᓂᒥ ᐊᖓᔪᖅᑳᕐᔪᐊᖑᓂᖓᓂ, ᑖᓂᐊᓕ ᓯᓐᓇᒃᑐᓚᐅᕐᐳᖅ ᑕᑯᑎᑕᐅᓪᓗᓂᓗ ᐃᒡᓕᕐᒥᓂ ᓇᓚᑎᓪᓗᒍ. ᐃᒫᒃ ᓯᓐᓇᒃᑐᕐᒥᓂᒃ ᑎᑎᕋᓚᐅᕐᐳᖅ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᒫᑎᐅᓯᐅᑉ ᐊᒡᓚᖏᑦ 1:20

ᑕᒪᑐᒥᖓ ᐃᓱᒪᖃᓕᕐᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᓂᖓ, ᓯᕘᕋᓂᐊᕐᓇᒃ ᒥᐊᕆᒥᒃ ᓄᓕᐊᕐᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 2:19

ᐃᕉᑕᓯ ᑐᖁᖕᒪᑦ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ ᐄᑦᔨᑉᑎᒦᑎᓪᓗᒍ ᓱᓕ, ᐅᖃᐅᑎᓪᓗᒍ,

ᔪᐊᓇᓯᐅᑉ ᐊᒡᓚᖏᑦ 1:51

ᐅᖃᐅᑎᓪᓗᒋᓪᓗ, “ᓱᓕᑦᓯᐊᕐᑐᒥᒃ ᐅᖃᐅᑎᕙᑦᓯ, ᕿᓚᒃ ᐊᖕᒪᕐᑐᖅ ᑕᑯᔪᒫᕐᐸᓯ, ᒎᑎᐅᓪᓗ ᐂᖏᓕᖏᑦ ᒪᔪᕋᕐᑐᑦ ᐊᖅᑲᕐᑎᕐᑐᓪᓗ ᐃᓅᑉ ᐃᕐᓂᖓᓄᑦ.”

ᐄᑉᕈᐃᓄᑦ 1:1

ᑍᑦᓱᒪᓂ ᒎᑎᐅᑉ ᓯᕗᓕᕆᓚᐅᕐᑕᕗᑦ ᐅᓄᕐᑐᐃᕐᓱᕐᓗᓂ ᐅᖃᕐᕕᒋᖃᑦᑕᓚᐅᕐᒪᒋᑦ ᓇᓚᐅᑦᑍᔪᑎᒍᑦ ᐊᑦᔨᒌᖏᑦᑐᑎᒍᑦ ᐱᓇᓱᐊᕐᓗᓂ;

ᐄᑉᕈᐃᓄᑦ 1:14

ᐂᖏᓖᓪᓕ ᐊᓂᕐᓂᐅᕗᑦ ᑎᓕᔭᐅᓯᒪᔪᑦ ᐱᔨᑦᓯᖁᓪᓗᒋᑦ, ᐃᑲᔪᕐᑎᐅᖁᓪᓗᒋᑦ ᐱᐅᓕᔭᐅᓂᕐᒥᒃ ᑭᖑᕐᖑᑦᔨᓂᐊᕐᑐᓄᑦ.