ᒨᓯᓯ ᓯᕗᓪᓖᑦ 26:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑕᕝᕙ ᑕᒫᓂ ᓄᓇᓕᒫᒥ ᑳᖕᓇᕐᑐᕐᔪᐊᖑᓕᕆᕗᖅ, ᓯᕗᓂᖓᒍᑦ ᑍᒤᓚᐅᕐᓂᕐᒥᑐᑦ ᐂᑉᕋᕼᐋᒻ ᐃᓅᑎᓪᓗᒍ. ᐂᓴᑭᓗ ᓄᓇᒧᑦ ᒋᕌᕆᒧᐊᕐᐳᖅ, ᐊᐱᒥᓕᑭᒧᐊᕐᓗᓂ ᐱᓕᔅᑍᓂᒥ ᐊᖓᔪᖅᑳᕐᔪᐊᖑᔪᒧᑦ.

ᒨᓯᓯ ᓯᕗᓪᓖᑦ 26:1 Iomraidhean Croise

ᒨᓯᓯ ᓯᕗᓪᓖᑦ 12:10

ᑍᑦᓱᒪᓂᓕ ᓄᓇᒥ ᑳᖕᓇᕐᑐᕐᔪᐊᖃᓚᐅᕐᐳᖅ, ᑕᕝᕙ ᐂᑉᕋᒻ ᐊᐅᓪᓚᓚᐅᕐᐳᖅ ᐄᑦᔨᑉᑎᒧᑦ ᓄᓇᖃᑬᓐᓇᕆᐊᕐᑐᕐᓗᓂ, ᓄᓇᒥ ᑳᖕᓇᕐᑐᕐᔪᐊᖅ ᐱᕙᓪᓕᐊᑐᐃᓐᓇᕐᒪᑦ.

ᒨᓯᓯ ᓯᕗᓪᓖᑦ 25:11

ᐂᑉᕋᕼᐋᒻᓗ ᑐᖁᓯᒪᓕᕐᑎᓪᓗᒍ, ᐃᕐᓂᖓ ᐂᓴᑭ ᒎᑎᐅᑉ ᓮᒻᒪᕐᑎᓚᐅᕐᐹ. ᐂᓴᑭᓗ ᓄᓇᖃᓚᐅᕐᐳᖅ ᐱᐊᕐ-ᓚᕼᐂ-ᕈᐂᒥ.

ᒨᓯᓯ ᓯᕗᓪᓖᑦ 25:34

ᑕᕝᕙ ᔧᑰᑉ ᐄᓴ ᓂᐊᖂᔭᒥᒃ ᑐᓐᓂᕆᕚ ᖃᔪᓕᐊᒥᓂᒡᓗ ᐱᕈᕐᑐᓂᒃ ᓕᓐᑎᓪᓯᓂᒃ ᐊᑎᖃᕐᑐᒥᒃ ᐃᓚᓕᖕᒥᒃ, ᓂᕆᕗᖅ ᐃᒥᕐᓗᓂᓗ, ᒪᑭᓐᓇᒥ ᑕᕝᕙᓐᖓᑦ ᐅᐸᒃᑕᒥᓄᐊᕆᓪᓗᓂ. ᑍᒫᒃ ᐄᓴᐅᑉ ᐊᖓᔪᒃᓯᐅᓂᓂ ᖁᔭᓈᓚᐅᕐᐹ.

ᒨᓯᓯ ᓯᕗᓪᓖᑦ 42:5

ᑕᕝᕙ ᐃᓴᕆᐊᓕᐅᑉ ᐃᕐᓂᖏᑦ ᓂᐅᕕᕆᐊᕐᑐᓄᑦ ᐃᓚᒋᔭᐅᓚᐅᕐᐳᑦ, ᐃᓄᖕᓄᑦ ᐊᓯᒥᖕᓄᑦ ᓂᐅᕕᕆᐊᕐᑐᓄᑦ, ᓄᓇ ᑬᓇᓂᒥ ᑳᖕᓇᕐᑐᕐᔪᐊᕐᒧᑦ ᑎᑭᑕᐅᓚᐅᕐᒥᖕᒪᑦ.

ᒨᓯᓯ ᓯᕗᓪᓖᑦ 43:1

ᑳᖕᓇᕐᑐᕐᔪᐊᕐᓕ ᓄᓇᒧᑦ ᐱᕙᓪᓕᐊᑐᐃᓐᓇᕐᐳᖅ.

ᓴᒧᐃᓕ ᐂᑉᐸᖏᑦ 21:1

ᑍᕕᑎᐅᑉ ᐊᐅᓚᑦᓯᓂᖓᑕ ᐃᓚᖓᓂ ᑳᖕᓇᕐᑐᕐᔪᐊᖃᓚᐅᕐᐳᖅ ᐊᕐᕌᒍᓂᒃ ᐱᖓᓱᓂᒃ, ᑍᕕᑎᓗ ᐊᑕᓂᕐᒧᑦ ᖃᐅᔨᓇᓱᐊᖃᑦᑕᓚᐅᕐᐳᖅ ᑕᒪᓐᓇ ᐱᓪᓗᒍ, ᐊᑕᓂᕐᓗ ᐅᖃᕐᐳᖅ, “ᓴᐅᓕᒃᑯᑦ ᐃᓚᖏᓪᓗ ᐸᓯᔭᒃᓴᐅᕗᑦ ᑐᖁᑦᓯᓂᕐᒧᑦ; ᒋᐱᐅᓁᑎᒥᐅᑦ ᑐᖁᑕᐅᑎᓚᐅᕐᓯᒪᖕᒪᒋᑦ.”

ᒨᓯᓯ ᐂᑉᐸᖏᑦ 33:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᓄᓇᒥᑦ ᓇᔪᕐᑕᑦᓯᓐᓂᑦ ᐊᐅᓪᓚᓕᕆᑦᓯ ᐃᓄᒐᓴᒃᔪᐊᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎ ᐃᓚᒋᓗᖏᑦ, ᓄᓇᒧᑦ ᐂᓕᕐᓗᓯ ᐊᖏᕈᑎᒋᓯᒪᔭᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ ᑭᖑᕚᖏᓐᓄᓪᓗ.

ᕉᑎᐅᑉ ᐅᓂᒃᑲᐅᓯᓂᖓ 1:1

ᑍᑦᓱᒪᓂᐊᓗᒃ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖃᓚᐅᕐᑎᓐᓇᒋᑦ ᐃᓱᐊᕐᓮᔨᓄᑦ ᓱᓕ ᐊᐅᓚᑕᐅᑎᓪᓗᒋᑦ, ᑳᖕᓇᕐᑐᕐᔪᐊᖃᓕᓚᐅᕐᐳᖅ ᓄᓇᒥ. ᐊᖑᑦ ᐱᑦᓕᐊᒥᐅᑕᖅ ᔫᑕᒦᑦᑐᒥᑦ ᐃᓔᒥᓕᑭ ᓄᓕᐊᖓᓗ ᓁᐅᒥ ᐃᕐᓂᖏᒡᓗ ᒪᕐᕉᒃ ᒪᓛᓂ ᑭᓕᐊᓂᓗ ᐊᐅᓪᓚᓚᐅᕐᐳᑦ ᒧᐊᐱᒥᐅᑦ ᓄᓇᖓᓄᑦ.